Post: #1
Title: ديل يجيبوا ليهم 16 سنة تاني من وين؟
Author: sadiq elbusairy
Date: 07-05-2020, 11:47 AM
11:47 AM July, 05 2020 سودانيز اون لاين
sadiq elbusairy-السودان
مكتبتى
رابط مختصر
في عام 1989م سافرت من السودان قبل 18 ساعة تقريبا من الانقلاب المشؤوم و لما وصلت لبلد الغربة سألني الوالد رحمه الله عن احوال البلد كان ردي ان الحال لا يسر و ان الانقلاب على الديمقراطية وشيك و هذه المرة الانقلاب سيكون بنكهة و مكونات و طبخة الجبهة الاسلامية القومية، و بينما كنا نتناقش دخلت علينا جارة عزيزة احتسبها في مقام الوالدة رحمها الله، و كررت علي سؤال الوالد و كررت عليها اجابتي التي اجبت بها الوالد بدت عليها الحيرة (اتمحنت) و هي من الوطنيات اللائي لم يدخرن جهدا في معارضة نميري حتى سقط بعد حكم ديكتاتوري دام 16 ، رفعت راسها و قالت " و ديل يجيبوا ليهم 16 سنة تاني من وين" ، ضحكنا بمرارة و قلت لها "16 سنة هينه الخاذوق يقعدوا اكتر" ، بالامس الاول علمت انها اصيبت بالكرونا و الان ترقد طريحة الفراش بالعناية المركزة ، ليتني كنت بالقرب منها لاذكرها حديثنا هذا واهمس لها الحمد لله ان امد الله لك في العمر 30 سنة ورايتي بعينك و سمعتي باذنيك سقوط الكيزان المدوي، اسال المولى ان يشفها و يعافها حتى تراهم فوق المشانق.
|
Post: #2
Title: Re: ديل يجيبوا ليهم 16 سنة تاني من وين؟
Author: امتثال عبدالله
Date: 07-05-2020, 04:01 PM
Parent: #1
اللهم اميين ....ونرى كل الذين سرقوا أموال الشعب ونهبوا ثروات البلاد ينالون عقابهم الصارم ليكونوا عبرة
لمن غيرهم ...من المسؤولين ...
|
|