|
|
|
 Re: مهما قسيت انا برضو بحبك --- حبيبي النيل (Re: اخلاص عبدالرحمن المشرف)
|
والله يا دكتورة النيل والنيلين مرات قلوبهم بتبقى قاسية جدا علينا
لكن برضو ريدتنا ليهم ما بتنقص
دمنا من مويتهم واجسامنا من طميهم وطينهم
وأرواحنا من انسامهم
زمان كان النيل لما يزعل ويرد وما يفيض
بهدو ليه أجمل فتاة فى البلد
هسه الوضع انعكس
عايزنو يخفف زعله علينا وما دايرين منه عروس نيل
المهم يعرف بس اننا بنريده ونعشقه
سليل الفراديس
على قول سيدي أحمد التجاني يوسف البشير
| |
  
|
|
|
|
|
|
|
|
Re: مهما قسيت انا برضو بحبك --- حبيبي النيل (Re: أبوذر بابكر)
|
أخينا أستاذ ابو ذر
سلامات
مهما قسيت نحن برضو مصاحبنك في الترس.
البحر يا ابو ذر شالنا . البرتكان واليوسفي كلو في قلب النيل الرحيم .
خمسة أيام ليل نهار في الترس.
وبرضو حبايب.
التماسيح هديك يا ابوذر .
كعادتها. تحجرنا المشرع القديم والجديد .
وبرضو أصحاب.
| |
|
|
|
|
|
|
|
|
|
Re: مهما قسيت انا برضو بحبك --- حبيبي النيل (Re: Osman Musa)
|
عليك الله يا ابو عفان
اصلكم ما تزعلوه ولا تزعلو منو
البرتكان واليوسفي والمنقة كل ده بتعوض بإذن الله
الأرض بتكون اتسقت وروت لى سبع سنين قادمات
ما تستبعد النيل يكون مرق من محلاته ودخل الشوارع والبيوت والساحات
عشان يغسل وينضف الواطا والدنيا من دنس ورجس ووسخ الكيزان
بسويها والله
بعرفو كويس انا
| |
|
|
|
|
|
|
| |
أبوذر بابكر
Osman Musa
ABUHUSSEIN
فيس بوك
تويتر
انستقرام
يوتيوب
بنتيريست