|
Re: مسّو نوركم .. تسجيل خرافي .. كرومة و سيد عبد (Re: يحي قباني)
|
Quote: إزيك يا قباني
ياخ الواحد قدر ما يقول تاني ما يقول بغم فى سودانيزاونلاين دى ويقرر يفارقها فراق الطريفي لى جملو
تاني تجي انت تتسلط على وتجيبني صاد
ما مشكلة نعتبرها غشوة ساى ب الغلت
السبب هو أني ضعيف جدا قدام عبد الكريم ده هو وعثمان حسين ما بقدر اصمد قدام اى شى عنهم
فعلا ده تسجيل فريد فى نوعه قياسا بوضوح ونقاء صوت الاسطوانات الاتسجلت فى الفترة ديك
التسجيل ده تم فى سنة 29 في أول زيارة لكرومة لمصر
والزيارة التانية بعدها كانت فى سنة 31 ودى الكان معاه فيها سرور وبرهان وكل اتنين كانو بكونو هم الشيالين لما يغني ويسجل اى واحد من التلاوة
كرومة سجل فيها صدر المحافل وسرور سجل برضي ليك المولي الموالي وبرهان سجل يا عيني وين تلقي المنام
اى تسجيل تلقي فيه التلاتة ديل هو من تسجيلات سنة 31 وأهم ملاحظة فيه أنه ما كان فى أى آلة موسيقية فى كل الأغنيات الاتسجلت
الزيارة التالتة لكرومة وكان معاه عمر البنا و على أبو الجود
وأهم حدث في الزيارة دى كانت مشاركة المبدع العبقري عازف السودان الأول السر عبد الله وكل أغنيات كرومة الفيها كمنجة السر العجيبة اتعملت فى الرحلة دى السر عبد الله أيامها كان بدرس الموسيقي فى معهد فؤاد الأول
كرومة سجل زهرة الروض الظليل كلمات عمر البنا و دمعة الشوق كلمات بطران و امتى ارجع ل امدر واعودا برضو كلمات عمنا عمر
ودى الرحلة الفيها سرور سجل ايقونته البديعة الفي دلالة والسر عبد الله المدهش ما اشتغل فيها على الكمنجة لكن عزف قربة الاسكوتش ولا أحرف سيرجنت اسكتنلدى فى جيش صاحبة الجلالة بقدر يعزفها كده زى ما السر عمل فى الفي دلالو
ومعاها برضو سرور سجل زمن الربيع و اطرد الأحلام
ياخ قومت نفسي
عليك الله يا قباني تاني ما تجيب سيرة الكروان ده
انا المحل ده خليتو نهائي |
ابا ذر الرجل المرهف ...
تمش و تغيب ليه يا رجل يا جميل ...
و عليك ربك سمعت تسجيل بالنضافة دي ؟
انا شخصيا اول مره اسمع التسجيل النضيف ده ...
و خليك قريب .. لانه جاري البحث عن البقية الباقية و ان شاء الله قريب ...
|
|
|
|
|
|
|
العنوان |
الكاتب |
Date |
مسّو نوركم .. تسجيل خرافي .. كرومة و سيد عبد العزيز | يحي قباني | 06-17-20, 02:21 PM |
Re: مسّو نوركم .. تسجيل خرافي .. كرومة و سيد عبد | يحي قباني | 06-17-20, 02:50 PM |
Re: مسّو نوركم .. تسجيل خرافي .. كرومة و سيد عبد | يحي قباني | 06-17-20, 03:11 PM |
Re: مسّو نوركم .. تسجيل خرافي .. كرومة و سيد عبد | صديق مهدى على | 06-17-20, 06:03 PM |
Re: مسّو نوركم .. تسجيل خرافي .. كرومة و سيد عبد | أبوذر بابكر | 06-17-20, 06:16 PM |
Re: مسّو نوركم .. تسجيل خرافي .. كرومة و سيد عبد | علي عبدالوهاب عثمان | 06-17-20, 07:00 PM |
Re: مسّو نوركم .. تسجيل خرافي .. كرومة و سيد عبد | يحي قباني | 06-18-20, 06:55 PM |
Re: مسّو نوركم .. تسجيل خرافي .. كرومة و سيد عبد | يحي قباني | 06-19-20, 01:13 AM |
Re: مسّو نوركم .. تسجيل خرافي .. كرومة و سيد عبد | يحي قباني | 06-21-20, 04:30 AM |
Re: مسّو نوركم .. تسجيل خرافي .. كرومة و سيد عبد | يحي قباني | 06-21-20, 04:36 AM |
Re: مسّو نوركم .. تسجيل خرافي .. كرومة و سيد عبد | يحي قباني | 06-22-20, 01:08 AM |
Re: مسّو نوركم .. تسجيل خرافي .. كرومة و سيد عبد | ABUHUSSEIN | 06-22-20, 01:52 AM |
Re: مسّو نوركم .. تسجيل خرافي .. كرومة و سيد عبد | يحي قباني | 06-23-20, 01:04 AM |
|
|
|