أيام الدنيا بى خيرها .. وقبل إغتراب الفنان هاشم ميرغنى لقطر كان أجمل ما فى العيد أن الإذاعة والتلفزيون يحرصان على إستضافته ليغنى بالعود ويبهج أهل السودان بفنه الرفيع
وتعودت فى كل عيد ان أواظب على الإستماع لبعض أغانيه
أهديكم إحدى أجمل أغانيه لديها وقع خاص عنده وعندى شاعرها عزمى أحمد خليل .. رحمهما الله وكل سنة وأنتم طيبين
Post: #2 Title: Re: هاشم فى العيد .. وكل عام وأنتم بخير Author: MOHAMMED ELSHEIKH Date: 05-25-2020, 09:38 PM Parent: #1
كل سنة وانت طيب يا نادر ورحمة الله على المبدع هاشم ميرغني
Post: #3 Title: Re: هاشم فى العيد .. وكل عام وأنتم بخير Author: نادر الفضلى Date: 05-25-2020, 09:45 PM Parent: #2
كل سنة وأنت طيب عزبزى محمد الشيخ وربنا يحقق الأمانى
Post: #4 Title: Re: هاشم فى العيد .. وكل عام وأنتم بخير Author: علي عبدالوهاب عثمان Date: 05-25-2020, 09:54 PM Parent: #3
شكرا الجميل نادر رحم الله هاشم صديق الفن من أجل الفن وليس للكسب والظهور فنان حقيقي رحمه الله
Post: #5 Title: Re: هاشم فى العيد .. وكل عام وأنتم بخير Author: نادر الفضلى Date: 05-26-2020, 05:16 PM Parent: #4
أستاذنا على عبد الوهاب عثمان
كل عام وأنتم بخير، كما تفضلت هاشم كان يغنى من أجل الفن و(صادق) فى إحساسه. فى مداخلتك يبدو مع السياق كتبت إسمه مقرونا بى (صديق) الغرية أن إسمه ثلاثياً هو (هاشم الصادق ميرغنى)
تحياتى وتقديرى
Post: #6 Title: Re: هاشم فى العيد .. وكل عام وأنتم بخير Author: علي عبدالوهاب عثمان Date: 05-26-2020, 05:28 PM Parent: #5
الحبيب نادر شكرا على التصحيح قبل ايام تقريبا كان اعادة لحلقة تسجيل تلفزيوني وبرفقة عائلته رجعنا للنغم الجميل رحمه الله ..
اذكر اغنية كان فيها مسحة حزن ولحن لا يصدق شخصياَ كنت احب هذه الاغنية وبالعود (( حان الزفاف )) روعة
رحمه الله رحمة واسعة وجعل مثواه الجنة
Post: #7 Title: Re: هاشم فى العيد .. وكل عام وأنتم بخير Author: يحي قباني Date: 05-27-2020, 02:31 AM Parent: #6
تسلم على الجمال يا نادر ...
رحم الله هاشم و رحم الله عزمي ... ثنائية متفردة ...
Quote: ذكر اغنية كان فيها مسحة حزن ولحن لا يصدق شخصياَ كنت احب هذه الاغنية وبالعود (( حان الزفاف )) روعة
عمك علي ...
من قناة اخوك قباني خصوصي عشانك ... :)
حان الزفاف مع رمية ... ايضا من كلمات اللااحل عزمي احمد خليل ...
Post: #8 Title: Re: هاشم فى العيد .. وكل عام وأنتم بخير Author: يحي قباني Date: 05-27-2020, 02:34 AM Parent: #7
اما دي يا عمك علي ..
من اكتر اغاني هاشم قرباً الى قلبي ..
ارجو ان تنال اعجابك ...
Post: #9 Title: Re: هاشم فى العيد .. وكل عام وأنتم بخير Author: اخلاص عبدالرحمن المشرف Date: 05-27-2020, 02:48 AM Parent: #8
شكراً علي هذا الجمال
Post: #10 Title: Re: هاشم فى العيد .. وكل عام وأنتم بخير Author: نادر الفضلى Date: 05-27-2020, 04:37 AM
عزيزى يحيى .. أتحفتنا بالجميل وأنت مرهف ذواق
هاشم يكاد تكون معظم أغانية إن لم يكن كلها جميلة ولها وقع خاص تحظى بالإعجاب
Post: #11 Title: Re: هاشم فى العيد .. وكل عام وأنتم بخير Author: نادر الفضلى Date: 05-27-2020, 04:42 AM Parent: #10
دكتورة إخلاص كل سنة وأنت طيبة
زيارتك للبوست معايدة أكسبته والعيد جمالاً على جمال ..
يا ريت تساهمى بأغنية تحبيها لهاشم ميرغنى أو تطلبيها لنستمع إليها هنا
Post: #12 Title: Re: هاشم فى العيد .. وكل عام وأنتم بخير Author: اخلاص عبدالرحمن المشرف Date: 05-27-2020, 05:41 AM Parent: #11
هاشم ميرغني لا يتكرر ، التلفزيون والاذاعة ظلموه عندو قدرة علي التطريب عالية بعدو قريب قريب اي عبدالعزيز محمد داوؤد و كل اغاني الحقيبة هو مجيد فيها صفوة جمالك وجوهر صدر المحافل قلبي مالو اليوم
وبرضو في زول هناك قولة سلام تبقالو روح هاشم اتخطف سريع
Post: #13 Title: Re: هاشم فى العيد .. وكل عام وأنتم بخير Author: اخلاص عبدالرحمن المشرف Date: 05-27-2020, 05:57 AM Parent: #12
حاولت انزل يعني ما مشتاقة لي بس عندي مشكلة في الموبايل
Post: #14 Title: Re: هاشم فى العيد .. وكل عام وأنتم بخير Author: دفع الله ود الأصيل Date: 05-27-2020, 09:22 AM Parent: #13
● سلام يا نادر و أنت بحق صاحب إحساس مرهف و نادر . بصراحة《هاشم في العيد سرحتني بعيد شوية، قربت تطفشني من العنوان لولا أنه لنادر.
●جمعتنا بمهندس الديكور/ هاشم ميرغني محطات ترانزيت طويلة طوييية طول ليلك ، مع ود الحاوي . حيث ثنائية الدَّفءُ الإنساي لا-منتاهي الأناقة في كامل بساطته. كان لامن يلاقو الزول في الشارع ساي يوقفوه يعرفوه بأنفسم، و بحركة مسرحية خفيفة الدم. مثلاً ود الحاوي يقلدك من ورا و يغمد ليك عيون و يسألك : حذِّر فزِّر أنا منو . و قبال تبدأ تضايق يفكك و يقول ليكة: ياخ معاك أخوك في الله/ عبد اللطيف ود خِدِر ، من أهلك الرباطاب وارد حي البوسطة - أمدرمان . و قبال تكمل اندهاش تتلفت تلقى التاني معاه طفلين ، يقول ليك شايف ديل أنا جايبم هسة راجعين من الروضة كنا عاملين شمطة مع الأبلة مزعلاهم. قت ليها اسمعي، قسماً عظماً لو ما وريتك حدودك وينة، ما أكون أنا هاشم ود الصادق ميرغني. و بكدا يكون تم التعارف و لا من شاف و لا من دري . كان آخر عهدنا بيه" يوم ودعنا حسنو و لازمنا الشجن " و ذهب فلم و لم يعُد ، في رحلة تشافي روتينية كانت إلى أمريكا.
Post: #15 Title: Re: هاشم فى العيد .. وكل عام وأنتم بخير Author: نادر الفضلى Date: 05-27-2020, 10:21 AM Parent: #14
Quote: هاشم ميرغني لا يتكرر ، التلفزيون والاذاعة ظلموه عندو قدرة علي التطريب عالية بعدو قريب قريب اي عبدالعزيز محمد داوؤد و كل اغاني الحقيبة هو مجيد فيها صفوة جمالك وجوهر صدر المحافل قلبي مالو اليوم
وبرضو في زول هناك قولة سلام تبقالو روح هاشم اتخطف سريع
دكتورة إخلاص أتاريك سميعة غنا من النوع الممتاز إختيارتك للإغانى، وفعلاً هاشم فى أغانى الحقيبة ما بتحصل أما حنجرته الفخيمة وقدراته على التطريب عالية جداً وعبد العزيز أبوداؤود فعلاً حنجرة فريدة وتطريب عالى عند زيارة هاشم ميرغنى لأمريكا أحد معجبيه كان بيسمع شرائطه وأول مرة يشوفو .. قال لى أنا كنت بتخيلك زول طويل أخدر وضخم وبى صلعة .. وصف ليهو أبوداؤد
ما عارف ليه ذكرتينى هاشم فى بدايغته كان مرات خيلانى بيجبوه فى جلسات إستماع رخرافية .. مرة جا وقبل ما يصلحو الجلسة فى الحوش .. كان قاعد فى الديوان .. وبدا يغنى قدامه تربيزة فيها طفاية سجاير معدنية مفتخرة، المسافة بعيدة عن هاشم هو طويل والتربيزة إرتفاعها قصير Coffee Table الفى نص طقم الجلوس .. خالنا المامور رحمة الله ليه كان ما بفوت يسجل أى أغنية لهاشم فرش منديل فوق طفاية السجائر ووضع فوقه المايك .. ورغم دا لامن هاشم بصوته الفخيم الجهورى غنا الطفاية كانت بتهتز أما صوته بتحس وكأنه يملأ أى فراغ فى الغرفة .. الما سمع هاشم بيغنى مباشرة فاتو كتير من متعة الطرب .. وطبعا لامن يغنى بيكون فى سكون تام للحضور بيصيخو السمع تماماً يخيل ليك ما فى زول عاوز حتى يحرك أصبعه عشان ما يعمل شوشرة .. فيلم ونسة جانبية وللا إمرآة أو راجل يتونسوا أو حتى يعاينو لبعض مافى، لأنه الإبداع القدامهم دا يتملكهم وينأسروا له طواعية
أذكر اليوم ذاك كان بدأ يغنى رمية آمنه السمحة لأول مرة .. كانت روعة .. وقبل ما ينتهى منها دخل علينا قريب رحمة الله عليه شفقان قطع علينا الغنا قال يا أخوانا خلاص الجلسة جاهزة فى الحوش والنساوين جو. أنا لحدى هسة زعلان عشان قطع الرمية الجميلة.طبعا هاشم أكلها لكن كان معاقبتو لينا ما غنى الرمية دى مرة تانية فى تلك الأمسية .. لكن ما قصر أطرب وأشجى
رحمة الله عليه.
Post: #16 Title: Re: هاشم فى العيد .. وكل عام وأنتم بخير Author: نادر الفضلى Date: 05-27-2020, 10:25 AM Parent: #15
يعنى ما مشتاقة لى .. وللا ما عارفة العلى
Post: #17 Title: Re: هاشم فى العيد .. وكل عام وأنتم بخير Author: ABUHUSSEIN Date: 05-27-2020, 10:48 AM Parent: #16
أتاريك بكاي و انا ما عارف .... 😂😂😂😂😂 كل سنة و انت و كل احبابك طيبين و ربنا يسعدكم
Post: #18 Title: Re: هاشم فى العيد .. وكل عام وأنتم بخير Author: ABUHUSSEIN Date: 05-27-2020, 11:06 AM Parent: #17
و بهذه المناسبة السعيدة احب اسمع في البوست دا أسائل عنك آذار رياحينا و أزهارا من اجمل الاغاني لدى المبدع هاشم ميرغني له الرحمة و المغفرة
Post: #19 Title: Re: هاشم فى العيد .. وكل عام وأنتم بخير Author: Osman Musa Date: 05-27-2020, 11:41 AM Parent: #18
دي حالة دي يا نادر ؟ تكرش الكبريت وتفوت؟ يا نادر الزول ده ما فنان واحد . الزول ده شلة فنانين وتفانين وألوان ورسومات بديعة في جوفو . وحالتو الفيض الفيه نصو ما طلع . له الرحمة.