|
|
|
 Re: كيف سقط اللواء الهارب انس عمر في يد الاجه� (Re: Osman Musa)
|
وزير الاعلام بدا يتكلم كثوري وقائد حقيقي،،،،
يا هو ده الكلام البيفرحنا والبيفرح الثوار والثوريين،،،،
واذا لقينا خمسة بس من نوع فيصل ود محمد صالح ،وزير الاعلام،
في الحكومة الانتقالية ،مطالب الثورة كانت تحققت من زمان،،،
لكن اظن رئيس الوزراء ،حمدوك ،ما قاعد يشاوره كتير ،،،،
| |
 
|
|
|
|
|
|
|
|
Re: كيف سقط اللواء الهارب انس عمر في يد الاجه� (Re: امتثال عبدالله)
|
بنتنا امتثال سلام
شنو الوزير الإعلام بدأ يتكلم كثوري؟
وزير الإعلام يا بنتنا من كبار الثوار .
والرجل في مسيرات الثورة كان دايما
في الصف الأول.
والرجل عارك استبداد الكيزان عراك مر .
ويستحق الوزارة .
والله يا امتثال انا متكيف لي حديثو عن
قبضة زول قفص الديوك .
الليلة ريشو الزمان كان نافشو علي الاحرار
كلو حيتنتف ريشة ريشة .
قفص جداد ؟
هاك العوعاي ده يا ديك الانقاذ .
| |
|
|
|
|
|
|
|
|
Re: كيف سقط اللواء الهارب انس عمر في يد الاجه� (Re: Abdalla Gaafar)
|
أخونا عبدالله جعفر
سلام
كلام صحيح الحاصل عليهم ده ياهو سوء الخاتمة .
زول ينتقل براهو من الكندشة والكستليتة والتفاح لقفص الجداد .
بعد ما كان كل يوم يشم عطر الكلونيا يقوم يشم ريحة الحاجات العجيبة
البتطلع من الجداد .
وطبعا حاجات الجداد البتطلع في قوتها بتكون التانية في القوة . بعد
حاجات ابو العفين.
| |
|
|
|
|
|
|
|
|
|
Re: كيف سقط اللواء الهارب انس عمر في يد الاجه� (Re: اخلاص عبدالرحمن المشرف)
|
يا اخلاص
سلام
هو ما بكون قفص .
واكيد الكيزان يسكنون المنازل الفاخرة .
يجوز منزل صاحبو ده فيه بيوت نمور واسود في حديقة المنزل .
..
طريقة اعتقالو من مكان حمد لبد
اكيد بتكون كانت بطريقة متمدنة .
واكيد عند الهجوم بعد جمع المعلومة
اكيد الكتيبة كانت فاهمة خطورة المختفي .
واكيد عاملين ألف حساب انو يتبادل معاهم
إطلاق النار .
الحمد لله انها جات كدي بدون خسارات.
| |
|
|
|
|
|
|
|
|
|
Re: كيف سقط اللواء الهارب انس عمر في يد الاجه� (Re: Osman Musa)
|
Quote: قفص دي باقي لي زي نجر نجر
اتمني الا ننساق لاساليب الكيزان
حتي الاعتقال هناك حقوق قانونية للمعتقل
ف توخوا العدل |
تحياتي ود موسي ...
وأتفق مع دكتورة اخلاص لنصل لدولة القانون ...
المصيبة الأشد فتكا هي بيان من جهاز المخابرات
العامة يدعي فيها اعتقاله أنس عمر ... إذا صح
هذا البيان ابقي رجعت حليمة لي عادتا القديمة
ويبقي نموص الوثيقة الدستورية في موية بلاعه ....
| |
|
|
|
|
|
|
|
|
|
Re: كيف سقط اللواء الهارب انس عمر في يد الاجه� (Re: عبدالحفيظ ابوسن)
|
أخونا ع ابوسن
سلامات
مره ظهر في احتفال من الاحتفالات البعملوها للبهجة والعرضة.
في الاحتفال كان متدرع نفس رشاش ( الفوكس مارتو ) بتاع المافيا الكولمبية.
فنان البهجة النهارية بتاعهم كان بغني في اغنية حماسية
بقول فيها ( نركب صافنات ) وماتعرف شنو كدي .
سبحان مبدل الاحوال من ركوب الصافنات إلي ركوب سطح القفص .
| |
|
|
|
|
|
|
|
|
|
Re: كيف سقط اللواء الهارب انس عمر في يد الاجه� (Re: Osman Musa)
|
بالمناسبة يا ود موسى رواية القبض عليه في قفص دجاج ما تعوّل عليها كتير
أولا مصدرها الوحيد هو البوشي قال اداها ليه واحد من افراد التيم! البوشي مصداقيته تحتها كم خط
ثانيا حي الهدى الجريف شرق حي درجة أولى هل منطقي يربي أهله دجاج في البيوت
التالت و الاهم, ودي للناس الربت دجاج بتعرف كيف القفص بهيج و يكاكي كله اذا فتحت بابه ساي عايز تاخد البيض خليك من تخش و تدسى, يعني كان ما العساكر شافوك كوريك الدجاج و هيجته بتلفت نظرهم
ما في زول عاقل بتدسى في قفص دجاج
أخيرا: وين الصور
| |
|
|
|
|
|
|
|
|
|
Re: كيف سقط اللواء الهارب انس عمر في يد الاجه� (Re: محمد البشرى الخضر)
|
أخونا محمد البشرى
سلامات
الدنيا دي فيها دروس عجيبة يا أخ محمد.
الأسد الكان بينتر ويخوف شوف ضعفو وقلة حيلو
لحظة انسلخت من حولو الحماية .
عموم النفاخين والهراشين لحظة يفقدوا الحراسة والعز
بكونوا بي زي دي المسكنة .
كلهم بدقشوا القفوص والمواسير المدفونة والخرابات.
كلهم نفس الاندساسة ونفس الكشفة .
| |
|
|
|
|
|
|
|
|
|
Re: كيف سقط اللواء الهارب انس عمر في يد الاجه� (Re: Osman Musa)
|
ايواااااااااااا.وين الصور !!!
ود البشرى جاب ليك النجيضة من الاخر...وطبعا فريق المخابرات القبض على المجرم ما ممكن يضيعوا فرصة زي دي
وضروري يكونوا اخدوا عشرات الصور ...وطبعا الصور بتكون اتطايرت لمئات الواتسابات ....
واظن البوشي وذو النون مصداقيتهم بقت صفر لانو كلامهم بقى كتير على الفاضي...
| |
|
|
|
|
|
|
|
|
|
Re: كيف سقط اللواء الهارب انس عمر في يد الاجه� (Re: امتثال عبدالله)
|
حبيبنا عثمان في موقع اخبار السودان
الكيفية التي تم بها القبض على انس عمر
هذا الشخص ساذج جدا وإذا الرواية صحيحة تكون مضحكة
بالله كيف ده كان والي وكمان لواء .. قاتل الله الكيزان البشير كان كارثة
============================
الموضوع كما ورد في موقع اخبار السودان :
حسب تصريحات حزب المؤتمر الوطني المنحل ان القيادي الاخواني انس عمر خالف خطة التأمين المعدة لحمايته عندما نزل الي الشارع في صباح يوم إلقاء القبض عليه من أجل شراء لقيمات..فتشاجر مع بائعة اللقيمات واختلف معها حول السعر مما جعل سيد الدكان وبائع اللبن وصاحب طبلية الرصيد يتعرفون عليه، اغلب الذين حضروا الواقعة أجمعوا لو ان اللواء انس عمر كان يحمل (فكة) فربما بقى حراً حتى اللحظة، ولكنه كان يحمل فئات نقدية من ابو ٥٠٠ ج الأمر الذي رفع من مستوى الشبهات.
خطة التأمين كانت تقتضي بعدم خروجه للشارع مهما كانت الأسباب ، حتى لو ياكل شعيرية ثلاثة مرات في اليوم، وقد وصف حزب المؤتمر الوطني اللواء انس عمر بالمتهور الذي لا يفرق بين طبيعة عمل الناشط السياسي والزعيم القيادي، وقد تم وصفه بأنه يفتقد للحس الأمني على الرغم من انه يحمل رتبة لواء في الأمن وفق جريدة صوت الامة
| |
|
|
|
|
|
|
|
|
|
Re: كيف سقط اللواء الهارب انس عمر في يد الاجه� (Re: علي عبدالوهاب عثمان)
|
عندنا واحد كان بطل وشهم جدا
لكن مشكلته التزوير
كل مرة يتقبض ويطلع
وتأني يرجع لنفس المشكلة لايخاف نهائيا
وفي نفس الوقت عندنا واحد بالليل
لو في ورقة جات طائرة يقوم يكورك
سبحان الله الاثنين أقارب
تشاء الظروف أن حضر الاثنان عمرة وزوغة للسعودية
وحينما تكون انت عمرة
وتكون في كشة من الجوازات
تصبح البطولات بلا معنى
وكان لدينا قريب يسكن منفردا في بيت شعبي
فيه اقفاص الدجاج والحمام
وبه زراعة خضروات بامية وملوخية وجرحير
ولكي يفلت الإخوان من قبضة الجوازات
قررنا أن ندسهم في هذا البيت
وكان احد المقيمين يذهب لهم ليلا متسللا ليمدهم بالاكل
وكأنهم في دار الارقم بن الارقم
المهم بعد يومين انتهت الكشة
ودخلنا عليهم لنجد اخونا البطل يبكي باعلى صوته
ليس خوفا من الكشة طبعا
ولكن قال لنا كيف بالله تدسوني مع واحد جبان؟؟؟
اها زولكم انس عمر طلع ماسورة
هو دا مش بقول الطلقة بي سبعة جنيه ماتخسروها في ناس دارفور
اها هو ذاتو قبضوه حي
قال قفص دجاج قال
| |
|
|
|
|
|
|
|
|
|
Re: كيف سقط اللواء الهارب انس عمر في يد الاجه� (Re: Osman Musa)
|
أخونا أستاذ ابوحراز
سلامات
والف حمد لله علي سلامة ظهورك الكريم في المنبر .
وانت زول من قدامى المحاربين في سودانيز .
والله المنبر افتقدك.
ونحنا افتقدنا من زمن بعض كتاباتك في الصحف .
انشاءالله الصحة تمام .
ياخ اللواء ضاقتبو دنيا السودان الرحيبة وما شاف
الا كر الدجاج .
قام ضايق الدجاج في حنانو .
..
دنيا
| |
|
|
|
|
|
|
|
|
|
Re: كيف سقط اللواء الهارب انس عمر في يد الاجه� (Re: Osman Musa)
|
يا خوانا معذرة اقول ليكم انو هذا المجرم المافون لايمكن ان تطلق عليه كلمة لواء لانو هذا تحقير لهذه الرتبه ولايستحقها هذا الجرز لايمكن ان يكون هذا الانس لواء وحسن بشير نصر لواء
ولايمكن نقارنو ب اللواء ابوكدوك او اللواء عبد الوهاب عبد الرؤوف ابدا على الاطلاق هذا فقط يطلق عليه ارنب الانقاذ لانو الرتب فى الانقاذ كانت توزع فى البيوت خرج قبله المجرم قوش
برتبة المقدم من منزل الترابى والكثيرين مثلهم فهذا الجربوع يناطع ويصرخ اصلا خوفا على المسروقات والنهب والقتل وكثير من الجرائم التى ارتكبها ونننرى ان يقدم الى محمكمة عاجله
بتهمة التحريض على العنف واثارة الفتن والبلابل والازعاج العام والدعوى للحرب ضد الدوله تافه وحقير لاغير
| |
|
|
|
|
|
|
| |
Osman Musa
علاء سيداحمد
ABUHUSSEIN
Salah Zubeir
محمد البشرى الخضر
عبدالعظيم عثمان
عبدالحفيظ ابوسن
محمد الأمين موسى
الفاتح شلبي
علي عبدالوهاب عثمان
ابوحراز
السنجك عثمان
فيس بوك
تويتر
انستقرام
يوتيوب
بنتيريست