الإعلام عامة والقنوات الفضائية خاصة في وادي والشعب في دنيا تانية. ما عارف فائدة مثل هذه البرامج بالنسبة للمشاهد السوداني شنو بالظبط في هذا الوقت بالذات والسواد الأعظم من الشعب يعاني من ضائقة إقتصادية وصحية يعلم بها أهل الإعلام أكثر من غيرهم؟ الفهم شنو؟
بالصدفة لقيت في اليوتيوب حلقة عن (نجم) قال إسمه أسامة جينكيز قال درس دراما قال، بيني وبين نفسي قلت هسع البتعملوا فيه إنتوا وناس سامين نفسهم (كوميديان) داير ليه دراسة؟ مجرد عبط وهبالة وعوارة ما أنزل الله بها من سلطان ... الله يكون في عون الشعب السوداني.
Post: #2 Title: Re: أتفه برنامج حتي الآن ... نجوم في إسطنبول Author: علي عبدالوهاب عثمان Date: 05-04-2020, 09:32 PM Parent: #1
حبيبنا محمد تحياتي هذا البرنامج فيه قصور كبير لا فكرة لا فن .. إلخ حتى الجغرافيا غير متناسقة مع شخوص تصوير الحلقات في أماكن مفتوحة .. الناس في الشوارع تلاحظ فيهم الاستغراب ليتهم جلسوا داخل استوديوهات .. والكاميرا تدور حول اسطنبول وتنقل مناطر من المدينة أتخيل أن تكلفة البرنامج صرف خيالي ممكن اضعاف تكلفة ( أغاني وأغاني ) على ما اعتقد برعاية بدر للطيران .. بدون اي دراسة للتكلفة والجدوى
تحياتي الحبيب محمد ..
Post: #3 Title: Re: أتفه برنامج حتي الآن ... نجوم في إسطنبول Author: Deng Date: 05-04-2020, 10:44 PM Parent: #2
ديل بكونو لسه لاحقين الكيزان في تركيا.
بس أوع يكون البرنامج ده في أحدا الفضائيات الحكومية؟؟
Post: #4 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-05-2020, 00:57 AM Parent: #1
سلام يا دينق العقلية بتاعت الكيزان ما زال مسيطر علي كل قنواتنا الفضائية وأظن البرنامج ده في قناة النيل الأزرق الساعة كم ما عارف
Post: #5 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-05-2020, 01:05 AM Parent: #1
Quote: على ما اعتقد برعاية بدر للطيران ..
أيوة يا أستاذنا علي ديل هم أكيد المستفيدين من ناحية سياحة وفنادق وحجوزات وخلافه بس بعد كورونا ده يكون أخدوا مقلب ... صدقني ولو بحثت وراهم بتلقي رجل أعمال كوز شايفك متابع قناة الشمالية عندهم برامج باللغات المحلية ولَ كله عربي دنقلا
Post: #6 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-05-2020, 06:54 AM Parent: #1
إتوقع قريبا برنامج نجوم في كوالالمبور ويمكن نجوم في دبي ونجوم في الدوحة ....الخ قالوا لقمان أحمد شغال كويس زي د. أكرم .... نشوف
Post: #7 Title: Re: أتفه برنامج حتي الآن ... نجوم في إسطنبول Author: سيف الدين محجوب Date: 05-05-2020, 10:54 AM Parent: #6
قاضنتود رمضان كريم أويدك فيما ذكرته بخصوص تفاهة هذا البرتامج أو هذا التهريج بعدبن الوفد كله كوم ، والقصير بتاع خزانات تيقا داك كوم براهو انا ما عارف جابوهو من وين وماهي ميزته عشان يختاروه عضو للوفد ــ لو شفت الموبايل كيف والسمعات في الأضان ،، ولد دااااا !!!! دا كان مفروض يكون بتاع تسالي والأنسب ليه يبيع موية في المحظة الأوسطي ( يعني صفيحة وكوزين موية وبررررررد ) النموذج دا بالذات بوريك مدى تفاهة الإعلام عندنا في السودان
مرضونا الله يمرضهم
Post: #8 Title: Re: أتفه برنامج حتي الآن ... نجوم في إسطنبول Author: HAIDER ALZAIN Date: 05-05-2020, 11:00 AM Parent: #7
سلامات ودالقاضي
ماشفتهم ولله الحمد والمنة .. بس ما يكون على مستوى برامج ربيــع طه أو التاني داك بتاع فضيــل معاهم ؟
Post: #22 Title: Re: أتفه برنامج حتي الآن ... نجوم في إسطنبول Author: محمد قسم الله محمد Date: 05-06-2020, 08:00 AM Parent: #8
أسوأ برنامج وما عارف كيف القنوات دي بتبث أي حاجه مؤسف يلخصو ليك كل البلد ونجومه في هباله زي دي.
Post: #9 Title: Re: أتفه برنامج حتي الآن ... نجوم في إسطنبول Author: adil amin Date: 05-05-2020, 11:03 AM Parent: #7
يا حليل المهدي والحمرة الاباها المهدي
العرق دساس ... الناس جارية ورا تركيا فوق راي يا محمد القاضي النسوان ديل لابسين علم تركيا ليه ؟؟ https://top4top.io/
شكلة بين رجب طيب اوردغان وقولين دخلنا بيها شنو قال اعلام قح ت قال قحت لمة بلا مشروع ولا هوية ولو لون ولا طعم ولا راحة ووعيهم ما فايت مثلث الحمدي والكوز القصرية حاجة واحدة عروبيين مايو برضه منفصمين انت اصلا عندك مشروع ثورة ثقافية حقيقي عشان يكون عندك اعلام ((سوداني )) احسن الشروق مرت من هنا تعرفنا باهلنا في السودان اول حاجة
Post: #10 Title: Re: أتفه برنامج حتي الآن ... نجوم في إسطنبول Author: mohmmed said ahmed Date: 05-05-2020, 11:23 AM Parent: #6
شفتا قليل من الحلقات سخيفة جدا واصلا منو القلب ديل نجوم
أسامة جنكيز دا قال انا طبعا دراستى دراما وانا ما ممكن اكون اى حاجة لا دكتور لا مهندس بس اعرف اكون ممثل
كنت داير اقول ليهو زى اولاد جامعة الخرطوم ممثل اى داوت
Post: #11 Title: Re: أتفه برنامج حتي الآن ... نجوم في إسطنبول Author: mohmmed said ahmed Date: 05-05-2020, 11:26 AM Parent: #10
Post: #12 Title: Re: أتفه برنامج حتي الآن ... نجوم في إسطنبول Author: عمر سعيد علي Date: 05-05-2020, 11:41 AM Parent: #10
من عمود الصحفي محمد الطيب الامين :
Quote: * ولمن فاته الاستماع نقول هنالك شركة يقودها ثلاثة اخوان، الشركة اختارت حوالي (٣٠) شخصية سودانية لتسجيل برنامج تلفزيوني لصالح إحدى القنوات يبث خلال شهر رمضان . * الشركة هذه لا غبار عليها وأصحاب الشركة لا غبار عليهم فهم شباب ناجحين نتمنى لهم مزيد من التقدم . * الغبار كان في اختيار بعض الشخصيات . * لا نقول كلهم ولكن البعض منهم ليس نجوما . * ثم إن الرحلة هذه كانت حافلة بالهبالة التي هي أقل درجة من العباطة . * اندهش (نجوم اسطانبول) من (نعيم اسطانبول) . * طبعا من الغباء أن تندهش عندما تشاهد طفلا في إنجلترا يتحدث الإنجليزية . * شافع انجليزي في إنجلترا بتكلم انجليزي … المدهش شنو في الحتة دي ؟ * والغباء الأكبر أن تخرج راسك من نافذة أحد فنادق العاصمة الفرنسية باريس ثم تقول : (الجو أوروبي عديل) . * والغباء المركب أن تذهب تركيا ثم تأتي وتحدثنا عن وفرة الرغيف وجمال الناس . * وما بين (خفة الدم) و(العباطة) شعرة رفيعة لا يحس بيها (العبيط) . * في الغالب العبيط يظن أنه ظريف بينما الظريف في العادة يكون خجولا . * ومشكلتنا نحن كسودانيين عندنا (عباطة جماعية)، لما نكون مجموعة مع بعض بنتعابط جدا . * لو داير تكره نفسك شوف ليك مجموعة من المراهقين ماشين رحلة . * تلقاهم لابسين (فنايل داخلية) ويكوركوا والما بشرب سجائر اليوم داك ح يشرب . * إحساس بحرية وكمية كبيرة من العباطة والدم التقيل والهبالة . * وللأمانة ما كنت أود الحديث عن (نجوم في اسطانبول) . * كنت اتحاشى الحديث عنهم وذلك لاعتبارات كثيرة أهمها أن عدد (النجوم في هذه الرحلة لا يتجاوز الثلاثة فقط) . * ثم إن عددا منهم تربطني به علاقة جيدة ولكن . * العلاقات الخاصة والجيدة لن تحدد مسار هذا القلم . * وحقيقة أصابني كثير من الحزن وأنا أشاهد رشاقة (فضيل) الممثل الذي أصاب نجاحا كبيرا وحصل على محبة الناس ولكنه ركب موجة (الاستظراف) وظهر يتراشق وشفته (وارمة) من حمل التمباك. * ما عارف ماذا كان يضير فضيل لو (تف السفة ودخل اللايف) ؟ * وهل فضيل الذي تجاوز الأربعين يرى أن سنه تسمح بالرشاقة والخفة؟ * أنا طبعا في اتنين ما بحب أتحدث عنهما لأن موهبتهما عرجاء وهما (فخري وداليا الياس) . * فخري مصنوع ومصطنع أما داليا الياس تجدني أعذرها لأنها تعلمت الشعر والصحافة بعد ما بقت كبيرة. * عشان كده داليا الياس بتسابق في الزمن عشان تكون شيئا مذكورا. * المهم . * سألت نفسي هل كانت العباطة ستكون حاضرة لو سحبنا بعض (نجوم اسطانبول) ودخلنا محلهم كل من (عصام محمد نور، سميرة دنيا، نضال حسن الحاج، خالد الصحافة) ؟ * لا طبعا. * شن جاب لجاب. * والله أنا استغرب هل كان يظن هؤلاء أن الرغيف في تركيا بالصف ؟ * قال الرغيف ده ادونا ليهو عشان نجدعوا للنوارس في البحر . * والله كونو تعرفي النوارس دي براها حاجة كويسة. * الهبل مشكلة .
Post: #33 Title: Re: أتفه برنامج حتي الآن ... نجوم في إسطنبول Author: Mannan Date: 05-10-2020, 07:14 AM Parent: #10
فلوس الكوز المبلول فى أنقرة واستانبول وفيلم فشخرة البقرة فى مدينة أنقرة والهروب من النيل الى مضيق البسفور والدردنيل تمثيل ورجغان و اردوغان
Post: #13 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-05-2020, 03:36 PM Parent: #1
هلا والله أخونا سيف محجوب كل عام وأنتم بخير
Quote: النموذج دا بالذات بوريك مدى تفاهة الإعلام عندنا في السودان
ناس التسالي والمويه كتر خيرهم أقلاها يلقوا ثواب بي حقهم لكن (كوميديان) والدراما المرض ديل نعمل ليهم شنو؟
_______________ قاضينتود الكبير قافل محله ومع حبسة كورونا رجع خنفس تاني هههههه أمشي أحلق ليه بالله
Post: #14 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-05-2020, 03:36 PM Parent: #1
هلا والله أخونا سيف محجوب كل عام وأنتم بخير
Quote: النموذج دا بالذات بوريك مدى تفاهة الإعلام عندنا في السودان
ناس التسالي والمويه كتر خيرهم أقلاها يلقوا ثواب بي حقهم لكن (كوميديان) والدراما المرض ديل نعمل ليهم شنو؟
_______________ قاضينتود الكبير قافل محله ومع حبسة كورونا رجع خنفس تاني هههههه أمشي أحلق ليه بالله
Post: #15 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-05-2020, 03:41 PM Parent: #1
رمضان كريم يا حيدر
Quote: ماشفتهم ولله الحمد والمنة ..
أحسن ليك ما تشوفهم ولو حبست نفسك من فضائيات السودان يكون أحسن وفعلا يستحق الحمد والمنة ...
Post: #16 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-05-2020, 03:53 PM Parent: #1
Quote: قال اعلام قح ت قال
يا عادل عليك الله ركز شوية .. مين جاب سيرة قح ت هنا؟ الوسخ والقرف ده شغال ليه أكتر من 40 سنة وإعلام فاشل
إنت بس أطلع من تحت الجبة والقفطان وأكل الفتة وملأ الكرشان حتي لا تصيب بالغثيان والتعنصر علي الفلاتة والفولان عشان ديل من أصول السودان هههههه
Post: #17 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-05-2020, 03:58 PM Parent: #1
سلامات يا عمر سعيد ورمضان كريم عمود الصحفي محمد الطيب والله في السلك بس إن شاء الله ناس (الكوميديان والدراما) يقرأوا العمود ويبطلوا عباطتهم ورشاقتهم البايخة.
Post: #18 Title: Re: أتفه برنامج حتي الآن ... نجوم في إسطنبول Author: حمزة سيف الشريف Date: 05-05-2020, 04:21 PM Parent: #17
سلامات محمد محمد القاضي رمضان كريم
Quote: عمود الصحفي محمد الطيب والله في السلك بس إن شاء الله ناس (الكوميديان والدراما) يقرأوا العمود ويبطلوا عباطتهم ورشاقتهم البايخة
وخاصة فخري الله المستعان
Post: #19 Title: Re: أتفه برنامج حتي الآن ... نجوم في إسطنبول Author: حمزة سيف الشريف Date: 05-05-2020, 04:21 PM Parent: #17
سلامات محمد محمد القاضي رمضان كريم
Quote: عمود الصحفي محمد الطيب والله في السلك بس إن شاء الله ناس (الكوميديان والدراما) يقرأوا العمود ويبطلوا عباطتهم ورشاقتهم البايخة
وخاصة فخري الله المستعان
Post: #20 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-05-2020, 05:41 PM Parent: #1
Quote: شفتا قليل من الحلقات سخيفة جدا واصلا منو القلب ديل نجوم
ماخدين مقلب كبير في نفوسهم الوهم ديل تحياتي يا أوحميد ورمضانك كريم
Post: #21 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-05-2020, 05:47 PM Parent: #1
هلا ومرحبا أخ حمزة سيف
Quote: وخاصة فخري الله المستعان
والله أول مرة أسمع واحد إسمه فخري ... شغال شنو ده كمان؟ كوميديان برضو؟
Post: #23 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-06-2020, 05:11 PM Parent: #1
رمضان كريم يا محمد قسم الله النجوم ديل أصلا ما عندهم علاقة بالفن ولا بالتمثيل ولا بالدراما المحيرني مثلا المنتج، المخرج ، مدير التصوير ... الخ وباقي الناس العاملين في البرنامج أو حتي الشغالين في القنوات الفضائية ما شايفين العبط اللي نحن شايفنوا ولَ يبقي هم ذاتهم جزء من العبط ده ... غايتو فضيحة والله.
Quote: أسوأ برنامج وما عارف كيف القنوات دي بتبث أي حاجه مؤسف يلخصو ليك كل البلد ونجومه في هباله زي دي.
Post: #24 Title: Re: أتفه برنامج حتي الآن ... نجوم في إسطنبول Author: بدر الدين الأمير Date: 05-06-2020, 09:45 PM Parent: #23
ود القاضى كدى خلينا من الهردبيس دا وتعال شوف لينا حل مع ود القاضى2 الظهر فى المنبر خشيت بوست قايلك انت القى الاسم محمد احمد القاضى رجعت الصفحة الرئيسية لقيتك قاعد محمد محمد القاضى ونحن نظرنا بقى على قدرنا ومابنقدر على لخبطت الكيمان
Post: #25 Title: Re: أتفه برنامج حتي الآن ... نجوم في إسطنبول Author: بدر الدين الأمير Date: 05-06-2020, 09:51 PM Parent: #24
وود القاضى 2 الاسم فى البروفايل محمد محمد احمد القاضى يكون عندك توم ونحن ماعندنا خبر
Post: #26 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-07-2020, 04:56 PM Parent: #1
أوه أبو لبيد يا ود الأمير كل سنة إنت والنجمة والأمير والأهل طيبين وسالمين ثم يا أخي ما تلخبط الحكام والقضاة مع بعض وركز معاي فالقاضي اللي هو محمد محمد أحمد محمد القاضي ده زول مناضل كبير يعني بيكافح ضد الكيزان التماسيح الكبار وأنا يا دوب محمد محمد قاضي كنت معاك ضد أبو سن ومعتز قريش هههه
Post: #27 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-10-2020, 02:55 AM Parent: #1
يا شباب فيصل محمد صالح ولقمان أحمد بعد شراب المويات في المغرب ما بيشوفوا البلاوي المعروضة في تلفزيونات السودان ولا عاجبهم السقافة التافهة والدراما البايخة دي؟
Post: #28 Title: Re: أتفه برنامج حتي الآن ... نجوم في إسطنبول Author: Ahmed Yassin Date: 05-10-2020, 04:01 AM Parent: #27
فعلا منتهى السخف والاستخفاف وقلة الادب واتفههم العجوزة المتصابية داليا الياس طالما هي معاهم وفي وسطهم مفروض يطلقوا على هذا البرنامج الممل اسم ( بهلول في اسطنبول) شىء مخجل
Post: #29 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-10-2020, 05:34 AM Parent: #1
Quote: فعلا منتهى السخف والاستخفاف وقلة الادب واتفههم العجوزة المتصابية داليا الياس طالما هي معاهم وفي وسطهم مفروض يطلقوا على هذا البرنامج الممل اسم ( بهلول في اسطنبول) شىء مخجل
أنا متأكد يا أبو حميد كل البرامج تقريبا في كل القنوات بيكون بي نفس السخف والسماجة والعباطة وقلة الأدب رمضان كريم
Post: #30 Title: Re: أتفه برنامج حتي الآن ... نجوم في إسطنبول Author: بدر الدين الأمير Date: 05-10-2020, 06:41 AM Parent: #29
دى مابمشيها ليك ياود القاضى وفعلا الببارى الجداد بودى الكوشة قت كدى انمش اشوف البرنامج المزعل ود القاضى طالما انه داعنى للكتابة عنه لاجد نفسى غرقان فى كنيف شتمتك ماخليت ليك جنبة تنوم عليها وصرفت بركاوى لفيصل محمد صالح المدام سالتنى بتكورك مالك برضو صرفت ليها بركاوى
Post: #32 Title: Re: أتفه برنامج حتي الآن ... نجوم في إسطنبول Author: adil amin Date: 05-10-2020, 06:59 AM Parent: #30
Quote: يا عادل عليك الله ركز شوية .. مين جاب سيرة قح ت هنا؟ الوسخ والقرف ده شغال ليه أكتر من 40 سنة وإعلام فاشل
إنت بس أطلع من تحت الجبة والقفطان وأكل الفتة وملأ الكرشان حتي لا تصيب بالغثيان والتعنصر علي الفلاتة والفولان عشان ديل من أصول السودان هههههه
شغال ليهة40 سنة بسبب الوعي الانت ما عايز تواجهو وعايز تتمسخر بس طيب لينا سنة في اعلام قح ت ونحن في نفس الفضا العروبي وتركيا وكده ليه ؟؟؟ الاتغير شنو لا الوعي ولا البرنامج وانا كلامي مؤسسة في البورد لمن يكون مخك ضيق وبليد ما تتمخسر ساكت المركز ده ياهودي ثقافته ما في ظاهرة بتجي من فراغ هسة لو شالو كمرتهم دي ولفو في السودان اقليم اقليم مش كان افيد وعمك عبدالحي يوسف نقل فضائيته كلها تركيا ليه ؟؟ دي اسما الحرب الناعمة تستطيح وعي الناس وتشويهو بي الاخوان المسلمين والسلفية بسبب اقليات في المركز علي حساب الاقاليم ما تجي تفتح بوست وتقعد تولول نرح من الدول دي بنرتاح طوالي مصر السعودية الامارات قطر تركيا الاتحاد الاوربي امريكا ودي دايرة وعي جديد يا مواطن ابعد من زحل
Post: #31 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-10-2020, 06:57 AM Parent: #1
Quote: وفعلا الببارى الجداد بودى الكوشة
أبو لبيد إنتا بدل تصرف بركاوي للنجمة ما تشوف صحبك (العمدة خالي) في ياتو كوشة وباريه يمكن في كوشة في الرياض أحسن من كوشة إسطنبول إنتا السنة دي ما في إفطار بورداب ... الله يطراك بالخير يا معاوية الزبير.
Post: #34 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-10-2020, 06:53 PM Parent: #1
Quote: فلوس الكوز المبلول فى أنقرة واستانبول وفيلم فشخرة البقرة فى مدينة أنقرة والهروب من النيل الى مضيق البسفور والدردنيل تمثيل ورجغان و اردوغان
آننقا السفير نور الدين مرحبا بيك حتي إذا بني كوز ما مسيطرين علي الإعلام والصحافة والسخافة فعقليتهم الكيزانية الخاوية من كل شيء مزروعة في كل مفاصل الدولة وإزالة التمكين ده لازم تزيل وتنضف العقول والإفكار قبل المناصب
Post: #35 Title: Re: أتفه برنامج حتي الآن ... نجوم في إسطنبول Author: علي عبدالوهاب عثمان Date: 05-10-2020, 07:05 PM Parent: #34
حبيبنا محمد قاضنتود .. مودتي بصراحة برنامج لا يستحق المشاهدة في برنامج في غاية الجمال في قناة السودانية من الساعة 8 مساء بتوقيت السعودية .. يا سلام أفلام وثائقية السودان أيام التعداد سكان 11 مليون .. ناس جميلين ومرافق في غاية الروعة شاهدت مصنع التمور في كريمة في ذلك الزمان طبعا اليوم لا أثر له ناس انيقين في اللبس وحلاقة الشعر والسودانيات في منتهى الاناقة ( التوب الابيض ) برنامج يرجع بنا الى أيام الطفولة والشباب مبالغة ..
اسم البرنامج ((( الذاكــــــــــــــــرة الذهبيــــــــــــة )) )
تحياتي قاضنتود
Post: #36 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-10-2020, 07:11 PM Parent: #1
شايف الشباب منزلين أكتر من بوست عن الطراطير في إسطنبول إن شاء مسؤولين قناة النيل الأزرق يسمعوا رأي المشاهدين والمتابعين لهذا المسخ المشوه ويوقفوا الكلام الفارغ ده باقي شهر رمضان ده بس نديكم نموذج من حلقات العباطة والعوارة عشان الكلام يكون واقعي:
هسع دي علاقتها بالفن والغناء شنو؟ غايتو لو شافت تعليقات ناس اليوتيوب يمكن تاني ما تغني (يا ود الأمير قالوا رؤي دي من إكتشافات أبو سن والمركز الثقافي ههههه)
Post: #37 Title: Re: أتفه برنامج حتي الآن ... نجوم في إسطنبول Author: ترهاقا Date: 05-10-2020, 11:20 PM Parent: #36
ناس الانقاذ فعلا تركوا لينا عبء ثقيل في كل المجالات ، والاصلاح حياخد وقت لحد ما تتكنس كل هذه الشوائب التي تعلقت بالموسيقى والمسرح على الأقل
Post: #38 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-11-2020, 08:35 PM Parent: #1
الأعزاء أستاذنا علي والموسيقار ترهاقا ليكم التحية والسلام لهبوط والتدني ضارب كل المجالات في حياتنا وللأسف الأسوأ في الفن عموم والمسرح وديل مقياس لنهضة ورقي الأمم ونحن ما زلنا نبكي علي الأطلال وأشياء زمان رغم التطور الكبير في علوم التكنولوجيا والإتصال من حولنا.
Post: #39 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-12-2020, 07:28 PM Parent: #1
بدل الشيخ محمد الحكيم ما كان أخير ليهم الشيخ بتاع تبا لكم (هو أصلا قال خريج معهد الموسيقي والمسرح / قسم دراما) دين وكوميديا ودراما وتف تف وتف تبا لكم والله صحي
Post: #40 Title: Re: أتفه برنامج حتي الآن ... نجوم في إسطنبول Author: امتثال عبدالله Date: 05-12-2020, 07:34 PM Parent: #39
صدقت ورب الكعبة ...
Post: #41 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-12-2020, 09:05 PM Parent: #1
سلامات يا بتنا إمتثال ورمضان كريم ليك وللأميرات معاك عليك الله بس شوفي وإتفرجي في ده، يقولوا عليه شنو ده؟ الواحد فيهم حجمه ووزنه زي الفيل ومستجد نعمة وتلقاه عامل أزمة الخبز في البلد وكمان مبهور ومفجوع كأنه ما شاف أكل في بيته.
قيل أن الفن رسالة ولكن ما هي رسالة هؤلاء للشعب السوداني؟؟
Post: #42 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-12-2020, 11:35 PM Parent: #1
وكمان معاه قلة أدب ومسخرة يا فخري قال شوف الولد يا مجاهد برهومي كان مسخرته في بنت وفخري في راجل وميادة تضحك يا سلام علي النجومية شرفتوتا ورفعتوا راسنا
Post: #43 Title: Re: أتفه برنامج حتي الآن ... نجوم في إسطنبول Author: بدر الدين الأمير Date: 05-13-2020, 06:17 AM Parent: #42
Post: #44 Title: Re: أتفه برنامج حتي الآن ... نجوم في إسطنبول Author: كمال عباس Date: 05-13-2020, 01:08 PM Parent: #43
تركيا ! نجوم في إسطنبول و
قناة طيبة! دقون من إستانبول ! " الجهاد " بالوكالة - التركي واللا متورك - ! يديرها عبد الحي باشا وتستضيف أنس بك الدفترار! والبك محمد عبد الكريم ! والعين علي الأسكندنافي الجزولي أفندي! - الصدر الأعظم أردوغان يشرف والوالي تميم بن حمد يمول... هذه الجوقة -العثمانية ترمي لإعادة عقارب الساعة للخلف في السودان وإستنساخ نظام الفساد والإستبدادي الإنقاذ
Post: #45 Title: Re: أتفه برنامج حتي الآن ... نجوم في إسطنبول Author: محمد مختار جعفر Date: 05-13-2020, 03:51 PM Parent: #44
سلام وتحية ، محمد محمد القاضي والمتداخلين ، حرصت أن أتابع التعليقات .. كل التعليقات أولا .. وبلا شك هجوم وهجوم كاسح وخاب ظني أن أجد رأيا واحدا يخالف هذه الرصَة من النقد، لهذا العمل ( نجوم في إستانبول ) فكرته جديدة ومبتكرة لعمل درامي خارج المألوف في سياق دردشة خفيفة غير محكمة بنص يقيد المشهد الدرامي، ومن حسن الطالع توافق زمنه معنا في دبي بفارق الوقت عند تناول إفطار رمضان حيث كان رفيقا ( لجك الحلومر) ، ذلك المشروب الخفيف الذى يختص بالهضم السريع وخاصة مع الدسم ، فكانت الحلقات بالنسبة لنا عامل هضم سريع في تنوع قفشاتها بمصاحبة الطرب وشئ من المباح الذي يقيده حذر الصوم طيلة اليوم ...، فلماذا هذا الرزازالمصاحب للأتربة غير الماطر من الهجوم .. ومن جانب آخر، واضح أن شركة بدر للطيران جعلت منها إعلانا مكثفا وهذا شي طبيعي لمن أسهم بتمويل الفكرة والمضمون ، أعتقد انها فرصة في الفن الدرامي لبعض ما أشركوا في هذه الرحلة بثوب درامي غير تقليدي .. وكل زاوية لها رؤيتها عند ناظرها ... وتحيتي / محمد مختارجعفر
Post: #46 Title: Re: أتفه برنامج حتي الآن ... نجوم في إسطنبول Author: mohmmed said ahmed Date: 05-13-2020, 04:28 PM Parent: #45
تحياتى الفنان محمد جعفر مع تقديرى لوجهه نظرك فإن وصف البرنامج بعمل درامى غير دقيق لا توجد دراما فى البرنامج حوارات خارج الاستديو فقط النقد الموضوعى للبرنامج يتناول اولا المجموعة المستضافة وكيف يتم تصنيفهم كنجوم مثلا غضب الصحراء وفخرى صاحب النكت غير المضحكة وداليا الياس شاعرة درجة تالتة وشاب اسمو برهومى قدم مشهد سخيف ومبتذل مع فتاة تركية
الناس بحسها السليم تعبر عن رأى سالب فى البرنامج
Post: #47 Title: Re: أتفه برنامج حتي الآن ... نجوم في إسطنبول Author: محمد مختار جعفر Date: 05-13-2020, 05:35 PM Parent: #46
مرحبا بك أخي البروف أستاذ المسرح ، mohmmed said لك عاطر التحيات ..
Post: #48 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-14-2020, 04:59 PM Parent: #1
الأعزاء الأفاضل بدر أبو لبيد كمال عباس محمد سيد أحمد محمد مختار شكرا لمروركم الكريم
Post: #49 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-14-2020, 05:11 PM Parent: #1
Quote: ولمن فاته الاستماع نقول هنالك شركة يقودها ثلاثة اخوان، الشركة اختارت حوالي (٣٠) شخصية سودانية لتسجيل برنامج تلفزيوني لصالح إحدى القنوات يبث خلال شهر رمضان .* الشركة هذه لا غبار عليها وأصحاب الشركة لا غبار عليهم فهم شباب ناجحين نتمنى لهم مزيد من التقدم .
Quote: واضح أن شركة بدر للطيران جعلت منها إعلانا مكثفا وهذا شي طبيعي لمن أسهم بتمويل الفكرة والمضمون
هل هناك علاقة بين القيادي بالمؤتمر اللاوطني المتوفيالشريف أحمد عمر بدر وشركة بدر للطيران ؟ ومن هم هؤلاء الإخوان التلاتة مالكي هذه الشركة؟علما أن هذا الشريف بدر تقلد منصب رئيس مجلس إدارة سودانير وكان وراء بيع خط هيثرو التابع لسودانير؟ أفيدونا يا ناس لجنة تفكيك التمكين.
Post: #50 Title: Re: أتفه برنامج حتي الآن ... نجوم في إسطنبول Author: جلالدونا Date: 05-14-2020, 06:07 PM Parent: #49
داليا الياس و هى ترحب بى رؤى فى فيديو فوق قالت ليها: رؤوية الككووية يعنى شنو ككووية
Post: #51 Title: Re: أتفه برنامج حتي الآن ... نجوم في إسطنبول Author: محمد محمد قاضي Date: 05-14-2020, 07:01 PM Parent: #1
سلامات يا جلال الظاهر والله أعلم يعني نظام بتدلعها بي كوكووية أنا لو في مكان رؤي كان دلعتها بي أٌرٌون تي هههههههه إنت عندك رأي.... فكها يا زول لا تخاف ههههه
Post: #52 Title: Re: أتفه برنامج حتي الآن ... نجوم في إسطنبول Author: حسام الدين حمودة Date: 05-15-2020, 02:23 AM Parent: #51
Quote: داليا الياس و هى ترحب بى رؤى فى فيديو فوق قالت ليها: رؤوية الككوويةيعنى شنو ككووية
ههههههههههههه ما عارف غايتو ،،، لكن الكلمة شكلها كده ما حلو ،،،، يعني يمكن قريبة من لقوية كده ولا يمكن عشان صغيرة وبتنطط هنا وهنا زي الككو كده ،،،
Post: #53 Title: Re: أتفه برنامج حتي الآن ... نجوم في إسطنبول Author: امتثال عبدالله Date: 05-15-2020, 02:42 AM Parent: #52
