|
Re: بروفايل امرأة مطلقة: لم تتزوج أصلاً (Re: محمد عبد الله الحسين)
|
من خلال كلماتها الأولى الساردة لوجعها المكتوم وحجم الشجن المكنوز في الكلمات و الفعل الدرامي المبثوث في كلماتها المعبِّرة وعبارتها الموجزة والتراجيديا التي تظلل الكلمات بالتأكيد هو الذي دفع المتابعين للتعاطف والمواساة، احساساً بعمق الجرح بالطبع..
و من خلال أسئلة و تعليقات القراء المعبأة بالاحاسيس والمشاعر الصادقة..والمطالبات بأصل القصة وبدايتها و تطوراتها.. فاستجابت هي بكل اريحية و حكت القصة: (الدنيا عيد والناس مرسومه ف وشوشا الفرحه وربنا كان بنسج لي فرحتنا خيوطا ..
......يوم الوقفه كنت مساهرة زي اي بت سودانية همها بكره بيتهم يكون في اجمل صوره ........فيقوم يجيني تلفون من رقم غريب .... رديت.... يجيني صوت زي صوت زول نعسان ...وعرفت انو ضارب غلط ..........واعتذر انو سايق وجاي من ولاية علشان يحصل العيد مع امو في ولايتو).
ثم تكمل: ...)بعد داك التلفون قفل ... وبصراحه انا هزتني حتة ماش يلحق العيد مع امو .....وانا في بيتنا وما ح اعيد مع امي لانها متوفيه. 😭 وكنت بدعو ربنا يوصلو بالسلامة....... واتخطيت اي عقد وقويت قلبي واتصلت اشوفو وصل ولا لا ...............
ولقيت تلفونو مقفول .......صراحه جاتني احتمالات مخيفه ....
............وبقيت اسال انا هسي مالي ومالو خايفه علي؟ ولي اللحظة ديك ما عرفت اسمو...)
أثناء ما لأنا بتابع قراءة القصة سألت نفسي:
بالله في الدنيا دي في ناس رومانسيين وحساسين للدرجة دي؟
- وديل قاعدين وين بالله؟ فرد علي قريني فجأة: والله يا ابوحميد زول رومانسي غيرك مافي...
في الحقيقة اغتظت منه شديد و قلت ليه:
-انت مالك معّاط كده؟ الناس في شنو و إنت في شنو؟ خلينا نتابع قصة البت والا المرة المسكينة دي..
- مسكينة؟ في مَرَة و الا بت مسكينة؟ مسكين انت والله..
.نسيت أن أقول دون أن أحلف إنه القصة واقعية مية المية..ولا داعي للقسم.
نواصل قصة البت.
|
|
|
|
|
|
|
العنوان |
الكاتب |
Date |
بروفايل امرأة مطلقة: لم تتزوج أصلاً | محمد عبد الله الحسين | 08-14-20, 03:57 PM |
Re: بروفايل امرأة مطلقة: لم تتزوج أصلاً | محمد عبد الله الحسين | 08-14-20, 07:06 PM |
Re: بروفايل امرأة مطلقة: لم تتزوج أصلاً | محمد عبد الله الحسين | 08-14-20, 07:11 PM |
Re: بروفايل امرأة مطلقة: لم تتزوج أصلاً | محمد عبد الله الحسين | 08-14-20, 07:20 PM |
Re: بروفايل امرأة مطلقة: لم تتزوج أصلاً | محمد عبد الله الحسين | 08-15-20, 02:55 PM |
Re: بروفايل امرأة مطلقة: لم تتزوج أصلاً | محمد عبد الله الحسين | 08-16-20, 10:13 AM |
Re: بروفايل امرأة مطلقة: لم تتزوج أصلاً | ابو جهينة | 08-16-20, 12:55 PM |
Re: بروفايل امرأة مطلقة: لم تتزوج أصلاً | محمد عبد الله الحسين | 08-16-20, 08:04 PM |
Re: بروفايل امرأة مطلقة: لم تتزوج أصلاً | محمد عبد الله الحسين | 08-17-20, 08:19 AM |
Re: بروفايل امرأة مطلقة: لم تتزوج أصلاً | محمد عبد الله الحسين | 08-18-20, 02:52 PM |
Re: بروفايل امرأة مطلقة: لم تتزوج أصلاً | محمد عبد الله الحسين | 08-18-20, 09:36 PM |
Re: بروفايل امرأة مطلقة: لم تتزوج أصلاً | محمد عبد الله الحسين | 08-23-20, 02:00 PM |
Re: بروفايل امرأة مطلقة: لم تتزوج أصلاً | محمد عبد الله الحسين | 08-28-20, 08:32 AM |
Re: بروفايل امرأة مطلقة: لم تتزوج أصلاً | محمد عبد الله الحسين | 08-28-20, 11:00 AM |
Re: بروفايل امرأة مطلقة: لم تتزوج أصلاً | محمد عبد الله الحسين | 08-28-20, 12:23 PM |
|
|
|