هل قصه عباره بالميت كدا وطلع ميتينا صحيحه ؟؟

00:49 AM September, 17 2020

سودانيز اون لاين
Asim Ali-
مكتبتى
رابط مختصر

تساؤل مطروح لمزيد من التفصيل تاكيد او نفى ؟؟؟
بصراحه مامصدقها
تفسير لتعبير سائد كنايه تجميل الشخص فوق طاقتو وامكاناتو
(طلع ميتننا)
(الموضوع دا بالميت كدا)
عبارات بنستخدمها ضمنكميه من العبارات لكن احيان كتيره لانعرف مصدرها او قصتها

Quote: القصه دى اول مره اسمعها الليله ؟؟؟ !!!! ياريت العندو اضافات وشرح يفيدنا ؟؟ في السودان وقبل قيام الثورة المهدية، كان العرف المتبع عند أغلب الأسر السودانية، أن يتم دفن كبير العيلة داخل المنزل.. فإذا أراد شخص بيع المنزل (عشان اتزنق في قرشين) فهو أمام خيار من اثنين: إما أن يقوم باستخراج الميت، ودي عملية مكلفة وصعبة نفسياً ومادياً، وفي هذه الحالة يمكن عَرْض البيت بسعر مرتفع.. أو يعرض المنزل للبيع (بالميت) وكدا هايكون سعره أقل بكتير! وبالرغم من اختفاء عادة دفن الموتى داخل المنازل، ظل مصطلح (بالميت) يعبر عن الحد الأدنى لسعر بضاعة معينة.. يعني لو زول عارض سيارة للبيع، يقول العربية دي (بالميت) كدا بتجيب كذا كذا.. وبعد قيام الثورة المهدية قرر الخليفة عبد الله التعايشي إلغاء عادة دفن الموتى داخل المنازل، لمخالفتها تعاليم الدين الإسلامي، وقرر (يطلع ميتين) أم درمان ويدفنهم في مقابر خاصة بالمسلمين ومراعاة منه لكبار شيوخ الصوفية، قام بتحويل بعض منازلهم لمقابر عشان مايصحش (يطلع ميتينهم) وفضلت في أم درمان مثلا مقابر الشيخ حمد النيل وأحمد شرفي والبكري في منازلهم كما هي.. و تم تعميم التجربة و طلّع الخليفة ميتين الخرطوم وغيرها، ثم عمموا التجربة وطلع ميتين السودان كله.. وكانت عملية دفن الموتى داخل المنازل عرف متبع في كل السودان وتقاليد صعب تغييرها بالنسبة للعامة، فاستنكر السودانيون تغيير هذا التقليد وقالوا كيف يعني يطلعوا ميتينهم؟!! و ظل المصطلح حتى الآن يُستخدم للتعبير عن سلوك غير مقبول.. يعني الواحد يقول مثلا الجماعة دول طلعوا ميتينا أو طلعوا ميتين أبونا.. يعني أجبرونا نعمل حاجة مش عايزين نعملها! منقول

سلام عاصم
المعلومة صحيحة 100%.
ليس كل السودان, ربما سكان مدينة الخرطوم او ربما كل الشريط النيلي لا اعلم.

_______________
دى الحسنة الوحيدة لـ ود تورشين عند اهل النيل.

وعليكم السلام اخ محجوب
معلومه لما لقيتها فى فيديوهات وبوست مصرى فتشت النت القى معلومه ضمن مقال او بوست فى منتدى لكن مالقيت وكتير من العبارات مجهوله الاصل والمصدر وامنى الناس تثرى جوانب المجهول فى زوايا التاريخ والتراث المهجوره.

سلام عاصم
بقى السؤال: هل عادة دفن الموتى داخل البيوت لها جذور فرعونية ام مسيحية من دولة علوة ام من دولة الفونج؟

لا أبداً عبد الله التعايشي تاريخه حديث نسبياً
والمقابر في نواحي أم درمان والخرطوم وشرق النيل
سبقته بمئات السنين
مثلاً مقابر سوبا شرق الموجودة الأن عمرها أكثر من 500 عام
وقس على ذلك

يا عاصم

من تبينا ما سمعنا بي دفن في بيوتنا في ام درمان
دي فريه ليس الا