تساؤل مطروح لمزيد من التفصيل تاكيد او نفى ؟؟؟ بصراحه مامصدقها تفسير لتعبير سائد كنايه تجميل الشخص فوق طاقتو وامكاناتو (طلع ميتننا) (الموضوع دا بالميت كدا) عبارات بنستخدمها ضمنكميه من العبارات لكن احيان كتيره لانعرف مصدرها او قصتها
Quote: القصه دى اول مره اسمعها الليله ؟؟؟ !!!! ياريت العندو اضافات وشرح يفيدنا ؟؟ في السودان وقبل قيام الثورة المهدية، كان العرف المتبع عند أغلب الأسر السودانية، أن يتم دفن كبير العيلة داخل المنزل.. فإذا أراد شخص بيع المنزل (عشان اتزنق في قرشين) فهو أمام خيار من اثنين: إما أن يقوم باستخراج الميت، ودي عملية مكلفة وصعبة نفسياً ومادياً، وفي هذه الحالة يمكن عَرْض البيت بسعر مرتفع.. أو يعرض المنزل للبيع (بالميت) وكدا هايكون سعره أقل بكتير! وبالرغم من اختفاء عادة دفن الموتى داخل المنازل، ظل مصطلح (بالميت) يعبر عن الحد الأدنى لسعر بضاعة معينة.. يعني لو زول عارض سيارة للبيع، يقول العربية دي (بالميت) كدا بتجيب كذا كذا.. وبعد قيام الثورة المهدية قرر الخليفة عبد الله التعايشي إلغاء عادة دفن الموتى داخل المنازل، لمخالفتها تعاليم الدين الإسلامي، وقرر (يطلع ميتين) أم درمان ويدفنهم في مقابر خاصة بالمسلمين ومراعاة منه لكبار شيوخ الصوفية، قام بتحويل بعض منازلهم لمقابر عشان مايصحش (يطلع ميتينهم) وفضلت في أم درمان مثلا مقابر الشيخ حمد النيل وأحمد شرفي والبكري في منازلهم كما هي.. و تم تعميم التجربة و طلّع الخليفة ميتين الخرطوم وغيرها، ثم عمموا التجربة وطلع ميتين السودان كله.. وكانت عملية دفن الموتى داخل المنازل عرف متبع في كل السودان وتقاليد صعب تغييرها بالنسبة للعامة، فاستنكر السودانيون تغيير هذا التقليد وقالوا كيف يعني يطلعوا ميتينهم؟!! و ظل المصطلح حتى الآن يُستخدم للتعبير عن سلوك غير مقبول.. يعني الواحد يقول مثلا الجماعة دول طلعوا ميتينا أو طلعوا ميتين أبونا.. يعني أجبرونا نعمل حاجة مش عايزين نعملها! منقول
09-18-2020, 01:25 PM
Mahjob Abdalla
Mahjob Abdalla
تاريخ التسجيل: 10-05-2006
مجموع المشاركات: 8952
وعليكم السلام اخ محجوب معلومه لما لقيتها فى فيديوهات وبوست مصرى فتشت النت القى معلومه ضمن مقال او بوست فى منتدى لكن مالقيت وكتير من العبارات مجهوله الاصل والمصدر وامنى الناس تثرى جوانب المجهول فى زوايا التاريخ والتراث المهجوره.
09-19-2020, 01:25 AM
Mahjob Abdalla
Mahjob Abdalla
تاريخ التسجيل: 10-05-2006
مجموع المشاركات: 8952
لا أبداً عبد الله التعايشي تاريخه حديث نسبياً والمقابر في نواحي أم درمان والخرطوم وشرق النيل سبقته بمئات السنين مثلاً مقابر سوبا شرق الموجودة الأن عمرها أكثر من 500 عام وقس على ذلك
09-19-2020, 02:39 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة