Post: #1
Title: هل هم سفراء الثورة أم سفراء بشة !!!#
Author: زهير عثمان حمد
Date: 05-04-2020, 10:26 PM
Parent: #0
10:26 PM May, 04 2020 سودانيز اون لاين
زهير عثمان حمد-السودان الخرطوم
مكتبتى
رابط مختصر
*️⃣ أعلنت وزارة الخارجية قبل أيام عن ترشيح و قبول ترشيح سفراء يفترض إنهم بمثلوا ثورة الشباب و الشهداء و الجرحي و المفقودين . و لكن للأسف الشديد فحاجة أسماء ما ننتظر منها غير الكفوات الزيها فمن هم سفراء الثورة:-
1⃣ نور الدين ساتي مرشح واشنطن . . 81 سنة دنقلاوي . سفير للإنقاذ و بشة لمدة 19 سنة لغاية المعاش . بعد المعاش رشحه بشة للعمل في اليونسكو بباريس 5 سنوات ثم بالاتحاد الإفريقي 6 سنوات . ثم أصبح مستشارا خاصا لعلي عثمان ( كتائب الظل) و عينه مديرا لمشروع المكتبة الوطنية بمخصصات وزير دولة حتي الآن نكرر حتي الآن . و منحه 60 ألف دولار للعلاج في أمريكا . و الآن تم ترشيحه ليكمل علاجه في أمريكا .
2⃣ عبدالرحيم خليل دنقلاوي 79 سنة . مرشح سفير لدي الإتحاد الأوروبي ببروكسل. مثل الإنقاذ و بشة دبلوماسي و سفير لمدة 21 سنة لغاية المعاش . كان من الدائرة الضيقة لمصطفي عثمان إسماعيل و تم تعيينه عقب بلوغه سن المعاش بمفوضية الانتخابات التي زورت انتخاب المخلوع عمر البشير . مرشح لبروكسل عشان يكمل علاج زوجته التي بدأته هناك .
3⃣ جمال الشيخ 64 سنة جعلي . قبل ترشيحه لاديس أبابا مثل الإنقاذ و بشة لمدة 30 سنة . كان واحد من أذرع على كرتي للبطش بزملائه في الوزارة . لمن قامت الثورة و سقط بشة كان هو ( المبعوث الشخصي ) لبشة لشئون جنوب السودان . و كمان يشغل منصب نائب الأمين العام لرئاسة الجمهورية لغاية أغسطس 2019 فترة المجلس العسكري . و قبلها سفير لبشة في جوبا ثم أديس أبابا حتي 2018 . و حاصل على وسام الجمهورية من بشة .
♨ نحن في لجنة المقاومة بوزارة الخارجية قررنا ألا نخون الشهداء و نقوم بفضح المتسلقين علي أجسادهم الطاهرة . من الذين مسحوا أحذية الإنقاذ و لم يشاركوا في الثورة بتغريدة واحدة .
|
Post: #2
Title: Re: هل هم سفراء الثورة أم سفراء بشة !!!#
Author: Deng
Date: 05-04-2020, 10:53 PM
الذي يحصل في وزارة الخارجية هذا فضيحة بجلاجل.
هذه الوزيرة أنا رميت طوبتها منذ تعينها، ولكن أين السيد رئيس الوزراء عبد الله حمدوك و أين وزير الدولة للخارجية الاخ عمر قمر الدين؟
كمان المشكلة السفراء ديل صديقهم في دعم النظام البائد هو عمر مانيس وزير شئون مجلس الوزراء. مانيس ده كمان خازوق تاني.
|
Post: #3
Title: Re: هل هم سفراء الثورة أم سفراء بشة !!!#
Author: Deng
Date: 05-04-2020, 10:58 PM
Parent: #2
شاهدت وأستمعت الى وزيرة الخارجية قبل يومين في لقاء مع تلفزيون السودان. الزولة دي جات وجابت معاها اتنين من كبار السن بالخارجية في اللقاء، وطبعا ردودهم كانت مهزوزة ومرتبكة تماما، خالد سلك كان أفضل منهم في الإجابة على بعض الاسئلة.
وزيرة الخارجية مصرة إصرار غريب في أن تأتي بالذين تركوا الخدمة من قبل 30 سنة أو من الذين خدموا النظام البائد.
لماذا الإصرار في أن يكون السفراء هم من الخارجية فقط؟؟
ده تفكير قديم ومتخلف ولم يعد يتماشى مع التطور الحالي.
|
Post: #4
Title: Re: هل هم سفراء الثورة أم سفراء بشة !!!#
Author: علي عبدالوهاب عثمان
Date: 05-04-2020, 11:18 PM
Parent: #3
1⃣ نور الدين ساتي مرشح واشنطن . . 81 سنة دنقلاوي .
2⃣ عبدالرحيم خليل دنقلاوي 79 سنة .
===================================
الحبيب زهير .. تحياتي
ديل ناس ضواحي الدنيا .. ما شاء الله .. اسم ( ساتي ) أكيد
من أهلنا الزياداب .. القيادة من موروثاتهم
اسماء حصرية ( ساتي ، ارصد ، نقد ، اوشي ، شمت ، خيري ، خليل .. هذا كمثال )
تحياتي الحبيب زهير
|
Post: #5
Title: Re: هل هم سفراء الثورة أم سفراء بشة !!!#
Author: Mohd Ibrahim
Date: 05-05-2020, 00:32 AM
Parent: #4
ناس اعمارهم كبيرة كمان ..
|
Post: #6
Title: Re: هل هم سفراء الثورة أم سفراء بشة !!!#
Author: Mutasim Idris
Date: 05-05-2020, 01:36 AM
Parent: #5
سلام زهير وزوار البوست..
غايتو يا قوي الشللية والتحيير مافيها حاجة لو جيتوا طالعين
وقلتوا الثورة دي عملناها تصحيحية للانقاذ ما ثورة تغيير.
|
|