|
Re: ظروف المرأة الشخصية لا تؤهلها لمنصب الوا� (Re: Asim Ali)
|
يا عاصم أنا كنت داير أنصص بعض جملك عشان اناقشها.. لكن لقيت الكلام كله يحتاج تنصيص لأنه ما صاح.. نبدأ بالمرأة فى الأقاليم.. واى أمرأة فى الأقاليم تستطيع تحكم ولاية.. ما أظنك احتكيت بيهم عن قرب. أما نساء البندر فدونك ثورة ديسمبر.. الغالبية من الثوار كانوا من النساء. و المرأة السودانية اول رئيس حزب سياسى فى الشرق الأوسط، و أول قاضية و أول عضوة فى البرلمان.. دولاب الدولة فى العاصمة و عواصم الأقاليم تديره النساء.. البنوك أغلب الموظفين من النساء المتعلمات فى الشئون المالية و الادارية.. و والله ما طالبنى حليفة اخر مرة زرت السودان، مشيت جامعة الخرطوم.. سألت قلت دى جامعة الخرطوم وللا كلية الأحفاد تقريبا 90% من الطلبة بنات. المرأة السودانية اليوم عضو فى مجلس السيادة و هو اعلى من حاكم ولاية.. صاح واللا ما صاح.. و هى وزيرة قومية و برضو أعلى من حاكم ولاية.. هى ما حتشتغل ميكانيكية، لكنها تعمل حاكم ولاية.. و هذه ما محتاجة عضلات جسم، و لكنها محتاجة للعقل.. واكتر المتعلمين فى السودان اليوم من النساء.. قولدا مائيير إمرأة طلعت زيت 100 مليون رجل عربى بما فيهم الفقهاء من عينة الفقيه دا. طيب هى وزيرة قومية و عضوة مجلس سيادة و رئيسة قضاء.. ومديرة أكبر جامعة فى السودان.. تدير فيها الدكاترة من حملة الشهادات العليا.. الإعتراض شنو على حاكمة ولاية؟
|
|
|
|
|
|
|
العنوان |
الكاتب |
Date |
ظروف المرأة الشخصية لا تؤهلها لمنصب الوالي !! | خالد العبيد | 07-17-20, 01:18 AM |
Re: ظروف المرأة الشخصية لا تؤهلها لمنصب الوا� | خالد العبيد | 07-17-20, 01:20 AM |
Re: ظروف المرأة الشخصية لا تؤهلها لمنصب الوا� | خالد العبيد | 07-17-20, 01:23 AM |
Re: ظروف المرأة الشخصية لا تؤهلها لمنصب الوا� | Asim Ali | 07-17-20, 02:56 AM |
Re: ظروف المرأة الشخصية لا تؤهلها لمنصب الوا� | Abureesh | 07-17-20, 04:23 AM |
Re: ظروف المرأة الشخصية لا تؤهلها لمنصب الوا� | خالد العبيد | 07-17-20, 05:23 AM |
Re: ظروف المرأة الشخصية لا تؤهلها لمنصب الوا� | جلالدونا | 07-17-20, 06:04 AM |
Re: ظروف المرأة الشخصية لا تؤهلها لمنصب الوا� | خالد العبيد | 07-17-20, 07:13 AM |
Re: ظروف المرأة الشخصية لا تؤهلها لمنصب الوا� | علاء سيداحمد | 07-17-20, 09:56 AM |
Re: ظروف المرأة الشخصية لا تؤهلها لمنصب الوا� | علاء سيداحمد | 07-17-20, 09:59 AM |
Re: ظروف المرأة الشخصية لا تؤهلها لمنصب الوا� | Asim Ali | 07-17-20, 10:54 AM |
Re: ظروف المرأة الشخصية لا تؤهلها لمنصب الوا� | خالد العبيد | 07-17-20, 12:03 PM |
|
|
|