العوينات يا جناي شوفن ضنين فقد أخفى شعاعهن كترة البحلقة في عيون الصيد فأصبحت ما عندي قدرة علي المعافرة من الموبايل وقد إتلحس الرشاش. من 2009 دا الرشاش الخامس يتلحس من مصارعة 🤼 الظلم. كمان في رعشة خفيفة في اليدين من وشوشة العبير وملامسة الحرير علي مر الدهور والأجيال، عموماً ما تبقى أدخره لعشمي في ملاطفة الجمال وممارسة السحر الحلآل، علآ لآمن لقيت نفسي طولت منكم قلت أبقصلكم منو شوية.
البوست دا وقف، وكان في زول ما عارف كلمة وقف بشرحلو...
06-20-2020, 11:55 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
الوآحد ما يغيب يجي يلقى مايات إندلقت تحت الجسر!. نعم لقيت بلبصة وفي لغتنا العامية هنالك الكتير من الكلمات علي وزن فعللة، علي سبيل المثال لا الحصر جرجرة، مكننة، مفخرة، مقدرة، شكشكة، طرطشة، فركشة، طرطشة، بلبصة، فلقصة....... إلخ. غايتو أنا ظهرت في زمن البلبصة الظهرت هنا بعد الكرونا مباشرة، والبلبصة دي حررررم ما أطلقا فوق الناس زي الكرونة لآزم أهجرا وأقصعا وأموصلها الفطيرية وأقهرا في مهدها قبل أن تستشري ويعم ضررها وتحلق بالمصابين بها بين طيات السحاب...
06-20-2020, 12:08 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
باللول حمد الله على سلامتك وبركة الطلة يا ود المدير .. يعنى إلا يحنسوك ههه.. : أستاذ علي امبس أكتر ناس كانوا بعانوا من اختلاف اللغي واللهجات ومعانيها كانوا القضاة .. حكى لينا زميل من أبناء البطانة قال لما نقلو مروي .. جاء واحد مشتكي قال فلان قطع ..... !! مولانا طير عيونو وبتلقائه قال ليهو ( كيف الكلام دا يا رجل !!؟).. حاجب المحكمة استدرك الموقف وهمس لمولانا ( الزول بقصد سرقو حمارو الضكر ) ههه.. خمسه وخميسة ما يجي ود محمد عمر يستبيح البوست
06-20-2020, 12:58 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
مولانا الملك يا ملك، تسلم من كل شر ؤ بلاء. البوست دا مباشر علي الهواء بالموبايل، ؤ ممنوع النقطة والتنقيط والنقط بس تكشكش الودع في إيدك ؤ تكشحو ؤ تبقى مارق فد عوجة ما بتجيك، بعدينك أنا جاي بإستراتيجية كرت كرتونة لوقف المهازل الحصلت ورانا، يأخ شدة ما هانت عووضة جابوسيرتو!!!...
06-20-2020, 01:13 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39372
وين ياااااا ... مشتاقين و كده تصدّق !!!!!! فى غيابك هانت الهذبنة يا اخى الكريم الواحد لسّه ما قفل فغرة فاهو من هجمة عووضة جابو سيرة اب سن قال اب سن قال غايتو كان جابو سيرة بتاع الغنا داك بقع من تانى دور
06-20-2020, 02:49 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
سعدنا والله بعودتك سالما معافا(فتحتين في الالف) ...وما دام داير تشرح الكلمات الصعبة اشرح لينا كلمة ابقصلكم..وان شاء الله بيتكم ما اتكسر من العواصف القال عنها النصري ..
حمد الله على السلامة يا دكتور بركة المرقت من الجوائح واللوائح والكروت الصفرا الوزن دا كلو غير ايجابي: جمجرة - سمسرة - زمهرة - خرخرة....وانت ماشي على الغريق
06-20-2020, 08:39 PM
عبدالمنعم الطيب حسن عبدالمنعم الطيب حسن
تاريخ التسجيل: 11-15-2012
مجموع المشاركات: 4519
هلا معاوية المدير نورت الحوش يا زول حبابك الف ياخ انا برضو سالت منك وحات الخوة حتى اسال جلال دا المهم البورد اختلت فيو الموازين وشايف الحلق بوزع ساكت لناس ولا عندهن اضنين ولا شعر والله يستر من الزومبي المهم مجاملات مجاملات مجاملات وغايتو بجي الصيف واللواري بتقيف .............................. ابوحسين تضكني المداخلة الهبشة دي ههههههههههها
06-20-2020, 08:57 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22731
بما انه البوست موقوف النحكي القصة دي حصلت لي في السيالة .. واحد اخونا مشترى طوب في السيالة مشيت معاهو عدم شغلة ساي راكب بالكارو وانا متشنط بلا سبب. المهم بيعدو في الطوب قعدت مع الرَصاص وهو بيعقد في عصرية حرتها تلطش وسمومها هابي .. وشبكتو ليك.. والله ما شاء الله شغلك نضيف.. وطوبكم سمح وبتعقدو في كم ؟ والحرقتوها دي قالوا حرقتها انت شغلك نجيض ووزنة نارها شغل معلمين وكل مرة بشكر في شئ وهو خلقو ضايقة وضبانته منونية قام قال لي جيب سيجارة .. قلت ما عندي والله هسسع طفيتها جيب سفة قلت ما بسف قال لي يعني العندك بلبصة بس ! ضحكت ضحك عدم فهم وغمغت بشئ ما ومشيت بفكر في معنى بلبصة :) سألت عمتي احسان قلت لها الببلصة دي يلقوها وين ؟ قالت لي البلبصة دي الا عند بوبي ..!
06-20-2020, 09:04 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
مرحب بعودتك معاوية في مارس الماضي جات سيرة أغنية وردي يلا و تعال يلا نهاجر في بلاد الله في احتفال يوم المرأة العالمي
وردي غناها ليحفط اللحن لنشيد ثوري لم يتغني به لظلم و بطش نظام نميري و ظل يغنيه في جلسات خاصة جداً وردي عظيم و محجوب شريف عظيم بمناسبة طلتك دعني أهدي هذا النشيد لك و للضيوف البوست
النسخة الأصلية ل يلا و تعال يلا نهاجر في بلاد الله الكلمات الأصلية التي صنع الموسيقار وردي لها اللحن
06-21-2020, 07:45 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
حبيبنا وأخونا في التربالية بالله درّست في الغويبة.. ؟ أنا قريت فيها الوسطى.. زماااان ومتمني أشوفها تاني
============================ حبيبنا محجوب .. تحياتي ياجميل يا سلام على نوري الغويبة جلست فيها سنة وشوية يمكن سنة 74 روعة وناس حلوين .. والرحلة ممتعة من دنقلا الى كريمة أيام السودان
تحياتي الحبيب .. جميل ان يستحضر الواحد أيام الشباب
تحياتي لحبيبنا معاوية المدير ..
06-21-2020, 08:57 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 11562
Quote: حمدلله على السلامة من أبابيل البَّرَد ، عووضة مالو غير جمعة مباركة وحديث التلاتا في الواتس ما عندو شي ما تراعي لي شنبو ده تحسبو زول ونسة ٠
تسلم يا منتصر، وين إنت؟. أبابيل البرد رشت الفاسقين ناس حامد الصاوي لكن نحن أهل الله محروسين. حقو الزول يجيبك تحضر جلسة في الديوان علشان تشوف بتاع جمعة مباركة دا، دا زول نمس ويجيد الظهور في ثياب الواعظينا قس علي ذلك المدعو عبد الحفيض أب سن. حديث الثلاثاء أوع يكون بتاع صاحبو خضر عطاء المنان؟!!!...
06-21-2020, 09:23 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
مرحب حباب قريبي ... بركه الجيت ... الصفيد كعب ... أسأل مجرب ... وخاصة التلاته شهور ... العجب بعد التلاته شهور دي يديك عشره وينساك ... البتاع والبتاعه والدنيا ضحي هفت ليهم المعاشره ... واستعد البتاع بي بتاعو في قمة تألقه ... الثمانينه الرتينه المتوفي زوجها منذ عقد من الزمان تراقب من كشاشتها الموقف بعد أن سحبت حقة التنباك وتدردم في السفه ... هناك البتاع يطلع في البتاعه والبتاعه بكل غنج تزوغ من البتاع وتكرر ذلك مرارا" وحاجه الرتينه تدردم في السفه وكل نظرها ومشاعرها مع البتاع والبتاعه ... وفي لحظة صفاء أذنت البتاعه لإستقبال البتاع الذي تمادي وإختفي تماما داخل دهاليز البتاعه ... هنا حاجه الرتينه وبكل شوق السنين شيلي السفه واكمديها جوا عينا الشمال بدل شلاليفا ... وهتفت بت (الما مطهره) ... شوق السنين دا يا قريبي لن يبلغ منتهاهو وإنتا بي عشره بس ...
06-21-2020, 10:12 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
عمنا حسن الفكي همزة رحمه الله قالوا زمان الناس بيشردوا يمشو الداخلة ومنها الصعيد. قوم ياعمنا حسن اشرد وامش اتحاوم 4 يوم في الداخلة وماعارف تاني يقبل وين.
بالصدفة عبد الرحمن اخوه كان حايم يوم في سوق اتبرة عندو بيع وشراء و راجع اهلو (فتوار) اخر اليوم طبعا بعربية ود عكاشة. حسن لمح عبد الرحمن وطوالي كورك: " عبد الرحماااان اخووووي … جيت كايس لي ؟ "
06-21-2020, 11:55 AM
adil amin adil amin
تاريخ التسجيل: 08-01-2002
مجموع المشاركات: 39161
وين يا ود المدير انت وحيدر الزين الشين مشاكلي معاكم بسيطة بي الريدة بتحل ذة ما قال ابودواد تشرفو بوست عطبرة وتعتذرو لي جقود وتخلو في برنامج عطبرة للثورة الثقاقية ثورة الوعي والبصيرة والحوثيين كمان وتزحو من رجرجة الخرتوم
06-21-2020, 06:18 PM
جلالدونا جلالدونا
تاريخ التسجيل: 04-26-2014
مجموع المشاركات: 9841
Quote: يا جلالدونا تختف نعلآتك سريع ؤ تجري بوست الهذبنة أول مداخلة بتلآقيك كاتبا خالد العبيد بتلقاهو فيها جايب سيرة بتاع الغنا، تصدق!!!
تصدّق من العجلة لبست نعلاتى مقلوبات لقيتو حاشرو فى نص اساتذة جميلين يا خالد بصراحة شغل الزواحف ده ما بمش فينا بدل ما ارمى نفسى من تانى دور ح ارمى خالد العبيد اخونا جعفر اسماعيل قال فى مجملة واضحة فى الترشيحات و الما عندو شلّة حقّو رايح فى الكرعين و فعلا كلامو صحى رشّحوا اتنين و فعلا يستحقّوا و ه مولانا الملك و استاذنا اسماعيل عباس لهما التحية و الباقى تمّوهو فسيخ والله صحى
06-21-2020, 09:30 PM
صديق مهدى على صديق مهدى على
تاريخ التسجيل: 10-09-2009
مجموع المشاركات: 11018
حباب ودالمدير رجل على علاقه الكثير اخراج البلاد من الطوابير والزواحف القربت تطير اها المشتهى الحنيطر يطير ويقع فى البئر ويجد الجقر الكبير ابوحسين بالانجليزية أزمة الوطن الكبير المهم نرحب بود المدير فهو شر لا بد منه ما محتاج تفسير
06-22-2020, 01:06 AM
يحي قباني يحي قباني
تاريخ التسجيل: 08-20-2012
مجموع المشاركات: 18742
Quote: ويجد الجقر الكبير ابوحسين بالانجليزية أزمة الوطن الكبير
صديق مهدي العوير مالك حاشر ابو حسين القدير بين الجقر الكبير و ازمة الوطن الكبير كدي عاين وين القمر المنير حا تلقاني جنبو نور كبير ما تفتكرني زيك عوير دا تواضع الوزير البقعد مع الغفير و قوم لف يا شبه الحمير 😂😂😂😂😂😂😂😂😂 او على قولك هههههههههههههه
06-22-2020, 06:50 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22731
Quote: غايتو الحنسوك ما اخدو فينا اجر باقي نظرك دة احفضو لي مشي الخلا ماتجيب لينا كوبة
غايتو يا حفيض صلاح الزبير في أول مداخلة ليهو في بوست الهذبان، هذبان دي علي وزن هزيان، ذكرليهو مجموعة كدا إنت من ضمنها! أنا أكان لميت فيهو خلاف أموصلو الفطيرية ما بخلي. أي زول ما يجيبوهو لينا في الديوان فترة نقاهة لا يعتمد وترشيحه فاسد...
06-22-2020, 03:32 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
Quote: سعدنا والله بعودتك سالما معافاة ... وما دام داير تشرح الكلمات الصعبة اشرح لينا كلمة ابقصلكم.. وان شاء الله بيتكم ما اتكسر من العواصف القال عنها النصري ..
بنتنا إمتثال السعادة إن شاءللهتنكتبلك دنيا وآخرة.جيبيلنا بنتنا اللت أتبرا. هي معافا بالتنوين فتحتين علي الألف. هي بقص علي وزن فعل،وتكون غالباً في الطعام،بقص فلان من صحن الفول أي أخذ منه الشي القليل. وهي من نضمينا الدارج،يقولك أبقص الملاح دا شوية يعني أنقصه بعض الشي فهو كثير. فتبقى بقص زي نقص وهي فعل. فالبقص هو الأخذ اليسير من الطعام وغيره، الماعون دا مليتو شديد أبقصو في اللآخر...
ود عطبرة ،ود المدير صلحت الخطأ... أما بنتكم بت عطبرة فهي وبت السيد خاصمن المنبر ولكن بتاوقن مرة مرة ... وانا ذاتي بقيت اعاين ليهن المسنوحات بكبرياء ومن فوق خاصة بعد قريت كلام نادر الفضلي اليوم.. وهي قالت لي اليوم...مالك مفلهمة الليلة ....لازم في زول شكرك ..ههههههه
06-23-2020, 11:52 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
Quote: حمد الله على السلامة يا دكتور بركة المرقت من الجوائح واللوائح والكروت الصفرا الوزن دا كلو غير ايجابي: جمجرة - سمسرة - زمهرة - خرخرة....وانت ماشي على الغريق
هلا يا هلا ريحتك حديد ؤ نار 🔥وين مختفي عليك الله؟. يأخ كتر ليمن الدكترة دي لآمن الفارات الهنا ديل يأمنو زاتو بعدينك دكترة دي فيها فعللة يعني لآفقة معاي. سلم لي علي الوليدات والبلد الطيب يأخ...
06-24-2020, 04:50 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
Quote: هلا معاوية المدير نورت الحوش يا زول حبابك الف ياخ انا برضو سالت منك وحات الخوة حتى اسال جلال دا المهم البورد اختلت فيو الموازين وشايف الحلق بوزع ساكت لناس ولا عندهن اضنين ولا شعر والله يستر من الزومبي المهم مجاملات مجاملات مجاملات وغايتو بجي الصيف واللواري بتقيف
منعم يا صديق، بطل بلبصة بلآ سعلت بلآ زمزغة معاك. هو متين كان موزون السجم دا!!! إياها الحويلة المايلة دي من يوم جينا لكن في غيبتي دي كتروها. بس لا يسمعني سي الشي يدخلني التمنة تاني، الله يغتيني ؤ يستر علي...
06-24-2020, 04:51 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
Quote: هلا معاوية المدير نورت الحوش يا زول حبابك الف ياخ انا برضو سالت منك وحات الخوة حتى اسال جلال دا المهم البورد اختلت فيو الموازين وشايف الحلق بوزع ساكت لناس ولا عندهن اضنين ولا شعر والله يستر من الزومبي المهم مجاملات مجاملات مجاملات وغايتو بجي الصيف واللواري بتقيف
منعم يا صديق، بطل بلبصة بلآ سعلت بلآ زمزغة معاك. هو متين كان موزون السجم دا!!! إياها الحويلة المايلة دي من يوم جينا لكن في غيبتي دي كتروها. بس لا يسمعني سي الشي يدخلني التمنة تاني، الله يغتيني ؤ يستر علي...
06-24-2020, 06:16 AM
عبيد الطيب عبيد الطيب
تاريخ التسجيل: 08-31-2012
مجموع المشاركات: 1802
بَسْمَع حِسْ كلّابُن قُلْت: الجّوواغُيَّابُن!! النَّاس النَّطُّوا حِسابُن نَعَلْ طيبِين في رِقابُن نَضُنُّ بمثل هذا الغنا أحيانا حتي علي حنايانا،عندما يكون القلب ممحل "قهبونة" ووقَّة صيف تحياتي الأخ الكريم الفاضل معاوية المدير وعودا حميدا
06-25-2020, 01:35 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
Quote: قام قال لي جيب سيجارة .. قلت ما عندي والله هسسع طفيتها جيب سفة قلت ما بسف قال لي يعني العندك بلبصة بس ! ضحكت ضحك عدم فهم وغمغت بشئ ما ومشيت بفكر في معنى بلبصة :) سألت عمتي احسان قلت لها الببلصة دي يلقوها وين ؟ قالت لي البلبصة دي الا عند بوبي ..!
هههههههههههه😂 ما قالك الكنارة عشرة في سيجارة وفي رواية حـ........ صدقت عمتك إحسان، هسع المنبر بقى سايق البوباي...
06-25-2020, 01:39 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
نعمات عماد
علي عبدالوهاب عثمان
محمد على طه الملك
ABUHUSSEIN
جلالدونا
علاء سيداحمد
Yousuf Taha
عبدالحفيظ ابوسن
احمد حمودى
Kamal Alalla
عبدالمنعم الطيب حسن
HAIDER ALZAIN
محجوب البيلي
Ahmed Yassin
MOHAMMED ELSHEIKH
Hamid Elsawi
محمد عبد الله الحسين
Salah Zubeir
adil amin
صديق مهدى على
يحي قباني
عبيد الطيب
فيس بوك
تويتر
انستقرام
يوتيوب
بنتيريست