Quote: تقبل تحياتي واهلي بودربيعة الانثى
|
أولن قبال ما أرد ليك التحية بمثلها أو أحسنَ منهاخليني أقبقبك قبقيبت
نشال في ملجة المدينة عرب. واقول ليك تعال هنا الجابك هنا شنو؟!
قصدي بكبري بيكة - مهلة - طحلة ود الطريفي و بمزلقان الرقلة لامن
نزلت ود ربيعة. ايخي أنا بقراً في مداخلتك الشحمانة دي من قولت تيت لامن
قلتَ (أهلي) و مأمن تب إنك من أبحراز تجي ياخي تكسر لي الدوش في يدي
وتقوللي ود ربيعة. سمح خلاس سميناها رضينا و باللله تسلم على نفرين صحباني
اروح ما تروح. واحد أستاذ عربي هو المرحوم جمال كركساوي .و التاني
حي كالمنبت لا أرضاً كطع ولا ظهراً أراح برضو أستاذ أنجليزي ، لكن
دخيل ، ما من ود ربيعة ، عيبي من عطيشة هو عبد الباقي على اللمام.
شايف كيف ياخي ينعل أبو الجهوية ظاطو ياخ. تعرف مرة أختنا
الكنداكة الراكزة الغايبة عن عيني لكنها في قلبي هي بت عمسيب
كانت أكتر زولة داعماني وبرتاح ليها جد لمجرد جرس الاسم.و
الأروح فعلن جنود مجندة . ما تقارب منا يأتلاف و ما تنافؤ يختلف..
نجي لقي لحكاية مدرسكم الديك / تا/ تور اللغة العرلبية
نحن في حنتوب كان برضو بدرسنا واحد قرضمة كدي من أب قمري
اسمو بلة عبد الفراج الله يرحمو بالذات لامن يقول ليك أجري لي الاستعاراة
المكنية التالية. أحسن منها يجرمك سباق ضاحية لحد دروة الكديت و ضرب النار.
وكمان واحد تاني من هببنا اللي ورا العزازي ديك ىكمان دا كان ماسك لينا في حاجة
اسمها التصغير . مرة جا مالي لينا السبورةأسامي مصغرة الل داير أصلها الكامل. من
ضمنا ( قُفَيلٌ ) الفصل كلو قعد يتلفتوكتزهج مننا جا لي جاري / موسى ملكالدار من
العريجاء الله يرحمه و يحسن إليه : قرصو قالليو أمانتن في زمتك ماك عارفا زولي
قالليو : قُفُل يا فندي قُفُل عمك لامن طار لفوق و أداها تبة وقال أها شوفو الغنامة
ما ئهرو.. فتحين باله قت لي كنتو بتحتو الاطلسعلا والله ترا لقيتو ليهو شغلتن
سمحة، نحنا كنا بنخت رشوة الدلو، نخلي عم كالصول يجلد لامن يفتر
و نحنا بجاي تلقانا عاملين بتألم ، و لكن نتكشم متل نار القصب.