|
كتب الكاتب الفاتح جبرا المتوفرة بمعرض الدوحة
|
|
 Re: الدين خط احمر !!! (Re: Haytham Ghaly)
|
سلام هيثم
بعد صلاة ظهر الجمعة بطلعو من المسجد الكبير و من السلام بعد خطبة مهران،
يخرج متظاهرين يهتفون ضد وزير الشئون و ضد الحكومة، و رافعين السبابة كما تفضلت.
| |
 
|
|
|
|
|
|
|
|
Re: الدين خط احمر !!! (Re: نعمات عماد)
|
سلام هيثم سلام دكتورة
بالطبع يا هيثم الدين خط أحمر
فغير مسموح لأي حد أن يتعدى على عقيدة أي إنسان
لكن برضو خط أحمر إستغلال الدين
بمعنى أن يدعي أحدهم أن حزبه السياسي هو الدين
أن يقحم أحدهم الله في صراعات الناس السياسية
لأنها أفضل دعاية لخم البسطاء الذين يركنون عقولهم
ويكدحون بأيديهم وأرجلهم غير واعين بالإستغلال الذي يقع عليهم
يكفي أن تقول لهؤلاء البسطاء أن من يخشى الله ويبتغيي وجهه
فإن الله في جانبه هو وضد الآخرين
والدليل لحية ومساجد للتنظيم ومؤامرات في الخفاء
إنه دس السم في الدسم
| |
|
|
|
|
|
|
|
|
|
Re: الدين خط احمر !!! (Re: عبد الصمد محمد)
|
عبدالصمد معنى كلامك دا انت متفق معاي انو الدين شأن شخصي
يخص العبد والاله مباشرةً ولا دخل لأي طرف ثالث بينهم
لا دولة ولا حكومة
ياخي نحنا مواطنين في دولة واحدة
مختلفين في عدة اشياء منها الدين
دعونا نعيش في ظل قانون يحفظ حقوقنا جميعاً
ولا نفرض عقائدنا على بعضنا لكي لا نختلف باسم الاله زوراً
دا كل الامر ببساطة
| |
|
|
|
|
|
|
|
|
|
Re: الدين خط احمر !!! (Re: نعمات عماد)
|
سلام هيثم سلام دكتورة
بالطبع يا هيثم الدين خط أحمر
فغير مسموح لأي حد أن يتعدى على عقيدة أي إنسان
لكن برضو خط أحمر إستغلال الدين
بمعنى أن يدعي أحدهم أن حزبه السياسي هو الدين
أن يقحم أحدهم الله في صراعات الناس السياسية
لأنها أفضل دعاية لخم البسطاء الذين يركنون عقولهم
ويكدحون بأيديهم وأرجلهم غير واعين بالإستغلال الذي يقع عليهم
يكفي أن تقول لهؤلاء البسطاء أن من يخشى الله ويبتغيي وجهه
فإن الله في جانبه هو وضد الآخرين
والدليل لحية ومساجد للتنظيم ومؤامرات في الخفاء
إنه دس السم في الدسم
| |
|
|
|
|
|
|
|
|
|
Re: الدين خط احمر !!! (Re: عبد الصمد محمد)
|
غايتو متعني عبد العزيز الحلو :)
تب ما وقف بين بين
_________
قبل فترة واحدة عاملة بوست في قروب واتساب قالت يرشحوا ليها مسلسلات امريكية
أغلبية الردود كانت امشي أقري قرآن واقري كتب السيرة وما عارف شنو
والبقولوا ليه البوست عن مسلسلات كلو يجوط .. يعني كيف ما نهديها!!
| |
|
|
|
|
|
|
|
|
|
Re: الدين خط احمر !!! (Re: أحمد محمد عمر)
|
امس في الفيس يا احمد لقيت فيديو
واحدة مبسوطة من توقيع السلام وطلعت في الشارع وزغردت وعبرت عن فرحتها
ظهرت في فيديو لابسة فستان اسود بدون طرحة او توب
من ضمن التعليقات واحدة قالت بالله شوف دي لا طرحة لا توب هذه المرأة لا تمثل السودانيات
قلت ليها ليه يعني ما تمثل السودانيات
احتمال انها غير مسلمة وغير ملزمة بالطرحة او الحجاب او اللبس الفي مزاجك دا
طوالي قالت لي هل دا جزاي اني بدافع وبغير على ديني
رديتلها وهو اصلاً الهبش دينك منو اسع في الكلام دا
هل تصدق يا احمد انو ظهور مرأة حتى لو كانت غير مسلمة دون حجاب بكل بساطة ممكن ان
ينزع عنها جنسيتها في وطننا المكلوم هذا
| |
|
|
|
|
|
|
|
|
|
Re: الدين خط احمر !!! (Re: Haytham Ghaly)
|
نعم يا غالي الدين أمر شخصي بل أكتر أمر شخصي في الدنيا
لمان نحوله لبزنس بتلقى زول لحيته متر والنهار كله يذبح وبالليل يضبح
مافي حاجة ميدانها خصب للنفاق ذي ميدان الدين
من حق أي حد يكون مؤمن بصنم ولا إله ولا ظاهرة طبيعية
ولا ربنا أداه عقل ومشاعر عشان شنو؟
كثيراً ما أسأل نفسي عن حكمة عدم وجود وسيلة تواصل مادي
بين الخالق والبشر
مما يسهل للبشر خداع البشر
باسم الله
بدون وجود مرجعية لربنا تقول لينا منو الصاح ومنو الغلط
يعني لو المرجعية دي في
كان من أول التسعينات الشعب السوداني عرف رأي الله في الكيزان
القالوا حاكمين باسمه وباذنه
وكشف نفاقهم وقدرنا نرميهم في مزبلة التاريخ
| |
|
|
|
|
|
|
|
|
|
Re: الدين خط احمر !!! (Re: كمال عباس)
|
مواصلة
الغريبة ان اخوان مصر حينما حكموا ابقو علي جميع. التشريعات والقوانين. العلمانية -بل أجازوا دستور٢٠١٣ والذي يعد اكثر. علمانية من دستور السادات. لعام ١٧٧١
وفعل ذات الشي اخوان تونس ويفعل ذات الشي اردوغان وامير قطر
-وحتي الإنقاذ وطيلةً
٣٠ عاما لم ترجم زانيا او تقطع يد سارق او تحد مرتدا -بل انها أسقطت شرط الذكورة. والاسلامً فيمن يتولي رئاسة الدولة. !
واختزلت الإسلام والشريعة في الحدود والحدود في جلد المخمور وبايعات الشاي وفتيات الهامش والفقيرات يدعوي. عدم الالتزام. بالزي المحتشم !
* الإسلام والأديان وكريم المعتقدات محل تقدير نسعي لصيانة. حق الاعتقاد-وعدمه وكفالة حق العبادة والدعوة والتبشير لجميع المذاهب. والأديان - ونحترم ونقدر دور الدين في حياة الفرد والمجتمع وانه وقيما يتعلق بالأحوال. الشخصية زواجا وطلاقاً ومواريثا -الخ يحق لكل مواطن يستنانس بتعاليم دينه
| |
|
|
|
|
|
|
|
|
|
Re: الدين خط احمر !!! (Re: محمد البشرى الخضر)
|
ود البشرى ازيك ياخ
انت فااارز اي شي علا جنك كجار😂😂
ذكرتني قصة الانصاري العايز مشكلة مع واحد انصار سنة
قدر ما حدر ليهو انصار السنة طنشو
في النهاية قال بصوت عاالي يا المهدي الخلقتني😁😁
طبعاً القصة دي بمناسبة دفاعك المستميت الايام دي عن اللمام وكدا
| |
|
|
|
|
|
|
|
|
|
Re: الدين خط احمر !!! (Re: كمال عباس)
|
مرحبتين استاذنا كمال عباس
والله اوفيت وكفيت
النقطة المكتوبة تحت ثانياً دي لو الناس استوعبتها
كان عفتنا من مصطلح العلمانية المزهلل بيهم دا
شكراً كتير
| |
|
|
|
|
|
|
|
|
|
Re: الدين خط احمر !!! (Re: Haytham Ghaly)
|
سيدنا عمر موش عطل الحدود زمن المجاعة؟
اسي في مجاعة وحرب وكوارث...
السودانيين يحيروك....
بديت اصدق المقولة بتاعت
(السودانيين ديل ي كفار يا منافقين) .
مسمار جحا الخلوها الاسلاميين هو موضوع الدين ..
....
السودان علماني من يومو وشريعة الكيزان الكانت on and off دي م بتخارج تاني .
| |
|
|
|
|
|
|
|
|
|
Re: الدين خط احمر !!! (Re: Osama Mohammed)
|
دفاع شنو و مستميت كمان! هو وينو هجومكم المحتاج يدافعوا ليه! علي اليمين دي قون وباك
ثم ياخي سيدي الإمام كان عدلتو موقفوا متقدم جدا في موضوع العلمانية دا
بس انتو الما بتدوروه ساي :)
| |
|
|
|
|
|
|
|
|
Re: الدين خط احمر !!! (Re: محمد البشرى الخضر)
|
يا ود البشرى الصادق المهدي ما محتاج اي هجوم
لانو براااهو بهاجم نفسو بتصريحاته الغريبة
وتصريحاتو دي بالمناسبة غرابتها ما نتجت ساااكت
كللها بسبب الخجلة من المواقف المخذية والمؤذية لثورة الشعب العظيمة
زولك دا زي المسلمين المتشددين خايفين من العلمانية بحجة انها تهدم الدين
و هم وفتاويهم وفعائلهم من اكبر معاول هدم الدين الاسلامي
يعني حتى لو فرضنا في جيهة عايزة تهدم الدين هم ما مدنها فرقة زاتو وقامو بالواجب واكثر
بعدين وين موقف الامام المتقدم في العلمانية دا؟؟
والله ما سمعتبو يا ريت تنورنا
| |
|
|
|
|
|
|
|
|
|
Re: الدين خط احمر !!! (Re: Haytham Ghaly)
|
نعم يا غالي الدين أمر شخصي بل أكتر أمر شخصي في
-----------------------------------------------------------------------------
الدين لله والوطن للجميع
| |
|
|
|
|
|
|
|
|
|
Re: الدين خط احمر !!! (Re: Haytham Ghaly)
|
سيف الدين بابكر موقفك دا اثني وجهوي بامتياز
هو غير الجهوية والعنصرية بكل اشكالها شنو الدمر البلد دي واشعل فيها الحروب
وشنو حكاية اندلس اخرى دي ؟؟
انت لسة في زمن ناس طارق بن زياد وللا شنو؟؟
نوع الافكار الانت بتطرح فيها دي واحدة من الامراض اللازم تتعالج بالعلمانية دي زاتا والسودان لو كان محكوم بالعلمانية من زمان كما تفضلت ما كان تفكيرك بقى جهوي ولا اثني
| |
|
|
|
|
|
|
|
|
|
Re: الدين خط احمر !!! (Re: Haytham Ghaly)
|
سلام عليكم اخ الغالي وشركاءه الكرام في البوست/
لدينا مشكلة كبيرة تتمثل في بنية الوعي تحتاج لمراجعة مفاهمية وحدوته يا انت معي او ضدي ستضيع السودان
مشكلة الحكومة انها لا توضح ولا تمهد للناس لماذا هي اتخذت هذه الحطوة؟؟
وبالتالي هي تضع الناس امام الامر الواقع مما يجعل الكيزان والدهماء والمنخنقة وكل ذو ظلف يستغل الوضع ويعبيء الشارع ضدها وهذا امر محسوب ومخصوم عليها اي الحكومة
قادة الاحزاب العلمانية عاملين رايحين ما عايزين يوضحوا للناس العلمانية لانهم خايفيين من انتقام الشعب ودي اشكالية اخري
| |
|
|
|
|
|
|
| |
نعمات عماد
كمال عباس
محمد البشرى الخضر
Osama Mohammed
HAIDER ALZAIN
Hassan Farah
محمود الدقم
فيس بوك
تويتر
انستقرام
يوتيوب
بنتيريست