حقيقي انا ندمانة على أي حرف دعمت فيه دكتور أكرم، ولأول مرة شفت بعيني حقيقة انه الناس بتموت وهي بتزازي من مستشفى لمستشفى، بتستجدى الاطباء عشان يقبلوا يدخلوها،. مستشفى الساحة وفضيل ورويال كير لازم تدفع ١٥٠ مليون عشان يقبلوا انك تدخل الطوارئ. مستشفى الشعب الاطباء الفبهو محتاجين إعادة تأهيل، ما قادرين يشخصوا حالة مريضة لأكثر من ٦ ساعات كاملة، بتاخد اوكسجين وهي في الكرسي، ناس الصدرية يحولوها للقلب، وناس القلب يرجعوها الصدرية، وبعد كدا مافي سرير فاضي ولا حتى نقالة عشان تاخد فيها الأوكسجين. أكرم صحيح انت لقبت نظام صحي منهار، لكن اثبت انك افشل وزير سوداني، ، وعلاقتك بالطب في السودان Big Zero منو القال ليك كل المرض في السودان كورونا؟؟؟ ارجع ياخ من مكان ما جيت، وتذكرتك علي.
07-06-2020, 04:24 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
بالجد هنادي دي شنو .. مش منو عبد العظيم انت شايت في اتجاه ما حيفيدك حزبك بتاع البيويتات التجارية دا ما حيفوز بي اي انتخابات حتى على مستوى المحليات و لو اتضامن مع حزب اللمام , الشباب حيدكوها بعد عشرة سنوات لوبقينا حيين فما تدفقو مويتكم في الرهاب
07-06-2020, 06:24 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
كل الناس عارفين وزير الصحة فاشل وبينادوا بي إقالة وزير الصحة والشيوعين بقولوا : أكرم زولنا وحبة بندولنا أوعكم تهبشوه (التقول الثورة دي واقعة ليهم في كرتلة)
07-06-2020, 10:22 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
عليكم الله الكلام الفوق ده لغة صحفية مجيدة ومعروفة وتكتب عمود صحفي راتب في صحيفة محترمة؟ معقولة يا جيمي - الصحافة خربت يا جدعان أو كما قال -شوفوا ليها عضوية هنا يمكن تحسن مستواها ههههههه
حقيقي انا ندمانة على أي حرف دعمت فيه دكتور أكرم، ولأول مرة شفت بعيني حقيقة انه الناس بتموت وهي بتزازي من مستشفى لمستشفى، بتستجدى الاطباء عشان يقبلوا يدخلوها،. مستشفى الساحة وفضيل ورويال كير لازم تدفع ١٥٠ مليون عشان يقبلوا انك تدخل الطوارئ. مستشفى الشعب الاطباء الفبهو محتاجين إعادة تأهيل، ما قادرين يشخصوا حالة مريضة لأكثر من ٦ ساعات كاملة، بتاخد اوكسجين وهي في الكرسي، ناس الصدرية يحولوها للقلب، وناس القلب يرجعوها الصدرية، وبعد كدا مافي سرير فاضي ولا حتى نقالة عشان تاخد فيها الأوكسجين. أكرم صحيح انت لقبت نظام صحي منهار، لكن اثبت انك افشل وزير سوداني، ، وعلاقتك بالطب في السودان Big Zero منو القال ليك كل المرض في السودان كورونا؟؟؟ ارجع ياخ من مكان ما جيت، وتذكرتك علي.
ما ياهو يا عبدالعظيم الما عارف طز من السلام عليكم بكتب في أي شيء بدون معرفة البحمي, الصحفية دي ما تكتب شنو !! الغريبة الصحفية دي ساكنة وين ؟ أول مرة تشوف بعينها انو الناس بتموت وهي بتزازي من مستشفى لي مستشفى !! وما عارفة إنو مستشفى الساحة وفضيل و رويال كير مفروض تدفع قروش قبل ما تخش !! الخوف تكون فاكراها تابعة لوزير الصحة ! وكمان ما عارفة انو في حالات بتقعد بالايام والشهور عشان تتشخص مش 6 ساعات! وكمان متخيلة غنو السراير فاااضية ومتوفرة خخخخخخخخ الزولة دي السنين الفاتت كانت قاعدة وين وبتكتب في شنو عشان تتفاجأ كل المفاجأت دي ؟ ودعمت د اكرم في الأول لي شنو مدام ما عارفة خطتو شنو ولا الحاجة الحيشتغل فيها شنو ؟
07-07-2020, 05:52 AM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
Quote: Nadir HAMAD يا عظمة انت ما ملاحظ انك ما بتنتقد الا حمدوك وأكرم؟ وباقى الوزرا وين؟ مثلا كهربا مافي وزير الطاقة ما بيستحق برضو تصرف ليه شوية فشل ولا عشان زولكم وكدة ههههههه أعجبني · رد · تمييز كمحتوى غير مهم أو احتيالي · منذ ١١ س المكون الإضافي للتعليقات من فيسبوك
07-07-2020, 02:21 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
يا جيمي القوز سلام عليك بس تعال أقنعنى انو كل من يحمل قيد صحفي ويكتب في جريدة هو صحفي نجيب وشاطر وعارف أية حاجة في أية حاجة .. بالنسبة لي أغلب الصحافيين العاملين فيها حاجة ديل ما عارفين أية حاجة وشايلين الاسم دا يقدلوا بيهو ساي والواحد فيهم رأس مال شهرتو يشتم ليهو نجم مجتمع . ............ نحن مش عارفين البئر وغطاها بس .. نحن نزلنا جوة البئر دي ذاتا وشربنا منها بعد ما نضفناها من الحاجات القاعدين يرموها الشفع الصغار ..خخخخخخخ
07-07-2020, 03:01 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
Quote: عليكم الله الكلام الفوق ده لغة صحفية مجيدة ومعروفة وتكتب عمود صحفي راتب في صحيفة محترمة؟ معقولة يا جيمي - الصحافة خربت يا جدعان أو كما قال -شوفوا ليها عضوية هنا يمكن تحسن مستواها ههههههه®
يا ود القاضي يا انداندي كلامك صحيح مستوى صحافتنا ليق لكن ده المتوفر نسوي شنو عاد
07-07-2020, 03:07 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
عارف يا طلحة غض النظر عن مستوى كتابتها لكن ما عجبني حكاية انها مجهولة وما معروفة دي الزولة دي انا متابعها من زمن بتكتب رياضة صحافتنا ليق حليل الليق وكورته السمحة الناس تقول مستوى ليق للحاجة التعبانة لكن كان جوا لعبوا في الليق وشاهدوا كورتوا لضربوا به المثل في الحاجة الحلوة
انت وين اسكونس بالمناسبة دي خخخخخخ
07-07-2020, 03:35 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
عادي يا جيمي تكون ما معروفة للباقين أنت بس لانك متابعا . كانت فعلا بتكتب في المناشط الرياضية جمباز ملاكمة تنس أرضي وما الى ذلك دا آخر عهدي بيها .. لو هي دي المقصودة
07-07-2020, 03:56 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: وما عارفة إنو مستشفى الساحة وفضيل و رويال كير مفروض تدفع قروش قبل ما تخش !! الخوف تكون فاكراها تابعة لوزير الصحة !
هي أكيد عارفة لكن بالنسبة ليك أنا ما متأكد البلد التي تقيم فيها أنت الأن هل مستشفياتها الخاصة (البي قروش) في أقسام الطواري بياخدو حقهم مقدم من الرسيبشن قبل ما يستلموا المريض ويسعفوه ؟؟؟ دي واحدة ما ظنيتها بتحصل غير في السودان وأنت جعلتها شي عادي وفي ظرف غير عادي!!! الشي الآخر هل دفع (150ألف جنيه) أو كما وصفت (150 مليون) بتقصد بالقديم دا مبلغ مبالغ فيه كيف يشترط دفع مبلغ بهذا الحجم ؟! كيف تسمح وزارة الصحة بهذه الفوضى والشيء الأهم دفع مال مقدم قبل السماح لدخول الحالات الطارئة دا اضاعة لوقت ثمين في شباك الحسابات محتاجه المريض موضوع الحسابات بيترك لاحقا في كل بلاد الدنيا للحالات الطارئة إلا في السودان
استاذة هنادى الصديق صحيفة شجاعة ، لها مواقف وصولات وجولات ضد فساد ، ولها تجربة ثرة ، وهى كتف بكتف مع الجيل المصادم من الصحفيات الشابات ، من حفرن فى الصخر فى ازمنة تحكم الاسلاميين فى البلاد والعباد. ولكل من يتهكم على الكنداكة هنادى ، ان يبحث فى قوقل عن عدد مرات استدعاء جهاز الامن لبنت الصديق ، وعن عدد مرات مصادرته لصحيفة "اخبار الوطن" الاسبوعية والتى كانت رئيسة تحريرها ، فسيجد مثلا انه صادرها ثلاث مرات بعد الطباعة فقط فى شهر واحد ، وهو شهر يناير 2018. وورد فى موقع راديو دبنقا بتاريخ 14 سبتمبر 2017 ، ان الصحفية هنادى الصديق قد تعرضت مساء الثلاثاء الماضى للضرب فى الشارع والاساءات اللفظية واتلاف هاتفها المحمول ، بعد ان تم ايقاف سيارتها بالقوة بواسطة مجموعة من منسوبى جهاز الامن وهم على متن دراجات بخارية ، واجبروها على ركوب المقعد الخلفى لسيارتها ، واحتجزوها لمدة 3 ساعات. كذلك كانت لها كتابة راتبة فى صحيفة "البعث" الاسبوعية والتى ناضلت ايضا فى ظروف عصيبة ، ومشت على هامش محدود للغاية لحرية التعبير. فلا تبخسوا الناس اشياءهم يا ناس .. فبينما كانت الاغلبية منا فى الازمنة الصعبة تنام فى احضان زوجاتهم ، كانت بنت الصديق تتعرض لاستجواب او مصادرة والضرب فى الشارع العام. انحنى لك احتراما. * اعتب عليها ، انها لو اطلعت على المواقع الاجنبية لعرفت ان المشكلة عالمية ، ولا ذنب لدكتور اكرم فيها. فمثلا ، ستجد موضوع جديد لنج ولسه بشوكه :- ففى موقع rt.com الروسى ، باللغة الانجليزية , ستجد مقال انسانى حزين عن معاناة مريض بالسرطان بتاريخ يوم امس ، تحت عنوان :- I went 13 times begging for scan اتمنى لمن يملك وقت ان يترجم لنا الملامح الاساسية ، واتمنى لمن يملك القدرة ايراد الرابط ، واتمنى من الجميع البحث عن كتابات هنادى والاطلاع عليها ، خاصة استاذنا قبانى ، فسيجد لها مقال عن حزب الامة مبتور الاطراف سيعجبك بلا شك ، فقد اتهمت فيه سيدى الامام بمحاولة سرقة الثورة.
07-08-2020, 08:20 AM
shaheen shaheen
shaheen shaheen
تاريخ التسجيل: 11-13-2005
مجموع المشاركات: 5039
اعتذر لكم. فقد كتبت سطر فى مداخلتى اعلاها عن انها صاحبة العمود اليومى "بلا حدود" على اخيرة صحيفة "الجريدة". واثناء مسح كلمة لاجراء تصحيح ، يبدو اننى قمت بمسح السطر كله دون ان انتبه. وبالتالى ، ولمن لا يعرف ، هى صاحبة عمود "بلا حدود". ومن يريد ان يعرف قيمة وقامة صحيفة "الجريدة" ووطنية طاقم تحريرها , عليه الرجوع لدار الوثائق.
07-08-2020, 08:35 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
Quote: فبينما كانت الاغلبية منا فى الازمنة الصعبة تنام فى احضان زوجاتهم ، كانت بنت الصديق تتعرض لاستجواب او مصادرة والضرب فى الشارع العام. انحنى لك احتراما.
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
07-08-2020, 11:22 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
Quote: هي أكيد عارفة لكن بالنسبة ليك أنا ما متأكد البلد التي تقيم فيها أنت الأن هل مستشفياتها الخاصة (البي قروش) في أقسام الطواري بياخدو حقهم مقدم من الرسيبشن قبل ما يستلموا المريض ويسعفوه ؟؟؟ دي واحدة ما ظنيتها بتحصل غير في السودان وأنت جعلتها شي عادي وفي ظرف غير عادي!!! الشي الآخر هل دفع (150ألف جنيه) أو كما وصفت (150 مليون) بتقصد بالقديم دا مبلغ مبالغ فيه كيف يشترط دفع مبلغ بهذا الحجم ؟! كيف تسمح وزارة الصحة بهذه الفوضى والشيء الأهم دفع مال مقدم قبل السماح لدخول الحالات الطارئة دا اضاعة لوقت ثمين في شباك الحسابات محتاجه المريض موضوع الحسابات بيترك لاحقا في كل بلاد الدنيا للحالات الطارئة إلا في السودان (عدل بواسطة منتصر عبد الباسط on
الصحفية دي قالت وكتبت أول مرة تشوف كده و كده وانت تجي تقول أكيد عارفة!! مدام أول مرة تشوف انو بدفعوا قروش في المستشفيات الخاص من الاول الزولة دي كانت وين وعايشة وين !
07-08-2020, 06:47 PM
shaheen shaheen
shaheen shaheen
تاريخ التسجيل: 11-13-2005
مجموع المشاركات: 5039
تحياتى استاذ / طلحة. فعلا هو تعبير غير موفق وجارح. اعتذر عنه وبشدة. طبعا لا اقصد اى شخص من المتداخلين فى البوست ، على الاطلاق. قصدت فكرة المتواجدين فى الصفوف الاولى بشكل دائم فى وجه الانظمة الشمولية ، بينما البقية بما فيهم انا يختاروا الصفوف المتأخرة وبشتى الاعذار. خاننى التعبير ، واعتذر بشدة. وشكرا على التنبيه.
07-08-2020, 06:59 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة