♧حِينمَا تُطْفَؤُ الأنْوَارُ تبيتُ نساءُ العالمين سَوَاسِيةً كَأَسْنَانِ المِشْطِ£

Quote: {41} كتب أبو أرهاف: [} مشكور جدا حبيبنا ود الأصيل ، على الموضوع الجريء والطرح القيم ,, و سامع مرات بلفبوك بابن البادية ما عارف اذا كانت بينك وبين ابن الباديه (صلاح) صلة قرابة؟! و لكن إذا لم تكن هناك علاقة بينكما فكلاكما فنانان.من خلال طرحك للموضوع ( تساوي النساء عندما تطفؤ الانوار ) عندى صاحبى و كان من متناولى الكاس .. بيشرب يعنى و ما كانمتزوج و حتى كتابة هذه المداخلة لم يزل .. صاحبنا دا يوم مديها عيار من النوع التقيل فقمت قت ليه ياخى ليه ماداير تتزوج ؟ و السؤال أنا اخترو اللحظ دى بالزات عشان يفضفض و يقوم قول لى انا داير واحده بس ما قادر يتقدم ليها و لا حاجة. [} فلامن سألتو قال لى ياخى اتزوج منو ؟ قلت ليه ما البنات كتار .. بس شوف المناسبه ليك و أتقدم ليها .. قال لى ما لاقى اى واحده مناسبة قمت قت ليه عرس ليك اى واحده وانت ما سمعت بالمثل البيقول لمن تتطفئ الانوار كل الحريم بيكونو زى بعض .. قام قال لى يعنى دايرنى اعرس لى واحده بس اقفلا فى اوضه مضلمه اجى بس بالليل انوم معاها ولا شنو ؟ قلت ليه لا ياخى الموضوع ما كدا، وقبل ما ا تم كلامى قاطعنى قال لى طيب اعرس لى اتنين يعنى ؟ واحده سمحه خالص والتانيه قول ما سمحه عاديه يعنى اقول ليهم خشو الاوضه وطفو النور وما فى واحده تفتح خشما عشان ما اميز يا تا السمحه ويا تا ما السمحه ولا شنو ؟ هوي يا زول الكلام دا أنا ما مقتنع بيه كان عندك شغله أمشي سويها قمت قلت ليه ياخى الرسول (ص) ما قال الناس متساويه كأسنان المشط ؟ سكت مسافه قام قال لى: تعال المشط اسنانو متساويه صح ؟ قت ليه صح , قال لى المشط فى جيهه أسنانو شويه طخينه والجهه التانيه اسنانو رهيفه قال لى صح ؟ قلت ليه صح قال لى كل زول بمشط شعرو بالجهه المناسبه مع شعرو يعنى انت لو شعرك قرقد بتسرح بى جيهه الأسنان التخان عشان ما يمسك شعرك الجيهه التانيه الرهيفة، و إن كان شعرك من الناس الشعرن ناعمبتسرح بى جيهه اسنان المشط الرهيفه دى ما دايره لبيهاأى كلام .. يبقو الحريم زاتم نوعين ..واحدات رهافوواحدات سمان عشان كدا انا محتار اعرس سمينهو لا أعرس رهيفة؟ ( وقلت جوا لنفسي أنت عارف المعلم دا عشان أجيب راسو إلا أمشي زاتي أضرب لى كاسة و أجيهو راجع طاشم)