♧ عرضُ حالٍ عاجلٍ للجنة إطالةِ التَّمْكينِ £

{11}
♧ في حلتنا كان في سرقة بتاعت محاصيل شديدة. اتفق سبعة انفار من اصحاب
المحاصيل انو يجيبو العوض ود العمدة يمسك ليهم عيشهم ويخزنه عنده لأنو سور
بيته عالي و عندو سلاح و ما بتسرق بسهولة مقابل انه يدوهو حاجة رمزية كده.

● خمسة انفار منهم كل واحد سلم العوض شوال عيش واحد. لكن البلولة سلمو
شوالين والخضر سلمو تلاتة شوالات نط الخضر قال يا اخوانا العوض ده يمكن ينكرنا
حطب و يقول لؤنا : رالله دي ربحتكم و لا عملتو بوركينا (فاسو)، يلا قومو لفو كدي
و لا كدي ؛تبن لكم و ثكلتكم أمناتكم و أخواتكم من الرضاعة. طلقانة تام زينو ما ليكم
عندي و لا الدقعة. اها بعدين نقبل تاني وين؟ تحين اتفقو اننا نكتِّبو لينا ورق وصولات
أمانة بي عدد شوالات كل زول ويختمو لينا قدام شيخ الحلة: هاك انت عندك واحد
شوال دي ورقة مكتوب عليها واحد شوال متي ما جيتني البيت و جبت معاك الورقة
دي بديك شوالك حتي لو ما لقيتني بتلقي اولادي ؛ و هاك انت ديل ورقتين عندك
شوالين هاك انت ديل (تلات ورقات) عندك تلاتة شوالات متي ما حبيت تشيلهم
التلاتة او تشيل جزء منهم حبابكم عشرة برا كشرة . و هكذا بقي العوض الآن
عندو عشرة شوالات عيش حقت ناس وسلمهم عشرة ورقات أو مستندات
تثبت حقوقم، انو عندهم في ذمتو عيوش أمانة و كدي.

● يقوم الخضر صاحب التلاتة شوالات يحتاج لي غنماية مشي لي جارو ود احمد
قال ليهو انا ما عندي قروش لكن عندي لي شويةيلات ألات عيش عند العوض بديك
منهن اتنين و تديني الغنماية ، ود احمد قال ليهو تمام ، اها الخضر قال ليهو ياخي بدل
ما نمشي و نتلتل العوض انا بديك الورقتين خلاص بقن حقاتك و انت متي ما حبيت تشيل
شوالاتك أمشي للعوض و فعلا ود احمد شال الورقتين . يقوم ود احمد زااتو نحتاج لي طوب
لأنو فال حيطتو مايصاها من أمس نقناقة مطر الطرفة البكاية والجبهة النداية.قام مشي
لبتاع الكماين واداهو ورقة من الاداهن ليهو الخضر وقال ليهو دي فيها شوالعيش عند
العوض اديني بيها طوب و هكذا الناس بقت تتعامل بي وريقات العوض بدل ما يتلتلوه.

● اهاااا قووووم يا العوض إتا زاتك تتزنق في عملية لي بتو و بتاع الدكان يابى
يدينك و لامن فتشت سما واطة لي زول يدينك ما لقيت قام جاتو فكرة شيطانية
قال طالما الناس بقت تتعامل بي الورق بتاعي من غير ما يجو يشيلو عيشهم انا بس
اكتب ورقة زيادة بتاعت شوال عيش وامشي اديها الدكتور اقول ليهو عندك بيها شوال
متي ما حبيت تشيلو حبابك ، ومافي زول ح يعرف انه انا كتبت ورقة جديدة واساساً
مافي شوال عيش لانه مافي زول بجي يفقد عيشو ، وفعلا الامور مشت والعوض
ما انكشف . و بعد فترة تاني اتزنق وعمل نفس الحركة مرة ومرتين وتلاتة

● لكن الطامة الكبري انه الشغلانية حِلت ليهو لامن جات ثالثة الأثافي و فكر يبني
ليهو (مربعة) في البيت عشان يوسع على وليداتو ، فقام كتب ليهو 15 ورقة بدل ما
زمان كان بكتب واحدة و فعلن وزعهن علي بتاع الاسمنت و بتاع الطوب والبنايين و
بنى العوضة تب. أها الناس في الحلة حسو انه الورق ده كتير وحسو انه العوض ده
بتلاعب فقررو انه يمشو ليهو ويشيلو عيوشم ، لكن العوض بدأ يعمل زغبير مرة
يقول ليهم المفتاح ما معاي و مرة يقول ليهم انا اسي عيان كدي تعالو لي بكرة.


● المهم اشتكوهو لي شيخ الحلة وجابو البوليس و اي زول عندو ورقة جابها
وجا وكسرو المخزن ولقو الشوالات العشرة لكن الطامة الكبري انه في 30 نفر كل
واحد شايل ورقة مختومة من العوض انه عندو بيها شوال ، يعني تلاتين ورقة
وعشرة شوالات وكل واحد بقول انا ما عندي شغلة بس عاوز شوالي المهم
العوض اخد ليهو دقة كاربة رفعوه في كومر البوليس ودوهو سجن كوبر.

● بقي هسي كيف يحلو المشكلة تلاتين ورقة وعشرة شوالات. شيخ الحلة قال
عشان ما تحصل مضاربة ومشاكل بين الناس ديل انا بس اقسم الشوالات دي بينكم
بالتساوي وكل زول يطلع ليهو زي كيلتين و نص تِلِت (١/٣ ) شوال ، كده بقي اي زول
خسران ليهو تلتين شوال بدون ما يشعروحتي بتاعين الطوب والاسمنت اللي ماعندهم
شغلة بي عيش ولا شوالات طلعو خسرانين في صمة خشومم . والورقة الكانت بتجيب
ليهم شوال بقت تجيب ليك 1/3 تِلِت شوال والمستفيد الوحيد هو العوض على حساب
قوت يوم ( أهل العوض) . يعني ببساطة العوض سرق من كل واحد 2/3 تلتين شوال
من غير ما يهبش الشوالات.ده ياهو التضخم ببساطة . و ده ياهو الكانت بتسويه فينا
بنوك الزواحف و دولة تمكينهم (العميكة) و في أهلنا الغبش أبان مسوحن موية
و هم خسرانين يوماتي و مافيهم زولن كدي جايب خبر ... 👌👌👌