.🔵 ﺷﺨﺼﻴﺔ ﻗﻴﺎﺩﻳﺔ ﺍﺭﺳﻠﺖ ﻟﻪ ﻣﺒﻠﻐﺎً ﻣﻦ ﺍﻟﻤﺎﻝ ﻣﻦ ﻣﺼﺮ، ﻭﺍﻟﻈﺮﻑ ﻣﻜﺘﻮﺏ ﻋﻠﻴﻪ ﺍﻷﺥ / ﺍﻟﻬﺎﺩﻱ.. ﺍﻟضﻻﻟﻲ ﻓﻘﺎﻝ ﻟﻠﺸﺨﺺ ﺍﻟﺬﻱ ﺍﺣﻀﺮ ﺍﻟﻈﺮﻑ « ﻗﻮﻝ ﻟﻴﻪ..ﺩﻱ ﺑﻴﻘﻮﻟﻮﻫﺎ ﻣﺎ ﺑﻜﺘﺒﻮﻫﺎ » له مواقف مع الرئيس الراحل جعفر نميري / كان جالسا تحت ظل شجرة في حي ودونوباي .. وكان الرئيس عائد الي منزلة ولمحة وقال له يالهادي قاعد هنا مالك؟ قال له حاكون قاعد مالي ما الكهرباء قاطعة .. قال له الرئيس خليك من الكهرباء انت عامل لي دعاية بتقول للناس الرئيس عندو بيت في لندن .. قال له ابدا يارئيس انا ماقلته كدا قال له نميري قلت في صيوان العزاء امام فلان وفلان .. قام الهادي قاله له معقول يا رئيس اقول يعني الرئيس ماجر .. ضحك نميري وقال له الكهرباء حترجع هسي امشي البيت .. وفي مره من المرات اذان المغرب يأذن والهادي داخل في باب الجامع اذا بالرئيس وحرسة يضايقونه في المدخل ويدخل ويصلي بجانب النميري وحرسة وبعد الصلاة يهم بالخروج ونميري يشدة من جلابيته ويقول له وين يالهادي .. قاله له يارئيس انت تشدني من جلابتي والحرس يعصرني في الصلاة والله كنت عاوز اقرا سورة الفاتحة قريت السلام الجمهوري ..
🔴
09-04-2020, 02:24 AM
Abureesh
Abureesh
تاريخ التسجيل: 09-22-2003
مجموع المشاركات: 30182
رحمه الله كان يعرف علية القوم ويزورهم من ازهرى الصادق حتى الاستاذ محمود .. الى أكثر ناس امدرمان بساطة وفقرا..الى احطهم قيما من صعاليق وشفوت الأحياء.. مرة مساهر فى بيت صديقه فى العباسية.فى الحوش.. جا حرامى ناطى عليهم بالحيطة.. الهادى عرفه طوالى.. قال ليه يا فلان انت الجابك من القماير شنو لغاية هنا.. زولك خجل شديد وخرج عادى بباب الحوش.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة