|
|
|
 Re: الدقيق الإسرائيلي وصل أي زول ضد التطبيع م (Re: Osman Musa)
|
أ×ي العزيز عثمان موسى
سلامي وتحياتي ،،،
الله يجازي محنك يازول .. هههه
تصدق ، قريت العنوان ، قلت كدي النشوف وصل كيف ومتين والجابو منو
دقيق جماعة نتينياهو .. ثم .. حدس ما حدس .. وفوجئت بيهو دقيقنا الزمااااان ياهو ذاتو !؟
بس رغيف الخرتوم زمااااان كان طعموا غير .. لأنو كان معمول في الزمن الجميل !؟ .
مودتي ،،،
( ليمو )
| |
 
|
|
|
|
|
|
|
|
Re: الدقيق الإسرائيلي وصل أي زول ضد التطبيع م (Re: abdulhalim altilib)
|
أخونا أستاذ عبدالحليم ( ليمو)
سلام
الناس في صف رغيف نتنياهو ما حست بي تعب الانشرارة الطويلة وهي
تتابع في صوت صاحب الكارو الساخر . زوج المرتين وهو يردد في الأغنية الخالدة
اغنية حسن عطية فراق الزين ونار البين .
المدهش في صاحب الكارو خلاف انو زول كوميديان برضو صوتو جميل .
صاحب الكارو يا عبدالحليم دخل من عندو في الأغنية .
( أحب العيش والجابو .. وانا مساهر
( واحبو ترامب واحبابو .. وانا مساهر
( واحب حمدوك .. واصحابو
...
وتستمر الزهللة والأحلام بوطن واقف على حيلو
| |
|
|
|
|
|
|
|
|
Re: الدقيق الإسرائيلي وصل أي زول ضد التطبيع م (Re: عمر عيسى محمد أحمد)
|
تحياتي أخي عثمان موسى وسلام ومعزة
بلحيل بناكلو تب دقيق نتنياهو
وماتنسى سنة الجفاف أكلنا (عيش ريقن)
وفي عرفنا (الناس ب الناس / والكل ب رب العالمين)
وريقن ذاتو سنة الجفاف غنينا عليهو:
(عمَّك ريقَنْ اللَّسَد المِرَبْعِنْ كامِن
وقالج ام قُجَّه في العقَبَة ام صغورَن حامِن
دفَر العيش كتير خلا العَقُل مِطَّامِن
وعيبو الفيهو عيل بي الرسول مو مآمِن
ريقن اني سَمْيتُو كَارِبْ زِنْدِو
واتْحَيَّرْتَ في العيش والدَّقيق العِنْدُو
العتاَّله ديلا يدلُّوا ديلا يِسِندُّوا
والقسّام يقسِّم والدِهِن هيلندو )
| |
|
|
|
|
|
|
|
|
|
Re: الدقيق الإسرائيلي وصل أي زول ضد التطبيع م (Re: عبيد الطيب)
|
يا سلام يا عثمان موسى، قبل تلاتة أيام أكلت ماتسا بملاح تقلية، حاجة ما تخلص. والعجب كمان لو جربتها ببامية مفروكة، ما بتدي الجنبك
المشكلة المطاعم الشعبية في حلتنا مصرين ما يقدمو خبز الماتسا إلا في ليلة بيتساخ إلتزاماً بالطقوس اليهودية.
يا عاطف عمر قلت لي حاج الماحي غنى لعيش ريغان؟
| |
|
|
|
|
|
|
|
|
|
Re: الدقيق الإسرائيلي وصل أي زول ضد التطبيع م (Re: Hafiz Bashir)
|
الأخ الفنان حافظ
سلام
الماتسا ما جربتها . لكن هم أهل الطبيخ عموم .
وطعامهم عندنا حلال .
طبعا فلافل ( الجوش ) فلافل مبالغة . عندهم مطعم في شارع
البرود وي بين ال 37 و ال 38 .
المطعم شغال 24 ساعة فلافل وشاورما وفتوش ولبن رووب.
في فرع من المطعم دا في بروكلن كوني ايلاند افينيو .
و فلافل اليهود نفس طعم الفلافل السورية .
..
تحياتي
| |
|
|
|
|
|
|
|
|
|
Re: الدقيق الإسرائيلي وصل أي زول ضد التطبيع م (Re: عبيد الطيب)
|
عزيزنا الأخ عبيد
سلام
عمك الرئيس ريجان طلع هندي أحمر جلابية لمان جلب لينا القمح
المخلوط بالعيش ريف . انشاءالله في ميزان حسناتو .
وعقبو السياسي العتيد عمك بوش الكبير الكان في داك الزمان وزير دفاع ريجان.
بوش الكبير جاب لينا الفول وعرف الشعب في ديك الأيام وجبة البوش الشهيرة .
ربك يجيب ويعمم السلام يا العبيد اخوي .
ويكفينا شرور الحروب .
تحياتي
| |
|
|
|
|
|
|
|
|
|
Re: الدقيق الإسرائيلي وصل أي زول ضد التطبيع م (Re: عمر عيسى محمد أحمد)
|
عزيزنا الأخ عمر
سلامات
اكيد سمعتبيها قصة الحب النبتت بي سبب ابتسامة
في طابور الرغيف و الانتهب بالزواج .
بين شاب طوابير وشابة طابور .
الشباب ديل بعد 9 شهور جابو تيمان سموهم عيشة وعايش.
القصة دي بعد ما اترجمت للغة العبرية اجبرت نتينياهو لشحن المراكب
بالقمح بدل ود عكر والفيتريتا وعيش الريف .
صفوف الغاز والجاز والعيش يا أخ عمر اخرجت أدب جديد .
اخرجت ثقافة قيافة .
وعلمتنا صبر أيوب .
تحياتي
| |
|
|
|
|
|
|
|
|
|
Re: الدقيق الإسرائيلي وصل أي زول ضد التطبيع م (Re: Osman Musa)
|
شفت خبر بالصوت والصورة ان هناك نظافة في مقابر اليهود بالمنطقة الصناعية في الخرطوم...واجر عامل النظافة ١٠٠ دولار
في الساعة...وبما ان المقبرة ملك لحكومة اسرائيل فلا بد ان نتنياهو يفكر في نقل رفات اليهود المقبورين هناك الى اسرائيل وبناء
١٠٠ فرن حديث...
يعني ازمة الرغيف في الخرطوم اعتبرها انتهت...
...انبهلت.....
انتهى..
| |
|
|
|
|
|
|
|
|
 Re: الدقيق الإسرائيلي وصل أي زول ضد التطبيع م (Re: امتثال عبدالله)
|
Quote:
وتبدو لغة الأرقام صادمة بشكل أكبر مع عضو تجمع أصحاب المخابز بدر الدين الجلال، فهو يقول لـ (الجزيرة نت) إن المنحة الإسرائيلية تعادل حوالي 21 ألف طن بسعر 245 دولاراً للطن الواحد تسليم ميناء بورتسودان. ويمضي الجلال ليقول إن السودان يستهلك يوميا 100 ألف جوال من طحين القمح المدعوم والمخصص لصناعة الخبز، منها 47 ألف جوال لاستهلاك الخرطوم، و53 ألف جوال لبقية ولايات البلاد. ويوضح أن المنحة الإسرائيلية من الطحين تساوي 327 ألف جوال، وهي تكفي الاستهلاك المحلي 3 أيام، أو 4 أيام في حال تقليص حصص المخابز. ويشير إلى أن السودان يستهلك سنويا 3 ملايين طن من القمح بمعدل 250 ألف طن شهريا، و83 ألفا و38 طنا يوميا، وهذا يعني أيضا أن منحة إسرائيل عبارة عن نقطة في بحر،
منقول من صحف اليوم 28 اكتوبر 2020
|
قومو لانتاجكم الله يهديكم
| |
|
|
|
|
|
|
|
|
|
Re: الدقيق الإسرائيلي وصل أي زول ضد التطبيع م (Re: محمد الأمين موسى)
|
Quote: شفت خبر بالصوت والصورة ان هناك نظافة في مقابر اليهود بالمنطقة الصناعية في الخرطوم...واجر عامل النظافة ١٠٠ دولار
في الساعة...وبما ان المقبرة ملك لحكومة اسرائيل فلا بد ان نتنياهو يفكر في نقل رفات اليهود المقبورين هناك الى اسرائيل |
يا بتنا ..
مقابر اليهود الان خرابه ..
اليهود نقلوا رفاتهم زماااان .. من زمن سيئ الذكر جعفر نميري
نقلوهم الى اسرائيل و اعادوا دفنهم هناك ..
و كذلك كل محتويات المعبد اليهودي في شارع القصر ..
انصحك بمشاهدة الفلم الوثائقي
Jews of the Sudan: the Longest Kiss in History
ما بعرف تلقيو وين .. انا اشتريتو اون لاين من دار نشر في اسرائيل قبل ٨ سنوات تقريبا
حيوقع ليك كل تاريخ اليهود في السودان ..
| |
|
|
|
|
|
|
|
|
|
Re: الدقيق الإسرائيلي وصل أي زول ضد التطبيع م (Re: محمد الأمين موسى)
|
Quote: __
انتا يا عبيد
اليهود الحلوين وطيبين ديل ما كانو شايفين
صفوف العيش البودر الكرميش؟
هههههههههههههههههههههههه
اشمعنا بعد (النبطاحة) الشريفة ي |
تحياتي ياعاطف وسلام ومحبة
أنت عارف ياخ (ودأبنادم) دي عجيب
بعد الغنا دي والجفاف روّح وفات وعقبو خريف سمح والناس رجعت لمدامرهم
وكعادتهم الظرف وروح الطرفة
شاعرة تخاطب (ريقن) الدفق العيش اللاشافت مطمورتو ولا قرفتو ولاسافورتو،وكذا اللبن البلا شوايل
ولاعارفة ريقن دي من وين
قالت:
(عيشك مو من قَرفَة
ولبنك مو من خَلْفة
جنسك مابعرفا
نعلك ماك ودغلفا!!!؟
شوف آخر "ربع" ضربت بحديث السياسيين الكذبة الدلجة ،
لم يكن همها التطبيع أو قضية مركزية أو مبدأ وكلام المثقفاتية والحشو.....الخ....
كل زول ب همّو!
| |
|
|
|
|
|
|
|
|
|
Re: الدقيق الإسرائيلي وصل أي زول ضد التطبيع م (Re: عبيد الطيب)
|
Quote: مستغرب حافظ بشير يكون مع التطبيع!!!
ناس عثمان موسى، الخواض والشبح ود البشرى أصلاً ما كنت عشمان فيهم كتير،
لكن حافظ بشير خائن؟!!
خسارة يكون كان صديق للمناضل الجسور أبو عاقلة |
😂
هو يعني يا مستنير يا كيشة إنت بتفتكر إنو الحكومة دي ممكن تعمل حاجة قدر دي بدون ما تضمن موافقتنا أنا وأبو عاقلة؟
ولمعلوميتك الحكومة ما بتفتش رأينا نحن الإتنين، بتفتش رأي واحد مننا بس وبتكون ضامنة إنو رأي التاني مننا ما مختلف.
أنا وأبو عاقلة ما حصل تتطرقنا للموضوع دا في جلسة مشتركة لكن هسه دي إتحداك تضرب لأبو عاقلة تسألو ولو قال ليك كلام مختلف من كلامي أنا بقطع وشي من البورد دا.
| |
|
|
|
|
|
|
|
|
|
Re: الدقيق الإسرائيلي وصل أي زول ضد التطبيع م (Re: بدر الدين الأمير)
|
Quote: ((زمان اولاد الماحي ..المداحين.. سألوو الله
يغنيهم بفضله عن عيوش ريقن!))
أها
شفتا المداحين دي ختيتا كيف ووين؟؟
ههههههههههههههههههههههههههههه
عشان عارفك بتاع شلاقة !!
لو عايز المدحة صورة و(سووط) قول بغم!! |
خذلتني شديد يا عاطف عمر
كنت متخيلك حتتلولو بطريقة حريفة أحسن من كدا
قلت لي ختيت المداحين كيف ووين؟
يعني هو إنت فاكر إنو اولاد الماحي ..المداحين.. مدحوا مدائح لرواة آخرين غير حاج الماحي؟😂😂😂
تعبان يا عاطف .. تعبان شديد والمشكلة إنك ما قاعد تتعلم وتتطور
| |
|
|
|
|
|
|
| |
Osman Musa
abdulhalim altilib
عمر عيسى محمد أحمد
عبيد الطيب
Hafiz Bashir
Asim Ali
محمد الأمين موسى
يحي قباني
Salah Zubeir
خضر الطيب
بدر الدين الأمير
فيس بوك
تويتر
انستقرام
يوتيوب
بنتيريست