|
Re: هل نحن قادرون بوضع خطة اقتصادية مبسطة ووا� (Re: Ali Alkanzi)
|
حبيبنا الكنزي تحياتي بعد التجربة العملية مع كل الحكومات والواقع السوداني وأنا جزء منه .. لا نعرف التخطيط والادارة وكمان غير جادين في العمل مشكلتنا العائلة الممتدة والاجتماعيات والعاطفة الزائدة عن اللزوم تخيل احياناً العائلة كلها تعتمد على فرد
نحن غير منتجين .. ولا نحترم العمل ولا المواعيد حتى في الاغتراب نبحث عن الوظائف المريحة والسهلة لا نجد عمال سودانيين في البناء والحفريات ولا الديكور والدهان واللياسة ... الخ إما موظفين في الشركات او سائقين ( خاص ) او سائقي شاحنات
نحن ناس ( easy money ) سمسرة ولف ودوران .. هنا في جدة تجد العشرات في مكاتب الشحن والحجز والسفريات ... الخ .. يا شغل مريح بدون عناء يا عاطل تحت الكبري أو نوم في الجمعيات ..
عندنا في سوق القرية في اقصى الشمال ناس عندهم سواقي على النيل تجدهم فقط سمسرة أي محصول قادم للسوق أو خارج من السوق أو المواد الاستهلاكية
حتى نظرة العائلة تغيرت .. زمان التربال المنتج كان بطل الفيلم في الساقية .. اليوم المضارب والسمسار صاحب الدخل اليومي هو البطل ..
كمان حكاية التعدين .. جعلت الانتاج الزراعي ( زيرو )
تخيل الواحد مغترب اكثر 30 سنة وشهرياً يرسل راتب للاسرة
قبل يومين أشاهد قناة الشمالية دنقلا .. اعتصام في احدى القرى لتحقيق مطالب تخيل .. جلسة ( صيوان .. موية باردة .. شاي .. قهوة .. ونسة ) ده معسكر ترفيهي ما اعتصام ..
حبيبنا الكنزي .. طبعاً أنا زاتي واحد منهم .. لست من الملائكة ولا أبريء نفسي
إلا نرجع لجيل الاباء .. أيام السواقي من الصباح الى الليل .. حتى نحن اطفال كانت لدينا مهام لا بد أن ننفذها .. حتى الامهات والاخوات .. وبمرور الزمن الحكاية تحولت ..
هنا في الغربة الشعوب الاخرى ضمنياً يلمحوا إننا كسالى ( نوم وونسة ) في القهاوي في جدة قبل الكورونا كان تجد في كل قهوة أكثر من 50 واحد قهوة وونسة حتى الشباب السعوديين وغيرهم كانوا شغالين تصوير ..
الحبيب الكنزي تحياتي .. الموضوع ما عايز تنظير .. فقط كل واحد يوفر قوت يومه سوف تكون هناك وفرة .. الاقاليم خالية وتكدس في العاصمة .. يكونوا زي الهنود ينتج من فدان واحد وجاموسة قوت اليوم .. وما نمشي بعيد المصريين كذلك الصعايدة برضو ناس شغل ..
تحياتي غايتو يا الحبيب الكنزي عبرت عن رأي بكل صراحة وأكرر أنا ذاتي جزء من الموضوع ..
|
|
|
|
|
|
|
العنوان |
الكاتب |
Date |
هل نحن قادرون بوضع خطة اقتصادية مبسطة وواقعية لانتشال هذا البلد؟ | Ali Alkanzi | 08-27-20, 10:06 AM |
Re: هل نحن قادرون بوضع خطة اقتصادية مبسطة ووا� | علي عبدالوهاب عثمان | 08-27-20, 10:34 AM |
Re: هل نحن قادرون بوضع خطة اقتصادية مبسطة ووا� | Asim Ali | 08-27-20, 10:39 AM |
Re: هل نحن قادرون بوضع خطة اقتصادية مبسطة ووا� | Ali Alkanzi | 08-27-20, 10:52 AM |
Re: هل نحن قادرون بوضع خطة اقتصادية مبسطة ووا� | Asim Ali | 08-27-20, 11:49 AM |
Re: هل نحن قادرون بوضع خطة اقتصادية مبسطة ووا� | Asim Ali | 08-27-20, 10:54 PM |
Re: هل نحن قادرون بوضع خطة اقتصادية مبسطة ووا� | نعمات عماد | 08-27-20, 11:01 AM |
Re: هل نحن قادرون بوضع خطة اقتصادية مبسطة ووا� | Ali Alkanzi | 08-29-20, 04:53 PM |
Re: هل نحن قادرون بوضع خطة اقتصادية مبسطة ووا� | Ali Alkanzi | 08-30-20, 07:36 PM |
Re: هل نحن قادرون بوضع خطة اقتصادية مبسطة ووا� | Ali Alkanzi | 08-30-20, 07:42 PM |
Re: هل نحن قادرون بوضع خطة اقتصادية مبسطة ووا� | Ali Alkanzi | 08-30-20, 08:11 PM |
Re: هل نحن قادرون بوضع خطة اقتصادية مبسطة ووا� | توفيق عيسى مكي | 08-30-20, 09:05 PM |
|
|
|