Post: #2 Title: Re: الدقيق الإسرائيلي وصل أي زول ضد التطبيع م Author: abdulhalim altilib Date: 10-28-2020, 07:37 AM Parent: #1
أ×ي العزيز عثمان موسى سلامي وتحياتي ،،،
الله يجازي محنك يازول .. هههه تصدق ، قريت العنوان ، قلت كدي النشوف وصل كيف ومتين والجابو منو دقيق جماعة نتينياهو .. ثم .. حدس ما حدس .. وفوجئت بيهو دقيقنا الزمااااان ياهو ذاتو !؟ بس رغيف الخرتوم زمااااان كان طعموا غير .. لأنو كان معمول في الزمن الجميل !؟ .
مودتي ،،،
( ليمو )
Post: #5 Title: Re: الدقيق الإسرائيلي وصل أي زول ضد التطبيع م Author: Osman Musa Date: 10-28-2020, 10:55 AM Parent: #2
أخونا أستاذ عبدالحليم ( ليمو) سلام الناس في صف رغيف نتنياهو ما حست بي تعب الانشرارة الطويلة وهي تتابع في صوت صاحب الكارو الساخر . زوج المرتين وهو يردد في الأغنية الخالدة اغنية حسن عطية فراق الزين ونار البين . المدهش في صاحب الكارو خلاف انو زول كوميديان برضو صوتو جميل . صاحب الكارو يا عبدالحليم دخل من عندو في الأغنية . ( أحب العيش والجابو .. وانا مساهر ( واحبو ترامب واحبابو .. وانا مساهر ( واحب حمدوك .. واصحابو ... وتستمر الزهللة والأحلام بوطن واقف على حيلو
Post: #3 Title: Re: الدقيق الإسرائيلي وصل أي زول ضد التطبيع م Author: عمر عيسى محمد أحمد Date: 10-28-2020, 08:19 AM Parent: #1
الأخ الفاضل / Osman Musa لكم تحيات المودة والإخاء
عندما قرأت عنوانكم : ( الدقيق الإسرائيلي وصل أي زول ضد التطبيع ما يضايقنا في الأفران ! ) :
ضحكت كثيراً وتذكرت تلك ( النكتة ) القديمة التي تحكي عن الدجاجة وكتاكيتها .. حيث يقال أنه في يوم من الأيام عندما شاهدت الدجاجة ( صقراً ) في السماء صرخت بشدة ثم ركضت بكتاكيتها نحو داخل الغرفة .. ومنذ تلك اللحظة فإن تلك الدجاجة وكتاكيتها كانوا يمارسون ذلك الركض نحو الداخل كلما يشاهدون الصقر في السماء .. وفي ذات يوم توقفت ( كتكوتة ) صغيرة فجأة ثم سألت أمها قائلة : ( نحن صغار الكتاكيت نركض حتى لا يخطفنا ذلك الصقر .. فلماذا تركضين معنا يا أمنا ونحن نعلم أن ذلك الصقر لا يستطيع أن يخطفك ؟؟؟ ) .. فقالت الدجاجة الأم : تلك قصة طويلة .. حيث أن أقدامي قد تعودت على ذلك الركض منذ أن كنت كتكوته صغيرة مثلكم في الصغر ،، ولذلك فإن أقدامي تركض تلقائياً ودون إذني لمجرد مشاهدة الصقر في كبد السماء !! .
وأنا عندما قرأت عنوانكم ضحكت وقلت في نفسي ( ولماذا نتزاحم مرة أخرى عند الأفران ونضايق بعضنا البعض كالعادة في حال توفر ذلك الدقيق الإسرائيلي ؟؟ .. أم أن ذلك التواجد أمام الأفران قد أصبح فرضاً على الإنسان السوداني بحكم تلك العادة الطويلة ؟؟.. وأنا أخشى في يوم من الأيام أن لا يكون للخبز طعم ولذة إذا اشتريناه من الدكاكين بطريقة عادية وطبيعية دون تلك الوقفة الطويلة أمام المخابز !!.. وحينها سوف نقول للأبناء أذهبوا بهذا الخبز وقفوا به أمام المخابز لساعة أو ساعتين ثم عودوا به حتى يكتسب نوعاً المذاق الطيب المعهود !! .
وفي الختام لكم خالص التحيات
Post: #4 Title: Re: الدقيق الإسرائيلي وصل أي زول ضد التطبيع م Author: عبيد الطيب Date: 10-28-2020, 09:08 AM Parent: #3
تحياتي أخي عثمان موسى وسلام ومعزة بلحيل بناكلو تب دقيق نتنياهو وماتنسى سنة الجفاف أكلنا (عيش ريقن) وفي عرفنا (الناس ب الناس / والكل ب رب العالمين) وريقن ذاتو سنة الجفاف غنينا عليهو: (عمَّك ريقَنْ اللَّسَد المِرَبْعِنْ كامِن وقالج ام قُجَّه في العقَبَة ام صغورَن حامِن دفَر العيش كتير خلا العَقُل مِطَّامِن وعيبو الفيهو عيل بي الرسول مو مآمِن ريقن اني سَمْيتُو كَارِبْ زِنْدِو واتْحَيَّرْتَ في العيش والدَّقيق العِنْدُو العتاَّله ديلا يدلُّوا ديلا يِسِندُّوا والقسّام يقسِّم والدِهِن هيلندو )
Post: #6 Title: Re: الدقيق الإسرائيلي وصل أي زول ضد التطبيع م Author: Hafiz Bashir Date: 10-28-2020, 12:12 PM Parent: #4
يا سلام يا عثمان موسى، قبل تلاتة أيام أكلت ماتسا بملاح تقلية، حاجة ما تخلص. والعجب كمان لو جربتها ببامية مفروكة، ما بتدي الجنبك المشكلة المطاعم الشعبية في حلتنا مصرين ما يقدمو خبز الماتسا إلا في ليلة بيتساخ إلتزاماً بالطقوس اليهودية.
يا عاطف عمر قلت لي حاج الماحي غنى لعيش ريغان؟
Post: #11 Title: Re: الدقيق الإسرائيلي وصل أي زول ضد التطبيع م Author: Osman Musa Date: 10-28-2020, 09:04 PM Parent: #6
الأخ الفنان حافظ سلام الماتسا ما جربتها . لكن هم أهل الطبيخ عموم . وطعامهم عندنا حلال . طبعا فلافل ( الجوش ) فلافل مبالغة . عندهم مطعم في شارع البرود وي بين ال 37 و ال 38 . المطعم شغال 24 ساعة فلافل وشاورما وفتوش ولبن رووب. في فرع من المطعم دا في بروكلن كوني ايلاند افينيو . و فلافل اليهود نفس طعم الفلافل السورية . .. تحياتي
Post: #14 Title: Re: الدقيق الإسرائيلي وصل أي زول ضد التطبيع م Author: Osman Musa Date: 10-29-2020, 06:44 AM Parent: #4
عزيزنا الأخ عبيد سلام عمك الرئيس ريجان طلع هندي أحمر جلابية لمان جلب لينا القمح المخلوط بالعيش ريف . انشاءالله في ميزان حسناتو . وعقبو السياسي العتيد عمك بوش الكبير الكان في داك الزمان وزير دفاع ريجان. بوش الكبير جاب لينا الفول وعرف الشعب في ديك الأيام وجبة البوش الشهيرة . ربك يجيب ويعمم السلام يا العبيد اخوي . ويكفينا شرور الحروب . تحياتي
Post: #7 Title: Re: الدقيق الإسرائيلي وصل أي زول ضد التطبيع م Author: Osman Musa Date: 10-28-2020, 03:37 PM Parent: #3
عزيزنا الأخ عمر سلامات اكيد سمعتبيها قصة الحب النبتت بي سبب ابتسامة في طابور الرغيف و الانتهب بالزواج . بين شاب طوابير وشابة طابور . الشباب ديل بعد 9 شهور جابو تيمان سموهم عيشة وعايش. القصة دي بعد ما اترجمت للغة العبرية اجبرت نتينياهو لشحن المراكب بالقمح بدل ود عكر والفيتريتا وعيش الريف . صفوف الغاز والجاز والعيش يا أخ عمر اخرجت أدب جديد . اخرجت ثقافة قيافة . وعلمتنا صبر أيوب . تحياتي
Post: #8 Title: Re: الدقيق الإسرائيلي وصل أي زول ضد التطبيع م Author: امتثال عبدالله Date: 10-28-2020, 04:04 PM Parent: #7
شفت خبر بالصوت والصورة ان هناك نظافة في مقابر اليهود بالمنطقة الصناعية في الخرطوم...واجر عامل النظافة ١٠٠ دولار في الساعة...وبما ان المقبرة ملك لحكومة اسرائيل فلا بد ان نتنياهو يفكر في نقل رفات اليهود المقبورين هناك الى اسرائيل وبناء ١٠٠ فرن حديث... يعني ازمة الرغيف في الخرطوم اعتبرها انتهت... ...انبهلت..... انتهى..
Post: #9 Title: Re: الدقيق الإسرائيلي وصل أي زول ضد التطبيع م Author: Asim Ali Date: 10-28-2020, 04:56 PM Parent: #8
Quote: وتبدو لغة الأرقام صادمة بشكل أكبر مع عضو تجمع أصحاب المخابز بدر الدين الجلال، فهو يقول لـ (الجزيرة نت) إن المنحة الإسرائيلية تعادل حوالي 21 ألف طن بسعر 245 دولاراً للطن الواحد تسليم ميناء بورتسودان. ويمضي الجلال ليقول إن السودان يستهلك يوميا 100 ألف جوال من طحين القمح المدعوم والمخصص لصناعة الخبز، منها 47 ألف جوال لاستهلاك الخرطوم، و53 ألف جوال لبقية ولايات البلاد. ويوضح أن المنحة الإسرائيلية من الطحين تساوي 327 ألف جوال، وهي تكفي الاستهلاك المحلي 3 أيام، أو 4 أيام في حال تقليص حصص المخابز. ويشير إلى أن السودان يستهلك سنويا 3 ملايين طن من القمح بمعدل 250 ألف طن شهريا، و83 ألفا و38 طنا يوميا، وهذا يعني أيضا أن منحة إسرائيل عبارة عن نقطة في بحر، منقول من صحف اليوم 28 اكتوبر 2020
قومو لانتاجكم الله يهديكم
Post: #10 Title: Re: الدقيق الإسرائيلي وصل أي زول ضد التطبيع م Author: محمد الأمين موسى Date: 10-28-2020, 06:39 PM Parent: #9
Quote: وهي تكفي الاستهلاك المحلي 3 أيام
أخي عاصم الإسرائيليون قيموا السودانيين بـ 10 مليون دولار أي بمعدل 25 سنت للفرد. ولا تنسى أن الضيافة 3 أيام!
Post: #12 Title: Re: الدقيق الإسرائيلي وصل أي زول ضد التطبيع م Author: يحي قباني Date: 10-29-2020, 04:54 AM Parent: #10
Quote: شفت خبر بالصوت والصورة ان هناك نظافة في مقابر اليهود بالمنطقة الصناعية في الخرطوم...واجر عامل النظافة ١٠٠ دولار في الساعة...وبما ان المقبرة ملك لحكومة اسرائيل فلا بد ان نتنياهو يفكر في نقل رفات اليهود المقبورين هناك الى اسرائيل
يا بتنا ..
مقابر اليهود الان خرابه ..
اليهود نقلوا رفاتهم زماااان .. من زمن سيئ الذكر جعفر نميري نقلوهم الى اسرائيل و اعادوا دفنهم هناك .. و كذلك كل محتويات المعبد اليهودي في شارع القصر ..
انصحك بمشاهدة الفلم الوثائقي Jews of the Sudan: the Longest Kiss in History
ما بعرف تلقيو وين .. انا اشتريتو اون لاين من دار نشر في اسرائيل قبل ٨ سنوات تقريبا حيوقع ليك كل تاريخ اليهود في السودان ..
Post: #13 Title: Re: الدقيق الإسرائيلي وصل أي زول ضد التطبيع م Author: عبيد الطيب Date: 10-29-2020, 05:00 AM Parent: #10
Quote: __ انتا يا عبيد اليهود الحلوين وطيبين ديل ما كانو شايفين صفوف العيش البودر الكرميش؟ هههههههههههههههههههههههه اشمعنا بعد (النبطاحة) الشريفة ي
تحياتي ياعاطف وسلام ومحبة أنت عارف ياخ (ودأبنادم) دي عجيب بعد الغنا دي والجفاف روّح وفات وعقبو خريف سمح والناس رجعت لمدامرهم وكعادتهم الظرف وروح الطرفة شاعرة تخاطب (ريقن) الدفق العيش اللاشافت مطمورتو ولا قرفتو ولاسافورتو،وكذا اللبن البلا شوايل ولاعارفة ريقن دي من وين قالت: (عيشك مو من قَرفَة ولبنك مو من خَلْفة جنسك مابعرفا نعلك ماك ودغلفا!!!؟ شوف آخر "ربع" ضربت بحديث السياسيين الكذبة الدلجة ، لم يكن همها التطبيع أو قضية مركزية أو مبدأ وكلام المثقفاتية والحشو.....الخ.... كل زول ب همّو!
Post: #15 Title: Re: الدقيق الإسرائيلي وصل أي زول ضد التطبيع م Author: Hafiz Bashir Date: 10-29-2020, 11:25 AM Parent: #13
Quote: مستغرب حافظ بشير يكون مع التطبيع!!! ناس عثمان موسى، الخواض والشبح ود البشرى أصلاً ما كنت عشمان فيهم كتير، لكن حافظ بشير خائن؟!! خسارة يكون كان صديق للمناضل الجسور أبو عاقلة
😂 هو يعني يا مستنير يا كيشة إنت بتفتكر إنو الحكومة دي ممكن تعمل حاجة قدر دي بدون ما تضمن موافقتنا أنا وأبو عاقلة؟ ولمعلوميتك الحكومة ما بتفتش رأينا نحن الإتنين، بتفتش رأي واحد مننا بس وبتكون ضامنة إنو رأي التاني مننا ما مختلف. أنا وأبو عاقلة ما حصل تتطرقنا للموضوع دا في جلسة مشتركة لكن هسه دي إتحداك تضرب لأبو عاقلة تسألو ولو قال ليك كلام مختلف من كلامي أنا بقطع وشي من البورد دا.
Post: #16 Title: Re: الدقيق الإسرائيلي وصل أي زول ضد التطبيع م Author: يحي قباني Date: 10-29-2020, 04:01 PM Parent: #15
تحياتي عثمان ..
يا امتثال دي لقطات من الفلم الوثائقي
Post: #17 Title: Re: الدقيق الإسرائيلي وصل أي زول ضد التطبيع م Author: امتثال عبدالله Date: 10-29-2020, 05:29 PM
شكرا ود قباني على لقطات الفلم الوثائقي... ...بالله كنا عندنا قطارات سمحة كده في السودان!!! ..فتشت الفيديو في امازون لكن للاسف ما لقيته على الرغم من ان امازون عندهم لبن الطير..
Post: #18 Title: Re: الدقيق الإسرائيلي وصل أي زول ضد التطبيع م Author: Hafiz Bashir Date: 10-29-2020, 06:53 PM Parent: #17
Quote: 1 ((زمان اولاد الماحي ..المداحين.. سألوو الله يغنيهم بفضله عن عيوش ريقن!))
هسه إنت يا عاطف عمر داير تقول شنو؟ اولاد حاج الماحي ديل في مدائحهم جابوا سيرة ريغان ول ما جابوها؟ وما تصرف عربي كتير بالله.
Post: #19 Title: Re: الدقيق الإسرائيلي وصل أي زول ضد التطبيع م Author: Salah Zubeir Date: 10-30-2020, 10:54 AM Parent: #18
Post: #20 Title: Re: الدقيق الإسرائيلي وصل أي زول ضد التطبيع م Author: خضر الطيب Date: 10-30-2020, 11:55 AM Parent: #19
Quote: واجر عامل النظافة ١٠٠ دولار في الساعة...
و الله لو حيحيو الموتى اليهود ما يدوهم 100 دولار في الشهر خلي في الساعة :)
Post: #21 Title: Re: الدقيق الإسرائيلي وصل أي زول ضد التطبيع م Author: بدر الدين الأمير Date: 10-30-2020, 12:58 PM Parent: #20
عثمان ياود موسى يختلف الرغيف والمذاق والقمح واحد فى الخليج الرغيف بإسم الدول يعنى زى لبنانى ولا مصرى اوايرانى اوبكستنانى اوسودانى الخ هل سنسمع قريبا فى السودان برغيف اسرائيلى
Post: #22 Title: Re: الدقيق الإسرائيلي وصل أي زول ضد التطبيع م Author: Hafiz Bashir Date: 10-30-2020, 09:25 PM Parent: #21
Quote: ((زمان اولاد الماحي ..المداحين.. سألوو الله يغنيهم بفضله عن عيوش ريقن!)) أها شفتا المداحين دي ختيتا كيف ووين؟؟ ههههههههههههههههههههههههههههه عشان عارفك بتاع شلاقة !! لو عايز المدحة صورة و(سووط) قول بغم!!
خذلتني شديد يا عاطف عمر كنت متخيلك حتتلولو بطريقة حريفة أحسن من كدا قلت لي ختيت المداحين كيف ووين؟ يعني هو إنت فاكر إنو اولاد الماحي ..المداحين.. مدحوا مدائح لرواة آخرين غير حاج الماحي؟😂😂😂 تعبان يا عاطف .. تعبان شديد والمشكلة إنك ما قاعد تتعلم وتتطور
Post: #23 Title: Re: الدقيق الإسرائيلي وصل أي زول ضد التطبيع م Author: Hafiz Bashir Date: 10-30-2020, 09:27 PM Parent: #22
