البشير و حكومته إنتهوا تركو دولة منهارة تماماً بنوك ما فيها قروش قضوا علي الأخضر و اليابس مش كده وبس بل نهبوا ما في باطن الأرض و الأرض نفسها قسموها و ده كلو هين .... لكن الما هيَيِّن شنو؟؟؟؟
07-07-2020, 07:31 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
الحيطة كان فيها شرخ يمكن ترميمها و بناءها من جديد لكن شرخ القيم و الأخلاق و المٌثُل ح يترمم و يتبني كيف؟ الدمار الذي حدث في التركيبة النفسية للمواطن السوداني بكل تعقداته يتصلح كيف.... ؟؟؟؟ هل ح تحتاج مؤتمر أخلاقي علي وزن مؤتمر إقتصاي مثلاً
07-07-2020, 07:32 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
قال شوقي إنما الأمم الأخلاق ما بقيت *** فإن هم ذهبت أخلاقهم ذهبوا و إذا أصيب القوم في أخلاقهم *** فأقم عليهم مأتما و عويلا صلاح أمرك للأخلاق مرجعه *** فقوّم النفس بالأخلاق تستقم و ما الحسن في وجه الفتى شرفا له *** إذا لم يكن في فعله و الخلائق
07-07-2020, 07:33 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
الثقة المهزوزة في نفسنا و في الآخر من القِيَم البائسة التي خلفتها سيئة الذكر الانقاذ... و لن تزول هذه القيمة بين ليلة و ضحاها... بل سوف تبقي في دواخلنا لفترة من الزمن قد تطول ... و سوف تظل تفرز سموها في كل تعاملنا و من تجلياتها التأخير في في كثير من مهام الفترة الانتقالية و علي رأسها عملية السلام و غيرها
07-07-2020, 11:04 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
Quote: الدمار الذي حدث في التركيبة النفسية للمواطن السوداني بكل تعقداته يتصلح كيف.... ؟؟؟؟
اذا صح التعبير عن السودان كشخصية ممكن تكن ... trauma او ما بعرف ترجمتها شنو صدمة اخلاقية استمرت 30 سنة برغم السلوك الاخلاقي العالي الظهر في الثورة لكنها كات لحظة ضغط اجتماعي اقوي من اي سلوك فردي ، لكن الحقيقة انو محتاجين تلاتين سنة تانية عشان نصل .... السلوك الاتشكل خلال تلاتين سنة صعب يختفي بين يوم وليلة ... عشان كدة حتي مع الحكومة المدنية كل حركة وكل سكنة مشكوك في امرها - لانها في الحقيقة غير مبراة ولانو جزء من ال تروما هو فقدان الثقة
ولي ولم يعقب تعال مارق كلامك ده كلو خارم بارم لا تحليل سيوسيلجي ولا في مشكلة في الشعب لحدي 2005 مرقو لي جون قرنق بالملايين وسجلو 18 مليون في انتخابات 2010 والازمة فيك انت الشيوعي البعثي الناصري الكوز السلفي في السودان ازمة نخب وليس ازمة شعب اطلاقا انت في زمن الحركة الشعبية مش برضو مشروع سوداني اشتراكي شيوعي لي شنو ؟؟؟؟
07-08-2020, 09:07 AM
adil amin adil amin
تاريخ التسجيل: 08-01-2002
مجموع المشاركات: 37022
انت علماني تؤمن كما يؤمن السفهاء في امريكا او روسيا ده شانك اما يحقر االتنظيم الشيوعي وهو ليس حزب اسسه هنري كوريل في مصر وجابو عبدالخالق محجوب السودان االازدراء بالاديان وتحقير الرموز الدينية في السودان جريمة يعاقب عليها القانون والختمية والانصار ده عقيدة السودانيين لم علمانيتك الفالصو دي عليك
07-08-2020, 08:59 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
يا صاوي الواحد ما عايز يحبطك لكن ما بعد البشير زي ما قبل البشير لا فرق صحيح الكيزان تركوا كل شي على القاع لكن انت كبديل مش مطلوب منك تغيير بضربة عصا موسى لكن على الاقل حسسنا انك ماشي في الطريق الصاح مش تواصل نفس فشل الكيزان شوف كمية التوافق والتشابه بحيادية بين ما كان يمارسه الكيزان وما تمارسه حكومة الثورة نفس بيع الوهم للمواطن مهما تغيرت انظمة الحكم لكن تبقى العلة وهي تكمن في الشخصية السودانية وما تمارسه من انفصام عجيب على المستوى الجمعي
07-08-2020, 09:11 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: قال شوقي إنما الأمم الأخلاق ما بقيت *** فإن هم ذهبت أخلاقهم ذهبوا و إذا أصيب القوم في أخلاقهم *** فأقم عليهم مأتما و عويلا صلاح أمرك للأخلاق مرجعه *** فقوّم النفس بالأخلاق تستقم و ما الحسن في وجه الفتى شرفا له *** إذا لم يكن في فعله و الخلائق
وقال كارل مركس البنية الفوقية الاخلاق والبنية التحتية الاقتصاد نصدق احمد شوقي ولي ماركس ؟؟؟؟ واخلاق السودانييين تمام لانها مورثة جينيا من كوش شوف السفلة الما عندهم اخلاق جو من وين وجابهم منو وجو بي الانقلابات ليه
07-08-2020, 09:13 AM
adil amin adil amin
تاريخ التسجيل: 08-01-2002
مجموع المشاركات: 37022
السودان الآن في هذه المرحلة الانتقالية يحتاج إلى قرارات ثورية ومحاكم عاجلة لمحاكمة اللصوص والحرامية وقرارات ثورية لحل الأزمة المعيشية للمواطنين الغلابة ..لانو اذا جاءت الأحزاب بعد الانتخابات فسوف يظل الأمر كما هو ...لا محاكمات ولا قرارات لتنفيذ مطالب الشعب...وسوف يتحكم الجيش في كل مفاصل السلطة ...والرئيس المدني حيكون بدون سلطات تنفيذية ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hamid Elsawi
adil amin
جمال ود القوز
فيس بوك
تويتر
انستقرام
يوتيوب
بنتيريست