Post: #2 Title: Re: كورال معهد الموسيقى والدراما- غرام الروح Author: bakri abdalla Date: 09-27-2020, 04:01 AM Parent: #1
'
لكي أكون منصفا لقد لفت نظري لهذا التسجيل الأخ سيف بشير وهو عضو ا معنا في هذا المنبر
هذا العمل جد جدير بالإشادة وأتمني من لديهم فكرة مدنا بيسيرة الموسيقار محمد ضرار
Post: #3 Title: Re: كورال معهد الموسيقى والدراما- غرام الروح Author: bakri abdalla Date: 09-27-2020, 04:07 AM Parent: #2
. يتجلى الابداع في الدقيقة 8:45
يا إلهي
السودان بخير
Post: #4 Title: Re: كورال معهد الموسيقى والدراما- غرام الروح Author: ترهاقا Date: 09-27-2020, 04:41 AM Parent: #3
ما في شك يا أخ بكري المغني عنده إحساس عالي جداً لكن الصوت طالع من نخرتو ما من خشمو مشكلتنا بنعمتد على الموهبة فقط ونرمي حاجات مهمة مع إيماني التام إنو الموهبة أولاً ولي قدالم والتحية للاوركسترا التي قدمت العمل على أكمل وجه ومشرّف
Post: #5 Title: Re: كورال معهد الموسيقى والدراما- غرام الروح Author: أحمد محمد عمر Date: 09-27-2020, 04:56 AM Parent: #4
خربوها
هاني عابدين دة ما أقنعني كلو كلو
Post: #6 Title: Re: كورال معهد الموسيقى والدراما- غرام الروح Author: Ahmed Yassin Date: 09-27-2020, 10:32 AM Parent: #5
الأداء الجماعي للكورال يتسم بـ(المليودية) والتوازن وتداخل الاصوات في انسجام والخطوط والأبعاد الملفت ان الكورال قدر يطبق الشكل الموسيقي والغنائي (الأكابيلا) ودا يرتكز على تطويع صوت الآلة الموسيقية وحكاية اعادة توزيع واداء اغاني قديمة بروح (شبابية) مع الحفاظ على (اللحن الاساسي) دخلت امزجة ووجدان الجمهور وتخطى الغناء المحلي في تحدي اغاني عبية وافريقية وحتى لاتينية، زي (نسم علينا الهوى) ل فيروز و (ليلة العمر) لعبد الرب إدريس، ,و(ملايكة) لمريم ماكيبا ، و(مريا) اغنية للاتينية بلغة بالإنجليزية . من اجمل الاصوات في الكورال اخونا وحبيبنا (ابراهيم الامام) ودا (مدرب صوت في الكلية) ويشارك في الغناء مع الكورال. هاني عابدين نوعيه صوته (تينور تاني) يمتد الى (الباص) وزوجته رانيا محجوب(سوبرانو) مسنكب ونادر عثمان جمال الدين (ابن حياة طلسم) وهاني مغنيين رئيسيين في الكورال هم الادوا (غرام الروح)
Post: #7 Title: Re: كورال معهد الموسيقى والدراما- غرام الروح Author: أحمد محمد عمر Date: 09-27-2020, 11:03 AM Parent: #6
سلامات أحمد ليه الكورال دايماً بيؤدي أغاني مسموعة؟ كلية الموسيقى والدراما مليانة شعراء وملحنين ليه ما تكون عند الكورال أعماله الخاصة!
Post: #8 Title: Re: كورال معهد الموسيقى والدراما- غرام الروح Author: Ahmed Yassin Date: 09-27-2020, 12:20 PM Parent: #7
اهلين ابواحميد
Quote: ليه الكورال دايماً بيؤدي أغاني مسموعة؟ كلية الموسيقى والدراما مليانة شعراء وملحنين ليه ما تكون عند الكورال أعماله الخاصة!
الكورال لديه مجموعة من الاغاني الخاصة للشعراء كبار زي الفيتوري و محمد المكي ابراهيم ومدرب الصوت النور حسن عمل اغنية (البنية) من كلماته وتوزيعه بإيقاع دارفوري عريق اسمه(الفرنقبية) تقريبا الكورال استقطب جمهور عريض وكبير جدا من (عقدالجلاد) والكورال بتميز بالتوزيع ومشاركة اوركسترا كاملة عكس عقد الجلاد (2 اورغ وباص جيتار وعود وايقاع) والباقي بتموهو (ترررررا تتتترررا)
Post: #9 Title: Re: كورال معهد الموسيقى والدراما- غرام الروح Author: bakri abdalla Date: 09-28-2020, 00:57 AM Parent: #8
.
Quote: ما في شك يا أخ بكري المغني عنده إحساس عالي جداً لكن الصوت طالع من نخرتو ما من خشمو مشكلتنا بنعمتد على الموهبة فقط ونرمي حاجات مهمة مع إيماني التام إنو الموهبة أولاً ولي قدالم والتحية للاوركسترا التي قدمت العمل على أكمل وجه ومشرّف
الاستاذ الموهوب ترهاقا
رغم التدمير الممنهج الذي اتبعته نظام الانقاذ لكل دور العلم من جامعات ومعاهد
ذهلت عند سماعي هذا الانتاج والذي كان فوق توقعاتي
شكرا على المشاركة وإبداء ملاحظاتك
Post: #10 Title: Re: كورال معهد الموسيقى والدراما- غرام الروح Author: bakri abdalla Date: 09-28-2020, 01:10 AM Parent: #9
.
Quote: سلامات أحمد ليه الكورال دايماً بيؤدي أغاني مسموعة؟ كلية الموسيقى والدراما مليانة شعراء وملحنين ليه ما تكون عند الكورال أعماله الخاصة!
الأخ العزيز أحمد محمد عمر
من زاوية أخري
تناول الأغاني السودانية من علماء الموسيقي بإضفاء الطابع العلمي وتطبيق قواعد الموسيقي
مع الاحتفاظ بجوهر اللحن الأساسي هي إحدي السبل للموزع كي يبرز مدي موهبته
بل أن معظم الفنانين يفرحون جدا إن تم إختيار اعمالهم لمثل هذا الغرض .
Post: #11 Title: Re: كورال معهد الموسيقى والدراما- غرام الروح Author: Hamid Elsawi Date: 09-28-2020, 01:17 AM Parent: #9
شكراً أخ بكري علي اتاحة الفرصة لنا لسماع هذا العمل. الشكر و السلام عبرك لعضو المنبر الكسول سيف بشير.
Post: #12 Title: Re: كورال معهد الموسيقى والدراما- غرام الروح Author: bakri abdalla Date: 09-28-2020, 01:39 AM Parent: #11
; في الحقبة الماضية اختلفنا أم استفقنا كان الاستاذ الموصلي هو الوحيد في الساحة في من بذل جهدا مقدر لإضفاء
الطابع العلمي للاغنية السودانية
اعذروني إن أجحفت في حق أحد
الآن ختو بالكم من محمد ضرار
هذا الموسيقار اتنبأ له بمستقبل زاهر
على الأقل في الساحة السودانية إذا إستمر على هذا المنوال .
Post: #13 Title: Re: كورال معهد الموسيقى والدراما- غرام الروح Author: Kabar Date: 09-28-2020, 03:15 AM Parent: #1
Quote: خربوها
هاني عابدين دة ما أقنعني كلو كلو
هههه..! خربوها الهينة دي يا احمد؟ يا خي دي طلعوا عينها ، وعين كبر ، وعين دفع الله ود الأصيل ، وعين يحى قباني ، وعين اللوردات ناس يحي عبد الكريم ، محمد المرتضى، ابوبكر قاسم ، الفاتح ميرغني ، الطيب شيقوق..!
وانتا وشطارتك ، يا احمد ، عادي العين ممكن تخت بدلها دال ، والكائن يكون..!
لكن على قول عادل امام في مسلسل (فرقة ناجي عطا الله) لمن زروهو مع تجار الحشيش ، وقال للضابط: انا خاين ، انا عميل ، انا ابن كلب..لكن الحشيش ده مش بتاعي..!
فشنو يا قر يبي ، هاني عابدين فلتة يا صاحب ، على الأقل من وجهة نظر متذوق جربندي ساكت زينا كده ، واول ما سمعتها (زمان) كنت دايما بقول يا ريت هاني عابدين يشتغلها بجيتار اكوسيتك..وديني عمك سبستيان باخ يقوم من قبرو ويقول: شكرا هاني..!
(هنت يا احمد: عشان صوت هاني عابدين يقع ليك: اسمع عركي ، الهادي الجبل ، الصومالي حسن ادم سماطر ، ومحمود عبد العزيز..!!!)
كبر..
Post: #14 Title: Re: كورال معهد الموسيقى والدراما- غرام الروح Author: Kabar Date: 09-28-2020, 03:20 AM Parent: #13
الأحباب.. ترهاقا ، احمد ياسين ، بكري.. حبابكم يا شباب.. علمية المزيكا ، مافيها كلام تب..ولكن..! الفوكال الجماعي (عبر مداخله المتنوعة) حول الغنية الى مدحة..والله صحي..! زيها وزي مديح اولاد حاج الماحي او اولاد البرعي..! وجوهر الغنية ليس مدحة يا شباب ، الغنية عاطفية ووجدان جمال اتربت عليهو ، ذوقيا ، ناس كتار خلاص ، وانا منهم..!!..وشغل الفوكال الثنائي/الجماعي.. طلع عينها ووداها ام طرقا عراض ذاتو..! لو اشتغلها هاني عابدين ، براهو ، بجيتار اكوسيتك ، كان وداها المراقي العليا..! دويتو رجالي في غنية غارقة في العاطفية؟!! يا ترى ناس الكورال بالرسالة دي قاصدين شنو بالضبط؟ يعني معقولة يا ناس الكورال ما وقع في عينكم فكرة الدويتو بتاع امبلينا السنوسي وحيدر حدربي؟ غنية (غرام الروح) غنية روح ، غنية مناجاة ، ما بينفع فيها فوكال جماعي..ناهيك عن دويتو رجالي!..بالواضح ما مابتنفع فيها مناجاة بين فوكال رجالي..! طلعتوا عينها يا ناس الكورال..!..وطلعتوا عينا نحن ذاتو..!! كان يمكن تنفيذها بصورة افضل..! المزيكا (ستة من عشرة) الفوكال ، ثنائي/جماعي/ فردي (زيرو من عشرة)..! اجهضوا الفكرة من اساسها..! فشنو بلاش طنقعة يا ناس الكورال..! كبر
Post: #15 Title: Re: كورال معهد الموسيقى والدراما- غرام الروح Author: أحمد محمد عمر Date: 09-28-2020, 05:26 AM Parent: #14
سلامات حبيبنا كبر أنا مشكلتي مع هاني عابدين هي نفس مشكلتي مع نانسي عجاج: النخنخة أو ما عبر عنه الفنان ترهاقا فوق: خروج الصوت من الأنف
Post: #16 Title: Re: كورال معهد الموسيقى والدراما- غرام الروح Author: النورس الحزين Date: 09-28-2020, 06:22 AM Parent: #15
النفيذ اكاديمي ممتاز مافي كلام لكن مافي احساس
Post: #17 Title: Re: كورال معهد الموسيقى والدراما- غرام الروح Author: bakri abdalla Date: 09-29-2020, 02:47 AM Parent: #16
.
Quote: هههه..! خربوها الهينة دي يا احمد؟ يا خي دي طلعوا عينها ، وعين كبر ، وعين دفع الله ود الأصيل ، وعين يحى قباني ، وعين اللوردات ناس يحي عبد الكريم ، محمد المرتضى، ابوبكر قاسم ، الفاتح ميرغني ، الطيب شيقوق..!
االأستاذ كبر
لا شك في أنك قانوني ضليع ومتميز ولك اسهامات لاينكرها إلا مجحد
يا كبر أنت دخلت كلية القانون وامضيت بيها 4 سنين
فتشوكم وغربلوكم بدقة ولو لم تكن من الجديرين لما نلت شهادة البكلاريوس من تلك المؤسسة المرموقة ألا وهي جامعة الخرطوم
بالمثل هولاء الشباب بما فيهم أحمد ياسين قد مروا بمثل ظروفك بل ربما أصعب
ولا تنسي أن الدخول إلى كلية الموسيقي يخضع لإمتحان قدرات عالية جدا "الدخول شبه مستحيل" وبعد داك المقولة "ليس كيف تدخل بل كيف تتخرج "
نعم الفن هو تذوق ويعتمد على المزاج
حتي بيتهوفن هنالك من يراه كالمأذن في مالطا فيا حبيبي لا تبخسوا للناس اعمالهم
وخليك مع ال Jurisprudence , Law of Torts وقانون الأحوال الشخصية وكده
نصيحة ليك ياصديق جيب ليك سماعات نضيفة وعيد السمع أنسي الصولست لانو كان ممكن يكون في محلو زيدان بذات نفسو ركز على المزيكة
كل التقدير والاحترام .
Post: #18 Title: Re: كورال معهد الموسيقى والدراما- غرام الروح Author: Elhadi Date: 09-29-2020, 02:58 AM Parent: #17
واحدة من الأغاني المفضلة لدي على مر السنوات..
ـ أتفق مع الزول القال هاني عابدين صوته ما كان مناسب مع الغنية كلو كلو..
كدي هاكم اسمعوا الزول الجاي في المداخلة الجاية دي وقارنوا
Post: #19 Title: Re: كورال معهد الموسيقى والدراما- غرام الروح Author: Elhadi Date: 09-29-2020, 03:01 AM Parent: #18
فضل أيوب
Post: #20 Title: Re: كورال معهد الموسيقى والدراما- غرام الروح Author: bakri abdalla Date: 09-29-2020, 03:52 AM Parent: #19
' االأخ الهادي
شكراً على المشاركة
فالنتتفق على أرضية مشتركة
لا يهم من يودي الاغنية " أسف ما عندي همزة على الواو "
الهيكل هو الأهم
هنا أيضا الاشراف كان على الموسيقار محمد ضرار
لا تنسي أن في العمل الأول الموسيقار محمد ضرار قام بسكب عرق جبينه من جهد في التوزيع الموسيقي والإشراف
طلبت تقديم نبذة عن هذا الموسيقار وتنبات له بمستقبل فريد .
Post: #21 Title: Re: كورال معهد الموسيقى والدراما- غرام الروح Author: أحمد محمد عمر Date: 09-29-2020, 06:27 AM Parent: #20
Quote: وخليك مع ال Jurisprudence , Law of Torts وقانون الأحوال الشخصية وكده
هاني عابدين خرب الأغنية وانت خربت البوست :) مافي علاقة بين العلوم الموجهة للمتخصصين والفن الموجه للجمهور نجاحك كفنان معتمد على تقبل الناس لفنك .. لأنك بتغني للناس ما بتغني في الحمام كلامك دة يصلح لكيميائي مثلاً لا يستطيع فهم عمله إلا الكيميائون أمثاله والمستفيد من عمله فنيو المصانع واللي عندهم فهم دقيق في الكيمياء لكن الفن رغم إنه علم كبير ودراسة فيها امتحانات ومشاريع بس حق تقييم الجمهور محفوظ وأساسي في تقييم الفن المسلسل الدرامي مثلاً إذا لم يحظ بدرجة مشاهدة عالية ما بعملوا ليه موسم تاني في مقولة لي حمد الريح اعتقد كان بقول الفنان لو عاوز يقيس نفسه صاح يمشي يغني في مسرح الجزيرة لأنه جمهور مدني ما بجامل
الحاجة التانية الغناء موهبة تصقلها الدراسة لكن لا تصنعها من عدم
الشغل الموسيقي في الكورال مافي زول بقدر يعترض عليه .. أكيد طبعاً أفضل موسيقى وتوزيع موسيقي موجود في السودان هو شغل فطاحلة الكورال لكن الاعتماد على هاني ونادر في أغلب الأعمال بنقص كتير من قيمتها .. في رأيي كمستمع هم فنانين عاديين وامكانياتهم متواضعة الكورال مرت عليه مواهب وامكانيات صوتية جبارة زي ليمياء الفاضل وآمنة حيدر ومنى مجدي لو كانوا استغلوا اصواتهم بدلاً من التركيز على هاني عابدين كصوت رئيسي في كل الأعمال لكان أفضل بالنسبة لذائقتي السمعية
Post: #22 Title: Re: كورال معهد الموسيقى والدراما- غرام الروح Author: Nasser Amin Date: 09-29-2020, 10:45 AM Parent: #21
سلامات الاخ بكري
انا برضو هاني عابدين ما وقع لي نهائي
نوعية صوته وطريقة غناهو ما لفقت معاي.
اختلاف امزجة.
بروفة عارفني منك …. الفنان البغني بعد الدقيقة التانية صوته سمح بس ما عارف اسمو.
... .. .
Post: #23 Title: Re: كورال معهد الموسيقى والدراما- غرام الروح Author: علي عبدالوهاب عثمان Date: 09-29-2020, 11:12 AM Parent: #22
حبيبنا بكري عبدالله .. تحياتي معليش ممكن نستثني جيل الشباب بالنسبة لي وأحياناً عندما نكون مجموعة مع بعض ألاحظ ان هناك استهجان وعدم قبول لأغاني الكورال
مثلاً عند اداء اغنية ( عزة ) للخليل أو اغنية ( ديل أهلي ) ..الخ
يظهر لنا كأن هناك لحن مصري .. ربما يستسيغه أهل الموسيقى لأنهم يعرفون الأمور العلمية لهذه الاضافات ولهم تبريرهم .. ولكن بالنسبة للشخص العادي لا يطيق تغيير اللحن .. ربما تستمع إليهم بعد شرح من موسيقي ( خماسي .. سباعي .. الخ )
كده الموضوع يكون صعب .. لا بد شرح الموضوع لكل المستمع لكي يستسيغ اللحن
معليش هؤلاء إذا كان لديهم غناء جديد
ولكن اغاني نستمع اليها من عشرات سنوات يتم تغييرها ( صعبة قبولها ) ربما يتقبلها الشباب ..
حبيبنا بكري .. بالمناسبة كلامي ده كلام زول تربال عادي بدون اي خلفية عن الموسيقى فقط السماع ..
مودتي الحبيب بكري حاولت انقل لك بعض ما لاحظته من الناس العاديين
Post: #24 Title: Re: كورال معهد الموسيقى والدراما- غرام الروح Author: Ahmed Yassin Date: 09-29-2020, 11:53 AM Parent: #23
ناصر الفنان دا نادر عثمان ولد حياة طلسم ( البللبل) والقاعد فوق الكنبة دا ( علي مصطفى) والبنات الواقفات..منى مجدي- امنةحيدر- لمياء
Post: #25 Title: Re: كورال معهد الموسيقى والدراما- غرام الروح Author: Nasser Amin Date: 09-29-2020, 12:11 PM Parent: #24
Quote: ناصر الفنان دا نادر عثمان ولد حياة طلسم ( البللبل) والقاعد فوق الكنبة دا ( علي مصطفى) والبنات الواقفات..منى مجدي- امنةحيدر- لمياء
شكرا ليك كتير احمد اها نادر من الاصوات الجميلة و يغني باحساس.
مني مجدي و آمنة حيدر بعرفهم بالحيل.
عموما انا بحب طبقة صوت وردي
الاصوات الغليظة ما بتقسّم معاي..
طبعا انتو كخبراء في المجال فاهمين حتة الاصوات دي.
Post: #26 Title: Re: كورال معهد الموسيقى والدراما- غرام الروح Author: Ahmed Yassin Date: 09-29-2020, 12:47 PM Parent: #25
ناصر امين اكيد لانه طبقة صوت وردي ( تينور) ودا الصوت الرجالي الحاد زي صلاح بن البادية ومجذوب اونسة والامين عبدالغفار طيب رايك شنو في ابوداؤد ، العطبراوي، كابلي ، محمد الامين ، عثمان حسين
Post: #27 Title: Re: كورال معهد الموسيقى والدراما- غرام الروح Author: Nasser Amin Date: 09-29-2020, 04:36 PM Parent: #26
Quote: طيب رايك شنو في ابوداؤد ، العطبراوي، كابلي ، محمد الامين ، عثمان حسين
ههههههه عشان ازوغ من الاجابة
انا عندي تقسيمات للاصوات
أصوات حنينة : زي وردي , عبد الرحمن عبد الله , صديق أحمد
اصوات حزينة : عبد المنعم الخالدي , زيدان ابراهيم
في اصوات زي صوت جو كوكر دا بالنسبة لي صوت مميز غليظ وفيهو شرخة أو زي العندو عشراقة
كدي شوف
... .. .
Post: #28 Title: Re: كورال معهد الموسيقى والدراما- غرام الروح Author: Ali Alkanzi Date: 09-29-2020, 04:57 PM Parent: #27
يا له من يوم يهيج احزاني اليوم يصادف يوم رحيل خديحتي الصغرى وهذا الكورال اعاد لي ايام صدقاتي واحتفائي بزيدان فقد كان مبدع ايام شبابي وبصوته تعلقت روح شبابي وصرت اهاجر لسماع صوته في كل بقعة غنى فيها حتى لاحظ ترددي على حفلاته وقامت بيننا صداقة ومودة له ولخديجتي الصغرى رحمة من رب كتب على نفسه الرحمة وقال ان رحمته وسعت كل شئ
Post: #29 Title: Re: كورال معهد الموسيقى والدراما- غرام الروح Author: يحي قباني Date: 09-29-2020, 05:13 PM Parent: #28
تحياتي بكري ..
Post: #30 Title: Re: كورال معهد الموسيقى والدراما- غرام الروح Author: Ahmed Yassin Date: 09-29-2020, 08:03 PM Parent: #29
ناصر امين اههههه عارفك زوغت من الاجابة يا حريف
Quote: في اصوات زي صوت جو كوكر دا بالنسبة لي صوت مميز غليظ وفيهو شرخة
ياخي لو مسكنا الخيط دا البوست حيصل الصفحة ال200 وما نخلص ومن الاوركسترا السيمفوني الضخمة ومغنيي التينور والاصوات الرهيبة ( الطو / سوبرانو) وصولاا الى مغنيي الجاز بالاصوات (الباص) جو كوكر مغني (الروك سول) دا زي ما بقولوا بغني اغاني المراحيم لكن بطريقته الذكية والرائعة ، غنا للبي جيز والبيتلز وبول مكارتني كان بعتبره نجم كبير نوعية صوت جو طوكر دا (باريتون) مبحوح زي .... برايان آدمز
Post: #31 Title: Re: كورال معهد الموسيقى والدراما- غرام الروح Author: Nasser Amin Date: 09-29-2020, 08:11 PM Parent: #30
Quote: والبيتلز وبول مكارتني كان بعتبره نجم كبير نوعية صوت جو طوكر دا (باريتون) مبحوح زي .... برايان آدمز
طيب في السودان من هو أقرب لصوته
بالنسبة لي العطبراوي أقرب..أظن كدا
Post: #32 Title: Re: كورال معهد الموسيقى والدراما- غرام الروح Author: Ahmed Yassin Date: 09-29-2020, 08:30 PM Parent: #31
Quote: بالنسبة لي العطبراوي أقرب..أظن كدا
لا العطبراوي صوت (باص) وفخيم وفيهو (ازيز) صدري عجيب اقرب صوت لى جو كوكر دا هو صوت (صلاح مصطفى) الباريتون
Post: #33 Title: Re: كورال معهد الموسيقى والدراما- غرام الروح Author: Nasser Amin Date: 09-29-2020, 08:43 PM Parent: #32
خلي بالك قاعد اتثقف موسيقيا مجانا.
طيب ..لو سمحت و للفائدة العامة و عشان
المستمع الزينا يتثقف.
عايزك تجيب كل انواع الاصوات و ما يقابلها
من فنانين سودانيبن و بعضا من العالميبن.
*في ملاحظة مثلا في فنانين نفسهم ما طويل
بمعنى مثلا بحب وردي لمن يرفع كتافينو مثلا
في اغنية "قلت أرحل" لمن يجي "كل الارض منفى"
في فنانين اصواتهم سمحة بس ما بقدروا على الحاجة دي.
Post: #34 Title: Re: كورال معهد الموسيقى والدراما- غرام الروح Author: Ahmed Yassin Date: 09-29-2020, 09:11 PM Parent: #33
طيب ناخد الاصوات الرجالية التينور ـ في تينور اول وتاني قلنا وردي ومجذوب ومعظم الفنانين هم من فئة التينور التاني واوضح واقرب مثال (عصمت بكري) (هاني عابدين) برضو تينور تاني ويتارجح للباص الباريتون: دا الغليظ (نوع باص) ـ صلاح مصطفى ، عثمان مصطفى ، عثمان حسين ، محمود عبدالعزيز ، كابلي (باريتون باص) العصر الباص: ابوداؤد ـ العطبراوي بالنسبة لى ( ارحل) دي اجمل واروع اغنية سودانية على الاطلاق كلمات وموسيقى ومقدمة ولحن واداء. وقمنا بتحليلها كاملة في جنبات هذا المنبر وردي (بملأ) صدره بالهواء ويحلق ويطلع طلعات جوية بسرعة (7) ماخ
Post: #35 Title: Re: كورال معهد الموسيقى والدراما- غرام الروح Author: Nasser Amin Date: 09-29-2020, 09:32 PM Parent: #34
Quote: بالنسبة لى ( ارحل) دي اجمل واروع اغنية سودانية على الاطلاق كلمات وموسيقى ومقدمة ولحن واداء. وقمنا بتحليلها كاملة في جنبات هذا المنبر وردي (بملأ) صدره بالهواء ويحلق ويطلع طلعات جوية بسرعة (7) ماخ
بالله استرسل في الحتة دي...
دي من اجمل الاغاني السودانية من وجهة نظري
ممكن تنقل تحليلك هنا.
اقول ليك حاجة أفتح بوست الناس متعودة تلقى الاغنية جاهزة و تحب أو تنتقد الاغنية اعتمادا على المزاج. عايزين نفهم مراحل ولادة الاغنية و تحليلها.
Post: #36 Title: Re: كورال معهد الموسيقى والدراما- غرام الروح Author: Ahmed Yassin Date: 09-29-2020, 10:00 PM Parent: #35
Quote: بالله استرسل في الحتة دي... دي من اجمل الاغاني السودانية من وجهة نظري
عارف من زمن محمد ودالفكي بتاع كبوشية زمن الرميات مرورا بكل المدارس الغنائية .. مافي اغنية مكتملة العناصر بنظم التجاني سعيد والحان وردي ومافي لزمات موسيقية واداء يماثل (ارحل) يعني مثلا بعد المقدمة السماوية الفيها الاكورديون بمشاركة الوتريات يدخل صوت وردي منسابا وسط ذلك الزخم الموسيقى ليغني.. (قلت ارحل) اسوق خطواتي.. وفي الاعادة يقول (ارحل) بدون (قلت) ليؤكد ان (الرحيل) قد حدث فعلا. المقدمات الموسيقية لاغاني ورديhttps://sudaneseonline.com/board/490/msg/-1468943902.html
Post: #37 Title: Re: كورال معهد الموسيقى والدراما- غرام الروح Author: Nasser Amin Date: 09-29-2020, 10:31 PM Parent: #36
دا بوست ثمين و سمين و عايز وقت
و بجبك صادي.
بوست زي دا مفروض ما يتأرشف.
Post: #38 Title: Re: كورال معهد الموسيقى والدراما- غرام الروح Author: دفع الله ود الأصيل Date: 09-29-2020, 11:42 PM Parent: #37
Quote:
هههه..! خربوها الهينة دي يا احمد؟ يا خي دي طلعوا عينها ، وعين كبر ، وعين دفع الله ود الأصيل ، وعين يحى قباني ، وعين اللوردات ناس يحي عبد الكريم ، محمد المرتضى، ابوبكر قاسم ، الفاتح ميرغني ، الطيب شيقوق..!
وانتا وشطارتك ، يا احمد ، عادي العين ممكن تخت بدلها دال ، والكائن يكون..!
لكن على قول عادل امام في مسلسل (فرقة ناجي عطا الله) لمن زروهو مع تجار الحشيش ، وقال للضابط: انا خاين ، انا عميل ، انا ابن كلب..لكن الحشيش ده مش بتاعي..!
فشنو يا قر يبي ، هاني عابدين فلتة يا صاحب ، على الأقل من وجهة نظر متذوق جربندي ساكت زينا كده ، واول ما سمعتها (زمان) كنت دايما بقول يا ريت هاني عابدين يشتغلها بجيتار اكوسيتك..وديني عمك سبستيان باخ يقوم من قبرو ويقول: شكرا هاني..!
(هنت يا احمد: عشان صوت هاني عابدين يقع ليك: اسمع عركي ، الهادي الجبل ، الصومالي حسن ادم سماطر ، ومحمود عبد العزيز..!!!)
كبر..
● تسلم يا الهميم تسلم مستشارنا موسيقارنا، فنانا الشامل العملاق/ كبر ؛ بعد إلقاء فروض التحية و التجلة اللازمة لحبببنا الذواقة الرلقي/ بكري عبد الله لقيت اسمي مكتوب هنا؛ فجاي هدا نفيس عقايم من بياتي الصيفي العميق قلت: اللهم اجعلو خير ، " من بعثنا من مرقدنا هذا. و إت عارف عندليبنا زيدان إبراهيم دا زولي تب من زمنا الشفع ، فما برضى فيه لومة لائم. و لولاكم كنت حأرفع دعوى لي بن سودا ضد الكورال دا لأني زي ما تفضلتو شايف الناس ديل (توكو ) الشغلانة دي شديد ؛ غايتو قلبوها "لغة ضفادع و نخنخة بعاعيت عديييل كدي. ثم بعدينك تعال لي النسعلك؛ إتا ما بتجيش ليه. موش تبقى تجي؟!! يشهد الله إني مشتهيك و جايب سيرتك بخيرين و زيادة طبعن ، في بوست باسمي فارعو ود اللمير بهناك كدي تعال شرفنا مرنا بغادي، تاوق و فالك طيب.
Post: #39 Title: Re: كورال معهد الموسيقى والدراما- غرام الروح Author: bakri abdalla Date: 09-30-2020, 02:01 AM Parent: #38
'
Quote: Quote: وخليك مع ال Jurisprudence , Law of Torts وقانون الأحوال الشخصية وكده هاني عابدين خرب الأغنية وانت خربت البوست :)
االأخ أحمد محمد عمر
هذا مجرد مزح
الأخ كبر مشهود له باسهاماته في تسليط الضوء على الاغنية الفلكلورية ولا أشك أبدا في ذوقه الفني
ربما خانني التعبير ولكن وددت القول أن هذا العمل أكاديمي بحت ومن الأفضل أن نسمع لأراء من في المجال أولاً
قبل الادلاء، غرض البوست تعليمي وليس للطرب
اتوقع أن يكون النقد مبنيا على أسس وحقائق وليس على المزاج الشخصي .
Post: #40 Title: Re: كورال معهد الموسيقى والدراما- غرام الروح Author: bakri abdalla Date: 09-30-2020, 02:08 AM Parent: #39
.
Quote: الأداء الجماعي للكورال يتسم بـ(المليودية) والتوازن وتداخل الاصوات في انسجام والخطوط والأبعاد الملفت ان الكورال قدر يطبق الشكل الموسيقي والغنائي (الأكابيلا) ودا يرتكز على تطويع صوت الآلة الموسيقية وحكاية اعادة توزيع واداء اغاني قديمة بروح (شبابية) مع الحفاظ على (اللحن الاساسي) دخلت امزجة ووجدان الجمهور وتخطى الغناء المحلي في تحدي اغاني عبية وافريقية وحتى لاتينية، زي (نسم علينا الهوى) ل فيروز و (ليلة العمر) لعبد الرب إدريس، ,و(ملايكة) لمريم ماكيبا ، و(مريا) اغنية للاتينية بلغة بالإنجليزية . من اجمل الاصوات في الكورال اخونا وحبيبنا (ابراهيم الامام) ودا (مدرب صوت في الكلية) ويشارك في الغناء مع الكورال. هاني عابدين نوعيه صوته (تينور تاني) يمتد الى (الباص) وزوجته رانيا محجوب(سوبرانو) مسنكب ونادر عثمان جمال الدين (ابن حياة طلسم) وهاني مغنيين رئيسيين في الكورال هم الادوا (غرام الروح)
االاستاذ الموسيقار أحمد ياسين
كلامك هو المختصر المفيد
علم
اتحفتنا
منكم نسفيد
شكراً لك ياجميل
Post: #41 Title: Re: كورال معهد الموسيقى والدراما- غرام الروح Author: أحمد محمد عمر Date: 09-30-2020, 03:57 AM Parent: #40
أرحل من أكتر الأغاني البسمعها لي ورديلكن مصنفة عندي (صاحب البطل) دايماً بتجي في المرتبة التانية في الإحساس بتجي بعد الحزن القديم ، في اللحن بتجي بعد من غير ميعاد في الموسيقى أنا ذوقي مختلف .. بحب الموسيقى الفرايحية القصيرة أكتر من الهادئة الطويلة عشان كدة شايف أفضل تلحين موسيقي لي وردي: ذات الشامة أما في الفن السوداني عموماً موسيقى فتنت بيه بتاعة الكاشف
.
Post: #42 Title: Re: كورال معهد الموسيقى والدراما- غرام الروح Author: bakri abdalla Date: 09-30-2020, 04:01 AM Parent: #41
Quote: شكراً أخ بكري علي اتاحة الفرصة لنا لسماع هذا العمل. الشكر و السلام عبرك لعضو المنبر الكسول سيف بشير.
الأخ حامد الصاوي
شكراً على المرور يا عزيز
وعبرك تحياتي للعزيز الصاوي
تسلم
Post: #43 Title: Re: كورال معهد الموسيقى والدراما- غرام الروح Author: bakri abdalla Date: 09-30-2020, 04:02 AM Parent: #42