حقيقي انا ندمانة على أي حرف دعمت فيه دكتور أكرم، ولأول مرة شفت بعيني حقيقة انه الناس بتموت وهي بتزازي من مستشفى لمستشفى، بتستجدى الاطباء عشان يقبلوا يدخلوها،. مستشفى الساحة وفضيل ورويال كير لازم تدفع ١٥٠ مليون عشان يقبلوا انك تدخل الطوارئ. مستشفى الشعب الاطباء الفبهو محتاجين إعادة تأهيل، ما قادرين يشخصوا حالة مريضة لأكثر من ٦ ساعات كاملة، بتاخد اوكسجين وهي في الكرسي، ناس الصدرية يحولوها للقلب، وناس القلب يرجعوها الصدرية، وبعد كدا مافي سرير فاضي ولا حتى نقالة عشان تاخد فيها الأوكسجين. أكرم صحيح انت لقبت نظام صحي منهار، لكن اثبت انك افشل وزير سوداني، ، وعلاقتك بالطب في السودان Big Zero منو القال ليك كل المرض في السودان كورونا؟؟؟ ارجع ياخ من مكان ما جيت، وتذكرتك علي.
بالجد هنادي دي شنو .. مش منو عبد العظيم انت شايت في اتجاه ما حيفيدك حزبك بتاع البيويتات التجارية دا ما حيفوز بي اي انتخابات حتى على مستوى المحليات و لو اتضامن مع حزب اللمام , الشباب حيدكوها بعد عشرة سنوات لوبقينا حيين فما تدفقو مويتكم في الرهاب
عبدالعظيم سلام حالتك بقت صعبة بقيت تلقط في كلام أي زول في أية حاجة وتلصق بس عشان تكائد .. منو هنادي يا عبدالله ؟؟ خخخخ
Post: #8 Title: Re: هنادي دي شنو ؟ Author: عبدالعظيم عثمان Date: 07-06-2020, 06:35 PM Parent: #7
مش غريبة كل الناس بتسأل منو هنادي وزول واحد ما ناقش ما كتبته هنادي؟
أنا زاتي ما بعرفها
لكن واضح إنه حالة رفض المساس بوزير الثورة حالة غرقانة في التعاطف غير المنطقي حتى لو قام منصور خالد من قبره وكتب كلام عن وزير الصحة
حتقولوا منصور دا منو؟
Post: #9 Title: Re: هنادي دي شنو ؟ Author: جمال ود القوز Date: 07-06-2020, 07:21 PM Parent: #8
ههههههههههههه والله انتو ناس صعبين خلاص .. الصحفية هنادي الصديق مابتعرفوها !! .. معقوله ؟ .. يعني عشان كتبت رأيها في أكرم .. بقت مجهولة !! .. انتو ما بتقروا جرايد ولا حتى بتشوفوا تلفزيون .. بتبالغوا وانت يا عظمة ذاااتك بتبالغ .. تقول ليهم انت ذاتك ما بتعرفا .. خخخخخخ .. المهم .. غض النظر عن رأينا سلبا أو إيجابا في الوزير أكرم .. لكن هنادي الصديق صحفية مجيدة ومعروفة .. فما يبقى حشف وسوء كيل منكم ..
Quote: مش غريبة كل الناس بتسأل منو هنادي وزول واحد ما ناقش ما كتبته هنادي؟
أنا زاتي ما بعرفها
هههههه سمح الشفقه شنو
Post: #11 Title: Re: هنادي دي شنو ؟ Author: عبدالعظيم عثمان Date: 07-06-2020, 08:12 PM Parent: #10
كل الناس عارفين وزير الصحة فاشل وبينادوا بي إقالة وزير الصحة والشيوعين بقولوا : أكرم زولنا وحبة بندولنا أوعكم تهبشوه (التقول الثورة دي واقعة ليهم في كرتلة)
يعني يا عظمة لو انا فتحت بوست و قلت: ( بدرية تكتب: محمد عثمان الميرغني الفشل او الهطل يمشي على رجلين)
حتجي تقولي بدرية دي منو و لا حتقول شفت كيف سيدي فاشل .. و ما مهم بدرية منو؟
Post: #13 Title: Re: هنادي تكتب : أكرم الفشل يمشي على قدمين Author: محمد محمد قاضي Date: 07-06-2020, 11:49 PM Parent: #1
Quote: لكن هنادي الصديق صحفية مجيدة ومعروفة ..
عليكم الله الكلام الفوق ده لغة صحفية مجيدة ومعروفة وتكتب عمود صحفي راتب في صحيفة محترمة؟ معقولة يا جيمي - الصحافة خربت يا جدعان أو كما قال -شوفوا ليها عضوية هنا يمكن تحسن مستواها ههههههه
Post: #14 Title: Re: هنادي تكتب : أكرم الفشل يمشي على قدمين Author: عثمان الأمام Date: 07-07-2020, 05:36 AM Parent: #13
Quote: أكرم. الفشل يمشي على قدمين.
حقيقي انا ندمانة على أي حرف دعمت فيه دكتور أكرم، ولأول مرة شفت بعيني حقيقة انه الناس بتموت وهي بتزازي من مستشفى لمستشفى، بتستجدى الاطباء عشان يقبلوا يدخلوها،. مستشفى الساحة وفضيل ورويال كير لازم تدفع ١٥٠ مليون عشان يقبلوا انك تدخل الطوارئ. مستشفى الشعب الاطباء الفبهو محتاجين إعادة تأهيل، ما قادرين يشخصوا حالة مريضة لأكثر من ٦ ساعات كاملة، بتاخد اوكسجين وهي في الكرسي، ناس الصدرية يحولوها للقلب، وناس القلب يرجعوها الصدرية، وبعد كدا مافي سرير فاضي ولا حتى نقالة عشان تاخد فيها الأوكسجين. أكرم صحيح انت لقبت نظام صحي منهار، لكن اثبت انك افشل وزير سوداني، ، وعلاقتك بالطب في السودان Big Zero منو القال ليك كل المرض في السودان كورونا؟؟؟ ارجع ياخ من مكان ما جيت، وتذكرتك علي.
ما ياهو يا عبدالعظيم الما عارف طز من السلام عليكم بكتب في أي شيء بدون معرفة البحمي, الصحفية دي ما تكتب شنو !! الغريبة الصحفية دي ساكنة وين ؟ أول مرة تشوف بعينها انو الناس بتموت وهي بتزازي من مستشفى لي مستشفى !! وما عارفة إنو مستشفى الساحة وفضيل و رويال كير مفروض تدفع قروش قبل ما تخش !! الخوف تكون فاكراها تابعة لوزير الصحة ! وكمان ما عارفة انو في حالات بتقعد بالايام والشهور عشان تتشخص مش 6 ساعات! وكمان متخيلة غنو السراير فاااضية ومتوفرة خخخخخخخخ الزولة دي السنين الفاتت كانت قاعدة وين وبتكتب في شنو عشان تتفاجأ كل المفاجأت دي ؟ ودعمت د اكرم في الأول لي شنو مدام ما عارفة خطتو شنو ولا الحاجة الحيشتغل فيها شنو ؟
Post: #15 Title: Re: هنادي تكتب : أكرم الفشل يمشي على قدمين Author: ABUHUSSEIN Date: 07-07-2020, 05:52 AM Parent: #14
Quote: Nadir HAMAD يا عظمة انت ما ملاحظ انك ما بتنتقد الا حمدوك وأكرم؟ وباقى الوزرا وين؟ مثلا كهربا مافي وزير الطاقة ما بيستحق برضو تصرف ليه شوية فشل ولا عشان زولكم وكدة ههههههه أعجبني · رد · تمييز كمحتوى غير مهم أو احتيالي · منذ ١١ س المكون الإضافي للتعليقات من فيسبوك
يا جيمي القوز سلام عليك بس تعال أقنعنى انو كل من يحمل قيد صحفي ويكتب في جريدة هو صحفي نجيب وشاطر وعارف أية حاجة في أية حاجة .. بالنسبة لي أغلب الصحافيين العاملين فيها حاجة ديل ما عارفين أية حاجة وشايلين الاسم دا يقدلوا بيهو ساي والواحد فيهم رأس مال شهرتو يشتم ليهو نجم مجتمع . ............ نحن مش عارفين البئر وغطاها بس .. نحن نزلنا جوة البئر دي ذاتا وشربنا منها بعد ما نضفناها من الحاجات القاعدين يرموها الشفع الصغار ..خخخخخخخ
Quote: عليكم الله الكلام الفوق ده لغة صحفية مجيدة ومعروفة وتكتب عمود صحفي راتب في صحيفة محترمة؟ معقولة يا جيمي - الصحافة خربت يا جدعان أو كما قال -شوفوا ليها عضوية هنا يمكن تحسن مستواها ههههههه®
يا ود القاضي يا انداندي كلامك صحيح مستوى صحافتنا ليق لكن ده المتوفر نسوي شنو عاد
عارف يا طلحة غض النظر عن مستوى كتابتها لكن ما عجبني حكاية انها مجهولة وما معروفة دي الزولة دي انا متابعها من زمن بتكتب رياضة صحافتنا ليق حليل الليق وكورته السمحة الناس تقول مستوى ليق للحاجة التعبانة لكن كان جوا لعبوا في الليق وشاهدوا كورتوا لضربوا به المثل في الحاجة الحلوة
عادي يا جيمي تكون ما معروفة للباقين أنت بس لانك متابعا . كانت فعلا بتكتب في المناشط الرياضية جمباز ملاكمة تنس أرضي وما الى ذلك دا آخر عهدي بيها .. لو هي دي المقصودة
Quote: وما عارفة إنو مستشفى الساحة وفضيل و رويال كير مفروض تدفع قروش قبل ما تخش !! الخوف تكون فاكراها تابعة لوزير الصحة !
هي أكيد عارفة لكن بالنسبة ليك أنا ما متأكد البلد التي تقيم فيها أنت الأن هل مستشفياتها الخاصة (البي قروش) في أقسام الطواري بياخدو حقهم مقدم من الرسيبشن قبل ما يستلموا المريض ويسعفوه ؟؟؟ دي واحدة ما ظنيتها بتحصل غير في السودان وأنت جعلتها شي عادي وفي ظرف غير عادي!!! الشي الآخر هل دفع (150ألف جنيه) أو كما وصفت (150 مليون) بتقصد بالقديم دا مبلغ مبالغ فيه كيف يشترط دفع مبلغ بهذا الحجم ؟! كيف تسمح وزارة الصحة بهذه الفوضى والشيء الأهم دفع مال مقدم قبل السماح لدخول الحالات الطارئة دا اضاعة لوقت ثمين في شباك الحسابات محتاجه المريض موضوع الحسابات بيترك لاحقا في كل بلاد الدنيا للحالات الطارئة إلا في السودان
استاذة هنادى الصديق صحيفة شجاعة ، لها مواقف وصولات وجولات ضد فساد ، ولها تجربة ثرة ، وهى كتف بكتف مع الجيل المصادم من الصحفيات الشابات ، من حفرن فى الصخر فى ازمنة تحكم الاسلاميين فى البلاد والعباد. ولكل من يتهكم على الكنداكة هنادى ، ان يبحث فى قوقل عن عدد مرات استدعاء جهاز الامن لبنت الصديق ، وعن عدد مرات مصادرته لصحيفة "اخبار الوطن" الاسبوعية والتى كانت رئيسة تحريرها ، فسيجد مثلا انه صادرها ثلاث مرات بعد الطباعة فقط فى شهر واحد ، وهو شهر يناير 2018. وورد فى موقع راديو دبنقا بتاريخ 14 سبتمبر 2017 ، ان الصحفية هنادى الصديق قد تعرضت مساء الثلاثاء الماضى للضرب فى الشارع والاساءات اللفظية واتلاف هاتفها المحمول ، بعد ان تم ايقاف سيارتها بالقوة بواسطة مجموعة من منسوبى جهاز الامن وهم على متن دراجات بخارية ، واجبروها على ركوب المقعد الخلفى لسيارتها ، واحتجزوها لمدة 3 ساعات. كذلك كانت لها كتابة راتبة فى صحيفة "البعث" الاسبوعية والتى ناضلت ايضا فى ظروف عصيبة ، ومشت على هامش محدود للغاية لحرية التعبير. فلا تبخسوا الناس اشياءهم يا ناس .. فبينما كانت الاغلبية منا فى الازمنة الصعبة تنام فى احضان زوجاتهم ، كانت بنت الصديق تتعرض لاستجواب او مصادرة والضرب فى الشارع العام. انحنى لك احتراما. * اعتب عليها ، انها لو اطلعت على المواقع الاجنبية لعرفت ان المشكلة عالمية ، ولا ذنب لدكتور اكرم فيها. فمثلا ، ستجد موضوع جديد لنج ولسه بشوكه :- ففى موقع rt.com الروسى ، باللغة الانجليزية , ستجد مقال انسانى حزين عن معاناة مريض بالسرطان بتاريخ يوم امس ، تحت عنوان :- I went 13 times begging for scan اتمنى لمن يملك وقت ان يترجم لنا الملامح الاساسية ، واتمنى لمن يملك القدرة ايراد الرابط ، واتمنى من الجميع البحث عن كتابات هنادى والاطلاع عليها ، خاصة استاذنا قبانى ، فسيجد لها مقال عن حزب الامة مبتور الاطراف سيعجبك بلا شك ، فقد اتهمت فيه سيدى الامام بمحاولة سرقة الثورة.
اعتذر لكم. فقد كتبت سطر فى مداخلتى اعلاها عن انها صاحبة العمود اليومى "بلا حدود" على اخيرة صحيفة "الجريدة". واثناء مسح كلمة لاجراء تصحيح ، يبدو اننى قمت بمسح السطر كله دون ان انتبه. وبالتالى ، ولمن لا يعرف ، هى صاحبة عمود "بلا حدود". ومن يريد ان يعرف قيمة وقامة صحيفة "الجريدة" ووطنية طاقم تحريرها , عليه الرجوع لدار الوثائق.
Post: #30 Title: Re: هنادي تكتب : أكرم الفشل يمشي على قدمين Author: جمال ود القوز Date: 07-08-2020, 08:35 AM Parent: #29
أديبنا وكاتبنا الكبير شاهين تسلم كثير على هذه الفذلكة الحصيفة للاخت الصحفية هنادي الصديق وحقيقي هي تستاهل كل خير
Quote: فبينما كانت الاغلبية منا فى الازمنة الصعبة تنام فى احضان زوجاتهم ، كانت بنت الصديق تتعرض لاستجواب او مصادرة والضرب فى الشارع العام. انحنى لك احتراما.
Quote: هي أكيد عارفة لكن بالنسبة ليك أنا ما متأكد البلد التي تقيم فيها أنت الأن هل مستشفياتها الخاصة (البي قروش) في أقسام الطواري بياخدو حقهم مقدم من الرسيبشن قبل ما يستلموا المريض ويسعفوه ؟؟؟ دي واحدة ما ظنيتها بتحصل غير في السودان وأنت جعلتها شي عادي وفي ظرف غير عادي!!! الشي الآخر هل دفع (150ألف جنيه) أو كما وصفت (150 مليون) بتقصد بالقديم دا مبلغ مبالغ فيه كيف يشترط دفع مبلغ بهذا الحجم ؟! كيف تسمح وزارة الصحة بهذه الفوضى والشيء الأهم دفع مال مقدم قبل السماح لدخول الحالات الطارئة دا اضاعة لوقت ثمين في شباك الحسابات محتاجه المريض موضوع الحسابات بيترك لاحقا في كل بلاد الدنيا للحالات الطارئة إلا في السودان (عدل بواسطة منتصر عبد الباسط on
الصحفية دي قالت وكتبت أول مرة تشوف كده و كده وانت تجي تقول أكيد عارفة!! مدام أول مرة تشوف انو بدفعوا قروش في المستشفيات الخاص من الاول الزولة دي كانت وين وعايشة وين !
تحياتى استاذ / طلحة. فعلا هو تعبير غير موفق وجارح. اعتذر عنه وبشدة. طبعا لا اقصد اى شخص من المتداخلين فى البوست ، على الاطلاق. قصدت فكرة المتواجدين فى الصفوف الاولى بشكل دائم فى وجه الانظمة الشمولية ، بينما البقية بما فيهم انا يختاروا الصفوف المتأخرة وبشتى الاعذار. خاننى التعبير ، واعتذر بشدة. وشكرا على التنبيه.