الدين خط احمر !!!

12:38 PM September, 04 2020

سودانيز اون لاين
Haytham Ghaly-
مكتبتى
رابط مختصر

في اي نقاش بمجرد انك تجيب سيرة العلمانية
ينطلك واحد يقولك الدين خط احمر ومعاها رفع اصبعه السبابة



هو الهبش دينك منو يا زول

سلام هيثم

بعد صلاة ظهر الجمعة بطلعو من المسجد الكبير و من السلام بعد خطبة مهران،

يخرج متظاهرين يهتفون ضد وزير الشئون و ضد الحكومة، و رافعين السبابة كما تفضلت.

سلام هيثم سلام دكتورة

بالطبع يا هيثم الدين خط أحمر
فغير مسموح لأي حد أن يتعدى على عقيدة أي إنسان
لكن برضو خط أحمر إستغلال الدين
بمعنى أن يدعي أحدهم أن حزبه السياسي هو الدين
أن يقحم أحدهم الله في صراعات الناس السياسية
لأنها أفضل دعاية لخم البسطاء الذين يركنون عقولهم
ويكدحون بأيديهم وأرجلهم غير واعين بالإستغلال الذي يقع عليهم
يكفي أن تقول لهؤلاء البسطاء أن من يخشى الله ويبتغيي وجهه
فإن الله في جانبه هو وضد الآخرين
والدليل لحية ومساجد للتنظيم ومؤامرات في الخفاء
إنه دس السم في الدسم

عبدالصمد معنى كلامك دا انت متفق معاي انو الدين شأن شخصي
يخص العبد والاله مباشرةً ولا دخل لأي طرف ثالث بينهم
لا دولة ولا حكومة

ياخي نحنا مواطنين في دولة واحدة
مختلفين في عدة اشياء منها الدين
دعونا نعيش في ظل قانون يحفظ حقوقنا جميعاً
ولا نفرض عقائدنا على بعضنا لكي لا نختلف باسم الاله زوراً

دا كل الامر ببساطة

سلام هيثم سلام دكتورة

بالطبع يا هيثم الدين خط أحمر
فغير مسموح لأي حد أن يتعدى على عقيدة أي إنسان
لكن برضو خط أحمر إستغلال الدين
بمعنى أن يدعي أحدهم أن حزبه السياسي هو الدين
أن يقحم أحدهم الله في صراعات الناس السياسية
لأنها أفضل دعاية لخم البسطاء الذين يركنون عقولهم
ويكدحون بأيديهم وأرجلهم غير واعين بالإستغلال الذي يقع عليهم
يكفي أن تقول لهؤلاء البسطاء أن من يخشى الله ويبتغيي وجهه
فإن الله في جانبه هو وضد الآخرين
والدليل لحية ومساجد للتنظيم ومؤامرات في الخفاء
إنه دس السم في الدسم

غايتو متعني عبد العزيز الحلو :)
تب ما وقف بين بين


_________
قبل فترة واحدة عاملة بوست في قروب واتساب قالت يرشحوا ليها مسلسلات امريكية
أغلبية الردود كانت امشي أقري قرآن واقري كتب السيرة وما عارف شنو
والبقولوا ليه البوست عن مسلسلات كلو يجوط .. يعني كيف ما نهديها!!

امس في الفيس يا احمد لقيت فيديو
واحدة مبسوطة من توقيع السلام وطلعت في الشارع وزغردت وعبرت عن فرحتها
ظهرت في فيديو لابسة فستان اسود بدون طرحة او توب
من ضمن التعليقات واحدة قالت بالله شوف دي لا طرحة لا توب هذه المرأة لا تمثل السودانيات
قلت ليها ليه يعني ما تمثل السودانيات
احتمال انها غير مسلمة وغير ملزمة بالطرحة او الحجاب او اللبس الفي مزاجك دا
طوالي قالت لي هل دا جزاي اني بدافع وبغير على ديني
رديتلها وهو اصلاً الهبش دينك منو اسع في الكلام دا

هل تصدق يا احمد انو ظهور مرأة حتى لو كانت غير مسلمة دون حجاب بكل بساطة ممكن ان
ينزع عنها جنسيتها في وطننا المكلوم هذا

نعمات عماد حبابك عشرات

تصدقي رفعة السبابة دي غياظة عندي
اكتر من الشعارات الجوفاء الفاضية وبلا لون او طعم دي

نعم يا غالي الدين أمر شخصي بل أكتر أمر شخصي في الدنيا
لمان نحوله لبزنس بتلقى زول لحيته متر والنهار كله يذبح وبالليل يضبح
مافي حاجة ميدانها خصب للنفاق ذي ميدان الدين
من حق أي حد يكون مؤمن بصنم ولا إله ولا ظاهرة طبيعية
ولا ربنا أداه عقل ومشاعر عشان شنو؟
كثيراً ما أسأل نفسي عن حكمة عدم وجود وسيلة تواصل مادي
بين الخالق والبشر
مما يسهل للبشر خداع البشر
باسم الله
بدون وجود مرجعية لربنا تقول لينا منو الصاح ومنو الغلط
يعني لو المرجعية دي في
كان من أول التسعينات الشعب السوداني عرف رأي الله في الكيزان
القالوا حاكمين باسمه وباذنه
وكشف نفاقهم وقدرنا نرميهم في مزبلة التاريخ

سلام اخ هيثم كتبت في بوست الأخ الهادي تعليقا علي احتجاجه علي تضمين قضية العلمانية او الدين والدولة في البيان المشترك بين حمدوك. والحلو حيث زعم ان هذه القضية محلها المؤتمر الدستوري :التعليق
:-أولا. توضيح ؛ المؤتمر الدستوري ليس هو الجهة التي تجيز الدستور او تصيغ تشريعات .المؤتمر الدستوري. هو منبر ومنصة لمناقشة الاطروحات والروي والأوراق بخصوص القضايا المصيرية ، سعيا للوصول لتفاهم وتقارب حولها ولكن المؤتمر الدستوري ليس له سلطة التشريع وإلالزام - انه مجرد مؤتمر تداولي وتفاكري ! التشريع وإجازة الدستور هو مهمة برلمان او استفتاء شعبي !
ثانيا المؤتمر واصبح ومنذ منتصف ثمانينات القرن الماضي مجرد شماعة لإخفاء الكسل الذهني والعجز عن. الابانة ووضوح المواقف. حول هذه القضايا الحيوية - الساسة اصبحوا يتعاملون بمبدأ. الهروب للامامً وعقلية زيدان. الكسلان - غدا سا انظف ارضي. من هناك لهناك
!** المؤتمر الدستوري وبدلا من ان يكون منصة للعصف الذهني والتفاكر الجاد والمسؤول اصبح كالغول والعنقاء وود امبعلو - ثالثا قضايا فصل الدين الدولة او وقوف الدولة علي مسافة واحدة من الأديان ايست قضية علمانية فحسب وانما قضية ديموقراطية وحقوق مواطنة وانسان !كيف ؟ان تقتصر رئاسة الدولة مثلا علي المسلم الذكر وتصادر حق المراة وغير المسلم في رئاسة الدولة وهو سلب صارخ لابرز حقوق المواطنة ! وان تصادر حق المواطنةً في تبديا الفكر. والمعتقد -الردة فأنت تسلب بذلك ابرز. حقوق الإنسان ،وحقوق. الإنسان والمواطنة هي عصب الديموقراطية -ولهذا وحرصا علي السلام والاستقرار والديموقراطية والحقوق الأساسية. يجب حسم هذه القضايا اليوم قبل الغد ! وإلا تجاهلنا شعارات الثورة. ومطالب الثوار ودولة المواطنة. الديموقراطية. والمدنية ! رابعاالوثيقة الدستور سحبت الإشارة للدين كمرجعية واللغة العربية. كمصدر تميزي من بنودها فلماذا. لم تحتج يا اخ الهادي علي هذه وتعتبره تجاوزا لمهام مرحلة الانتقال

مواصلة
الغريبة ان اخوان مصر حينما حكموا ابقو علي جميع. التشريعات والقوانين. العلمانية -بل أجازوا دستور٢٠١٣ والذي يعد اكثر. علمانية من دستور السادات. لعام ١٧٧١
وفعل ذات الشي اخوان تونس ويفعل ذات الشي اردوغان وامير قطر
-وحتي الإنقاذ وطيلةً
٣٠ عاما لم ترجم زانيا او تقطع يد سارق او تحد مرتدا -بل انها أسقطت شرط الذكورة. والاسلامً فيمن يتولي رئاسة الدولة. !
واختزلت الإسلام والشريعة في الحدود والحدود في جلد المخمور وبايعات الشاي وفتيات الهامش والفقيرات يدعوي. عدم الالتزام. بالزي المحتشم !

* الإسلام والأديان وكريم المعتقدات محل تقدير نسعي لصيانة. حق الاعتقاد-وعدمه وكفالة حق العبادة والدعوة والتبشير لجميع المذاهب. والأديان - ونحترم ونقدر دور الدين في حياة الفرد والمجتمع وانه وقيما يتعلق بالأحوال. الشخصية زواجا وطلاقاً ومواريثا -الخ يحق لكل مواطن يستنانس بتعاليم دينه

يا زول خط أحمر!
كان عجبك أها

ود البشرى ازيك ياخ

انت فااارز اي شي علا جنك كجار😂😂

ذكرتني قصة الانصاري العايز مشكلة مع واحد انصار سنة
قدر ما حدر ليهو انصار السنة طنشو
في النهاية قال بصوت عاالي يا المهدي الخلقتني😁😁

طبعاً القصة دي بمناسبة دفاعك المستميت الايام دي عن اللمام وكدا

مرحبتين استاذنا كمال عباس

والله اوفيت وكفيت
النقطة المكتوبة تحت ثانياً دي لو الناس استوعبتها
كان عفتنا من مصطلح العلمانية المزهلل بيهم دا

شكراً كتير

سيدنا عمر موش عطل الحدود زمن المجاعة؟
اسي في مجاعة وحرب وكوارث...
السودانيين يحيروك....
بديت اصدق المقولة بتاعت
(السودانيين ديل ي كفار يا منافقين) .

مسمار جحا الخلوها الاسلاميين هو موضوع الدين ..
....
السودان علماني من يومو وشريعة الكيزان الكانت on and off دي م بتخارج تاني .

دفاع شنو و مستميت كمان! هو وينو هجومكم المحتاج يدافعوا ليه! علي اليمين دي قون وباك
ثم ياخي سيدي الإمام كان عدلتو موقفوا متقدم جدا في موضوع العلمانية دا
بس انتو الما بتدوروه ساي :)

يااااااا لهذا السلفي الذي يتملل جواي ! خليهم بس فسيكفيكهم الله ...

حيضر ود الزين سلام

اصلاً قالو داخل كل مسلم سلفي يتفاوت في الحجم من مسلم لاخر
اها انت الليلك دا بكون صغير وما منو خوف اطلقو ساي😂😂😂

يا ود البشرى الصادق المهدي ما محتاج اي هجوم
لانو براااهو بهاجم نفسو بتصريحاته الغريبة
وتصريحاتو دي بالمناسبة غرابتها ما نتجت ساااكت
كللها بسبب الخجلة من المواقف المخذية والمؤذية لثورة الشعب العظيمة
زولك دا زي المسلمين المتشددين خايفين من العلمانية بحجة انها تهدم الدين
و هم وفتاويهم وفعائلهم من اكبر معاول هدم الدين الاسلامي
يعني حتى لو فرضنا في جيهة عايزة تهدم الدين هم ما مدنها فرقة زاتو وقامو بالواجب واكثر

بعدين وين موقف الامام المتقدم في العلمانية دا؟؟
والله ما سمعتبو يا ريت تنورنا

نعم يا غالي الدين أمر شخصي بل أكتر أمر شخصي في
-----------------------------------------------------------------------------
الدين لله والوطن للجميع

نعم يا حسن فرح

الدين لله والوطن للجميع وليت قومي يعقلون

سيف الدين بابكر موقفك دا اثني وجهوي بامتياز
هو غير الجهوية والعنصرية بكل اشكالها شنو الدمر البلد دي واشعل فيها الحروب
وشنو حكاية اندلس اخرى دي ؟؟
انت لسة في زمن ناس طارق بن زياد وللا شنو؟؟
نوع الافكار الانت بتطرح فيها دي واحدة من الامراض اللازم تتعالج بالعلمانية دي زاتا والسودان لو كان محكوم بالعلمانية من زمان كما تفضلت ما كان تفكيرك بقى جهوي ولا اثني

سلام عليكم اخ الغالي وشركاءه الكرام في البوست/
لدينا مشكلة كبيرة تتمثل في بنية الوعي تحتاج لمراجعة مفاهمية وحدوته يا انت معي او ضدي ستضيع السودان
مشكلة الحكومة انها لا توضح ولا تمهد للناس لماذا هي اتخذت هذه الحطوة؟؟
وبالتالي هي تضع الناس امام الامر الواقع مما يجعل الكيزان والدهماء والمنخنقة وكل ذو ظلف يستغل الوضع ويعبيء الشارع ضدها وهذا امر محسوب ومخصوم عليها اي الحكومة
قادة الاحزاب العلمانية عاملين رايحين ما عايزين يوضحوا للناس العلمانية لانهم خايفيين من انتقام الشعب ودي اشكالية اخري