هذه السيده البديعة قدمت درس لمؤسسة اقتصادية كامله .. و درس في الاكتفاء الذاتي ..
Post: #2 Title: Re: القندول الشنقل الريكة .. فيديو بديع و به شر Author: يحي قباني Date: 10-01-2020, 01:26 AM Parent: #1
اعدت مشاهدة الفيديو اكثر من مره
امرأة مدهشة .. كيفت حياتها داخل حوشها البسيط
و رغم الحياه البسيطة جدا الا ان ابتسامتها تدل على رضاها و تسامحها مع نفسها
فيديو يدرس ..
كل احترامي لها ..
Post: #3 Title: Re: القندول الشنقل الريكة .. فيديو بديع و به شر Author: Mahjob Abdalla Date: 10-01-2020, 02:19 AM Parent: #2
سلام باشمهندس هذه فعلا حياتنا في الريف السودانى ببساطتها هذه فهى احلى فترات حياتى التى عشتها. ما شفت عندها الدبنقا (السويبة) و لكن تلقاها دافنة العيش حقها في مطمورة. طبعا حكمة عجيبة, اول ما الانتاج يطلع و حسب الكمية, يتم وضع الكمية المناسبة للاستخدام خلال العام كلو في دبنقات و الباقى احتياطى ربما لسبعة سنوات (زى قصة سيدنا يوسف) بتم دفنه في المطامير. يعنى اغلب الناس ممكن يعدو تلات او اربع خريف بدون حوجة.
ترانى دائما اتسأءل ليه الناس بخلو الريف عشان يتكدسو في بيوت طين حول العاصمة. فقط لو توفرت الخدمات (العلاج و مدارس مؤهلة) و فرص صناعة المنتجات المحلية الزراعية فقط لعاد الناس الي قراهم و تركو حياة العاصمة التى رأيتها في اخر زيارة لى للسودان.
Post: #4 Title: Re: القندول الشنقل الريكة .. فيديو بديع و به شر Author: بدر الدين الأمير Date: 10-01-2020, 02:49 AM Parent: #3
قبانى وود عباس ولعلك ياقبانى بحكم طبيعة عمل والدك تنقلت للعيش في العديد من مناطق السودان ومنها الجزيرة وعاصمتها مدنى التى شهدت فيها حب الكلاب ههه انا فى تقديرى ان الجزيرة وغرب السودان اكتر منطقتين بتشابهو حد التطابق فى العديد من اكلاتهم وطرق والطبخ وهناك بعض الطبايخ اوالملحات لا توجد فى اي مكان فى السودان غير عندهم هم فقط زي ملاح الويكاب ملاح اللبن وحتى طرق التخزين المطمورة وادوات الطهى الدوكة والتلاجة المشلعيب دوة كلب دوة كديس اسمعو الحاجات دى انا ماحضرتها بس كنت بسمع بيها ولا باكل امفتفت زوجتى الخرطومية بتسمى أمفتفت مرارة البقر هههههه
Post: #5 Title: Re: القندول الشنقل الريكة .. فيديو بديع و به شر Author: adil amin Date: 10-01-2020, 03:03 AM Parent: #4
Quote: انا فى تقديرى ان الجزيرة وغرب السودان اكتر منطقتين
ايش جاب لي جاب يا اهل العوض والله غير دفع الله ود الاصيل ما في زول بشبهنا في الحزام الكوشي في القبل الستة الجاب حسين خوجلي لي عمر احساس شنو والله الاغنية دي خطيرة جدا عليك الله يا قبة شوف الاغنية اللوحة دي والله ذى نقنقة المطر
Post: #6 Title: Re: القندول الشنقل الريكة .. فيديو بديع و به شر Author: adil amin Date: 10-01-2020, 03:10 AM Parent: #5
يا قبة ما يقشر بيك بتاع الحشرو عباس ده ده ضربتو الطراوة في بلاد الشيخة موزة الكوزة وطلع في الكفر قالو زمان الهادي الضلالاي لقى جماعة من اهل العوض عاملين شكلة مع ولد من ام درمان قيردون كده يحجز ساعتين وقال ليهم اسمعو انتو من وين قالو ليه نحن من الحشرو عباس قال ليهم الطيب البجيبكم ام درمان شنو نحن قاعدين نجيبكم هناك وذهبت مثلا
هسة الجابك شنو هنا يا بدر الزمان نحن جيناك هناك والقنديل ده لي قبة بس https://top4top.io/ بوست مميز العودة لي هذه الحياة منتجة عايزة نرجع انصار لي الله بي الراتب والشمس والصين بس وتترفع المعاناة من كل السودان
Post: #7 Title: Re: القندول الشنقل الريكة .. فيديو بديع و به شر Author: يحي قباني Date: 10-01-2020, 03:23 AM Parent: #6
Quote: ترانى دائما اتسأءل ليه الناس بخلو الريف عشان يتكدسو في بيوت طين حول العاصمة. فقط لو توفرت الخدمات (العلاج و مدارس مؤهلة) و فرص صناعة المنتجات المحلية الزراعية فقط لعاد الناس الي قراهم و تركو حياة العاصمة التى رأيتها في اخر زيارة لى للسودان.
شكرا يا محجوب على الحكي البديع .. و عساك و اولادك بخير مع الكوڤيد .. دائما بسال يا محجوب المنع كل الحكومات الكتمت انفاسنا دي انهم يوفروا الاساسيات لكل مدن و قرى السودان شنو؟ لو حصل ما كان زول خلى داره و انقل مقداره .. هل هي سياسة مقصوده ام عدم معرفه و جهل .. ياخي يوم داك كنت في قريه عدد سكانها اظن ٣٠٠ عندهم بنك و عيادات و بوليس و مطافي حتى تم هورتونز عندهم و اقرب مكاتب حكوميه علد بعد ١٠ دقايق في مركز اكبر منهم ..
عليك الله شوف الشابه الفي الفيديو عامله شنو في بيتها البسيط و شوف نضافتها و بسمتها
لعن الله حكوماتنا عبر التاريخ ..
Post: #8 Title: Re: القندول الشنقل الريكة .. فيديو بديع و به شر Author: يحي قباني Date: 10-01-2020, 03:57 AM Parent: #7
Quote: ولعلك ياقبانى بحكم طبيعة عمل والدك تنقلت للعيش في العديد من مناطق السودان ومنها الجزيرة وعاصمتها مدنى التى شهدت فيها حب الكلاب ههه انا فى تقديرى ان الجزيرة وغرب السودان اكتر منطقتين بتشابهو حد التطابق فى العديد من اكلاتهم وطرق والطبخ وهناك بعض الطبايخ اوالملحات لا توجد فى اي مكان فى السودان غير عندهم هم فقط زي ملاح الويكاب ملاح اللبن وحتى طرق التخزين المطمورة وادوات الطهى الدوكة والتلاجة المشلعيب دوة كلب دوة كديس اسمعو الحاجات دى انا ماحضرتها بس كنت بسمع بيها ولا باكل امفتفت زوجتى الخرطومية بتسمى أمفتفت مرارة البقر هههههه
مدني يا بدر رغم صغر سني وقتها لكنها محفورة في الذاكره .. و طبعا زرتها فيما بعد مرارا و تكرارا .. ادوات الطهي و المشلعيب و البخسه و كل ما رايناه في الفيديو انا شفته و كان في بيتنا .. بس كمان ما تنسى انه الوالد اشتغل في الفاشر و كبكبيه و الوالده مؤكد جابت معاها اشياء و ادوات .. فما بعرف الفي مدني من الجاي من الغرب .. زي كمان ادوات تاني من الجنوب لامن كان والدنا في واو في الخمسينات مع بداية حركة انانيا 1.. لذلك حتى اكلنا فيهو ملحات و اشياء من كل الجهات ..
تعرف .. اخواني الكبار شطتهم لامن مرقوا من السودان كانت من الغرب .. اي شطه دون ذلك تبقى عندهم شطة نوانيو ساي .. سحورنا في رمضان كان فول مطبوخ بي شطة الغرب الكافره .. تخيل في رمضان الفول مطبوخ بالشطة ..
و اكل الموز كان مقدس للوالده رحمها الله و الموز كان في واو بي كثره و ايضا اكل الدليب .. لي هسي متمني لي دليبه اطلع روحها .. هههه من الجنوب الكسافا او البفره كانت بديل لينا من القمح احيانا .. عصيده و غيره .. مدني اكل الدوم و التمربونا السيسبان الني و العنكوليب .. بس طبعا بعد قعاد ام درمان في الستينات و بعدها الخرطوم .. انتهت الايام السمحه ديك ..
Post: #9 Title: Re: القندول الشنقل الريكة .. فيديو بديع و به شر Author: بدر الدين الأمير Date: 10-01-2020, 04:32 AM Parent: #8
ياقبانى دا طرفى من بوستك طلما وصله البيروتى الحوثى وكيل حزب الله في المنبر عادل امين
هامش الحوثى عادل امين قضى جزء من من بواكير صباهو ببيروت وكان برفقة اسرته حيث والده المربى الجليل كان مبتعث للبنان لذا انا لاتعجب لحوثية عادل امين كما اتعجب لحب الكلاب بتاع قبانى
Post: #10 Title: Re: القندول الشنقل الريكة .. فيديو بديع و به شر Author: معاوية المدير Date: 10-01-2020, 06:26 AM Parent: #9
Quote: والقنديل ده لي قبة بس
دا مِشرِق، ما تفضحنا يأخ ...
Post: #11 Title: Re: القندول الشنقل الريكة .. فيديو بديع و به شر Author: adil amin Date: 10-01-2020, 06:32 AM Parent: #10
Quote: دا مِشرِق، ما تفضحنا يأخ ...
خلي يا ورل ياكل بس مع البجنقلي ناس الخرتوم ديل بعرفو شنو في النخيل وبلد سعاد هو بعرف شنو
غير البركاوي الصرفو ليهم البشير في المركز ثلاثين سنة انا جيت اطير عربي الجزيرة ده بس قعد يغيظني لمن يعمل فيها من العمارات شارع 61 وطار الحمدالله والبورد ذارتو الملائكة
