التمرد في شمال السودان..لماذا الإستغراب؟؟

Quote: انا غايتو ضد اي تمرد في البلد دي اي نعم محفزات التمرد متوفرة في كل اطراف البلد لكن في النهاية الخاسر الاول في كل هذه السيناريوهات هو انسان المنطقة النشأ فيها التمرد بالنسبة للشمال يا الشيخ اناس بتستغرب لما نقول انو ايضاً وكما بقية الاقاليم يفتقر لمقومات الحياة ويعيش حالة بؤس ليه بتستغرب؟؟ ومعاهم حق يا الشيخ في الاستغراب دا لانو معظم الحكومات في الفترة بعد الاستقلال كانت محسوبة على انسان الشمال فظنوا بنا الظنون فرانسيس دينق لما كتب نقد العهود والمواثيق عرف المسألة بايظة من بدري ومن وكتها اتكون المركز واتكونت النخب السياسية الحقيرة والمحسوبة علي اهل الشمال الان وقبل ان اكتب المداخلة دي كنت اطالع في اخبار الحميات الما مفهوم كنهها شنو هل نزفية ام ملاريا ام انها وباء جديد في محلية مروي خلاصة القول كل الاقاليم مهمشة بفعل فاعل عشان كدا مفروض الشعب السوداني وبالذات المثقفين من القبل الاربعة في البلد دي يختو الكورة واطة ويقيفوا مع بعض للخروج من دائرة المركز الجهنمية دي ثم التحيات لك ولضيوفك