♧حُقَن طلْق الولادة لإسعاف الحوادث £

(24)
♧ورني بولك بوريك كوعك من بوعك£
(و بشخص ليك عائلتك وعائلة أو أهلك عن بكرة أبيها)!!!
♤ واحد عمك ، كان ماشي مطلش في ملجة مدني،
قام عتر وطا ليه قشرة موز و لا بُجَّانَة (قرفة) بتيخة،
يلا، غايتو لوما ربك لطف،و سند في شباك محكمة العمد،
كان توش‎ البحر. بس كسر كوعو قام جاري لأقرب حكيمفي
الشفخانة‎.. قال للتمرجية:داير أقابل الدكتور! التمرجية من
آخر شلاليفها: قالتلو:عايزين عيّنة من البول لو سمحت!
- الراجل استغرب شديد لامن لونو انختف و قال ليها :
عشان شنو عينة بول يعني؟!و شنو دخل البول بكوع
إيدي ثم التفت يحدث نفسه دي الظاهر دي خميرة عكننة
و نحنا من لداحة كيزان لقحاطة من صباح الرحمن)!؟
♤ لكن التمرجية مصرة و بعصبية موبااالغة: بكيفك يا خوي،
لازم عينة بول عشان تدخل على الدكتور.. دا النظام كدا، هن
عجبك . مافي بول ..يعني عاد كان شنو داك مافي دكتور.
أخونا سلّم امرو لله و قال: يلا مافي مشكلة ؛ على الأقل
نلقى حتة نشر فيها؟ بدل ما ندفقو فوق كريعاتنامشى
دنقر في أقرب كوشة . قضى غردو .و جاب ليهم عينة
البول سلموهاللدكتور. و بعد شوية ندهوه و لما الدكتور
شاف المريض ابتسم و قاللو: و اضح الضربه قويه. بس
اتطمن كوعك سليم و ما في عوجة طب!المريض مستغرب:
لاكين كيف عرفت يا دكتور دا كوع: أكيد ممرّضة القاعدة
برة دي قايلا ليك !! ‎
- الدكتور: لا أبداً، ياخي بسيطة.. كل ما في الأمر ،
إنو تحليل البول هو اللي يبين كل شي. عندنا جهاز
حديث كداً؛ ياخي دا عامل صيحة في عالم التحاليل؛
كدي خد المرهم دا خليه معاك تدهن منومحل الأذى و
بعد اسبوع تراجعني ( و ليك علي،ح أوريك المكشن برا
بصل) و أووعك تقوم تنسى تجيب لينا عيّنة!!