العوينات يا جناي شوفن ضنين فقد أخفى شعاعهن كترة البحلقة في عيون الصيد فأصبحت ما عندي قدرة علي المعافرة من الموبايل وقد إتلحس الرشاش. من 2009 دا الرشاش الخامس يتلحس من مصارعة 🤼 الظلم. كمان في رعشة خفيفة في اليدين من وشوشة العبير وملامسة الحرير علي مر الدهور والأجيال، عموماً ما تبقى أدخره لعشمي في ملاطفة الجمال وممارسة السحر الحلآل، علآ لآمن لقيت نفسي طولت منكم قلت أبقصلكم منو شوية.
البوست دا وقف، وكان في زول ما عارف كلمة وقف بشرحلو...
Post: #2 Title: Re: دردشة بالموبايل. ؤ بالمرة نشوف حد البلبصة Author: معاوية المدير Date: 06-20-2020, 11:55 AM Parent: #1
قبل كلو شي، ألف شكر لكل من سأل عني وعلي رأسهم الأخ عادل أبو حسين والأخت دكتورة اإخلاص المشرف...
الوآحد ما يغيب يجي يلقى مايات إندلقت تحت الجسر!. نعم لقيت بلبصة وفي لغتنا العامية هنالك الكتير من الكلمات علي وزن فعللة، علي سبيل المثال لا الحصر جرجرة، مكننة، مفخرة، مقدرة، شكشكة، طرطشة، فركشة، طرطشة، بلبصة، فلقصة....... إلخ. غايتو أنا ظهرت في زمن البلبصة الظهرت هنا بعد الكرونا مباشرة، والبلبصة دي حررررم ما أطلقا فوق الناس زي الكرونة لآزم أهجرا وأقصعا وأموصلها الفطيرية وأقهرا في مهدها قبل أن تستشري ويعم ضررها وتحلق بالمصابين بها بين طيات السحاب...
Post: #6 Title: Re: دردشة بالموبايل. ؤ بالمرة نشوف حد البلبصة Author: علي عبدالوهاب عثمان Date: 06-20-2020, 12:30 PM Parent: #5
حبيبنا ودالمدير .. عشان نفهم لغة الحلوة دي لازم نرجع للقاموس
ذكرتي ايام التدريس قبل عشرات السنوات أيام كنت معلم في نوري الغويبة الثانوية العامة
تلميذ يشتكي من زميله (( عطا الفضيل قالي .. الخفسي )) هنا مشكلتي كانت (الخفسي ) والى يوم
وآخر : ( استاذ أنا ألفتوولي ) وهنا كانت ( ألفتوولي ) المقصود منها (( ألفة سنة أولى )) الألفا
تحياتي معاوية الحبيب
Post: #7 Title: Re: دردشة بالموبايل. ؤ بالمرة نشوف حد البلبصة Author: محمد على طه الملك Date: 06-20-2020, 12:57 PM Parent: #6
باللول حمد الله على سلامتك وبركة الطلة يا ود المدير .. يعنى إلا يحنسوك ههه.. : أستاذ علي امبس أكتر ناس كانوا بعانوا من اختلاف اللغي واللهجات ومعانيها كانوا القضاة .. حكى لينا زميل من أبناء البطانة قال لما نقلو مروي .. جاء واحد مشتكي قال فلان قطع ..... !! مولانا طير عيونو وبتلقائه قال ليهو ( كيف الكلام دا يا رجل !!؟).. حاجب المحكمة استدرك الموقف وهمس لمولانا ( الزول بقصد سرقو حمارو الضكر ) ههه.. خمسه وخميسة ما يجي ود محمد عمر يستبيح البوست
مولانا الملك يا ملك، تسلم من كل شر ؤ بلاء. البوست دا مباشر علي الهواء بالموبايل، ؤ ممنوع النقطة والتنقيط والنقط بس تكشكش الودع في إيدك ؤ تكشحو ؤ تبقى مارق فد عوجة ما بتجيك، بعدينك أنا جاي بإستراتيجية كرت كرتونة لوقف المهازل الحصلت ورانا، يأخ شدة ما هانت عووضة جابوسيرتو!!!...
وين ياااااا ... مشتاقين و كده تصدّق !!!!!! فى غيابك هانت الهذبنة يا اخى الكريم الواحد لسّه ما قفل فغرة فاهو من هجمة عووضة جابو سيرة اب سن قال اب سن قال غايتو كان جابو سيرة بتاع الغنا داك بقع من تانى دور
سعدنا والله بعودتك سالما معافا(فتحتين في الالف) ...وما دام داير تشرح الكلمات الصعبة اشرح لينا كلمة ابقصلكم..وان شاء الله بيتكم ما اتكسر من العواصف القال عنها النصري ..
Post: #21 Title: Re: دردشة بالموبايل. ؤ بالمرة نشوف حد البلبصة Author: احمد حمودى Date: 06-20-2020, 08:23 PM Parent: #19
حمدلله بالشوفة يا ود المديل ابو كلاما طاعم
Post: #20 Title: Re: دردشة بالموبايل. ؤ بالمرة نشوف حد البلبصة Author: Kamal Alalla Date: 06-20-2020, 07:48 PM Parent: #1
حمد الله على السلامة يا دكتور بركة المرقت من الجوائح واللوائح والكروت الصفرا الوزن دا كلو غير ايجابي: جمجرة - سمسرة - زمهرة - خرخرة....وانت ماشي على الغريق
هلا معاوية المدير نورت الحوش يا زول حبابك الف ياخ انا برضو سالت منك وحات الخوة حتى اسال جلال دا المهم البورد اختلت فيو الموازين وشايف الحلق بوزع ساكت لناس ولا عندهن اضنين ولا شعر والله يستر من الزومبي المهم مجاملات مجاملات مجاملات وغايتو بجي الصيف واللواري بتقيف .............................. ابوحسين تضكني المداخلة الهبشة دي ههههههههههها
بما انه البوست موقوف النحكي القصة دي حصلت لي في السيالة .. واحد اخونا مشترى طوب في السيالة مشيت معاهو عدم شغلة ساي راكب بالكارو وانا متشنط بلا سبب. المهم بيعدو في الطوب قعدت مع الرَصاص وهو بيعقد في عصرية حرتها تلطش وسمومها هابي .. وشبكتو ليك.. والله ما شاء الله شغلك نضيف.. وطوبكم سمح وبتعقدو في كم ؟ والحرقتوها دي قالوا حرقتها انت شغلك نجيض ووزنة نارها شغل معلمين وكل مرة بشكر في شئ وهو خلقو ضايقة وضبانته منونية قام قال لي جيب سيجارة .. قلت ما عندي والله هسسع طفيتها جيب سفة قلت ما بسف قال لي يعني العندك بلبصة بس ! ضحكت ضحك عدم فهم وغمغت بشئ ما ومشيت بفكر في معنى بلبصة :) سألت عمتي احسان قلت لها الببلصة دي يلقوها وين ؟ قالت لي البلبصة دي الا عند بوبي ..!
Post: #25 Title: Re: دردشة بالموبايل. ؤ بالمرة نشوف حد البلبصة Author: محجوب البيلي Date: 06-21-2020, 01:21 AM Parent: #24
ألف حمداً لله ع السلامة أخانا العزيز ود المدير
Quote: ذكرتني ايام التدريس قبل عشرات السنوات أيام كنت معلم في نوري الغويبة الثانوية العامة
حبيبنا وأخونا في التربالية بالله درّست في الغويبة.. ؟ أنا قريت فيها الوسطى.. زماااان ومتمني أشوفها تاني
Post: #26 Title: Re: دردشة بالموبايل. ؤ بالمرة نشوف حد البلبصة Author: Ahmed Yassin Date: 06-21-2020, 03:55 AM Parent: #25
هات المايك دا بالله.. عشان اوريك منو الخطير ياود المدير بايقاع العشرة بلدي وبنقز خميس واكورديون ود الحاوي وصوت الباص جيتار يا غايب عن .. عن عيني مع انك في قلبي ... قلبي السكسكة دي ..حرم فنجرة مني ساي
Post: #27 Title: Re: دردشة بالموبايل. ؤ بالمرة نشوف حد البلبصة Author: MOHAMMED ELSHEIKH Date: 06-21-2020, 06:23 AM Parent: #26
Quote: في السيالة
السيالة دي وين؟؟ حقو توريها الناس الماعارفين . انت قايلها مانهاتن؟ ولا فاكر الناس هنا عطبراويز اون لاين؟
Post: #28 Title: Re: دردشة بالموبايل. ؤ بالمرة نشوف حد البلبصة Author: Hamid Elsawi Date: 06-21-2020, 06:44 AM Parent: #26
مرحب بعودتك معاوية في مارس الماضي جات سيرة أغنية وردي يلا و تعال يلا نهاجر في بلاد الله في احتفال يوم المرأة العالمي
وردي غناها ليحفط اللحن لنشيد ثوري لم يتغني به لظلم و بطش نظام نميري و ظل يغنيه في جلسات خاصة جداً وردي عظيم و محجوب شريف عظيم بمناسبة طلتك دعني أهدي هذا النشيد لك و للضيوف البوست
النسخة الأصلية ل يلا و تعال يلا نهاجر في بلاد الله الكلمات الأصلية التي صنع الموسيقار وردي لها اللحن
Post: #29 Title: Re: دردشة بالموبايل. ؤ بالمرة نشوف حد البلبصة Author: معاوية المدير Date: 06-21-2020, 07:45 AM Parent: #28
هلا أبو حسين. يأخ زمني دا كلو أقول للناس أبو حسين دا مطرطش ؤ مافيهو فايدة، لكن والله أحرجتني بالبوست بتاعك هسع أودي وشي وين؟، غايتو جنس كسفة!!!...
Post: #30 Title: Re: دردشة بالموبايل. ؤ بالمرة نشوف حد البلبصة Author: معاوية المدير Date: 06-21-2020, 08:15 AM Parent: #29
شكرك عندي رآقد بالجرانين يا دكتورة إخلاص. كسير التلج أنا زين بستحقو علآ أبو حسين دا عندو الحسادة خلي بالك...
Post: #31 Title: Re: دردشة بالموبايل. ؤ بالمرة نشوف حد البلبصة Author: علي عبدالوهاب عثمان Date: 06-21-2020, 08:21 AM Parent: #25
حبيبنا وأخونا في التربالية بالله درّست في الغويبة.. ؟ أنا قريت فيها الوسطى.. زماااان ومتمني أشوفها تاني
============================ حبيبنا محجوب .. تحياتي ياجميل يا سلام على نوري الغويبة جلست فيها سنة وشوية يمكن سنة 74 روعة وناس حلوين .. والرحلة ممتعة من دنقلا الى كريمة أيام السودان
تحياتي الحبيب .. جميل ان يستحضر الواحد أيام الشباب
تحياتي لحبيبنا معاوية المدير ..
Post: #32 Title: Re: دردشة بالموبايل. ؤ بالمرة نشوف حد البلبصة Author: محمد عبد الله الحسين Date: 06-21-2020, 08:57 AM Parent: #31
ود المدير سلاما\ت
أهلين و مرحبا
ألف حمدا لله على السلامة
منوِّر المنبر
في انتظار حكايات الغيبة
عشان نقول ود المدير(غاب و جاب)
Post: #33 Title: Re: دردشة بالموبايل. ؤ بالمرة نشوف حد البلبصة Author: معاوية المدير Date: 06-21-2020, 09:05 AM Parent: #32
الله لا جاب الغلت يا أبو حسين، هسع ما كنا كويسين مالك ثقتك في إتزعزعت!!!، ما ليك أمان يا دا الزمان. أخشى أن يكون قد ورد إسمك ضمن الجماعة...
Post: #34 Title: Re: دردشة بالموبايل. ؤ بالمرة نشوف حد البلبصة Author: معاوية المدير Date: 06-21-2020, 09:15 AM Parent: #33
Quote: حمدلله على السلامة من أبابيل البَّرَد ، عووضة مالو غير جمعة مباركة وحديث التلاتا في الواتس ما عندو شي ما تراعي لي شنبو ده تحسبو زول ونسة ٠
تسلم يا منتصر، وين إنت؟. أبابيل البرد رشت الفاسقين ناس حامد الصاوي لكن نحن أهل الله محروسين. حقو الزول يجيبك تحضر جلسة في الديوان علشان تشوف بتاع جمعة مباركة دا، دا زول نمس ويجيد الظهور في ثياب الواعظينا قس علي ذلك المدعو عبد الحفيض أب سن. حديث الثلاثاء أوع يكون بتاع صاحبو خضر عطاء المنان؟!!!...
Post: #35 Title: Re: دردشة بالموبايل. ؤ بالمرة نشوف حد البلبصة Author: معاوية المدير Date: 06-21-2020, 09:23 AM Parent: #34
يا جلالدونا تختف نعلآتك سريع ؤ تجري بوست الهذبنة أول مداخلة بتلآقيك كاتبا خالد العبيد بتلقاهو فيها جايب سيرة بتاع الغنا، تصدق!!! أنا لآمن لقيت إسمو لآمن طقم السنون طار لقيتو اليوم التاني بعد جاني إسهال من شراب النشا. فكرت نعمل جائزة أكتر زول مسكين ؤ درويش ؤ نديها خالد العبيد بجدارة...
Post: #36 Title: Re: دردشة بالموبايل. ؤ بالمرة نشوف حد البلبصة Author: Salah Zubeir Date: 06-21-2020, 09:47 AM Parent: #34
مرحب حباب قريبي ... بركه الجيت ... الصفيد كعب ... أسأل مجرب ... وخاصة التلاته شهور ... العجب بعد التلاته شهور دي يديك عشره وينساك ... البتاع والبتاعه والدنيا ضحي هفت ليهم المعاشره ... واستعد البتاع بي بتاعو في قمة تألقه ... الثمانينه الرتينه المتوفي زوجها منذ عقد من الزمان تراقب من كشاشتها الموقف بعد أن سحبت حقة التنباك وتدردم في السفه ... هناك البتاع يطلع في البتاعه والبتاعه بكل غنج تزوغ من البتاع وتكرر ذلك مرارا" وحاجه الرتينه تدردم في السفه وكل نظرها ومشاعرها مع البتاع والبتاعه ... وفي لحظة صفاء أذنت البتاعه لإستقبال البتاع الذي تمادي وإختفي تماما داخل دهاليز البتاعه ... هنا حاجه الرتينه وبكل شوق السنين شيلي السفه واكمديها جوا عينا الشمال بدل شلاليفا ... وهتفت بت (الما مطهره) ... شوق السنين دا يا قريبي لن يبلغ منتهاهو وإنتا بي عشره بس ...
Post: #37 Title: Re: دردشة بالموبايل. ؤ بالمرة نشوف حد البلبصة Author: معاوية المدير Date: 06-21-2020, 10:12 AM Parent: #36
علاء سيد أحمد، تسلم يا حبيب. الحكاية بورانا جابت لها تهذيب واكل زبيب، يهوووووووون الله 🤔
Post: #38 Title: Re: دردشة بالموبايل. ؤ بالمرة نشوف حد البلبصة Author: MOHAMMED ELSHEIKH Date: 06-21-2020, 11:42 AM Parent: #37
عمنا حسن الفكي همزة رحمه الله قالوا زمان الناس بيشردوا يمشو الداخلة ومنها الصعيد. قوم ياعمنا حسن اشرد وامش اتحاوم 4 يوم في الداخلة وماعارف تاني يقبل وين.
بالصدفة عبد الرحمن اخوه كان حايم يوم في سوق اتبرة عندو بيع وشراء و راجع اهلو (فتوار) اخر اليوم طبعا بعربية ود عكاشة. حسن لمح عبد الرحمن وطوالي كورك: " عبد الرحماااان اخووووي … جيت كايس لي ؟ "
Post: #39 Title: Re: دردشة بالموبايل. ؤ بالمرة نشوف حد البلبصة Author: adil amin Date: 06-21-2020, 11:55 AM Parent: #38
وين يا ود المدير انت وحيدر الزين الشين مشاكلي معاكم بسيطة بي الريدة بتحل ذة ما قال ابودواد
تشرفو بوست عطبرة وتعتذرو لي جقود وتخلو في برنامج عطبرة للثورة الثقاقية ثورة الوعي والبصيرة والحوثيين كمان وتزحو من رجرجة الخرتوم
Quote: يا جلالدونا تختف نعلآتك سريع ؤ تجري بوست الهذبنة أول مداخلة بتلآقيك كاتبا خالد العبيد بتلقاهو فيها جايب سيرة بتاع الغنا، تصدق!!!
تصدّق من العجلة لبست نعلاتى مقلوبات لقيتو حاشرو فى نص اساتذة جميلين يا خالد بصراحة شغل الزواحف ده ما بمش فينا بدل ما ارمى نفسى من تانى دور ح ارمى خالد العبيد اخونا جعفر اسماعيل قال فى مجملة واضحة فى الترشيحات و الما عندو شلّة حقّو رايح فى الكرعين و فعلا كلامو صحى رشّحوا اتنين و فعلا يستحقّوا و ه مولانا الملك و استاذنا اسماعيل عباس لهما التحية و الباقى تمّوهو فسيخ والله صحى
حباب ودالمدير رجل على علاقه الكثير اخراج البلاد من الطوابير والزواحف القربت تطير اها المشتهى الحنيطر يطير ويقع فى البئر ويجد الجقر الكبير ابوحسين بالانجليزية أزمة الوطن الكبير المهم نرحب بود المدير فهو شر لا بد منه ما محتاج تفسير
Post: #42 Title: Re: دردشة بالموبايل. ؤ بالمرة نشوف حد البلبصة Author: يحي قباني Date: 06-22-2020, 01:06 AM Parent: #41
Quote: لقيتو حاشرو فى نص اساتذة جميلين
كمان برضها طريقة جديدة ...
ود المدير ده الجابو شنو تاني ؟ مش انكرش من المنبر ده ؟
Post: #43 Title: Re: دردشة بالموبايل. ؤ بالمرة نشوف حد البلبصة Author: ABUHUSSEIN Date: 06-22-2020, 02:02 AM Parent: #42
Quote: ويجد الجقر الكبير ابوحسين بالانجليزية أزمة الوطن الكبير
صديق مهدي العوير مالك حاشر ابو حسين القدير بين الجقر الكبير و ازمة الوطن الكبير كدي عاين وين القمر المنير حا تلقاني جنبو نور كبير ما تفتكرني زيك عوير دا تواضع الوزير البقعد مع الغفير و قوم لف يا شبه الحمير 😂😂😂😂😂😂😂😂😂 او على قولك هههههههههههههه
Post: #44 Title: Re: دردشة بالموبايل. ؤ بالمرة نشوف حد البلبصة Author: HAIDER ALZAIN Date: 06-22-2020, 06:50 AM Parent: #43
Quote: السيالة دي وين؟؟ حقو توريها الناس الماعارفين .
ان فتشت قوقل وباريت النيـل .. النيل النيل زاتو ما قضيب القطر .. القضيب بيوديك بورسودان بتصلها .. قايلها كمان هينة والا لينة ..!
Post: #45 Title: Re: دردشة بالموبايل. ؤ بالمرة نشوف حد البلبصة Author: معاوية المدير Date: 06-22-2020, 10:08 AM Parent: #44
يوسف طه حبابك ألف.
جيناكم نداقش معاكم ؤ بلآكم ما بنبقى تب...
Post: #46 Title: Re: دردشة بالموبايل. ؤ بالمرة نشوف حد البلبصة Author: معاوية المدير Date: 06-22-2020, 10:11 AM Parent: #45
Quote: غايتو الحنسوك ما اخدو فينا اجر باقي نظرك دة احفضو لي مشي الخلا ماتجيب لينا كوبة
غايتو يا حفيض صلاح الزبير في أول مداخلة ليهو في بوست الهذبان، هذبان دي علي وزن هزيان، ذكرليهو مجموعة كدا إنت من ضمنها! أنا أكان لميت فيهو خلاف أموصلو الفطيرية ما بخلي. أي زول ما يجيبوهو لينا في الديوان فترة نقاهة لا يعتمد وترشيحه فاسد...
Quote: سعدنا والله بعودتك سالما معافاة ... وما دام داير تشرح الكلمات الصعبة اشرح لينا كلمة ابقصلكم.. وان شاء الله بيتكم ما اتكسر من العواصف القال عنها النصري ..
بنتنا إمتثال السعادة إن شاءللهتنكتبلك دنيا وآخرة.جيبيلنا بنتنا اللت أتبرا. هي معافا بالتنوين فتحتين علي الألف. هي بقص علي وزن فعل،وتكون غالباً في الطعام،بقص فلان من صحن الفول أي أخذ منه الشي القليل. وهي من نضمينا الدارج،يقولك أبقص الملاح دا شوية يعني أنقصه بعض الشي فهو كثير. فتبقى بقص زي نقص وهي فعل. فالبقص هو الأخذ اليسير من الطعام وغيره، الماعون دا مليتو شديد أبقصو في اللآخر...
ود عطبرة ،ود المدير صلحت الخطأ... أما بنتكم بت عطبرة فهي وبت السيد خاصمن المنبر ولكن بتاوقن مرة مرة ... وانا ذاتي بقيت اعاين ليهن المسنوحات بكبرياء ومن فوق خاصة بعد قريت كلام نادر الفضلي اليوم.. وهي قالت لي اليوم...مالك مفلهمة الليلة ....لازم في زول شكرك ..ههههههه
أحمد حمودي ألف شكر علي الطلة 🌹 بواصل معاكم إن شاءلله...
Post: #51 Title: Re: دردشة بالموبايل. ؤ بالمرة نشوف حد البلبصة Author: معاوية المدير Date: 06-24-2020, 00:00 AM Parent: #50
Quote: حمد الله على السلامة يا دكتور بركة المرقت من الجوائح واللوائح والكروت الصفرا الوزن دا كلو غير ايجابي: جمجرة - سمسرة - زمهرة - خرخرة....وانت ماشي على الغريق
هلا يا هلا ريحتك حديد ؤ نار 🔥وين مختفي عليك الله؟. يأخ كتر ليمن الدكترة دي لآمن الفارات الهنا ديل يأمنو زاتو بعدينك دكترة دي فيها فعللة يعني لآفقة معاي. سلم لي علي الوليدات والبلد الطيب يأخ...
Post: #52 Title: Re: دردشة بالموبايل. ؤ بالمرة نشوف حد البلبصة Author: معاوية المدير Date: 06-24-2020, 04:50 AM Parent: #51
Quote: هلا معاوية المدير نورت الحوش يا زول حبابك الف ياخ انا برضو سالت منك وحات الخوة حتى اسال جلال دا المهم البورد اختلت فيو الموازين وشايف الحلق بوزع ساكت لناس ولا عندهن اضنين ولا شعر والله يستر من الزومبي المهم مجاملات مجاملات مجاملات وغايتو بجي الصيف واللواري بتقيف
منعم يا صديق، بطل بلبصة بلآ سعلت بلآ زمزغة معاك. هو متين كان موزون السجم دا!!! إياها الحويلة المايلة دي من يوم جينا لكن في غيبتي دي كتروها. بس لا يسمعني سي الشي يدخلني التمنة تاني، الله يغتيني ؤ يستر علي...
Post: #53 Title: Re: دردشة بالموبايل. ؤ بالمرة نشوف حد البلبصة Author: معاوية المدير Date: 06-24-2020, 04:51 AM Parent: #51
Quote: هلا معاوية المدير نورت الحوش يا زول حبابك الف ياخ انا برضو سالت منك وحات الخوة حتى اسال جلال دا المهم البورد اختلت فيو الموازين وشايف الحلق بوزع ساكت لناس ولا عندهن اضنين ولا شعر والله يستر من الزومبي المهم مجاملات مجاملات مجاملات وغايتو بجي الصيف واللواري بتقيف
منعم يا صديق، بطل بلبصة بلآ سعلت بلآ زمزغة معاك. هو متين كان موزون السجم دا!!! إياها الحويلة المايلة دي من يوم جينا لكن في غيبتي دي كتروها. بس لا يسمعني سي الشي يدخلني التمنة تاني، الله يغتيني ؤ يستر علي...
Post: #54 Title: Re: دردشة بالموبايل. ؤ بالمرة نشوف حد البلبصة Author: عبيد الطيب Date: 06-24-2020, 06:16 AM Parent: #53
بَسْمَع حِسْ كلّابُن قُلْت: الجّوواغُيَّابُن!! النَّاس النَّطُّوا حِسابُن نَعَلْ طيبِين في رِقابُن نَضُنُّ بمثل هذا الغنا أحيانا حتي علي حنايانا،عندما يكون القلب ممحل "قهبونة" ووقَّة صيف تحياتي الأخ الكريم الفاضل معاوية المدير وعودا حميدا
Quote: قام قال لي جيب سيجارة .. قلت ما عندي والله هسسع طفيتها جيب سفة قلت ما بسف قال لي يعني العندك بلبصة بس ! ضحكت ضحك عدم فهم وغمغت بشئ ما ومشيت بفكر في معنى بلبصة :) سألت عمتي احسان قلت لها الببلصة دي يلقوها وين ؟ قالت لي البلبصة دي الا عند بوبي ..!
هههههههههههه😂 ما قالك الكنارة عشرة في سيجارة وفي رواية حـ........ صدقت عمتك إحسان، هسع المنبر بقى سايق البوباي...
