ثم ماذا بعد البشير؟؟؟

07:31 PM July, 07 2020

سودانيز اون لاين
Hamid Elsawi-Calgary, Alberta, Canada
مكتبتى
رابط مختصر

البشير و حكومته إنتهوا
تركو دولة منهارة تماماً
بنوك ما فيها قروش
قضوا علي الأخضر و اليابس
مش كده وبس بل نهبوا ما في باطن الأرض
و الأرض نفسها قسموها
و ده كلو هين .... لكن الما هيَيِّن شنو؟؟؟؟

الحيطة كان فيها شرخ يمكن ترميمها و بناءها من جديد
لكن شرخ القيم و الأخلاق و المٌثُل ح يترمم و يتبني كيف؟
الدمار الذي حدث في التركيبة النفسية للمواطن السوداني
بكل تعقداته يتصلح كيف.... ؟؟؟؟
هل ح تحتاج مؤتمر أخلاقي
علي وزن مؤتمر إقتصاي مثلاً

قال شوقي
إنما الأمم الأخلاق ما بقيت *** فإن هم ذهبت أخلاقهم ذهبوا
و إذا أصيب القوم في أخلاقهم *** فأقم عليهم مأتما و عويلا
صلاح أمرك للأخلاق مرجعه *** فقوّم النفس بالأخلاق تستقم
و ما الحسن في وجه الفتى شرفا له *** إذا لم يكن في فعله و الخلائق

الثقة المهزوزة في نفسنا و في الآخر من القِيَم البائسة
التي خلفتها سيئة الذكر الانقاذ... و لن تزول هذه القيمة
بين ليلة و ضحاها... بل سوف تبقي في دواخلنا لفترة
من الزمن قد تطول ... و سوف تظل تفرز سموها في كل
تعاملنا و من تجلياتها التأخير في في كثير من مهام الفترة
الانتقالية و علي رأسها عملية السلام و غيرها

Quote: الدمار الذي حدث في التركيبة النفسية للمواطن السوداني بكل تعقداته يتصلح كيف.... ؟؟؟؟

اذا صح التعبير عن السودان كشخصية ممكن تكن ... trauma
او ما بعرف ترجمتها شنو صدمة اخلاقية استمرت 30 سنة
برغم السلوك الاخلاقي العالي الظهر في الثورة لكنها كات لحظة ضغط اجتماعي اقوي من اي سلوك فردي ، لكن الحقيقة انو محتاجين تلاتين سنة تانية عشان نصل .... السلوك الاتشكل خلال تلاتين سنة صعب يختفي بين يوم وليلة ... عشان كدة حتي مع الحكومة المدنية كل حركة وكل سكنة مشكوك في امرها - لانها في الحقيقة غير مبراة ولانو جزء من ال تروما هو فقدان الثقة

التاريخ يعيد نفسه في السودان

ثورة عظيمة ،،يأتى أفراد من النخبة (المدمنة على الفشل) ويفرغوها من محتواها ليستلط الجيش على رقاب الناس

ألهم أهديهم قبل فوات الاوآن

https://top4top.io/

تحت

ولي ولم يعقب
تعال مارق
كلامك ده كلو خارم بارم لا تحليل سيوسيلجي ولا في مشكلة في الشعب لحدي 2005 مرقو لي جون قرنق بالملايين وسجلو 18 مليون في انتخابات 2010
والازمة فيك انت
الشيوعي
البعثي
الناصري
الكوز
السلفي
في السودان
ازمة نخب وليس ازمة شعب اطلاقا
انت في زمن الحركة الشعبية مش برضو مشروع سوداني اشتراكي
شيوعي لي شنو ؟؟؟؟

تعال مارق يمرق جلدك
عشان نشوف السفيه منو يا علمانيو
بنص القران

وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ ۗ أَلَا إِنَّهُمْ هُمُ السُّفَهَاءُ وَلَٰكِن لَّا يَعْلَمُونَ (13)

انت علماني تؤمن كما يؤمن السفهاء في امريكا او روسيا ده شانك
اما يحقر االتنظيم الشيوعي وهو ليس حزب اسسه هنري كوريل في مصر وجابو عبدالخالق محجوب السودان
االازدراء بالاديان وتحقير الرموز الدينية في السودان جريمة يعاقب عليها القانون
والختمية والانصار ده عقيدة السودانيين
لم علمانيتك الفالصو دي عليك

يا صاوي الواحد ما عايز يحبطك
لكن ما بعد البشير زي ما قبل البشير
لا فرق
صحيح الكيزان تركوا كل شي على القاع
لكن انت كبديل مش مطلوب منك تغيير
بضربة عصا موسى لكن على الاقل
حسسنا انك ماشي في الطريق الصاح
مش تواصل نفس فشل الكيزان
شوف كمية التوافق والتشابه بحيادية
بين ما كان يمارسه الكيزان وما تمارسه
حكومة الثورة نفس بيع الوهم للمواطن
مهما تغيرت انظمة الحكم لكن تبقى العلة
وهي تكمن في الشخصية السودانية وما تمارسه
من انفصام عجيب على المستوى الجمعي

Quote: قال شوقي إنما الأمم الأخلاق ما بقيت *** فإن هم ذهبت أخلاقهم ذهبوا و إذا أصيب القوم في أخلاقهم *** فأقم عليهم مأتما و عويلا صلاح أمرك للأخلاق مرجعه *** فقوّم النفس بالأخلاق تستقم و ما الحسن في وجه الفتى شرفا له *** إذا لم يكن في فعله و الخلائق

وقال كارل مركس
البنية الفوقية الاخلاق
والبنية التحتية الاقتصاد
نصدق احمد شوقي ولي ماركس ؟؟؟؟
واخلاق السودانييين تمام لانها مورثة جينيا من كوش
شوف السفلة الما عندهم اخلاق جو من وين وجابهم منو وجو بي الانقلابات ليه

لو كنت بتباريني يا طاووس البورد
كان وعيت وخليت هذيانك ده
مع السلامة
حضرنا ولم نجدكم
https://top4top.io/
جقود الختمي المركب مكنة حركة شعبية

السودان الآن في هذه المرحلة الانتقالية يحتاج إلى قرارات ثورية ومحاكم عاجلة لمحاكمة اللصوص والحرامية
وقرارات ثورية لحل الأزمة المعيشية للمواطنين الغلابة ..لانو اذا جاءت الأحزاب بعد الانتخابات فسوف يظل الأمر كما
هو ...لا محاكمات ولا قرارات لتنفيذ مطالب الشعب...وسوف يتحكم الجيش في كل مفاصل السلطة ...والرئيس المدني حيكون
بدون سلطات تنفيذية ...