مهما قسيت انا برضو بحبك --- حبيبي النيل

01:38 PM September, 08 2020

سودانيز اون لاين
أبوذر بابكر-
مكتبتى
رابط مختصر

وساعة عطفك بستناها

نسأل الله اللطف والعناية ب اهلنا ساكني ضفتي النيل والنيلين

يحفظهم بقوته وينجيهم برحمته ويعوضهم من فضله

واغني بحنيني وشوقي وهوايا

النيل الذي بين الحنايا
مهما قسيت علي


شكراً شاعرنا

والله يا دكتورة النيل والنيلين مرات قلوبهم بتبقى قاسية جدا علينا

لكن برضو ريدتنا ليهم ما بتنقص

دمنا من مويتهم واجسامنا من طميهم وطينهم
وأرواحنا من انسامهم

زمان كان النيل لما يزعل ويرد وما يفيض
بهدو ليه أجمل فتاة فى البلد

هسه الوضع انعكس

عايزنو يخفف زعله علينا وما دايرين منه عروس نيل

المهم يعرف بس اننا بنريده ونعشقه

سليل الفراديس
على قول سيدي أحمد التجاني يوسف البشير

أخينا أستاذ ابو ذر
سلامات
مهما قسيت نحن برضو مصاحبنك في الترس.
البحر يا ابو ذر شالنا . البرتكان واليوسفي كلو في قلب النيل الرحيم .
خمسة أيام ليل نهار في الترس.
وبرضو حبايب.
التماسيح هديك يا ابوذر .
كعادتها. تحجرنا المشرع القديم والجديد .
وبرضو أصحاب.

عليك الله يا ابو عفان
اصلكم ما تزعلوه ولا تزعلو منو

البرتكان واليوسفي والمنقة كل ده بتعوض بإذن الله
الأرض بتكون اتسقت وروت لى سبع سنين قادمات

ما تستبعد النيل يكون مرق من محلاته ودخل الشوارع والبيوت والساحات
عشان يغسل وينضف الواطا والدنيا من دنس ورجس ووسخ الكيزان

بسويها والله

بعرفو كويس انا

الله يهديك يا أبو ذر ياخ ....
((قسيت)) دي قريتها حاجة تانية .... 😂😂😂

سلام كتير استاذنا

ده كله من عمك أبو الأسود الدؤلي
هههه
يعني ما لقى شي غير نظام نقط الحروف ده؟

هدا هسه احرجنا مع النيل

كدي دقيقة النجيب النضارة التانية

عشان اتأكد تاني

ههههه