|
Re: || متين كان تاريخ الصورة دي؟؟ || (Re: جلالدونا)
|
جلال ازيك.. وشنو ياااخ ما قلت بتجينا يا حليل مجيكا..
Quote: اول شى حمدوك ما عندو كرش قدر دى شباب و رياضى ز رشيق و كاوى المابيهو فى مرارتو و عينى باردة عليهو و صلاة النبى فوقو |
قعدته مع غازي العتباني اللي (وصّاهوا) فيها قلنا يمكن القعدة دي كانت من ضمن الوصاية.. بعد كرونا شايفه وقّف (سفر وسياحة) وبقي قااااعد قدم الشاشة (يغرد) بس لا بتعري لا بمرق برة.. كان وقفت علي الكرش هينه ههههههه.
| |
|
|
|
|
|
|
Re: || متين كان تاريخ الصورة دي؟؟ || (Re: بشير حسـن بشـير)
|
الاستاذ بشير سلامات..
Quote: الرأس لحمدوك بقية الجسم لشخص آخر يعني ملعوب فيها ود البشري بجيب لك الصوره الحقيقيه |
قلت اتأكد اول لانه الفوتوشوب فيها عالي الدقة بامانة. ودالبشري اكيد بكون بفتش في الحقيقية ههههههه. شاكر علي المرور والمساعدة..
| |
|
|
|
|
|
|
Re: || متين كان تاريخ الصورة دي؟؟ || (Re: Mutasim Idris)
|
عملت سيرش سريع اقدم صورة مشابهة موجودة في النت عمرها أقل من 12 ساعة الصحفي الجاب الصورة قال إنها في فبراير 2018 في مناسبة في بيت أميرة الفاضل في أديس حتى إذا كانت الصورة صحيحة ما شايف ليها أي أهمية ننتظر ود البشرى وخبراء الفوتوشوب
| |
|
|
|
|
|
|
Re: || متين كان تاريخ الصورة دي؟؟ || (Re: Mutasim Idris)
|
Quote: قابل غازي بالعلن يمكن ديل (بقابل) فيهم بالدس |
يا معتصم أنا قلت ما عندها أهمية بناء على إنها إتأخدت في سنة 2018 في مناسبة إجتماعية وليست إجتماع عمل سياسي. مؤكد لو الصورة صحيحة وبعد أبريل 2019 فكلامي حيكون مختلف.
إنتو ود البشرى دا كورتو فكت ول شنو؟
| |
|
|
|
|
|
|
Re: || متين كان تاريخ الصورة دي؟؟ || (Re: Hafiz Bashir)
|
حبيبنا معتصم .. مودتي الصورة من أمس في المواقع والصورة من ابريل 2018 قبل الثورة حتى لو بعد الثورة من ميزة أهلنا التواصل في المناسبات الاجتماعية العزاء ، الافراح وغيرها ==================== لصورة النادرة التي تجمع السيد رئيس الوزراء د.عبد الله حمدوك مع بروفسير ابراهيم غندور والدكتور مصطفي عثمان إسماعيل، وفق ما نقلت كوش نيوز عن الصحفي مجدي عبد العزيز صاحب عمود “الرواية الأولى” فإن الصورة ترجع الي شهر فبراير من العام 2018م ، وتجمع شخوصها مأدبة عشاء في منزل مفوضة الشئون الإجتماعية بالاتحاد الأفريقي د. اميرة الفاضل ، والمناسبة علي هامش القمة الأفريقية، وكان حينها د،حمدوك يشغل وظيفته بالمفوضية الإقتصادية وبروفسير غندور وزير خارجية السودان (قبل إعفاءه بشهرين) ، وكان يمثل د.مصطفي عثمان المجموعة الأفريقية بجنيف ، ويظهر في الصورة سفير إحدي دول الجوار الأفريقي. الخرطوم (كوش نيوز)
| |
|
|
|
|
|
|
Re: || متين كان تاريخ الصورة دي؟؟ || (Re: علي عبدالوهاب عثمان)
|
عمنا علي عبدالوهاب سلامات وتحايا.. لو فعلا هو في الصورة, الفترة ديك افتكر كانت لما الكيزان حاولوا استمالته ودي افتكر كانت فرصة قابلوهو فيها لطرح العرض بتاعهم لتولي رئاسة الوزارة ايام البشير. المهم حبينا نتأكد بعد لقاءه بالعتباني تاني ما قابل فيهم زول.
Quote: لصورة النادرة التي تجمع السيد رئيس الوزراء د.عبد الله حمدوك مع بروفسير ابراهيم غندور والدكتور مصطفي عثمان إسماعيل، وفق ما نقلت كوش نيوز عن الصحفي مجدي عبد العزيز صاحب عمود “الرواية الأولى” فإن الصورة ترجع الي شهر فبراير من العام 2018م |
شاكر علي المرور والتوضيح.
| |
|
|
|
|
|
|
Re: || متين كان تاريخ الصورة دي؟؟ || (Re: Hafiz Bashir)
|
Quote: يا معتصم أنا قلت ما عندها أهمية بناء على إنها إتأخدت في سنة 2018 في مناسبة إجتماعية وليست إجتماع عمل سياسي. |
لو فعلا هو.. الصورة طبعا كان بتفرق لو طلعت قبل اختياره للوزارة. اما هسي طبعا ممكن نقول صورة مع رموز النظام السابق في مناسبة ما..
| |
|
|
|
|
|
|
|