Post: #1
Title: هجرة جديدة للشقيقة Guyana . غويانا فتحت .. قروش زي الرز
Author: Osman Musa
Date: 06-15-2020, 10:50 AM
Parent: #0
10:50 AM June, 15 2020 سودانيز اون لاين
Osman Musa-
مكتبتى
رابط مختصر
يا شباب قولوا وداعا للخليج .
غويانا البلد الكان مجهول .
فتحت معاو.
شركة ExxonMobil اكتشفت فيه أضخم احتياطات نفطية
في العالم .
والشقيقة غويانا حسب كلام المقزينات والصحف الأمريكية المهتمة
بالزيت . قالت من هنا ولي قدام . حتاكل باسطة بس .
يا شباب للمعلومية عشان بعد تصلوا غويانا للعمل
والقعاد .
الجو في غويانا ممتاز والدولة جارة فنزويلا
وسورينام والبرازيل . ومقيمين فيها مجموعة
كبيرة من اللبنانيين والسوريين .
اللغة الرسمية هي اللغة الانجليزية. وفي الصحة
والتعليم تتبع السيستم البريطاني.
|
Post: #2
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-15-2020, 11:18 AM
Parent: #1
غويانا اخدت استقلالها من بريطانيا سنة 1966
وبالمناسبة الشركة البريطانية القامت بتجارب زراعة القطن عندنا
في الزيداب سنة 1899.
هي نفس الشركة البريطانية القامت بتجارب زراعة القطن في
غويانا . وفي سنة 1912 تم انتداب مزارعين سودانيين
من الزيداب عبر لندن لتعليم الغوايانيين تجارب الزراعة
وتعليم فرز الأقطان .
علي كل حال البلد دي فتحت والهلل قالوا مشتت
في الشارع .
|
Post: #3
Title: Re: هجرة جديدة للشقيقة Guyana . غويانا فتحت .
Author: محمد على طه الملك
Date: 06-15-2020, 11:58 AM
Parent: #2
غايتو يا مك كنت بتكون افضل وزير تجارة سوداني ..
وناجح في تسويق منتجاتنا البسوقوها المصريين والخليجيين باسمائهم .
|
Post: #4
Title: Re: هجرة جديدة للشقيقة Guyana . غويانا فتحت .
Author: محمد عبد الماجد الصايم
Date: 06-15-2020, 12:11 PM
Parent: #3
يا عمكـ دا كلام كويس ..
أها عندهم لوتري ولا ندقش سفارتهم مباشرة؟
|
Post: #5
Title: Re: هجرة جديدة للشقيقة Guyana . غويانا فتحت .
Author: Mohd Ibrahim
Date: 06-15-2020, 01:18 PM
Parent: #4
عثمان اخوي انت سلوكك شكلها ضربت مع الكورونا ..اكسيوم دي مشت زمان وموضوع النفط دي بقي مستحمي عشان موضوع التكلفة... اكتر بترول رخيس السعودي التكلفة لاتتجاوز 3 دولار ..هسي فنزويلا جاره غوانا دي مليانة نفط لكن تكلفة انتاجو مابتغطي سعرو ..عشان كدا فنزويلا طلعت من السوق وافلست وكذلك طلع البترول الصخري التكلفتو بتاعت الاستخراج بتحصل 40 دولار ...حتي لبنان لقو فيها حقل بحري ضخم دفنو في محلو ..غايتو الا كان فيها شيتن تاني جو وخضرة وماء ووجه حسن (ههههههه) ..
|
Post: #10
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-15-2020, 01:53 PM
Parent: #4
أخونا محمد ع الصايم
سلام
انت الحكاية هناك حتكون معاك كاربة جدا .
بعدين عندهم عصيدة عيش ريف ابولستك
وعندهم منقة .
ههههههه
وبعد ين 6 ألف دولار في الشهر معاك كويسين
السكن والأكل وقمرالدين حسابهم كلو ما
بعدي الفين دولار .
باقي ليك أربعة ألف دولار توفير شهري
داير تموت ؟
|
Post: #6
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-15-2020, 01:23 PM
Parent: #3
مولانا أستاذ محمد طه الملك سلامات
يا ريت يسمحولينا نساعد في رفع الوطن
من الجكنة .
ديل يا استاذ افندية بلا تجارب
وبلا همة .
الواحد فيهم ما بكون عارف
يدقق ربع الفيتريتا في الطاحونة بي كم
ولا عارف قيمة منتج واحد من منتجاتنا
سعرو كم في سوق خضار ( ابتوم بارك في
شرق لندن )
السودان ممكن ينهض بسرعة خيالية لو
الافندية خلوها الفلهمة واستقاموا .
..
علي كل حال بلد الهجرة الجديدة دي
اكيد بتكون محتاجةلمكاتب
قانونيين عرب لمساعدة المهاجرين
العرب في الحصول علي الاقامة .
وكل ما تمشي بدري كلما كان المكسب
اكبر . تفتح مكتب ترجمة للهجرة .
دي شغلة فيها مال أحمر .
تحياتي
|
Post: #7
Title: Re: هجرة جديدة للشقيقة Guyana . غويانا فتحت .
Author: Abureesh
Date: 06-15-2020, 01:40 PM
Parent: #6
الناتج القومى GDP سيرتفع 85.% مما هو عليه الان
عددهم أقل من مليون
الدخل السنوى سيكون 20 بليون دولار
الشركة الأمريكية بدأت الضخ
|
Post: #13
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-15-2020, 05:25 PM
Parent: #7
أخونا ابوالريش سلام
سمعنا زمان قالوا البترول في جوف الأرض
ممكن يرحل من مكان لي مكان .
يهاجر . احتمال كبير رحل من فينزولا .
وبرضو . معناتو . كتير من دول المنطقة مليانة.
الزيت أصبح في متناول ايادي الامريكتين و uk وجزر الكاريبي.
زباين من كل الاتجاهات .
حظهم يا ابوالريش .
الناس ديل مساكين . المهاجرين منهم المقيمين في .
بروكلن في منطقة فلات بوش وفولتن كلهم حيرجعوا .
|
Post: #8
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-15-2020, 01:42 PM
Parent: #6
أخونا مو سلامات
أظنك انت قاعد في التندة يا اخوي .
شوف الشركات الأمريكية البتطلع البترول في العالم
هي البتحدد سياسة امريكا .
فنزويلا قطعت حبل الطاعة ودايرين يلجموها .
والسعودية وجاراتها انت براك شايف اللجام والصريمة
والصرار . ( تعرف والصرار) ؟
ExxonMobil ياخوي وشيفرون هم بطانة السياسة
الأمريكية وهم أهل الجلد والرأس.
دحين يا اخوي عليك الله وانت زول صاحب .
ما تخليك
دايش زي وزير ماليتنا .
خليك تفتيحة . وخلينا
نرسل ليك ابلكيشن هجرة إلي الشقيقة غويانا .
|
Post: #9
Title: Re: هجرة جديدة للشقيقة Guyana . غويانا فتحت .
Author: Mohd Ibrahim
Date: 06-15-2020, 01:51 PM
Parent: #8
| Quote: نرسل ليك ابلكيشن هجرة إلي الشقيقة غويانا . |
منطقتني منطيقة شديدة ..طيب ذي ماقال ود الصاوي عندهم لوتري ولا ندقش السفارة ساي
|
Post: #15
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-15-2020, 08:50 PM
Parent: #9
يا أخ مو
من دربك ده تقوم تدقش السفارة.
انت عايش في ياتو بلد ؟
|
Post: #27
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-16-2020, 06:51 PM
Parent: #3
Guyana محظوظة بموقعها الرهيب للتجارة
بلد فاتحة في الاتلانتك اوشن وجارة للعديد من الدول الصناعية
الغنية والمحتاجة للنفط.
|
Post: #11
Title: Re: هجرة جديدة للشقيقة Guyana . غويانا فتحت .
Author: walid taha
Date: 06-15-2020, 02:36 PM
Parent: #1
Quote: فيها مجموعة
كبيرة من اللبنانيين والسوريين . |
هلموا قبلما (ليبيا تفتح) :)
|
Post: #12
Title: Re: هجرة جديدة للشقيقة Guyana . غويانا فتحت .
Author: Asim Ali
Date: 06-15-2020, 04:37 PM
Parent: #11
سلام عليكم
قويانا دى مش احضانها ترينداد وتوباغو ؟
ت و ت عندها الغاز لكن ماظاهر عليها القصه كلها بيتبقى فى جيب الشركات
|
Post: #18
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-16-2020, 07:37 AM
Parent: #12
أخونا عاصم سلام
عان جاي
غويانا الفرنسية المجدوعة في الخريطة تحت ديك
ما تشتغل بيها . ديك لسع ما فيها الحبة وكانت مستعمرة
فرنسية .
نحنا بلدنا البنتكلم عنها هي غويانا الانجليزية .
دي بلد الزيت.
بلد جميلة تفتح طوالي في ال Atlantic ocean
بعد الاستقلال سموها جمهورية غويانا التعاونية .
المهاجرين الغويانيين التجار منهم المقيمين في نيويورك
كانوا زمان في مانهاتن زبايني .
كانوا بيشتروا مننا الجينز بالجملة
ويمشوا يبيعوهو في ال flea market
وعندهم جالية ضخمة في منطقة فلات بوش
وهم شعب طيب ومرح وتفتيحة .
|
Post: #24
Title: Re: هجرة جديدة للشقيقة Guyana . غويانا فتحت .
Author: Asim Ali
Date: 06-16-2020, 12:27 PM
Parent: #18
Quote: عان جاي
غويانا الفرنسية المجدوعة في الخريطة تحت ديك
ما تشتغل بيها . ديك لسع ما فيها الحبة وكانت مستعمرة
فرنسية .
نحنا بلدنا البنتكلم عنها هي غويانا الانجليزية .
دي بلد الزيت.
بلد جميلة تفتح طوالي في ال Atlantic ocean
بعد الاستقلال سموها جمهورية غويانا التعاونية .
المهاجرين الغويانيين التجار منهم المقيمين في نيويورك
كانوا زمان في مانهاتن زبايني .
كانوا بيشتروا مننا الجينز بالجملة
ويمشوا يبيعوهو في ال flea market
وعندهم جالية ضخمة في منطقة فلات بوش
وهم شعب طيب ومرح وتفتيحة . |
ياعثمان عارفها كويس وعندى صديقه ناشظه سياسيه من هناك اما الفرنسيه فهى فعلا الطرف التانى شرق سورينام .
بمناسبه الهنود عندهم وجود ملحوظ هناك.
غايتو من كلامك دا الواحد يسال يعرف ظروف البلد ماشه كيف .مابغيد تكون خيار مع البلد البقت مامفهوم ماشه وين دى .
|
Post: #30
Title: Re: هجرة جديدة للشقيقة Guyana . غويانا فتحت .
Author: جعفر محي الدين
Date: 06-17-2020, 11:08 AM
Parent: #18
حبيبنا عثمان
والجمع الطيب
السلام عليكم ورحمة الله وعساكم طيبين
وإن شاء الله يجي يوم تبشر عن سوداننا الجديد
وغويانا نفر
|
Post: #32
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-17-2020, 06:21 PM
Parent: #30
أخونا جعفر محي الدين
سلامات
ومشكور علي المرور الكريم .
منتظرنك في تجربة هجرتك الثانية .
في بلاد الاتلانتك اوشن.
بلاد الزيت و الدينيرو .
تحياتي
|
Post: #14
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-15-2020, 07:06 PM
Parent: #11
أخونا وليد طه سلام
يازول أسرع قبل ما هنود وبنغلاديش لندن يكبسوا
علي،Guyana .
طبعا ديل اشطن من الانجليز أهل البلد .
وعندهم جنسيات بريطانية .
دحين أسرع تعال .
هنود لندن و هنود دبي ديل
اسرع ناس في اتخاذ قرار الرحيل .
يازول تعال شوف ليك ناصية في قلب العاصمة
اعملها مكتب ريل استيت.
طبعا المهاجرين الجداد بكونوا محتاجين سكن
ومكاتب ومطاعم وعيادات .
اها الكع .
|
Post: #16
Title: Re: هجرة جديدة للشقيقة Guyana . غويانا فتحت .
Author: امتثال عبدالله
Date: 06-15-2020, 09:11 PM
Parent: #14
محمد
ما اظن تلقى سفارتهم في أي دولة عربية أو افريقية...وعشان كده ، وبعد الكرونا تنتهي اركب الطيارة وحيدوك التأشيرة في المطار..
ولمن نقول بعد الكرونا تنتهي، يعني بعد سنتين ثلاثة، يعني بعد بترولهم يخلص ويفلسوا ...
|
Post: #17
Title: Re: هجرة جديدة للشقيقة Guyana . غويانا فتحت .
Author: Mohd Ibrahim
Date: 06-16-2020, 06:21 AM
Parent: #16
Quote: يازول أسرع قبل ما هنود وبنغلاديش لندن يكبسوا
علي،Guyana .
طبعا ديل اشطن من الانجليز أهل البلد .
وعندهم جنسيات بريطانية .
دحين أسرع تعال .
هنود لندن و هنود دبي ديل
اسرع ناس في اتخاذ قرار الرحيل . |
ياعثمان اخوي انت هناك مشيت سباحة ولا كيف ؟؟؟
|
Post: #21
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-16-2020, 09:13 AM
Parent: #17
يا مو
اي سباحة.
ياخ انا من محافظة النيل لازم نتعلم السباحة
في وكر التماسيح .
|
Post: #19
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-16-2020, 07:48 AM
Parent: #16
يا امتثال
الكورونا الله يقطعها . فقط الجهات الصحية
هي البتحدد متين وبعد كم من الزمن الحياة
ترجع زي ما كانت .
والحياة ما حتقيف .
علي كل حال لو احتجتي تمشي غويانا
فسحة . او رحلة استكشافية بوريك الدرب .
واشجعك علي الاكتشاف .
عموما هي بلد لقطة .
|
Post: #20
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-16-2020, 07:52 AM
Parent: #19
اهم شي نقلع أخونا محمد الصايم
من الرياض
الي الاتلانتك اوشن.
|
Post: #22
Title: Re: هجرة جديدة للشقيقة Guyana . غويانا فتحت .
Author: امتثال عبدالله
Date: 06-16-2020, 11:39 AM
Parent: #20
يا عثمان
انا ما بثق الا في العلماء الالمان ،،،وانت عارف ان العلماء الالمان هم سبب التقدم الاقتصادي والعسكري
في امريكا وهم الذين صنعوا القنبلة الذرية وصنعوا اقوى سيارات في العالم ،المرسيدس،وصنعوا اقوى
دبابات في العالم ،،اما في الطب والصيدلة فحدث ولا حرج ...وادويتهم هي الافضل في العالم ،،،
ولمن علماء واطباء المانيا يقولوا ليك ان الكرونا ما حتروح الا بعد سنتين على الاقل،،فصدق طوالي،،،
والله يبعد عنكم شر الكرونا ،،،
واستحملوا كلها matter of time,,
ونحن في انتظار المنحة المالية الترامبية الثانية ١٢٠٠ دولار ،،،
بس اوع تقول في نفسك يا ربي ما تكون اكثر من سنتين !!!ههههههههه.
|
Post: #23
Title: Re: هجرة جديدة للشقيقة Guyana . غويانا فتحت .
Author: محمد عبد الماجد الصايم
Date: 06-16-2020, 12:23 PM
Parent: #22
Quote: اهم شي نقلع أخونا محمد الصايم
من الرياض
الي الاتلانتك اوشن. |
بسسسسس .. دي النجيضة ..
يا عمكـ المطار دا يفتح كـدا طوالي نشوف درب غوايانا دي!!
إنت وامتثال أدونا القايد بس ..
|
Post: #25
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-16-2020, 12:47 PM
Parent: #23
عظيمين والله اخوانا اليمنيين
اليومين دي كلهم كاسرين علي غويانا
وعندهم فلوس وهم أهل التجارة والفهم وركوب المخاطر .
واكيد مافي حلاوة بدون نار .
و مافي ربح دون خسارة .
|
Post: #26
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-16-2020, 03:45 PM
Parent: #23
وكمان يا ود الصايم
بس بي إقامتك حقت السعودية .
ما عليك إلا خطاب اجازة باللغة الانجليزية يكون معاك في الشنطة.
و صورة من كشف حسابك .
بعدها انقر في عمك قوقل يديك كم فندق في
جورج تاون العاصمة .
تختار الفندق السعرو كويس
تقوم تتصل بالفندق ترسل ليهم حق سبعة أيام
ولازم تستلم منهم إيصال . طبعا بتكون محدد
التاريخ حق الفندق مع تاريخ تذكرة السفر
الاوراق دي كلها بتكون معاك عشان تاخد بعد وصولك
التأشيرة .
في تجوالك في المدينة حتلاقي عرب من كل البلاد
وبعدها انت وحنكك و حظك . الشغل راقد .
في البداية لابد من الملطشة . بس تصبر .
ومن هسع تحاول تجمع معلومات عن البلد
|
Post: #28
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-17-2020, 03:43 AM
Parent: #26
اكتر شركات طيران للسفر ل guyana هي البريطانية
وال KLM .
|
Post: #29
Title: Re: هجرة جديدة للشقيقة Guyana . غويانا فتحت .
Author: walid taha
Date: 06-17-2020, 08:47 AM
Parent: #1
فيها مطاعم سودانية يا عسمان؟ :)
|
Post: #31
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-17-2020, 04:02 PM
Parent: #29
أخونا الوليد طه
العارفو فيها مطعم ومخبز عراقي .
|
Post: #33
Title: Re: هجرة جديدة للشقيقة Guyana . غويانا فتحت .
Author: محمد عبد الماجد الصايم
Date: 06-18-2020, 10:22 AM
Parent: #31
Quote: سلامات عثمان والمشاركين هنا وناس فوق. انا بديت بحث من امبارح عن الدولة دي. حاملي الجوازات الاوربية بحتاجة فيز؟؟
|
الكلام دا من الشباكـ التحت يا عمو عثمان 
ضايقني شديد والله ..
يا عمكـ إنت مادام عندكـ جواز أوروبي مداقرنا مالكـ 
|
Post: #34
Title: Re: هجرة جديدة للشقيقة Guyana . غويانا فتحت .
Author: Osman Musa
Date: 06-18-2020, 04:54 PM
Parent: #33
أخونا محمد الصايم
سلام
هههههههه
عمك التحت ضايقك ؟
عمك بكون زهج من الكنتاكي .
|
|