هوي ياكيزان يا حرامية... جاكم البلاء

Quote: عندي جاري على طول في نقد وكره دائما للكيزان ودائما ما ندخل مع بعضنا البعض في نقاشات حادة وأول ما تم السقوط للحكومة جاني جم بيتنا وقعد يكورك لي "الكيزان سقطو نشوفك تاني حتقبل وين " ودار الزمن والأيام وفي القريب العاجل حصل ليهو ظهور إعراض فتاك للمرة الثانية وقبل كده عمل عملية قبل سنة ونص فسألنى قريب دا ما طالعين مظاهرات ؟ فقلت ليه بتسال ؟ قال لي عايز اطلع معاكم استغربت طبعا شديد وقلت ليهو مالك فجاة كده غيرت منهجك ؟ قال لي مشيت اشوف برنامج الفتاك وقرروا لي عملية ولمن عملت الفحوصات لقيت الحصيلة بتاعتها مايقارب الــ(4000) خارج رسوم العملية فقلت مامشكلة نعملا, بعديها قال لي بعد ماعملت الفحوصات مشيت للدكتور قال لي تمام كده بس مافاضل ليك الا العملية وحاليا المستشفى قلبها واقف وماف طريقة الا في شهر واحد ولمن سالتو من رسوم العملية سعرها كم قال ليهو (10,000)ج فقال لي والله انا لمن عملت العملية الأولى كلفت معاي بالفحوصات وكل المنصرفات (1000)ج بس