|
|
 Re: اسماعيل وراق و هيبة الدولة (Re: أحمد محمد عمر)
|
الحالة فضيت يا داب هههه و شنو الاستعراضات دي ارجى بتاع الكونيكا الليلة يستلمك بيها كم اسبوع كدا
شوف يا قريبك
حتة موقفك من الوالي سببها انتماؤه لحزبه دا ما افتراض دا كلام انت قلته عديل, كونها احد الاسباب و ليست السبب الوحيد ما بيناتنا بالله!
الفكرة اساسا خطأ, الحكم على موقف بسبب انطباع مسبق خطأ, الحكم اساسا قبل سماع الطرف الآخر خطأ, اخذ الموضوع كأنه صراع برضو خطأ غذا لجان المقاومة ما اعتبرته صراع ولا الوالي خصم بالنسبة ليها!
الدخلة بي فتحة اللاندكروزر (ياخي هلكتني دا ما برادو) ما أنا فقط الما ادنتها على الاقل في اتنين كانوا راكبين موتر قدام العربية في الفيديو ومبسوطين ديل برضو ما ادانوها, كدا بقينا تلاتة حقو نأمر أحدنا هههه
بعدين انت تعال هنا! مقاييسك للراي العام شنو عشان تقول الرأي العام ادانها؟ نعلها سودانيز دي و شوية الصفيحات الليلات الفيس بووك! وينها يا يابا استطلاعاتك و عيناتك العشوائية و الغير عشوائية و احصاءاتك!
انت قايل قياس الراي العام ونسة بوستات وغلاط مع ناس منص و تنظير!
موضوع سقفي الزمني سواء للوالي أو لأي شخص لسماع رده قبل ان احكم عليه أوكي قول دا شأن خاص بي, لكنه على الاقل لا يغمط حق اي أحد, سألتك انت عن سقفك الزمني كم قبل اصدار الادانة! كم نانو سكند كدا؟
في البوست دا تاني بقول ليك أنا ما واقف مع وراق ولا ببرر ليه هو المفروض يبرر
انا واقف مع مبدأ عدم التسرع و اصدار حكم بالادانة قبل سماع الطرف الاخر ايا كان ومع حق وراق في ان يسمع قبل ان يُحكم عليه! الحتة دي اتمنى تكون وضحت لانو شايف في لبس و بتعيدها كأنني أدافع عن الوالي وراق تحديدا!
أما مسالة الوقوف مع ولاتنا المدنيين دي جات في سياق مختلف وبعد ما انتفى الاتهام موضوع البوست وهو تجاهل الوالي للجان -اللي اتضح انه اجتمع معاهم أولريدي - و انه تحجج بهيبة الدولة لهذا التجاهل! دا موضوع البوست و انتفى بحديث عبدالله و بالفيديوهات من الاعتصام.
تعليقي بشكل عام عن الوقوف مع الولاة في وجه الحملات التربص دا تعليق عام ينطبق على حالة وراق و ايمن وعربي و كل الولاة الأحد المآخذ عليهم انهم جايين بمحاصصات حزبية كأن الأحزاب دي نبت شيطاني وليست شركاء الثورة و حاضنة حكومتها و عماد الممارسة الديمقراطية المنتظرة!
| |
  
|
|
|
|
|
|
|
|
Re: اسماعيل وراق و هيبة الدولة (Re: أيمن محمود)
|
دة على أساس إنك لو جبت لي عربيتين وغطيت الاسم حأفرق بيناتهم يعني؟  ياخي قبل يومين بس اكتشفت إنه الأفانتي غير الانفنيتي والله جد نحن ناس افتح الباب وسوق لكن علي الحلال ما بعرف فوقها التكتح فمشيها لي برادو .. جي إكس آر دي تقيلة ياخ
سقفي الزمني مسافة يعرف المسؤول ويلقى زمن للرد .. يعني بمجرد ما انتشر الموضوع في الوسائط بعد دة ما عندو طريقة (نحتفظ بحق الرد) لأنه دة شأن عام
انت بتقول انتظرت لحدي ما تسمع طيب بعد ما سمعت شايفو ماسورة زي كل زوار البوست - عدا عبد الله - ولا لسة عندك ليه أعذار زي الكنت بتديها ليه بالدين قبل يجي ناس عندو كورونا :)
معاك في إنه نحكم على الشخص بعد نسمعه طيب ماذا إن لم يتكلم؟ نفضل راخين أضانا لي أبد الآبدين!
_______
الصورة خلي عاطف يقزقز بيها شوية .. وحاتك الكلمتين الخدر ديل ماخدات مني يومين هسة ياداب ماشي أحضر جو شو :)
| |
|
|
|
|
|
|
|
|
|
Re: اسماعيل وراق و هيبة الدولة (Re: أحمد محمد عمر)
|
| Quote: مقاييسك للراي العام شنو عشان تقول الرأي العام ادانها؟ نعلها سودانيز دي و شوية الصفيحات الليلات الفيس بووك! |
نعم يا محمد الترند هو الرأي العام
الصورة انتشرت في أغلب الصفحات الاجتماعية وأغلب النشطاء اتكلموا عنها
حالياً وسائط التواصل الاجتماعي هي محرك الرأي العام لأنه حتى الصحافة بتاخد منها
وراق نفسه لما رد على الصورة اعترف بإنها شغلت الرأي العام عبر الوسائط ورد عبر الوسائط دي ذاتها
كل أنشطة الثورة تمت إدارتها وتنسيقها عبر الفيسبوك فما تنكر لي مقدرة الفيسبوك على تحريك الحياة الاجتماعية كرأي عام
| |
|
|
|
|
|
|
|
|
|
Re: اسماعيل وراق و هيبة الدولة (Re: أحمد محمد عمر)
|
Quote: انت بتقول انتظرت لحدي ما تسمع طيب بعد ما سمعت شايفو ماسورة زي كل زوار البوست - عدا عبد الله - ولا لسة عندك ليه أعذار زي الكنت بتديها ليه بالدين قبل يجي ناس عندو كورونا :)
معاك في إنه نحكم على الشخص بعد نسمعه طيب ماذا إن لم يتكلم؟ نفضل راخين أضانا لي أبد الآبدين! |
تاني عايز تلخبط! كدي اديني عذر واحد انا اديته للوالي او لحد غيره, بس اوعى تقول لي مطالبتي بسماع رده اول حتى اللخ من بعد معتبرها عذر!!
بعد ما سمعتو اتضح ان كلام عبدالله سليم وهو فعلا قابل لجان المقاومة و اجتمع معها, يبقى قصة تجاهلة للاعتصام هنا انتفت, أما مسالة انه تحجج بهيبة الدولة - ودي بالمناسبة هي اول ما لفت انتباهي و استنكرتها - الحمد لله طلعت لم يتحجج بها, وإلّا كانت بقت مصيبة و لا أحد يستطيع قبولها منه
اذا لم يتحدّث المعني توجد هنا مشكلة وتصرف آخذه ليه, آخذ عليه عدم الرد او التواصل مع الاعلام لكن برضه ما بدينه, هسي لو كان وراق ما جا الاعتصام او ما اتضح انه اجتمع مع اللجان برضو ما بقدر اقول هو تجاهلهم و تحجج بهيبة الدولة!
يا خوي و انت سيد العارفين حتى الفيس بووك كوسيلة قياس راي عام له ضوابطه و طريقة الإحصاء ما هبتلي ساي!
| |
|
|
|
|
|
|
|
|
|
Re: اسماعيل وراق و هيبة الدولة (Re: محمد البشرى الخضر)
|
وليه ماتقول يا ودو انه لم يقابلهم الا بعد ضغط الاعلام الغير رسمي ؟ تمت مهاجمته هجوم عنيف في الفيس مثلا
وكان ممكن يرسل رسالة عبر مدير مكتبه بوعد انو حيقابلهم لأنو غير موجود
شباب معتصم قريب عشرة يوم وقفلو المحلية وولعو اساتك جوة المحلية . دة كلو ماعندو خبر بيهو ؟
يعني سافر الخرطوم وجدع هموم الولاية بي ضهرو ؟ لاعرف من زول بعرفو ولا من مكتبو ؟
حكاية هيبة الدولة دي بعد كلامو دة بقيت متأكد منها .
القرار لازم يصدر منو بتقديراتو هو شخصيا . مع انو لجان المقاومة تعرف اكثر منه حول الولاية
بالمناسبة استقبالو اللافت تم الاعداد له جيدا . تأخر جدا في الحضور للولاية ومابعيد بكون كان ضابح في الخرطوم ومشغول بالكرامة
حديث منعم تمنيت انو لو لم يحذفه فلم يكن شخصيا ابدا بل كان تقيما جيدا في نظري
هو زاتو اختارو كيف ما بي زي كلام منعم دة وبنعرفو وكدة
اتمني من منعم انه يعيد شهادته هنا
| |
|
|
|
|
|
|
|
|
|
Re: اسماعيل وراق و هيبة الدولة (Re: عبدالحفيظ ابوسن)
|
يا قريبك لأنه قابلهم فعلا قبل ما يحصل الاعتصام حتى و الكلام دا قالوا عبدالله ثم اعادو وراق في اللقاء قدام اللجان قال اجتمعت بيهم! يبقى ما في تجاهل هنا
مسالة التحجج بهيبة الدولة, أوكي لو عايز تصدقها صدقها لكن بالنسبة لي انتفت تماما امكانية انو يكون قال بها كحجة لرفض لقاء المعتصمين واهو جا وخاطبهم طيب مشت وين هيبة الدولة لو كانت هي الحجة! و مقابلته ليهم دي افتكر حاجة كويسة حتى لو استجابة لضغوط! ما هي الديمقراطية كدا ووسائل الضغط السلمي اعتصام و ضغوط و توقع من المسؤولين في العهد الديمقراطي الاستجابة! ودا يحسب للطرفين - الطرفين وليس الخصمين
مسالة انو مشى الخرطوم ليه و ترك المعتصمين لا تعليق لي عليها
كلام منعم مغرق في الشخصنة, و الحمولة السلبية كأن طبيعة الوظيفة ونوعها او نهايتها مسبة او تقدح في مؤهلات الشخص لتولي منصب عام! من الجيد انو منعم انتبه و سحبه
| |
|
|
|
|
|
|
|
|
|
Re: اسماعيل وراق و هيبة الدولة (Re: محمد البشرى الخضر)
|
ياودو قابلهم وقابل غيرهم
مقابلة استقبال كوالي جديد للمدينة
طيب متفقين انو رضخ لرأي الشارع بعد ضغط السوشيال ميديا وغير رايو في الهيبة لكنها مؤصلة داخله في تقديري بحديثه
كلام منعم جيد . مش كفاءة ؟ الكفاءة يعني خبرة وتجربة . قال ليك من ما اتخرج ما اشتغل غيرها والتانية جاي راجع من برة ضد رغبتو وفشل في الاغتراب فالوالي وظيفة تدر دخلا شهريا جيدا
دي الفكرة
| |
|
|
|
|
|
|
|
|
|
Re: اسماعيل وراق و هيبة الدولة (Re: عبدالحفيظ ابوسن)
|
| Quote: وغير رايو في الهيبة لكنها مؤصلة داخله |
عز ولو طارت ولّا شنو يا قريبك!!
كلمة هيبة الدولة دي بالجد سمعتها من منو عشان تمسك فيها كدا, أكيد من واحد مصداقيته عندك كما الانبياء غايتو
حديث الاغتراب و دخل وظيفة الوالي لا تعليق لي عليه وصراحة لم استسغه, لازال الخلاف في اطار العمل العام و الأفضل ان يظل كذلك
| |
|
|
|
|
|
|
|
|
|
Re: اسماعيل وراق و هيبة الدولة (Re: أحمد محمد عمر)
|
مش في غنية كدا على ايامنا بتقول حم حم يا حمام شتت ليك سكر 
عارفك الموز بجيبك
هاك دا صاحبك البمشي وسط الناس يا الفحل
من نفس الجريدة ونفس الصفحة
الليلة بتاع الكونيكا بتسدى فيك دقسة عطرون :)
| |
|
|
|
|
|
|
| |
محمد البشرى الخضر
أيمن محمود
عبدالحفيظ ابوسن
فيس بوك
تويتر
انستقرام
يوتيوب
بنتيريست