|
|
 Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي !
انت كلامي ده كان بدوره و لا ما بدوره برضو نقوله ليك !
ركز على التعايش السلمي بين مكونات الهامش و خاصة دارفور!
عندك اولاد اهلك شايلين بنادق الحكومة و لابسين هدوم الحكومة و شغالين عدم احترام للقانون و للمواطن ، في الشرق تلقاهم و في جنوب كردفان تلقاهم ، و في دارفور حدث و لا حرج ، اها الناس ديل لو ما جبتهم و طبقت فيهم القانون ، ح يخلقوا ليك ازمة و يدخلوا البلاد في ازمة ما ليها اول ولا اخر ، انت بتستعمل كلمة القانون دي كتير جدا لمن تتكلم ، و ده كلام جميل جدا و بيطمن الناس انه التوجه العام هو نحو دولة القانون ، بس ما يكون القانون بتاع لو سرق الضعيف اقاموا عليه الحد ، القانون ده طبقوه و خلونا نشوفه مطبق في الظالمين حقيقة مش في الضعفاء و المساكين الذين لا حول لهم و لا قوة ، و ابدأ نظف بيتك ، و خليك زول بتاع سلام و مصالحات اجتماعية ، بدايتك كانت غلط جدا و حاربت اهلك و قتلتهم عشان نخبة المركز ، جل من لا يخطئ ، و لكن الكلام ده نزله لأرض الواقع ، ما تستمر في اسلوب العنتريات و البندقية و الارهاب بتاع الكيزان داك ، الشعوب السودانية دي بقت ما بتخاف من الموت ، و ده لأنه الموت بقى كتير و الناس اتعايشت معاه خلاص ، البلد دي في يدكم الان و ده الواقع ، و خلينا من كلام النخب المركزية الدايرنك تمسك ليهم القرون و هم يحلبوا ، المرة دي السودان ده كله يحلب مع الحالبين ان شاء الله كوز موية ، و انت الان بيدك تفتح صفحة جديدة في حياتك مع الشعوب السودانية ، و خليك من كلام المنظراتية الما أكلوا خميس طويرة أو اتعالجوا بالفصيد، طرق العشر ، اللالوب المغلي ، القنقليز ، او الكي او غيره ، و ما بعرفوا و لادة الحبل ، لانه عندهم الشفخانة و الدكتور ، أبدأ بأهل الوجعة الما عرفوا من النخب المركزية غير قنابل طائرات الانتينوف و ابادات الجيش ليهم و التهجير و الصلب و الحرق ، اهل الوجعة ديل لو ركزت معاهم و راضيتهم البلد دي بكرة اقتصادها بيتصلح ، لانه ديل هم الناس البزرعوا و بحصدوا و يدينهم مشققة ، مش الافندية القاعدين لكتر الكلام و التنظير ،
نكمل في الصفحات الجايات
قيلوا عافية
عصام مانديلا
|
|
 
|
|
|
|
|
| العنوان |
الكاتب |
Date |
| أسمع يا حميدتي من غير مجمجة! | Esameldin Abdelrahman | 08-07-20, 10:46 AM |
| Re: أسمع يا حميدتي من غير مجمجة! | محمد البشرى الخضر | 08-07-20, 10:55 AM |
| Re: أسمع يا حميدتي من غير مجمجة! | سيف النصر محي الدين | 08-07-20, 06:47 PM |
| Re: أسمع يا حميدتي من غير مجمجة! | Esameldin Abdelrahman | 08-10-20, 10:53 AM |
| Re: أسمع يا حميدتي من غير مجمجة! | Esameldin Abdelrahman | 08-08-20, 12:37 PM |
| Re: أسمع يا حميدتي من غير مجمجة! | Esameldin Abdelrahman | 08-11-20, 09:30 AM |
| Re: أسمع يا حميدتي من غير مجمجة! | Esameldin Abdelrahman | 08-12-20, 11:41 PM |
| Re: أسمع يا حميدتي من غير مجمجة! | Esameldin Abdelrahman | 08-14-20, 10:33 PM |
| Re: أسمع يا حميدتي من غير مجمجة! | Esameldin Abdelrahman | 08-14-20, 11:10 PM |
| Re: أسمع يا حميدتي من غير مجمجة! | Esameldin Abdelrahman | 08-15-20, 10:11 PM |
| Re: أسمع يا حميدتي من غير مجمجة! | Esameldin Abdelrahman | 08-16-20, 11:38 AM |
| Re: أسمع يا حميدتي من غير مجمجة! | Sediq Hamad | 08-16-20, 11:47 AM |
| Re: أسمع يا حميدتي من غير مجمجة! | Esameldin Abdelrahman | 08-18-20, 00:14 AM |
| Re: أسمع يا حميدتي من غير مجمجة! | Esameldin Abdelrahman | 08-19-20, 00:08 AM |
| Re: أسمع يا حميدتي من غير مجمجة! | Esameldin Abdelrahman | 08-20-20, 01:58 AM |
| Re: أسمع يا حميدتي من غير مجمجة! | Esameldin Abdelrahman | 08-20-20, 05:45 PM |
| Re: أسمع يا حميدتي من غير مجمجة! | Esameldin Abdelrahman | 08-22-20, 06:42 PM |
| Re: أسمع يا حميدتي من غير مجمجة! | Esameldin Abdelrahman | 08-23-20, 09:49 AM |
| Re: أسمع يا حميدتي من غير مجمجة! | Esameldin Abdelrahman | 08-24-20, 07:32 PM |
| Re: أسمع يا حميدتي من غير مجمجة! | Esameldin Abdelrahman | 08-25-20, 10:54 PM |
| Re: أسمع يا حميدتي من غير مجمجة! | Esameldin Abdelrahman | 08-27-20, 12:56 PM |
| Re: أسمع يا حميدتي من غير مجمجة! | Esameldin Abdelrahman | 08-27-20, 10:27 PM |
| Re: أسمع يا حميدتي من غير مجمجة! | Esameldin Abdelrahman | 08-30-20, 11:30 PM |
| Re: أسمع يا حميدتي من غير مجمجة! | Esameldin Abdelrahman | 09-05-20, 10:10 PM |
| Re: أسمع يا حميدتي من غير مجمجة! | Esameldin Abdelrahman | 09-11-20, 00:42 AM |
| Re: أسمع يا حميدتي من غير مجمجة! | Esameldin Abdelrahman | 09-13-20, 10:38 PM |
| Re: أسمع يا حميدتي من غير مجمجة! | Esameldin Abdelrahman | 09-20-20, 01:08 AM |
| Re: أسمع يا حميدتي من غير مجمجة! | Esameldin Abdelrahman | 09-23-20, 09:24 PM |
| Re: أسمع يا حميدتي من غير مجمجة! | Esameldin Abdelrahman | 09-30-20, 11:25 PM |
| Re: أسمع يا حميدتي من غير مجمجة! | Esameldin Abdelrahman | 10-13-20, 00:38 AM |
| Re: أسمع يا حميدتي من غير مجمجة! | Esameldin Abdelrahman | 10-22-20, 08:36 PM |
| Re: أسمع يا حميدتي من غير مجمجة! | Esameldin Abdelrahman | 11-15-20, 01:34 AM |
| Re: أسمع يا حميدتي من غير مجمجة! | Esameldin Abdelrahman | 11-16-20, 02:20 AM |
 Re: أسمع يا حميدتي من غير مجمجة! | HAIDER ALZAIN | 09-13-23, 07:59 AM |
|
| |
فيس بوك
تويتر
انستقرام
يوتيوب
بنتيريست