|
♧ نخليها..كلّ يَوْمٍ تُرذَلونَ £
|
05:08 PM August, 30 2020 سودانيز اون لاين دفع الله ود الأصيل- مكتبتى رابط مختصر ♧ كلَّ عامٍ تُرذَلون£ 《1》 ♧ وضعنا المقلوز حالياً لدرجة يقرف الليمون ؛ حتى لم يعد يسرُّ عدواً ولا صليحاً. فدا ذكرني ذات مرة من ذوات المرارات : كنا ماشين لينا لي عزا (بكا) في أم صففن عوراض ديك المي هنا ؛ تراها جيهة ناس شلعوها الجعليين و حشرو عباس. و راكبين لينا هوستن زبالة داوودي موديل من يوم حفرو البحر {سنة أم دقنوس مجاعة ستة}.
● قمنا وحلنا ليك في ترس حقنة، وقف بينا حُمار الشيخ في العقبة . أها قام للتسود ختوتو اللوري كطع سير مروحة؛ فما لقينا أي حل. قام مساعدي الحَلَّة قال لينا: يا جماعة الخير ما يتحير علا مغير.دحين عندنا دَبارة غايتو علا واحد منكم يتبرع لينا بي (تكة) سروالو نربط سير مروحتنا نمشي بيها حالنا . شب واحد أخو فاطنة طوالي قالو : أبشر ، و حل تكتو ربطنابا سير الجن ، درَّجتنا شوية ترس ترسين و حتها انكطعت ؛ قمنا ملصنا تكة واحد تاني.فهكذا دواليك و هلم جرا .
● يلا ترس ورا ترس ؛ و نحن نتمولص تكة تلو الأخرى ؛ لامن كملنا تِكَكنا كلهن ؛ و لحدما أخوان فاطنة تشت علينا بقينا حزاماتنا ناصلات و قاعدين أم فكو ساااه ؛ حتين يا الله ربك رب الخير وصلنا بكان أهل الفراش: من فوق هلًّا هلًّا و من تحت يشهد الله ( مولانا كما خلقتنا ).
●هناك بقينا ليك ممحنين. قلنا : ياخوانا هسة بس شن نسوب؟! يعني ننزل نواجب الناس ديل نرفع معاهم الفاتحة و لا نفضل ماسكين لباساتنا بخشومنا كدي لامن نرجع مِقَبِّلين شايلين أهلنا؟!
▪ توقيع/ ود الأصيل ☆ ود ال ح ش ا ن ال ت ل ا ت ة مؤذنٌ محجورٌ منزلياً بجزيرة مالطا.
(عدل بواسطة دفع الله ود الأصيل on 09-19-2020, 10:20 PM)
|
|
![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
♧ نخليها..كلّ يَوْمٍ تُرذَلونَ £ | دفع الله ود الأصيل | 08-30-20, 05:08 PM |
Re: ♧ كلَّ عامٍ تُرذَلونَ £ | دفع الله ود الأصيل | 08-31-20, 04:59 AM |
Re: ♧ كلَّ عامٍ تُرذَلونَ £ | دفع الله ود الأصيل | 09-01-20, 01:15 AM |
Re: ♧ كلَّ عامٍ تُرذَلونَ £ | دفع الله ود الأصيل | 09-01-20, 08:33 AM |
Re: ♧ كلَّ عامٍ تُرذَلونَ £ | دفع الله ود الأصيل | 09-06-20, 01:09 PM |
Re: ♧ كلَّ عامٍ تُرذَلونَ £ | Khalid Abbas | 09-06-20, 01:10 PM |
Re: ♧ كلَّ عامٍ تُرذَلونَ £ | دفع الله ود الأصيل | 09-06-20, 06:19 PM |
Re: ♧ كلَّ عامٍ تُرذَلونَ £ | دفع الله ود الأصيل | 09-06-20, 08:25 PM |
Re: ♧ كلَّ عامٍ تُرذَلونَ £ | دفع الله ود الأصيل | 09-07-20, 06:15 AM |
Re: ♧ كلَّ عامٍ تُرذَلونَ £ | Khalid Abbas | 09-07-20, 06:41 AM |
Re: ♧ كلَّ عامٍ تُرذَلونَ £ | دفع الله ود الأصيل | 09-19-20, 11:04 PM |
Re: ♧ كلَّ عامٍ تُرذَلونَ £ | دفع الله ود الأصيل | 09-25-20, 08:58 PM |
Re: ♧ كلَّ عامٍ تُرذَلونَ £ | دفع الله ود الأصيل | 10-03-20, 01:22 PM |
Re: ♧ كلَّ عامٍ تُرذَلونَ £ | دفع الله ود الأصيل | 10-03-20, 05:00 PM |
Re: ♧ كلَّ عامٍ تُرذَلونَ £ | دفع الله ود الأصيل | 10-03-20, 05:31 PM |
Re: ♧ كلَّ عامٍ تُرذَلونَ £ | دفع الله ود الأصيل | 10-03-20, 08:31 PM |
Re: ♧ كلَّ عامٍ تُرذَلونَ £ | دفع الله ود الأصيل | 10-04-20, 11:13 AM |
Re: ♧ كلَّ عامٍ تُرذَلونَ £ | دفع الله ود الأصيل | 04-28-22, 09:33 AM |
Re: ♧ كلَّ عامٍ تُرذَلونَ £ | دفع الله ود الأصيل | 06-16-22, 02:17 PM |
Re: ♧ كلَّ عامٍ تُرذَلونَ £ | صديق مهدى على | 06-16-22, 06:09 PM |
Re: ♧ كلَّ عامٍ تُرذَلونَ £ | دفع الله ود الأصيل | 06-20-22, 03:05 PM |
Re: ♧ كلَّ عامٍ تُرذَلونَ £ | دفع الله ود الأصيل | 06-20-22, 03:13 PM |
♧ كلَّ عامٍ تُرذَلونَ £ | دفع الله ود الأصيل | 06-21-22, 11:40 AM |
|
|
|