|
|
|
 Re: هجرة جديدة للشقيقة Guyana . غويانا فتحت . (Re: Osman Musa)
|
غويانا اخدت استقلالها من بريطانيا سنة 1966
وبالمناسبة الشركة البريطانية القامت بتجارب زراعة القطن عندنا
في الزيداب سنة 1899.
هي نفس الشركة البريطانية القامت بتجارب زراعة القطن في
غويانا . وفي سنة 1912 تم انتداب مزارعين سودانيين
من الزيداب عبر لندن لتعليم الغوايانيين تجارب الزراعة
وتعليم فرز الأقطان .
علي كل حال البلد دي فتحت والهلل قالوا مشتت
في الشارع .
| |
  
|
|
|
|
|
|
|
|
Re: هجرة جديدة للشقيقة Guyana . غويانا فتحت . (Re: محمد عبد الماجد الصايم)
|
عثمان اخوي انت سلوكك شكلها ضربت مع الكورونا ..اكسيوم دي مشت زمان وموضوع النفط دي بقي مستحمي عشان موضوع التكلفة... اكتر بترول رخيس السعودي التكلفة لاتتجاوز 3 دولار ..هسي فنزويلا جاره غوانا دي مليانة نفط لكن تكلفة انتاجو مابتغطي سعرو ..عشان كدا فنزويلا طلعت من السوق وافلست وكذلك طلع البترول الصخري التكلفتو بتاعت الاستخراج بتحصل 40 دولار ...حتي لبنان لقو فيها حقل بحري ضخم دفنو في محلو ..غايتو الا كان فيها شيتن تاني جو وخضرة وماء ووجه حسن (ههههههه) ..
| |
|
|
|
|
|
|
|
|
|
Re: هجرة جديدة للشقيقة Guyana . غويانا فتحت . (Re: محمد على طه الملك)
|
مولانا أستاذ محمد طه الملك سلامات
يا ريت يسمحولينا نساعد في رفع الوطن
من الجكنة .
ديل يا استاذ افندية بلا تجارب
وبلا همة .
الواحد فيهم ما بكون عارف
يدقق ربع الفيتريتا في الطاحونة بي كم
ولا عارف قيمة منتج واحد من منتجاتنا
سعرو كم في سوق خضار ( ابتوم بارك في
شرق لندن )
السودان ممكن ينهض بسرعة خيالية لو
الافندية خلوها الفلهمة واستقاموا .
..
علي كل حال بلد الهجرة الجديدة دي
اكيد بتكون محتاجةلمكاتب
قانونيين عرب لمساعدة المهاجرين
العرب في الحصول علي الاقامة .
وكل ما تمشي بدري كلما كان المكسب
اكبر . تفتح مكتب ترجمة للهجرة .
دي شغلة فيها مال أحمر .
تحياتي
| |
|
|
|
|
|
|
|
|
|
Re: هجرة جديدة للشقيقة Guyana . غويانا فتحت . (Re: Abureesh)
|
أخونا ابوالريش سلام
سمعنا زمان قالوا البترول في جوف الأرض
ممكن يرحل من مكان لي مكان .
يهاجر . احتمال كبير رحل من فينزولا .
وبرضو . معناتو . كتير من دول المنطقة مليانة.
الزيت أصبح في متناول ايادي الامريكتين و uk وجزر الكاريبي.
زباين من كل الاتجاهات .
حظهم يا ابوالريش .
الناس ديل مساكين . المهاجرين منهم المقيمين في .
بروكلن في منطقة فلات بوش وفولتن كلهم حيرجعوا .
| |
|
|
|
|
|
|
|
|
|
Re: هجرة جديدة للشقيقة Guyana . غويانا فتحت . (Re: Osman Musa)
|
أخونا مو سلامات
أظنك انت قاعد في التندة يا اخوي .
شوف الشركات الأمريكية البتطلع البترول في العالم
هي البتحدد سياسة امريكا .
فنزويلا قطعت حبل الطاعة ودايرين يلجموها .
والسعودية وجاراتها انت براك شايف اللجام والصريمة
والصرار . ( تعرف والصرار) ؟
ExxonMobil ياخوي وشيفرون هم بطانة السياسة
الأمريكية وهم أهل الجلد والرأس.
دحين يا اخوي عليك الله وانت زول صاحب .
ما تخليك
دايش زي وزير ماليتنا .
خليك تفتيحة . وخلينا
نرسل ليك ابلكيشن هجرة إلي الشقيقة غويانا .
| |
|
|
|
|
|
|
|
|
|
Re: هجرة جديدة للشقيقة Guyana . غويانا فتحت . (Re: Asim Ali)
|
أخونا عاصم سلام
عان جاي
غويانا الفرنسية المجدوعة في الخريطة تحت ديك
ما تشتغل بيها . ديك لسع ما فيها الحبة وكانت مستعمرة
فرنسية .
نحنا بلدنا البنتكلم عنها هي غويانا الانجليزية .
دي بلد الزيت.
بلد جميلة تفتح طوالي في ال Atlantic ocean
بعد الاستقلال سموها جمهورية غويانا التعاونية .
المهاجرين الغويانيين التجار منهم المقيمين في نيويورك
كانوا زمان في مانهاتن زبايني .
كانوا بيشتروا مننا الجينز بالجملة
ويمشوا يبيعوهو في ال flea market
وعندهم جالية ضخمة في منطقة فلات بوش
وهم شعب طيب ومرح وتفتيحة .
| |
|
|
|
|
|
|
|
|
 Re: هجرة جديدة للشقيقة Guyana . غويانا فتحت . (Re: Osman Musa)
|
Quote: عان جاي
غويانا الفرنسية المجدوعة في الخريطة تحت ديك
ما تشتغل بيها . ديك لسع ما فيها الحبة وكانت مستعمرة
فرنسية .
نحنا بلدنا البنتكلم عنها هي غويانا الانجليزية .
دي بلد الزيت.
بلد جميلة تفتح طوالي في ال Atlantic ocean
بعد الاستقلال سموها جمهورية غويانا التعاونية .
المهاجرين الغويانيين التجار منهم المقيمين في نيويورك
كانوا زمان في مانهاتن زبايني .
كانوا بيشتروا مننا الجينز بالجملة
ويمشوا يبيعوهو في ال flea market
وعندهم جالية ضخمة في منطقة فلات بوش
وهم شعب طيب ومرح وتفتيحة . |
ياعثمان عارفها كويس وعندى صديقه ناشظه سياسيه من هناك اما الفرنسيه فهى فعلا الطرف التانى شرق سورينام .
بمناسبه الهنود عندهم وجود ملحوظ هناك.
غايتو من كلامك دا الواحد يسال يعرف ظروف البلد ماشه كيف .مابغيد تكون خيار مع البلد البقت مامفهوم ماشه وين دى .
| |
|
|
|
|
|
|
|
|
|
Re: هجرة جديدة للشقيقة Guyana . غويانا فتحت . (Re: walid taha)
|
أخونا وليد طه سلام
يازول أسرع قبل ما هنود وبنغلاديش لندن يكبسوا
علي،Guyana .
طبعا ديل اشطن من الانجليز أهل البلد .
وعندهم جنسيات بريطانية .
دحين أسرع تعال .
هنود لندن و هنود دبي ديل
اسرع ناس في اتخاذ قرار الرحيل .
يازول تعال شوف ليك ناصية في قلب العاصمة
اعملها مكتب ريل استيت.
طبعا المهاجرين الجداد بكونوا محتاجين سكن
ومكاتب ومطاعم وعيادات .
اها الكع .
| |
|
|
|
|
|
|
|
|
|
Re: هجرة جديدة للشقيقة Guyana . غويانا فتحت . (Re: Osman Musa)
|
يا عثمان
انا ما بثق الا في العلماء الالمان ،،،وانت عارف ان العلماء الالمان هم سبب التقدم الاقتصادي والعسكري
في امريكا وهم الذين صنعوا القنبلة الذرية وصنعوا اقوى سيارات في العالم ،المرسيدس،وصنعوا اقوى
دبابات في العالم ،،اما في الطب والصيدلة فحدث ولا حرج ...وادويتهم هي الافضل في العالم ،،،
ولمن علماء واطباء المانيا يقولوا ليك ان الكرونا ما حتروح الا بعد سنتين على الاقل،،فصدق طوالي،،،
والله يبعد عنكم شر الكرونا ،،،
واستحملوا كلها matter of time,,
ونحن في انتظار المنحة المالية الترامبية الثانية ١٢٠٠ دولار ،،،
بس اوع تقول في نفسك يا ربي ما تكون اكثر من سنتين !!!ههههههههه.
| |
|
|
|
|
|
|
|
|
|
Re: هجرة جديدة للشقيقة Guyana . غويانا فتحت . (Re: محمد عبد الماجد الصايم)
|
وكمان يا ود الصايم
بس بي إقامتك حقت السعودية .
ما عليك إلا خطاب اجازة باللغة الانجليزية يكون معاك في الشنطة.
و صورة من كشف حسابك .
بعدها انقر في عمك قوقل يديك كم فندق في
جورج تاون العاصمة .
تختار الفندق السعرو كويس
تقوم تتصل بالفندق ترسل ليهم حق سبعة أيام
ولازم تستلم منهم إيصال . طبعا بتكون محدد
التاريخ حق الفندق مع تاريخ تذكرة السفر
الاوراق دي كلها بتكون معاك عشان تاخد بعد وصولك
التأشيرة .
في تجوالك في المدينة حتلاقي عرب من كل البلاد
وبعدها انت وحنكك و حظك . الشغل راقد .
في البداية لابد من الملطشة . بس تصبر .
ومن هسع تحاول تجمع معلومات عن البلد
| |
|
|
|
|
|
|
| |
Osman Musa
محمد على طه الملك
محمد عبد الماجد الصايم
Mohd Ibrahim
Abureesh
walid taha
Asim Ali
جعفر محي الدين
فيس بوك
تويتر
انستقرام
يوتيوب
بنتيريست