سلام باشمهندس هذه فعلا حياتنا في الريف السودانى ببساطتها هذه فهى احلى فترات حياتى التى عشتها. ما شفت عندها الدبنقا (السويبة) و لكن تلقاها دافنة العيش حقها في مطمورة. طبعا حكمة عجيبة, اول ما الانتاج يطلع و حسب الكمية, يتم وضع الكمية المناسبة للاستخدام خلال العام كلو في دبنقات و الباقى احتياطى ربما لسبعة سنوات (زى قصة سيدنا يوسف) بتم دفنه في المطامير. يعنى اغلب الناس ممكن يعدو تلات او اربع خريف بدون حوجة.
ترانى دائما اتسأءل ليه الناس بخلو الريف عشان يتكدسو في بيوت طين حول العاصمة. فقط لو توفرت الخدمات (العلاج و مدارس مؤهلة) و فرص صناعة المنتجات المحلية الزراعية فقط لعاد الناس الي قراهم و تركو حياة العاصمة التى رأيتها في اخر زيارة لى للسودان.
10-01-2020, 02:49 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22977
قبانى وود عباس ولعلك ياقبانى بحكم طبيعة عمل والدك تنقلت للعيش في العديد من مناطق السودان ومنها الجزيرة وعاصمتها مدنى التى شهدت فيها حب الكلاب ههه انا فى تقديرى ان الجزيرة وغرب السودان اكتر منطقتين بتشابهو حد التطابق فى العديد من اكلاتهم وطرق والطبخ وهناك بعض الطبايخ اوالملحات لا توجد فى اي مكان فى السودان غير عندهم هم فقط زي ملاح الويكاب ملاح اللبن وحتى طرق التخزين المطمورة وادوات الطهى الدوكة والتلاجة المشلعيب دوة كلب دوة كديس اسمعو الحاجات دى انا ماحضرتها بس كنت بسمع بيها ولا باكل امفتفت زوجتى الخرطومية بتسمى أمفتفت مرارة البقر هههههه
10-01-2020, 03:03 AM
adil amin
adil amin
تاريخ التسجيل: 08-01-2002
مجموع المشاركات: 37018
Quote: انا فى تقديرى ان الجزيرة وغرب السودان اكتر منطقتين
ايش جاب لي جاب يا اهل العوض والله غير دفع الله ود الاصيل ما في زول بشبهنا في الحزام الكوشي في القبل الستة الجاب حسين خوجلي لي عمر احساس شنو والله الاغنية دي خطيرة جدا عليك الله يا قبة شوف الاغنية اللوحة دي والله ذى نقنقة المطر
10-01-2020, 03:10 AM
adil amin
adil amin
تاريخ التسجيل: 08-01-2002
مجموع المشاركات: 37018
يا قبة ما يقشر بيك بتاع الحشرو عباس ده ده ضربتو الطراوة في بلاد الشيخة موزة الكوزة وطلع في الكفر قالو زمان الهادي الضلالاي لقى جماعة من اهل العوض عاملين شكلة مع ولد من ام درمان قيردون كده يحجز ساعتين وقال ليهم اسمعو انتو من وين قالو ليه نحن من الحشرو عباس قال ليهم الطيب البجيبكم ام درمان شنو نحن قاعدين نجيبكم هناك وذهبت مثلا
هسة الجابك شنو هنا يا بدر الزمان نحن جيناك هناك والقنديل ده لي قبة بس https://top4top.io/ بوست مميز العودة لي هذه الحياة منتجة عايزة نرجع انصار لي الله بي الراتب والشمس والصين بس وتترفع المعاناة من كل السودان
10-01-2020, 03:23 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: ترانى دائما اتسأءل ليه الناس بخلو الريف عشان يتكدسو في بيوت طين حول العاصمة. فقط لو توفرت الخدمات (العلاج و مدارس مؤهلة) و فرص صناعة المنتجات المحلية الزراعية فقط لعاد الناس الي قراهم و تركو حياة العاصمة التى رأيتها في اخر زيارة لى للسودان.
شكرا يا محجوب على الحكي البديع .. و عساك و اولادك بخير مع الكوڤيد .. دائما بسال يا محجوب المنع كل الحكومات الكتمت انفاسنا دي انهم يوفروا الاساسيات لكل مدن و قرى السودان شنو؟ لو حصل ما كان زول خلى داره و انقل مقداره .. هل هي سياسة مقصوده ام عدم معرفه و جهل .. ياخي يوم داك كنت في قريه عدد سكانها اظن ٣٠٠ عندهم بنك و عيادات و بوليس و مطافي حتى تم هورتونز عندهم و اقرب مكاتب حكوميه علد بعد ١٠ دقايق في مركز اكبر منهم ..
عليك الله شوف الشابه الفي الفيديو عامله شنو في بيتها البسيط و شوف نضافتها و بسمتها
لعن الله حكوماتنا عبر التاريخ ..
10-01-2020, 03:57 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: ولعلك ياقبانى بحكم طبيعة عمل والدك تنقلت للعيش في العديد من مناطق السودان ومنها الجزيرة وعاصمتها مدنى التى شهدت فيها حب الكلاب ههه انا فى تقديرى ان الجزيرة وغرب السودان اكتر منطقتين بتشابهو حد التطابق فى العديد من اكلاتهم وطرق والطبخ وهناك بعض الطبايخ اوالملحات لا توجد فى اي مكان فى السودان غير عندهم هم فقط زي ملاح الويكاب ملاح اللبن وحتى طرق التخزين المطمورة وادوات الطهى الدوكة والتلاجة المشلعيب دوة كلب دوة كديس اسمعو الحاجات دى انا ماحضرتها بس كنت بسمع بيها ولا باكل امفتفت زوجتى الخرطومية بتسمى أمفتفت مرارة البقر هههههه
مدني يا بدر رغم صغر سني وقتها لكنها محفورة في الذاكره .. و طبعا زرتها فيما بعد مرارا و تكرارا .. ادوات الطهي و المشلعيب و البخسه و كل ما رايناه في الفيديو انا شفته و كان في بيتنا .. بس كمان ما تنسى انه الوالد اشتغل في الفاشر و كبكبيه و الوالده مؤكد جابت معاها اشياء و ادوات .. فما بعرف الفي مدني من الجاي من الغرب .. زي كمان ادوات تاني من الجنوب لامن كان والدنا في واو في الخمسينات مع بداية حركة انانيا 1.. لذلك حتى اكلنا فيهو ملحات و اشياء من كل الجهات ..
تعرف .. اخواني الكبار شطتهم لامن مرقوا من السودان كانت من الغرب .. اي شطه دون ذلك تبقى عندهم شطة نوانيو ساي .. سحورنا في رمضان كان فول مطبوخ بي شطة الغرب الكافره .. تخيل في رمضان الفول مطبوخ بالشطة ..
و اكل الموز كان مقدس للوالده رحمها الله و الموز كان في واو بي كثره و ايضا اكل الدليب .. لي هسي متمني لي دليبه اطلع روحها .. هههه من الجنوب الكسافا او البفره كانت بديل لينا من القمح احيانا .. عصيده و غيره .. مدني اكل الدوم و التمربونا السيسبان الني و العنكوليب .. بس طبعا بعد قعاد ام درمان في الستينات و بعدها الخرطوم .. انتهت الايام السمحه ديك ..
10-01-2020, 04:32 AM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22977
ياقبانى دا طرفى من بوستك طلما وصله البيروتى الحوثى وكيل حزب الله في المنبر عادل امين
هامش الحوثى عادل امين قضى جزء من من بواكير صباهو ببيروت وكان برفقة اسرته حيث والده المربى الجليل كان مبتعث للبنان لذا انا لاتعجب لحوثية عادل امين كما اتعجب لحب الكلاب بتاع قبانى
10-01-2020, 06:26 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
خلي يا ورل ياكل بس مع البجنقلي ناس الخرتوم ديل بعرفو شنو في النخيل وبلد سعاد هو بعرف شنو
غير البركاوي الصرفو ليهم البشير في المركز ثلاثين سنة انا جيت اطير عربي الجزيرة ده بس قعد يغيظني لمن يعمل فيها من العمارات شارع 61 وطار الحمدالله والبورد ذارتو الملائكة
10-03-2020, 12:41 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة