اللواء الخطير انس عمر من أخطر عساكر الجبهة المنتمون للمدرسة التكفيرية . كيف تم القبض عليه ؟ هل قاوم ؟ افيدونا .
Post: #2 Title: Re: كيف سقط اللواء الهارب انس عمر في يد الاجه� Author: علاء سيداحمد Date: 07-03-2020, 09:14 AM Parent: #1
حسب الفيس بوك ومن صفحة شخص اثق فى مصداقيته تم القبض عليه داخل قفص جداد فى بيت احد اصدقائه .
Post: #3 Title: Re: كيف سقط اللواء الهارب انس عمر في يد الاجه� Author: Osman Musa Date: 07-03-2020, 09:30 AM Parent: #2
لكن يا أخ علاء . قفص الدجاج الاتكمش فيه كان مكندش ؟ بعدين الزول ده يا علاء رشاش سارتانا ما ممكن يفارقو . المحيرني . كيف استسلم وهو من المحبين لطريقة بن لادن في الدفاع . وطريقة اسكلاتشي في الهجوم . ده ممكن يكون اكتر عسكري جرجر عمر الإنقاذ للتلاتين . الحمد لله انو اتمسك .
Post: #4 Title: Re: كيف سقط اللواء الهارب انس عمر في يد الاجه� Author: Osman Musa Date: 07-03-2020, 10:21 AM Parent: #3
بس يا جماعة في تاني من نوعيات انس ده كتار فيهم القاتل وفيهم الناهب. زي ديل هسع يكونوا وين. ؟
Post: #5 Title: Re: كيف سقط اللواء الهارب انس عمر في يد الاجه� Author: ABUHUSSEIN Date: 07-03-2020, 10:36 AM Parent: #4
* *
Post: #6 Title: Re: كيف سقط اللواء الهارب انس عمر في يد الاجه� Author: Dr. Ahmed Amin Date: 07-03-2020, 10:56 AM Parent: #5
Post: #7 Title: Re: كيف سقط اللواء الهارب انس عمر في يد الاجه� Author: Osman Musa Date: 07-03-2020, 11:02 AM Parent: #5
أخونا عادل حسين سلام دحين ياخ اصحابك ديل ما كبروها ؟ الشغلة ما بكون قفص جداد . بكون قفص اسد . بعد ما فرتكوا بيت الاسد زاتو .
Post: #8 Title: Re: كيف سقط اللواء الهارب انس عمر في يد الاجه� Author: Osman Musa Date: 07-03-2020, 11:11 AM Parent: #7
أخونا د . احمد سلام كلام وزيرنا الجدع أستاذ فيصل محمد صالح يجب أن ينظر فيه بعين الاعتبار . اللواء البلطجي انس حارب الشعب السوداني 30 سنة ويجب محاكمتو محاكمة المجرمين . ... مشكور يا دكتور علي جلب فيديو الوزير الكارب .
Post: #9 Title: Re: كيف سقط اللواء الهارب انس عمر في يد الاجه� Author: امتثال عبدالله Date: 07-03-2020, 11:12 AM Parent: #7
وزير الاعلام بدا يتكلم كثوري وقائد حقيقي،،،، يا هو ده الكلام البيفرحنا والبيفرح الثوار والثوريين،،،، واذا لقينا خمسة بس من نوع فيصل ود محمد صالح ،وزير الاعلام، في الحكومة الانتقالية ،مطالب الثورة كانت تحققت من زمان،،، لكن اظن رئيس الوزراء ،حمدوك ،ما قاعد يشاوره كتير ،،،،
Post: #10 Title: Re: كيف سقط اللواء الهارب انس عمر في يد الاجه� Author: Osman Musa Date: 07-03-2020, 11:20 AM Parent: #9
سبحان الله الجعجاع ضاقتبو الدنيا قدر ده . قفص الجداد ؟
Post: #11 Title: Re: كيف سقط اللواء الهارب انس عمر في يد الاجه� Author: Osman Musa Date: 07-03-2020, 01:24 PM Parent: #9
بنتنا امتثال سلام شنو الوزير الإعلام بدأ يتكلم كثوري؟ وزير الإعلام يا بنتنا من كبار الثوار . والرجل في مسيرات الثورة كان دايما في الصف الأول. والرجل عارك استبداد الكيزان عراك مر . ويستحق الوزارة . والله يا امتثال انا متكيف لي حديثو عن قبضة زول قفص الديوك . الليلة ريشو الزمان كان نافشو علي الاحرار كلو حيتنتف ريشة ريشة . قفص جداد ؟ هاك العوعاي ده يا ديك الانقاذ .
Post: #12 Title: Re: كيف سقط اللواء الهارب انس عمر في يد الاجه� Author: Osman Musa Date: 07-03-2020, 03:27 PM Parent: #11
يا أخ علاء و زي ما قال النجم عادل امام : هو يخلي الشقة كلها و يسكن في قفص ؟
Post: #13 Title: Re: كيف سقط اللواء الهارب انس عمر في يد الاجه� Author: Abdalla Gaafar Date: 07-03-2020, 03:36 PM Parent: #12
اخونا عثمان ديل ربنا داير يفضحهم وبعريهم تماما
سوء الخاتمة
Post: #14 Title: Re: كيف سقط اللواء الهارب انس عمر في يد الاجه� Author: Osman Musa Date: 07-03-2020, 05:25 PM Parent: #13
أخونا عبدالله جعفر سلام كلام صحيح الحاصل عليهم ده ياهو سوء الخاتمة . زول ينتقل براهو من الكندشة والكستليتة والتفاح لقفص الجداد . بعد ما كان كل يوم يشم عطر الكلونيا يقوم يشم ريحة الحاجات العجيبة البتطلع من الجداد . وطبعا حاجات الجداد البتطلع في قوتها بتكون التانية في القوة . بعد حاجات ابو العفين.
Post: #15 Title: Re: كيف سقط اللواء الهارب انس عمر في يد الاجه� Author: اخلاص عبدالرحمن المشرف Date: 07-03-2020, 10:27 PM Parent: #14
قفص دي باقي لي زي نجر نجر اتمني الا ننساق لاساليب الكيزان
حتي الاعتقال هناك حقوق قانونية للمعتقل ف توخوا العدل
Post: #16 Title: Re: كيف سقط اللواء الهارب انس عمر في يد الاجه� Author: Gafar Bashir Date: 07-04-2020, 01:03 AM Parent: #15
Quote: وزير الاعلام بدا يتكلم كثوري وقائد حقيقي،،،، يا هو ده الكلام البيفرحنا والبيفرح الثوار والثوريين،،،،
المليونية صحت الناس النايمة فيصل لا تنقصه الثورية لكن كم التراب والبرود الانهال عليها عايز يتنفض شوية ده هدف المليونية عشان الناس تصحي وتعرف انها مرتبطة بانجاز مهام ومواعيد محددة
Post: #17 Title: Re: كيف سقط اللواء الهارب انس عمر في يد الاجه� Author: Osman Musa Date: 07-04-2020, 06:00 AM Parent: #15
يا اخلاص سلام هو ما بكون قفص . واكيد الكيزان يسكنون المنازل الفاخرة . يجوز منزل صاحبو ده فيه بيوت نمور واسود في حديقة المنزل . .. طريقة اعتقالو من مكان حمد لبد اكيد بتكون كانت بطريقة متمدنة . واكيد عند الهجوم بعد جمع المعلومة اكيد الكتيبة كانت فاهمة خطورة المختفي . واكيد عاملين ألف حساب انو يتبادل معاهم إطلاق النار . الحمد لله انها جات كدي بدون خسارات.
Post: #18 Title: Re: كيف سقط اللواء الهارب انس عمر في يد الاجه� Author: Salah Zubeir Date: 07-04-2020, 08:30 AM Parent: #17
Quote: قفص دي باقي لي زي نجر نجر اتمني الا ننساق لاساليب الكيزان حتي الاعتقال هناك حقوق قانونية للمعتقل ف توخوا العدل
تحياتي ود موسي ... وأتفق مع دكتورة اخلاص لنصل لدولة القانون ... المصيبة الأشد فتكا هي بيان من جهاز المخابرات العامة يدعي فيها اعتقاله أنس عمر ... إذا صح هذا البيان ابقي رجعت حليمة لي عادتا القديمة ويبقي نموص الوثيقة الدستورية في موية بلاعه ....
Post: #19 Title: Re: كيف سقط اللواء الهارب انس عمر في يد الاجه� Author: Osman Musa Date: 07-04-2020, 10:32 AM Parent: #18
الأخ أستاذ صلاح الزبير سلامات اكيد في سنين المدنية الأولي . حتحصل كتير من الدقسات. في اساليب القبض والتحقيق ونقل المقبوض من مكان اعتقالو لمكان المحاسبة . انشاءالله الجهات المختصة تقوم بتدريب عامليها. .. الف شكر أخ صلاح علي المرور الكريم
Post: #20 Title: Re: كيف سقط اللواء الهارب انس عمر في يد الاجه� Author: محمد البشرى الخضر Date: 07-04-2020, 11:37 AM Parent: #19
Quote: المليونية صحت الناس النايمة فيصل لا تنقصه الثورية لكن كم التراب والبرود الانهال عليها عايز يتنفض شوية
كلام فيصل دا يا جفعر قبل المليونية بكتير
Post: #21 Title: Re: كيف سقط اللواء الهارب انس عمر في يد الاجه� Author: Osman Musa Date: 07-04-2020, 03:07 PM Parent: #20
مرحب بالاخ م البشرى كيف سقط الباشا بي دي الطريقة الدرامية يا ود البشرى؟
Post: #22 Title: Re: كيف سقط اللواء الهارب انس عمر في يد الاجه� Author: عبدالعظيم عثمان Date: 07-04-2020, 03:22 PM Parent: #21
الكوز الحقير دا يا عثمان موسى واحد من أخطر كوادر الحركة الإسلامية في الجامعه كان بيجي ركن النقاش بالكلاش كلهم مجرمين مكانهم السجون كلام فيصل صحيح
Post: #23 Title: Re: كيف سقط اللواء الهارب انس عمر في يد الاجه� Author: عبدالحفيظ ابوسن Date: 07-04-2020, 06:01 PM Parent: #22
بكون اتقبض في مزرعة دواجن معقولة انا شايف مزارع الدواجن حقت الانقاذيين فيها استراحات فخمة جدا
Post: #26 Title: Re: كيف سقط اللواء الهارب انس عمر في يد الاجه� Author: Osman Musa Date: 07-04-2020, 08:00 PM Parent: #23
أخونا ع ابوسن سلامات مره ظهر في احتفال من الاحتفالات البعملوها للبهجة والعرضة. في الاحتفال كان متدرع نفس رشاش ( الفوكس مارتو ) بتاع المافيا الكولمبية. فنان البهجة النهارية بتاعهم كان بغني في اغنية حماسية بقول فيها ( نركب صافنات ) وماتعرف شنو كدي . سبحان مبدل الاحوال من ركوب الصافنات إلي ركوب سطح القفص .
Post: #24 Title: Re: كيف سقط اللواء الهارب انس عمر في يد الاجه� Author: Osman Musa Date: 07-04-2020, 06:21 PM Parent: #22
أخونا عبدالعظيم عثمان سلام انت عارف يكون لحظة القبض عليه دي تكون اللحظة الوحيدة في حياتو الكان رشاشو بعيد عنو . في احتمال انو الرشاش ركنو بعيد . عطفا بي الجداد .
Post: #25 Title: Re: كيف سقط اللواء الهارب انس عمر في يد الاجه� Author: محمد الأمين موسى Date: 07-04-2020, 07:40 PM Parent: #24
قلت لي يا أباعفان صاحبك عامل فيها ديك طلع ديك عدة جاط للجداد القفص وجاب ليها الشرطة في صمة منقارها!
Post: #36 Title: Re: كيف سقط اللواء الهارب انس عمر في يد الاجه� Author: الفاتح شلبي Date: 07-06-2020, 01:34 PM Parent: #15
مرحبتين استاذة إخلاص, نتوخى العدل والمصداقية نعم .. بس كمان التوجيه المفروض يكون للكيزان يتدسوا فى اماكن مناسبة هههههههههههه
Post: #37 Title: Re: كيف سقط اللواء الهارب انس عمر في يد الاجه� Author: Osman Musa Date: 07-06-2020, 07:32 PM Parent: #36
أخونا الفاتح شلبي سلامات والف شكر على المرور بشارع القفص ومتابعة ما دار في عراك المداهمة . قاليك صحية من صحيات أهل شهداء هي القادت الشرطة . لكر الدجاج . الأحداث عن جحر الاختباء مختلف . لكن في النهاية الناس مبسوطة لهزيمة النفاخين.
Post: #44 Title: Re: كيف سقط اللواء الهارب انس عمر في يد الاجه� Author: Osman Musa Date: 07-07-2020, 08:01 PM Parent: #13
واحد زهجان قال : ديل جننونا كل يوم مشغلنها لينا . نركب صافنات. نركب صافنات. الحمد لله ارتاحت الصافنات. وربنا يستر على الدجاج .
Post: #35 Title: Re: كيف سقط اللواء الهارب انس عمر في يد الاجه� Author: Osman Musa Date: 07-06-2020, 07:03 AM Parent: #7
في المليونية الأخيرة الأصوات المطالبة بسرعة المحاكمات كانت من الأصوات العالية . في المليونية
Post: #27 Title: Re: كيف سقط اللواء الهارب انس عمر في يد الاجه� Author: Osman Musa Date: 07-05-2020, 04:21 AM Parent: #4
ارجو من الإخوان بجلب فيديوهات اللواء انس في دارفور
Post: #28 Title: Re: كيف سقط اللواء الهارب انس عمر في يد الاجه� Author: Osman Musa Date: 07-05-2020, 05:39 AM Parent: #27
أخونا محمد الأمين سلامات ديك العدة الوافد الجديد عمل للدجاج دوشة . ياخ غناء الحماسة الزمان داك كلو راح فشوش. كتيرين منهم تركوا البيوت المجهبزة و المطرزة بالياسمين. وكسحوا .
Post: #29 Title: Re: كيف سقط اللواء الهارب انس عمر في يد الاجه� Author: محمد البشرى الخضر Date: 07-05-2020, 06:07 AM Parent: #28
بالمناسبة يا ود موسى رواية القبض عليه في قفص دجاج ما تعوّل عليها كتير أولا مصدرها الوحيد هو البوشي قال اداها ليه واحد من افراد التيم! البوشي مصداقيته تحتها كم خط ثانيا حي الهدى الجريف شرق حي درجة أولى هل منطقي يربي أهله دجاج في البيوت التالت و الاهم, ودي للناس الربت دجاج بتعرف كيف القفص بهيج و يكاكي كله اذا فتحت بابه ساي عايز تاخد البيض خليك من تخش و تدسى, يعني كان ما العساكر شافوك كوريك الدجاج و هيجته بتلفت نظرهم ما في زول عاقل بتدسى في قفص دجاج أخيرا: وين الصور
Post: #30 Title: Re: كيف سقط اللواء الهارب انس عمر في يد الاجه� Author: محمد الأمين موسى Date: 07-05-2020, 10:33 AM Parent: #29
Quote: ما في زول عاقل بتدسى في قفص دجاج
يا هندسة في زول عاقل ببقى كوز؟! (يا خا دا طلع ثعلب عدييييل) (جاملنا شوية في البوست دا، حتى من باب تشجيع الإنتاج الحيواني!)
Post: #31 Title: Re: كيف سقط اللواء الهارب انس عمر في يد الاجه� Author: محمد البشرى الخضر Date: 07-05-2020, 11:26 AM Parent: #30
هههههه خلاص يا بروف وقت مجاملة النمشيها لكن ما بضمن ليك مولانا, الله يغتي على البوست منو
Post: #33 Title: Re: كيف سقط اللواء الهارب انس عمر في يد الاجه� Author: Osman Musa Date: 07-05-2020, 07:12 PM Parent: #30
أخونا بروف محمد الأمين سلامات ( في زول عاقل يبقى كوز ) ؟ جملتك الفوق دي والله يا استاذ محمد . حكمة . لافي عاقل ببقى كوز . ولا فى عاقل بقعد يساكك في الدجاج في ديرتو . ربنا داير يفرج فيهم العالمين .
Post: #32 Title: Re: كيف سقط اللواء الهارب انس عمر في يد الاجه� Author: Osman Musa Date: 07-05-2020, 04:24 PM Parent: #29
أخونا محمد البشرى سلامات الدنيا دي فيها دروس عجيبة يا أخ محمد. الأسد الكان بينتر ويخوف شوف ضعفو وقلة حيلو لحظة انسلخت من حولو الحماية . عموم النفاخين والهراشين لحظة يفقدوا الحراسة والعز بكونوا بي زي دي المسكنة . كلهم بدقشوا القفوص والمواسير المدفونة والخرابات. كلهم نفس الاندساسة ونفس الكشفة .
Post: #34 Title: Re: كيف سقط اللواء الهارب انس عمر في يد الاجه� Author: امتثال عبدالله Date: 07-05-2020, 11:19 PM Parent: #32
ايواااااااااااا.وين الصور !!! ود البشرى جاب ليك النجيضة من الاخر...وطبعا فريق المخابرات القبض على المجرم ما ممكن يضيعوا فرصة زي دي وضروري يكونوا اخدوا عشرات الصور ...وطبعا الصور بتكون اتطايرت لمئات الواتسابات .... واظن البوشي وذو النون مصداقيتهم بقت صفر لانو كلامهم بقى كتير على الفاضي...
Post: #38 Title: Re: كيف سقط اللواء الهارب انس عمر في يد الاجه� Author: علي عبدالوهاب عثمان Date: 07-06-2020, 08:16 PM Parent: #34
حبيبنا عثمان في موقع اخبار السودان الكيفية التي تم بها القبض على انس عمر هذا الشخص ساذج جدا وإذا الرواية صحيحة تكون مضحكة بالله كيف ده كان والي وكمان لواء .. قاتل الله الكيزان البشير كان كارثة ============================ الموضوع كما ورد في موقع اخبار السودان : حسب تصريحات حزب المؤتمر الوطني المنحل ان القيادي الاخواني انس عمر خالف خطة التأمين المعدة لحمايته عندما نزل الي الشارع في صباح يوم إلقاء القبض عليه من أجل شراء لقيمات..فتشاجر مع بائعة اللقيمات واختلف معها حول السعر مما جعل سيد الدكان وبائع اللبن وصاحب طبلية الرصيد يتعرفون عليه، اغلب الذين حضروا الواقعة أجمعوا لو ان اللواء انس عمر كان يحمل (فكة) فربما بقى حراً حتى اللحظة، ولكنه كان يحمل فئات نقدية من ابو ٥٠٠ ج الأمر الذي رفع من مستوى الشبهات. خطة التأمين كانت تقتضي بعدم خروجه للشارع مهما كانت الأسباب ، حتى لو ياكل شعيرية ثلاثة مرات في اليوم، وقد وصف حزب المؤتمر الوطني اللواء انس عمر بالمتهور الذي لا يفرق بين طبيعة عمل الناشط السياسي والزعيم القيادي، وقد تم وصفه بأنه يفتقد للحس الأمني على الرغم من انه يحمل رتبة لواء في الأمن وفق جريدة صوت الامة
Post: #39 Title: Re: كيف سقط اللواء الهارب انس عمر في يد الاجه� Author: Osman Musa Date: 07-06-2020, 08:52 PM Parent: #38
أخونا علي ع الوهاب سلامات ياخ لكن اللقيمات مهمة. وفي سبيل اللقيمات ام سكر مضرضر تهون الارواح. معناتو سيادة اللواء فشل ليهم برنامج الحماية بي سبب الزلابية ام شرشر . عليك يا شيخ علي ديل حكمونا تلاتين سنة كيف . حولا .
Post: #40 Title: Re: كيف سقط اللواء الهارب انس عمر في يد الاجه� Author: علي عبدالوهاب عثمان Date: 07-06-2020, 09:12 PM Parent: #39
حبيناعثمان استغفر الله .. ده كان لواء ووالي ولاية قمة الانحطاط الاداري البشير حتى الاعدام قليل عليهو أول مرة أكون بهذه القسوة بعد قراءتي موضوع اللقيمات .. اصابني احباط شديد
هذه العقليات كانت تحكمنا !!!!!
تحياتي الحبيب عثمان
Post: #41 Title: Re: كيف سقط اللواء الهارب انس عمر في يد الاجه� Author: ابوحراز Date: 07-06-2020, 09:37 PM Parent: #40
عندنا واحد كان بطل وشهم جدا لكن مشكلته التزوير كل مرة يتقبض ويطلع وتأني يرجع لنفس المشكلة لايخاف نهائيا وفي نفس الوقت عندنا واحد بالليل لو في ورقة جات طائرة يقوم يكورك سبحان الله الاثنين أقارب تشاء الظروف أن حضر الاثنان عمرة وزوغة للسعودية وحينما تكون انت عمرة وتكون في كشة من الجوازات تصبح البطولات بلا معنى وكان لدينا قريب يسكن منفردا في بيت شعبي فيه اقفاص الدجاج والحمام وبه زراعة خضروات بامية وملوخية وجرحير ولكي يفلت الإخوان من قبضة الجوازات قررنا أن ندسهم في هذا البيت وكان احد المقيمين يذهب لهم ليلا متسللا ليمدهم بالاكل وكأنهم في دار الارقم بن الارقم المهم بعد يومين انتهت الكشة ودخلنا عليهم لنجد اخونا البطل يبكي باعلى صوته ليس خوفا من الكشة طبعا ولكن قال لنا كيف بالله تدسوني مع واحد جبان؟؟؟ اها زولكم انس عمر طلع ماسورة هو دا مش بقول الطلقة بي سبعة جنيه ماتخسروها في ناس دارفور اها هو ذاتو قبضوه حي قال قفص دجاج قال
Post: #42 Title: Re: كيف سقط اللواء الهارب انس عمر في يد الاجه� Author: Osman Musa Date: 07-07-2020, 04:57 AM Parent: #34
امتثال ربنا يفرحك يا بنتنا
Post: #43 Title: Re: كيف سقط اللواء الهارب انس عمر في يد الاجه� Author: Osman Musa Date: 07-07-2020, 08:48 AM Parent: #42
أخونا أستاذ ابوحراز سلامات والف حمد لله علي سلامة ظهورك الكريم في المنبر . وانت زول من قدامى المحاربين في سودانيز . والله المنبر افتقدك. ونحنا افتقدنا من زمن بعض كتاباتك في الصحف . انشاءالله الصحة تمام . ياخ اللواء ضاقتبو دنيا السودان الرحيبة وما شاف الا كر الدجاج . قام ضايق الدجاج في حنانو . .. دنيا
Post: #45 Title: Re: كيف سقط اللواء الهارب انس عمر في يد الاجه� Author: السنجك عثمان Date: 07-07-2020, 08:49 PM Parent: #43
يا خوانا معذرة اقول ليكم انو هذا المجرم المافون لايمكن ان تطلق عليه كلمة لواء لانو هذا تحقير لهذه الرتبه ولايستحقها هذا الجرز لايمكن ان يكون هذا الانس لواء وحسن بشير نصر لواء ولايمكن نقارنو ب اللواء ابوكدوك او اللواء عبد الوهاب عبد الرؤوف ابدا على الاطلاق هذا فقط يطلق عليه ارنب الانقاذ لانو الرتب فى الانقاذ كانت توزع فى البيوت خرج قبله المجرم قوش برتبة المقدم من منزل الترابى والكثيرين مثلهم فهذا الجربوع يناطع ويصرخ اصلا خوفا على المسروقات والنهب والقتل وكثير من الجرائم التى ارتكبها ونننرى ان يقدم الى محمكمة عاجله بتهمة التحريض على العنف واثارة الفتن والبلابل والازعاج العام والدعوى للحرب ضد الدوله تافه وحقير لاغير
Post: #46 Title: Re: كيف سقط اللواء الهارب انس عمر في يد الاجه� Author: Osman Musa Date: 07-08-2020, 07:03 AM Parent: #45
أخونا السنجك سلامات كيف اخد الرتبة المحترمة دي يا سنجك. وكيف زول زي ده يتحسب على جيشنا. ياخ ( الدخلوا كرن بينين ) الدخلوا كرن لا ينتمون للدجالين. كان يضرب روحو رصاصة بدل يكابس. في الدجاج في معايشو .
Post: #47 Title: Re: كيف سقط اللواء الهارب انس عمر في يد الاجه� Author: Osman Musa Date: 07-28-2020, 05:12 PM Parent: #46
