● أولن في التبادي نط فردتو أﺑﻮ ﺷﺎﻣﺔ يهتف بالأوطان : و كان في قلولبنا غضب بركان .. و كان القرشييي شهيدنا الأول.. و ما بنتحوَّل.. بلدنا بلدنا بلدنا بنتبناها .. و (نسقط) دونها شهيداً تلوَ شهيدٍ و سوف لن ﺗﻄﺄ زعفران ترابها الطاهر كدارين مشركينَ نجَس بشتتو بولم فوق ركبينم ساي؛ ﻭ ﻧﺤﻦ نعاين.. إذن ، ورايو: " يزول ﺍﻟﻘﺮﺍﻱ مثنى فثُلاثَ و رُباعَ" !!
05-26-2020, 10:26 PM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13791
● أبو مصعب الزﺭﻗﺎﻭﻱ ﻗﺎﻝ: ﻟﻦ يقطف أولئك ﺍلكفرةُ الفجرةُ و لو ثمرةً من دليبنا و لن يضوقو و لو كِسرةً من ﺧﺒﺰﻧﺎ ﺍﻟﻤﺪﻋﻮﻡ بمعونة ( عيش ريغن ). قال نأكل مما نزرع قال و نلبس مما نحلج لننسج فنصنع. قام ﻭﺩ ﺣﻤﺰﺓ ﻗﺎﻝ: تباً لهم ..ثم أخَّن تُفَّاً على خِلقهم ؛ ﻛﻤﺎﻥ ﺟﺎيبين لينا ﺯﻧﺪﻳﻘﺔ لحد هنا !! يا حليلكم عبد القادر الحبوب.. و علي عبد اللطيف!!
● ﻓﺘﺢ ﺍلعليم ﺟَﺒِﺪ من جانبه ﻛﺘﺐ لُجَّاغ ﻛﻼﻣﻮ الملتَّق ﻛﺎﻣﻞ ﺍﻟﺪﺳﻢ لامن دهنو ينقط بي كيعانو ﺩﺍﻙ ﻭ ﻣﻌﺎﻭ كمان ﻗﺼﻴﺪﺓ خارم بارم منسوبة زورن و بُهتانن للراحل ﺤِﻤَّﻴﺪ.بس أكيد ﺣِﻤَّﻴﺪ ظاﺗﻮ لو انبعث من مرقده ﻣﺎ ح يكون ﻓارز منها و لا الدقعة .
05-27-2020, 07:44 AM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13791
● و قال ﻣﺠﺎﻫﺪ تنا قتادة عن جاغوم بن بلاع ، لا رضوان من الله عليهم و لا جاب باقيهم , قال : ﻋﻨﺪﻣﺎ ﺗﻤﻄﺮ السماءُ ذهباً ﻓﻲ عدن النيل اللزرق بأرض المحنة .. و في قلب الجزيرة .. برسل للمسافر أشواقي الكتيرة، حتى ﺗﺘﻌﺎﻧﻖ أﻭﺭﺍﻕ ﺍﻟﻨﻌﻨﺎﻉ في ناس أم صفقن عوراض ، تبع ريفي (حشرو عباس )!!!
● الشاهد: ﻳﺎ ﺯﻭﻝ ﺍلشغلانة ﺟﺎيطة ﺷﺪﻳﺪ: شيء ﻓﺘﺎﻭى كطِع أخدر ما أنزل الله بها من سلطان.. ﻭ ﺍلبختك بين شاخصين كخيارين أحلاهما مرٌّ من قبيل: ﻫﻞ تؤيد بقاء أم (بلَلان) القراي!!؟ أو: هل أنت مع أﻡ ﺿِﺪ ﺩﺧﻮﻝ ﺍﻷﺟﺎﻧﺐ لبلد ﺍﻟﺼﻬﺮﻳﺠﻴﻦ "أرض البطولاتِ.. و ميلاد الحضاراتِ".و ﻧﺎﺱ ﻛﺘار ﻛضبو الوهمة من أساسا . تمامن ﺯﻱ ﻣﺎ أبوا الاعتراف بحقيقة تفشي (ﻛﺮﻭﻧة ) ﻭ ﻗﺎﻟﻮﺍ: ﻣﺎﻓﻲ سماً عقَب النار و لاﺧﻮﺍﺟﺎﺕ ﺑﺠﻮنا، ﻛﻀﺐ ﺳﺎﻱ شن بجيبُن من أم ﺮﻳﻜﺎ ﻭ ﻳﺠﻮنا ﻟﺴﺨﺎﻧﺔ تلحم؟! ياخ دا كلها فراراﺕ من بني كوزان ﻛﺮوﻫﻨﺎ زاتو طق الحنك جلوساً على منصات التناصل اللا-اجتماعي، لكن تاني يضوقوها قدحة.
05-27-2020, 08:19 AM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13791
《 فلاش بااااك》 ● تعود أسباب مجيء الخواجات أصلن اتصال بالخطأ من أحدهم على واحد خواجة طلع ﻣﺪﻳﺮ ﻣﻜﺘﺐ ﺑﻌﺜﺔ ﺍﻻﻣﻢ ﺍﻟﻤﺘﺤﺪﺓ ﺍﻟﺘﻰ ﻃﻠﺒﻬﺎ السيد / حمدوك ﻟﺪﻋﻢ خطط ﺍﻟﺴﻼﻡ ﺑﺎﻟبلاد ﺗﺤﺖ بنود ﺍﻟﻔﺼﻞ ﺍﻟﺴﺎﺩﺱ.
● شوية حنك من هنا لهنا كانت فرصة انتهزها المتصل لبطلب من ﺧﻮﺍﺟﺔ الجن قاللو : ﻃﺎﻟﻤﺎكم ﺟﺎﻳﻴﻦ ﻟﺒﻨﺎﺀ ﺍﻟﺴﻼﻡ حاجات تانية تحت الطربيظة، بالمرة رسلو ﻟﻴﻨﺎ منكم ﺍﺗﻨﻴﻦ اسطوات بنايين و كم واحد طُلبة يناولو الطين يبنو لينا جالوس ﺘﻨﻤﻴﺔ ﻓﻲ حلتنا اسما أم صفقن عُراض ريفي حشرو عباس. و هدا هسي برسل ليك اللوكيشن. الغريبة إنو الخوحة أدى انطباع بارتياحه للفكرة على إنو "ﻫﺬﺍ من صميم ﻭﺍجب بعثتنا ﻧﺤﻮﻛﻢ " بل وعد الراجل بأنه سينظر ﺍﻷﻣﺮ ليفيده بالرد خلال أﻗﻞ ﻣﻦ 24 ﺳﺎﻋﺔ
●عمومن ، هذا ما جرى ، رغم أنو المتصل لم يأخذ الأمر على تفس محمل الجد، مكتفياً بشكر الخواحه و مودعاً إﻟﻰ ﻟﻘﺎﺀٍ غير مأمولٍ. ثم ﻗﻔﻞ ﺍﻟﺨﻂ ﻭ ﻃﻮﺍﻟﻲ ﻋﺎﻳﻦ ﻟﺮﺻﻴﺪو ﺍﻟﻤﺘﺒﻘﻲ . ﻗﺎﻝ ﻓﻲ ﻧﻔﺴﻮ: "لحست ﺭﺻﻴﺪﻱ ساي في حنك فاضي، على فولة مأكولة "
05-27-2020, 10:25 PM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13791
● زولنا محجور منزلياً ..موية علي ﻜﻬﺮﺑﺎﺀ كاطعات..و يردد بيتاً لأبي الطيب: ﺃﻧﺎ ﻓﻲ ﺃﻣّﺔٍ ﺗﺪﺍﺭﻛﻬﺎ ﺍﻟﻠﻪ..ﻏﺮﻳﺐٌ ﻛﺼﺎﻟﺢٍ ﻓﻲ ﺛﻤﻮﺩِ ● رن ﺍﻟﺘﻠﻔﻮﻥ.. ﻧﻐﻤﺘﻮ ﺗﻜﺒﻴﺮﺓ ﻋﻴﺪ ﺑﺼﻮﺕ محمد اللمين ﺣﻤﺪ ﺍﻟﻨﻴﻞ . ﺣﻤﺪ ﺍﻟﻨﻴﻞ ﺩﻱ يمكن ﺟﺪﻳﺪﺓ ﻋﻠﻴﻜﻢ. ﻳﺎﻫﻮ ﺯﺍﺗﻮ زولنا بنعرف من أصلو و فصلو و من الطرايف برضو واحد من معجبيه موت كان مرة جايي يصلي في جامع أبو سنون في حي مايو 40 سامع ليك قولت و لا الضااااالِّين دي وقع ليه الحس الطروب الما بيغباه. فمع قولت: آمين زولنا قعد يلوح في رويسو طربان للنخاع قال : أبو اللمييين ياااا.
● فالشاهد شنو: زولنا داك ﻟﻮ نمرة ﻏﺮيبة ما قاعد يهببا ؛ ﻷﻧﻮ ﺍﻟﻬﻮﺍ ﻛﺘﻴﺮ ﻭ ﺍﻟﻜُﻠَﻒ ما تدي الدرب. في ﻧﺎﺱ ﻛﺪﺍ أﺟﺎﺭﻛﻢ ﺍﻟﻠﻪ النوع الممكن ﻳﻜﻮﻥ ﻣﺎﺵ ﻣﻌﺎﻙ الكتف بالكتف فجأتن ﻳﻤﻠﺺ عراقيو يكلفك تشيلو يغسلوه في بيتكم تقوم تندهش يقول ليك : أيوة شنو مالك ما الناس بالناس والكل برب العالمين . ﻭ ﻧﺎﺩﺭ جدن ﺍﻟﺒﺘﺼﻞ ﻟﻠﻪ في لله. وﺍﺣﺪين بكسرو بيك زمن حجر التبول الحاصل دا ﻳﺘﺼﻞ ويبعظ يلجغ معاك: أﻣﻮﺭﻙ ﻭ أﺣﻮﺍﻟﻚ ﻭ ﺍﻟﺤﺎﺝ و الحاجة؟! أها ﻣﻤﺎ يبدأ نحنحة و نخش في اﺳﻤﻌﻨﻲ ﺧﻼﺹ بس ﺑﻲ ﻣﻮﻳﺔ ﻭ ﻛﻤﻠﺖ و أمانة ما كتل راجل. و ﻧﺎﺱ ﻟﻤﺎ ﻣﺎ ﺗﺮﺩ ﻋﻠﻴﻬﻢ بيعمل ليك سافوتة ﻋﺸﺮين ﻣﺮة ﻭ لامن يلاقيك عانل وغبير يزرزرك ﺯرة الكلب الأكل الدريش في طاحونة زيى ﺩا تاكلو حنك بس : و الله ﻛﻨﺖ قافلو ﻓﻲ ﺍﻟﺸﺎﺣﻦ، ﺑﻔﻘﻪ تقديم ﺩﺭﺀ ﺍﻟﻤﻔﺎﺳﺪ عاى جلب المصالح . على رأي عمنا ود الزومة :ﻛﺎﻥ من ﺍﻟﻨﻮﻉ ﺍﻟﺒﺼﺮ ﻋﻴﻨﻮ أﻭﻻﺩ ﺍﺧﻮه سألوه : ﻳﺎ ﻋﻤﻮ ﺍﻧﺖ ﻋﻴﻨﻚ ﺩﻱ ﻗﺎفلا ﻣﺎﻟﻚ؟ ﻗﺎﻝ ﻟﻴﻬﻢ ﺇﻧﺘﻮ ﻣﺎلينها حتى نفتح ﺃﺧُﺘﺎ؟
● نرجع تاني للشاهد: زولنا ﻋﺎﻳﻦ ﻟﻠﺘﻠﻔﻮﻥ ﻟﻘﺎها نمرة غريبة فعلن لكن مميزة. غايتو رفع المرة دي بس بالفضول، و من باب حب الاستطلاع الكتل الكديس . انقر ما طلع ذات نفس الخواجة ﺩﺍك ﺍﻟﺪﻗﺎ البارح و عتر فيه بالغلط؟!! ﻓﻌلاً ما مرت ﻣﺮﺕ ٢٤ ﺳﺎﻋﺔ ﺣﺴﺐ ﻭﻋﺪﻭ . ﻳﻜﻮﻥ ﺍﻟﺨﻮﺍﺟﺔ ﺩﺍﻳﺮ ﻳﻘﻮﻝ ﻟﻴﻮ ﺷﻨﻮ؟ ﺩﺍ ﺑﻨﺸﻮﻓﻮ ﻓﻲ ﺍﻟﺤﻠﻘﺔ ﺍﻟﺠﺎﻳﺔ ﺍﻟﺤﻠﻘﺔ ﺍﻟﺘﺎﻟﺘﺔ ﺳﺠﻠﻮﺍ أﺳﺎﻣﻴﻜﻢ ﻭ ﺍﻗﻴﻔﻮﺍ لينا طابوراً كالبنيان المرصوص و كلو ح نصرف ليه ﻧﺺ رغيفة. إلى لقاء.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة