من طرائفﺍﻟﻬﺎﺩﻱ ﻧﺼﺮ ﺍﻟﺪﻳﻦ الحاج القرشي «ﺍﻟﻬﺎﺩﻱ .. ﺍﻟﻀﻼﻟﻲ » له الرحمه

08:38 PM September, 03 2020

سودانيز اون لاين
بلدى يا حبوب-kahrtoum
مكتبتى
رابط مختصر

Quote: # ظريف من ظرفاء المدينة ( الهادي الضلالي ) 🔴 ﺍﻟﻬﺎﺩﻱ ﻧﺼﺮ ﺍﻟﺪﻳﻦ الحاج القرشي «ﺍﻟﻬﺎﺩﻱ .. ﺍﻟﻀﻼﻟﻲ » 📌 معلم ﻣﻦ ﻣﻌﺎﻟﻢ ﺍﻡ ﺩﺭﻣﺎﻥ .. ﻛﻞ ﺍﻟﻨﺎﺱ ﺗﻌﺮﻓﻪ ﻭﻫﻮ ﻳﻌﺮﻑ ﻛﻞ ﺍﻟﻨﺎﺱ، ﻋﺎﺭﻑ ﺑﺎﻻﻧﺴﺎﺏ ﻭﺍﻟﻘﺒﺎﺋﻞ ﻭﺍﻟﻌﻮﺍﺋﻞ- ﻣﺎ ﺷﺎﺀ ﺍﻟﻠﻪ ﺫﺍﻛﺮﺓ ﺣﺪﻳﺪﻳﺔ - ﻣﺘﺨﺼﺺ ﻓﻲ ﻫﺬﺍ ﺍﻟﻤﺠﺎﻝ ﻗﺪ ﻻ ﺗﻌﺮﻓﻪ ﺍﻧﺖ، ﻟﻜﻨﻪ ﻗﻄﻌﺎً ﻳﻌﺮﻓﻚ ﻭﻳﻌﺮﻑ ﻧﺴﺒﻚ ﻭﻳﻌﺮﻑ ﺑﻴﺘﻜﻢ ﻓﻲ ﻳﺎﺗﻮ ﺣﻲ ﻭﺑﺎﺑﻪ ﻣﻘﺒﻞ ﻋﻠﻰ ﻭﻳﻦ.. ﻭﻳﻌﺮﻑ ﺍﺳﻤﻚ ﻭﺍﺳﻢ ﺣﺒﻮﺑﺘﻚ 🔺ﻛﻤﺎﻥ، ﺍﺟﺘﻤﺎﻋﻲ ﻭﻣﺘﻮﺍﺻﻞ ﺩﺭﺟﺔ ﺃﻭﻟﻰ .... ﺃﻱ ﺧﺒﺮ ﺑﺘﺎﻉ ﺑﻜاء ﺃﻭ ﻣﻨﺎﺳﺒﺔ ﺃﻭ ﺣﻔﻠﺔ ﺧﺼﻮﺻﺎً لو كان ﺍﻟﻔﻨﺎﻥ ﺍﺑﺮﺍﻫﻴﻢ ﻋﻮﺽ، ﺗﻠﻘﺎه ﻋﺎﺭﻓﻬﺎ ﻳﺎ ﻣﺸﻰ ﻟﻴﻬﺎ ﺃﻭ ﺩﺍﻳﺮ ﻳﻤﺸﻲ ﻟﻴﻬﺎ ﻭﻳﺤﺜﻚ ﻟﻠﺬﻫﺎﺏ ﺍﻟﻴﻬﺎ 🔺 ﻓﻲ ﻣﻨﺎﺳﺒﺎﺕ ﺍﻟﺰﻭﺍﺝ ﻳﺪﻋﻮﻩ ﺃﻫﻞ ﺍﻡﺩﺭﻣﺎﻥ ﻟﻜﺘﺎﺑﺔ ﺍﻟﺪﻋﻮﺍﺕ ﻭﺗﻮﺯﻳﻌﻬﺎ لمعرفته بناس ام درمان والمات منو والعايش منو والمغترب منو منهم والما بجامل منو .... 🔵 ﻣﺤﺒﻮﺏ ﻟﻮﺿﻮﺣﻪ ﻭﻟﺒﺴﺎﻃﺘﻪ - ﺍﻧﻌﻜﺲ ﺫﻟﻚ ﺍﻟﺤﺐ ﻓﻲ ﻣﻨﺎﺳﺒﺘﻴﻦ، 📌 ﺍﻷﻭﻟﻰ ﻋﻨﺪ ﻭﻓﺎﺓ ﻭﺍﻟﺪﺗﻪ ﻳﺮﺣﻤﻬﺎ ﺍﻟﻠﻪ وبعد دفنها في مقابر ﺃﺣﻤﺪ ﺷﺮﻓﻲ ﺭﻓﻌﻮﻩ ﻓﻲ ﻻﻧﺪﺭﻭﻓﺮ ﻟﻴﺸﻜﺮ ﺍﻟﻨﺎﺱ ﻭﻳﻮﺩﻋﻬﻢ ﻟﺸﺪﺓ ﺍﻟﺘﺪﺍﻓﻊ ﻭﻛﺜﺮﺓ ﺍﻟﻨﺎﺱ .. 📌 ﻭﺍﻟﻤﻨﺎﺳﺒﺔ ﺍﻟﺜﺎﻧﻴﺔ ﻋﻨﺪ ﺯﻭﺍﺟﻪ ﻭﻗﺪ ﻛﺎﻥ ﺍﻟﺤﻀﻮﺭ ﺍﺳﺘﻔﺘﺎﺀً حقيقي لحضوره المميز في مجتمعات أمدرمان..... 🔺ﻳﺮﺗﺎﺡ ﻭﻳﻨﺸﺮﺡ ﻟﻠﺠﻤﺎﻝ ﻭﺍﻟﻨﺎﺱ ﺍﻷﻧﻴﻘﻴﻦ .. ﻭﻳﻜﺮﻩ ﺍﻟﻘﺒﺢ ﻭ«ﺍﻟﺸﻨﺎ » ﻭﺍﻟﺸﻴﻨﻴﻦ ﻭﻳﺠﺎﻫﺮ ﺑﺬﻟﻚ . 🔴 ﻧﺤﻜﻲ ﻋﻨﻪ ﻫﺬﻩ ﺍﻟﺤﻜﺎﻭﻱ التي ارتبطت به ومنقولة من عدة مصادر 🔵 ﻣﺜﻠﻤﺎ ﻳﺤﺐ ﺍﻟﺠﻤﺎﻝ ﻓﻲﺍﻷﺷﺨﺎﺹ ﻳﺤﺐ ﺃﻳﻀﺎً ﺍﻻﺣﻴﺎﺀ ﺍﻟﺠﻤﻴﻠﺔ ﻭﺳﺎﻛﻨﻴﻬﺎ، ﻓﺎﻟﻤﻼﺯﻣﻴﻦ ﻭﺳﺎﻛﻨﻴﻬﺎ ﻣﺜﻼً ﻏﺮﺍﻣﻪ ﺍﻷﻭﻝ ﻭﻋﻨﺪﻩ ﺣﺴﺎﺳﻴﺔ ﻣﻊ ﺍﻟﻌﺒﺎﺳﻴﺔ- 📌 ﻭﻳﻘﻮﻝ ﻟﻴﻚ ﺑﻜﺎﺀ ﻓﻲ ﺍﻟﻤﻼﺯﻣﻴﻦ ﻭﻻ ﻋﺮﺱ ﻓﻲ ﺍﻟﻌﺒﺎﺳﻴﺔ. 📌 ﻭﻳﻘﻮﻝ ﺍﻳﻀﺎً ﺃﻥ ﺑﻨﺎﺕ ﺍﻟﻌﺒﺎﺳﻴﺔ ﻳﻘﺪﻣﻦ ﺃﻭﻻﺩ ﺍﻟﻤﻼﺯﻣﻴﻦ ﺑﻌﺪ ﺍﻧﺘﻬﺎﺀ ﺣﻔﻼﺕ ﺍﻻﻋﺮﺍﺱ ﺃﻭ « ﺍﻟﺒﺎﺭﺗﻴﻬﺎﺕ ﺍﻟﺨﺎﺻﺔ» ﺃﻱ ﻳﻮﺻﻠﻮﻫﻢ ﻟﻤﻨﺎﺯﻟﻬﻢ- 📌 ﻭﻳﺪﻋﻲ ﻛﺬﻟﻚ ﺃﻥ ﻏﻨﻢ ﺍﻟﻤﻼﺯﻣﻴﻦ ﺗﺼﺮﻓﺎﺗﻬﺎ ﻣﺘﺤﻀﺮﺓ ﻭﻏﻴﺮ ﻏﻨﻢ ﺍﻻﺣﻴﺎﺀ ﺍﻻﺧﺮﻯ 🔵 ﻓﻲﺍﻟﻤﻼﺯﻣﻴﻦ ﻭﻓﻲ ﺣﻔﻠﺔ ﺑﻬﻴﺠﺔ ﻛﺎﻥ ﺑﻴﻐﻨﻲ ﻓﻴﻬﺎ ﺍﺑﺮﺍﻫﻴﻢ ﻋﻮﺽ. ﻭﻛﺎﻥ ﺫﻟﻚ ﺑﻌﺪ ﺍﺣﺪﺍﺙ ﺍﻟﻤﻮﻟﺪ ﺍﻟﺸﻬﻴﺮﺓ ﺍﻟﻨﺎﺱ ﻟﺴﻪ ﺧﺎﻳﻔﺔ ﺳﻤﻌﻮﺍ ﺻﻮﺕ ﺭﺻﺎﺹ ﻭﺍﻟﺤﻔﻠﺔ قربت تتفرتق - ﺳﺄﻟﻮﻩ ﺍﻟﺤﺼﻞ ﺷﻨﻮ ﻗﺎﻝ ﻟﻴﻬﻢ « ﺍﺑﺪﺍً ﺩﻩ ﻣﺎ ﺻﻮﺕ ﺭﺻﺎﺹ ﺩﻱ ﻣﻨﻘﺔ ﻃﺮﺷﻘﺖ ﻓﻲ ﺍﻟﺘﻼﺟﺔ» غنوا غناكم 🔵 ﺍﻟﺘﻘﻰ ﻣﻊ ﺍﻟﺴﻴﺪ ﺻﻼﺡ ﺍﺩﺭﻳﺲ ﻷﻭﻝ ﻣﺮﺓ ﻓﺤﻴﺎﻩ ﺍﻷﺥ/ ﺻﻼﺡ ﺑﺼﻮﺭﺓ ﺟﻴﺪﺓ ﻭﻗﺎﻝ ﻟﻴﻪ : ﻗﺎﻟﻮﺍ ﺍﻧﻚ ﺭﺍﺟﻞ ﻇﺮﻳﻒ ﻭﺑﺘﺎﻉ ﻧﻜﺘﺔ .. ﻭﻗﺎﻟﻮﺍ ﺍﻧﻚ ﻣﺠﺎﻣﻞ ﻭﺍﻧﻚ ﺑﺘﺤﺐ ﺍﻟﻔﻦ ﻭﺍﻟﺮﻳﺎﺿﺔ ﻭﻗﺎﻟﻮﺍ وقالو .... 📌 ﻭرد عليه الهادي : ( ﻣﺎ ﻗﺎﻟﻮﺍ ﻟﻴﻚ ﻣﻔﻠﺲ ) ؟؟؟؟ 🔵 ﻻﻗﺎﻩ ﻭﺍﺣﺪ من الاقاليم ﺷﻴﻦ ﺟﺪﺍً ﻓﻲ ﺍﻟﻤﺤﻄﺔ ﺍﻟﻮﺳﻄﻰ « ﻭﻟﻲ ﺍﻟﺘﻌﺘﺮﻩ » ﺳﺄﻟﻪ « ﻳﺎ ﺃﺧﻴﻨﺎ ﺍﻟﻤﺤﻄﺔ ﺍﻟﻮﺳﻄﻰ ﻭﻳﻦ » الهادي ﻗﺎﻝ ﻟﻴﻪ « ﺍﻧﺖ ﻣﻦ ﻭﻳﺎ ﺃﺧﻴﻨﺎ » ﻗﺎﻝ ﻟﻴﻪ ﺃﻧﺎ ﻣﻦ « ﺻﻘﻊ ﺍﻟﺠﻤﻞ » ﻗﺎﻝ ﻟﻴﻪ نحنا يوم واحد جيناكم ﻓﻲ ﺻﻘﻊ ﺍﻟﺠﻤﻞ ؟؟ ﺍﻧﺘﻮ الجايبكم لينا شنو ؟ 🔵 ﻣﺮﺓ ﺷﺘﻢ ﻟﻴﻪ ﺷﺨﺺ ﻟﻲ ﻭﺍﺣﺪ ﺻﺪﻳﻘﻪ، ﻗﺎﻡ ﺻﺪﻳﻘﻪ ﻗﺎﻝ ﻟﻴﻪ ﺍﻟﺰﻭﻝ ﺍﻟﺸﺘﻤﺘﻮ ﺩﻩ ﺧﺎﻟﻲ ﻳﺎ ﺍﻟﻬﺎﺩﻱ، ﻭﺑﺪﻭﻥ ﺍﻥ ﺗﺮﻣﺶ ﻟﻪ ﻋﻴﻦ ﻗﺎﻝ ﻟﺼﺪﻳﻘﻪ : ﺷﻨﻮ ﺍﻟﻤﺸﻜﻠﺔ ﻳﻌﻨﻲ ﺍﺑﻮ ﻟﻬﺐ ﻣﺎ ﻛﺎﻥ ﻋﻢ ﺍﻟﻨﺒﻲ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ 🔵 ﺍﻳﺎﻡ ﺣﻞ ﺍﻟﺤﺰﺏ ﺍﻟﺸﻴﻮﻋﻲ ﺍﻟﻄﻼﺏ ﻋﻤﻠﻮﺍ ﻣﻈﺎﻫﺮﺍﺕ ﺷﺪﻳﺪﺓ .. ﻭﺷﺎﺭﻙ ﺍﻻﺥ ﺍﻟﻬﺎﺩﻱ ﻓﻲ ﻫﺬﻩ ﺍﻟﻤﻈﺎﻫﺮﺍﺕ ﻭﺍﻟﻬﺘﺎﻓﺎﺕ ﻛﺎﻧﺖ ﺳﺨﻨﺔ 🔺 ( ﻗﺮﺍﺭ ﺍﻟﺤﻞ ﻗﺮﺍﺭ ﻓﺎﺷﺴﺘﻲ ) 🔺 ﻭ (ﺩﺍﻭﻥﺩﺍﻭﻥ ﻳﻮ ﺍﺱ ﺍﻳﻪ ) ﻭﻛﺎﻥ ﻗﺎﺋﺪ ﻗﻮﺍﺕ ﺍﻷﻣﻦ ﻭﻗﺘﻬﺎ ﺍﻟﻀﺎﺑﻂ ﺑﺪﺭ ﺍﻟﺪﻳﻦ ﺍﺑﻮ ﺭﻓﺎﺱ، ﻗﺒﻀﻮ ﺍﻟﻄﻠﺒﺔ ﻭﺍﻟﻬﺎﺩﻱ ﺯﻋﻞ ﻟﻤﻦ ﺍﻟﻌﺴﻜﺮﻱ ﻣﺎ قبضه معاهم .. 📌 ﻓﺠﺎﺀ ﻳﻬﺘﻒ ﺃﻣﺎﻡ ﺍﺑﻮ ﺭﻓﺎﺱ ﻓﺮﻓﺾ ﺍﻋﺘﻘﺎﻟﻪ ﻭﻗﺎﻝ ﻟﻴﻪ ( ﻭﺍﻟﻠﻪ ﻟﻮ ﺑﻘﻴﺖ ﻟﻴﻨﻴﻦ ﻣﺎ ﺣﻨﻘﺒﻀﻚ ) . .🔵 ﺷﺨﺼﻴﺔ ﻗﻴﺎﺩﻳﺔ ﺍﺭﺳﻠﺖ ﻟﻪ ﻣﺒﻠﻐﺎً ﻣﻦ ﺍﻟﻤﺎﻝ ﻣﻦ ﻣﺼﺮ، ﻭﺍﻟﻈﺮﻑ ﻣﻜﺘﻮﺏ ﻋﻠﻴﻪ ﺍﻷﺥ / ﺍﻟﻬﺎﺩﻱ.. ﺍﻟضﻻﻟﻲ ﻓﻘﺎﻝ ﻟﻠﺸﺨﺺ ﺍﻟﺬﻱ ﺍﺣﻀﺮ ﺍﻟﻈﺮﻑ « ﻗﻮﻝ ﻟﻴﻪ..ﺩﻱ ﺑﻴﻘﻮﻟﻮﻫﺎ ﻣﺎ ﺑﻜﺘﺒﻮﻫﺎ » له مواقف مع الرئيس الراحل جعفر نميري / كان جالسا تحت ظل شجرة في حي ودونوباي .. وكان الرئيس عائد الي منزلة ولمحة وقال له يالهادي قاعد هنا مالك؟ قال له حاكون قاعد مالي ما الكهرباء قاطعة .. قال له الرئيس خليك من الكهرباء انت عامل لي دعاية بتقول للناس الرئيس عندو بيت في لندن .. قال له ابدا يارئيس انا ماقلته كدا قال له نميري قلت في صيوان العزاء امام فلان وفلان .. قام الهادي قاله له معقول يا رئيس اقول يعني الرئيس ماجر .. ضحك نميري وقال له الكهرباء حترجع هسي امشي البيت .. وفي مره من المرات اذان المغرب يأذن والهادي داخل في باب الجامع اذا بالرئيس وحرسة يضايقونه في المدخل ويدخل ويصلي بجانب النميري وحرسة وبعد الصلاة يهم بالخروج ونميري يشدة من جلابيته ويقول له وين يالهادي .. قاله له يارئيس انت تشدني من جلابتي والحرس يعصرني في الصلاة والله كنت عاوز اقرا سورة الفاتحة قريت السلام الجمهوري .. 🔴

رحمه الله كان يعرف علية القوم ويزورهم من ازهرى الصادق حتى الاستاذ محمود .. الى أكثر ناس امدرمان بساطة وفقرا..الى احطهم قيما من صعاليق وشفوت الأحياء..
مرة مساهر فى بيت صديقه فى العباسية.فى الحوش.. جا حرامى ناطى عليهم بالحيطة.. الهادى عرفه طوالى.. قال ليه يا فلان انت الجابك من القماير شنو لغاية هنا.. زولك خجل شديد وخرج عادى بباب الحوش.