الإعلام عامة والقنوات الفضائية خاصة في وادي والشعب في دنيا تانية. ما عارف فائدة مثل هذه البرامج بالنسبة للمشاهد السوداني شنو بالظبط في هذا الوقت بالذات والسواد الأعظم من الشعب يعاني من ضائقة إقتصادية وصحية يعلم بها أهل الإعلام أكثر من غيرهم؟ الفهم شنو؟
بالصدفة لقيت في اليوتيوب حلقة عن (نجم) قال إسمه أسامة جينكيز قال درس دراما قال، بيني وبين نفسي قلت هسع البتعملوا فيه إنتوا وناس سامين نفسهم (كوميديان) داير ليه دراسة؟ مجرد عبط وهبالة وعوارة ما أنزل الله بها من سلطان ... الله يكون في عون الشعب السوداني.
05-04-2020, 09:32 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
حبيبنا محمد تحياتي هذا البرنامج فيه قصور كبير لا فكرة لا فن .. إلخ حتى الجغرافيا غير متناسقة مع شخوص تصوير الحلقات في أماكن مفتوحة .. الناس في الشوارع تلاحظ فيهم الاستغراب ليتهم جلسوا داخل استوديوهات .. والكاميرا تدور حول اسطنبول وتنقل مناطر من المدينة أتخيل أن تكلفة البرنامج صرف خيالي ممكن اضعاف تكلفة ( أغاني وأغاني ) على ما اعتقد برعاية بدر للطيران .. بدون اي دراسة للتكلفة والجدوى
تحياتي الحبيب محمد ..
05-04-2020, 10:44 PM
Deng Deng
تاريخ التسجيل: 11-28-2002
مجموع المشاركات: 52548
أيوة يا أستاذنا علي ديل هم أكيد المستفيدين من ناحية سياحة وفنادق وحجوزات وخلافه بس بعد كورونا ده يكون أخدوا مقلب ... صدقني ولو بحثت وراهم بتلقي رجل أعمال كوز شايفك متابع قناة الشمالية عندهم برامج باللغات المحلية ولَ كله عربي دنقلا
05-05-2020, 06:54 AM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
قاضنتود رمضان كريم أويدك فيما ذكرته بخصوص تفاهة هذا البرتامج أو هذا التهريج بعدبن الوفد كله كوم ، والقصير بتاع خزانات تيقا داك كوم براهو انا ما عارف جابوهو من وين وماهي ميزته عشان يختاروه عضو للوفد ــ لو شفت الموبايل كيف والسمعات في الأضان ،، ولد دااااا !!!! دا كان مفروض يكون بتاع تسالي والأنسب ليه يبيع موية في المحظة الأوسطي ( يعني صفيحة وكوزين موية وبررررررد ) النموذج دا بالذات بوريك مدى تفاهة الإعلام عندنا في السودان
مرضونا الله يمرضهم
05-05-2020, 11:00 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
العرق دساس ... الناس جارية ورا تركيا فوق راي يا محمد القاضي النسوان ديل لابسين علم تركيا ليه ؟؟ https://top4top.io/
شكلة بين رجب طيب اوردغان وقولين دخلنا بيها شنو قال اعلام قح ت قال قحت لمة بلا مشروع ولا هوية ولو لون ولا طعم ولا راحة ووعيهم ما فايت مثلث الحمدي والكوز القصرية حاجة واحدة عروبيين مايو برضه منفصمين انت اصلا عندك مشروع ثورة ثقافية حقيقي عشان يكون عندك اعلام ((سوداني )) احسن الشروق مرت من هنا تعرفنا باهلنا في السودان اول حاجة
05-05-2020, 11:23 AM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8788
Quote: * ولمن فاته الاستماع نقول هنالك شركة يقودها ثلاثة اخوان، الشركة اختارت حوالي (٣٠) شخصية سودانية لتسجيل برنامج تلفزيوني لصالح إحدى القنوات يبث خلال شهر رمضان . * الشركة هذه لا غبار عليها وأصحاب الشركة لا غبار عليهم فهم شباب ناجحين نتمنى لهم مزيد من التقدم . * الغبار كان في اختيار بعض الشخصيات . * لا نقول كلهم ولكن البعض منهم ليس نجوما . * ثم إن الرحلة هذه كانت حافلة بالهبالة التي هي أقل درجة من العباطة . * اندهش (نجوم اسطانبول) من (نعيم اسطانبول) . * طبعا من الغباء أن تندهش عندما تشاهد طفلا في إنجلترا يتحدث الإنجليزية . * شافع انجليزي في إنجلترا بتكلم انجليزي … المدهش شنو في الحتة دي ؟ * والغباء الأكبر أن تخرج راسك من نافذة أحد فنادق العاصمة الفرنسية باريس ثم تقول : (الجو أوروبي عديل) . * والغباء المركب أن تذهب تركيا ثم تأتي وتحدثنا عن وفرة الرغيف وجمال الناس . * وما بين (خفة الدم) و(العباطة) شعرة رفيعة لا يحس بيها (العبيط) . * في الغالب العبيط يظن أنه ظريف بينما الظريف في العادة يكون خجولا . * ومشكلتنا نحن كسودانيين عندنا (عباطة جماعية)، لما نكون مجموعة مع بعض بنتعابط جدا . * لو داير تكره نفسك شوف ليك مجموعة من المراهقين ماشين رحلة . * تلقاهم لابسين (فنايل داخلية) ويكوركوا والما بشرب سجائر اليوم داك ح يشرب . * إحساس بحرية وكمية كبيرة من العباطة والدم التقيل والهبالة . * وللأمانة ما كنت أود الحديث عن (نجوم في اسطانبول) . * كنت اتحاشى الحديث عنهم وذلك لاعتبارات كثيرة أهمها أن عدد (النجوم في هذه الرحلة لا يتجاوز الثلاثة فقط) . * ثم إن عددا منهم تربطني به علاقة جيدة ولكن . * العلاقات الخاصة والجيدة لن تحدد مسار هذا القلم . * وحقيقة أصابني كثير من الحزن وأنا أشاهد رشاقة (فضيل) الممثل الذي أصاب نجاحا كبيرا وحصل على محبة الناس ولكنه ركب موجة (الاستظراف) وظهر يتراشق وشفته (وارمة) من حمل التمباك. * ما عارف ماذا كان يضير فضيل لو (تف السفة ودخل اللايف) ؟ * وهل فضيل الذي تجاوز الأربعين يرى أن سنه تسمح بالرشاقة والخفة؟ * أنا طبعا في اتنين ما بحب أتحدث عنهما لأن موهبتهما عرجاء وهما (فخري وداليا الياس) . * فخري مصنوع ومصطنع أما داليا الياس تجدني أعذرها لأنها تعلمت الشعر والصحافة بعد ما بقت كبيرة. * عشان كده داليا الياس بتسابق في الزمن عشان تكون شيئا مذكورا. * المهم . * سألت نفسي هل كانت العباطة ستكون حاضرة لو سحبنا بعض (نجوم اسطانبول) ودخلنا محلهم كل من (عصام محمد نور، سميرة دنيا، نضال حسن الحاج، خالد الصحافة) ؟ * لا طبعا. * شن جاب لجاب. * والله أنا استغرب هل كان يظن هؤلاء أن الرغيف في تركيا بالصف ؟ * قال الرغيف ده ادونا ليهو عشان نجدعوا للنوارس في البحر . * والله كونو تعرفي النوارس دي براها حاجة كويسة. * الهبل مشكلة .
05-10-2020, 07:14 AM
Mannan Mannan
تاريخ التسجيل: 05-29-2002
مجموع المشاركات: 6701
سلامات يا عمر سعيد ورمضان كريم عمود الصحفي محمد الطيب والله في السلك بس إن شاء الله ناس (الكوميديان والدراما) يقرأوا العمود ويبطلوا عباطتهم ورشاقتهم البايخة.
رمضان كريم يا محمد قسم الله النجوم ديل أصلا ما عندهم علاقة بالفن ولا بالتمثيل ولا بالدراما المحيرني مثلا المنتج، المخرج ، مدير التصوير ... الخ وباقي الناس العاملين في البرنامج أو حتي الشغالين في القنوات الفضائية ما شايفين العبط اللي نحن شايفنوا ولَ يبقي هم ذاتهم جزء من العبط ده ... غايتو فضيحة والله.
Quote: أسوأ برنامج وما عارف كيف القنوات دي بتبث أي حاجه مؤسف يلخصو ليك كل البلد ونجومه في هباله زي دي.
05-06-2020, 09:45 PM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 22959
ود القاضى كدى خلينا من الهردبيس دا وتعال شوف لينا حل مع ود القاضى2 الظهر فى المنبر خشيت بوست قايلك انت القى الاسم محمد احمد القاضى رجعت الصفحة الرئيسية لقيتك قاعد محمد محمد القاضى ونحن نظرنا بقى على قدرنا ومابنقدر على لخبطت الكيمان
05-06-2020, 09:51 PM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 22959
أوه أبو لبيد يا ود الأمير كل سنة إنت والنجمة والأمير والأهل طيبين وسالمين ثم يا أخي ما تلخبط الحكام والقضاة مع بعض وركز معاي فالقاضي اللي هو محمد محمد أحمد محمد القاضي ده زول مناضل كبير يعني بيكافح ضد الكيزان التماسيح الكبار وأنا يا دوب محمد محمد قاضي كنت معاك ضد أبو سن ومعتز قريش هههه
يا شباب فيصل محمد صالح ولقمان أحمد بعد شراب المويات في المغرب ما بيشوفوا البلاوي المعروضة في تلفزيونات السودان ولا عاجبهم السقافة التافهة والدراما البايخة دي؟
05-10-2020, 04:01 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
فعلا منتهى السخف والاستخفاف وقلة الادب واتفههم العجوزة المتصابية داليا الياس طالما هي معاهم وفي وسطهم مفروض يطلقوا على هذا البرنامج الممل اسم ( بهلول في اسطنبول) شىء مخجل
05-10-2020, 05:34 AM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
Quote: فعلا منتهى السخف والاستخفاف وقلة الادب واتفههم العجوزة المتصابية داليا الياس طالما هي معاهم وفي وسطهم مفروض يطلقوا على هذا البرنامج الممل اسم ( بهلول في اسطنبول) شىء مخجل
أنا متأكد يا أبو حميد كل البرامج تقريبا في كل القنوات بيكون بي نفس السخف والسماجة والعباطة وقلة الأدب رمضان كريم
05-10-2020, 06:41 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 22959
Quote: يا عادل عليك الله ركز شوية .. مين جاب سيرة قح ت هنا؟ الوسخ والقرف ده شغال ليه أكتر من 40 سنة وإعلام فاشل
إنت بس أطلع من تحت الجبة والقفطان وأكل الفتة وملأ الكرشان حتي لا تصيب بالغثيان والتعنصر علي الفلاتة والفولان عشان ديل من أصول السودان هههههه
شغال ليهة40 سنة بسبب الوعي الانت ما عايز تواجهو وعايز تتمسخر بس طيب لينا سنة في اعلام قح ت ونحن في نفس الفضا العروبي وتركيا وكده ليه ؟؟؟ الاتغير شنو لا الوعي ولا البرنامج وانا كلامي مؤسسة في البورد لمن يكون مخك ضيق وبليد ما تتمخسر ساكت المركز ده ياهودي ثقافته ما في ظاهرة بتجي من فراغ هسة لو شالو كمرتهم دي ولفو في السودان اقليم اقليم مش كان افيد وعمك عبدالحي يوسف نقل فضائيته كلها تركيا ليه ؟؟ دي اسما الحرب الناعمة تستطيح وعي الناس وتشويهو بي الاخوان المسلمين والسلفية بسبب اقليات في المركز علي حساب الاقاليم ما تجي تفتح بوست وتقعد تولول نرح من الدول دي بنرتاح طوالي مصر السعودية الامارات قطر تركيا الاتحاد الاوربي امريكا ودي دايرة وعي جديد يا مواطن ابعد من زحل
05-10-2020, 06:57 AM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
أبو لبيد إنتا بدل تصرف بركاوي للنجمة ما تشوف صحبك (العمدة خالي) في ياتو كوشة وباريه يمكن في كوشة في الرياض أحسن من كوشة إسطنبول إنتا السنة دي ما في إفطار بورداب ... الله يطراك بالخير يا معاوية الزبير.
05-10-2020, 06:53 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
Quote: فلوس الكوز المبلول فى أنقرة واستانبول وفيلم فشخرة البقرة فى مدينة أنقرة والهروب من النيل الى مضيق البسفور والدردنيل تمثيل ورجغان و اردوغان
آننقا السفير نور الدين مرحبا بيك حتي إذا بني كوز ما مسيطرين علي الإعلام والصحافة والسخافة فعقليتهم الكيزانية الخاوية من كل شيء مزروعة في كل مفاصل الدولة وإزالة التمكين ده لازم تزيل وتنضف العقول والإفكار قبل المناصب
05-10-2020, 07:05 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
حبيبنا محمد قاضنتود .. مودتي بصراحة برنامج لا يستحق المشاهدة في برنامج في غاية الجمال في قناة السودانية من الساعة 8 مساء بتوقيت السعودية .. يا سلام أفلام وثائقية السودان أيام التعداد سكان 11 مليون .. ناس جميلين ومرافق في غاية الروعة شاهدت مصنع التمور في كريمة في ذلك الزمان طبعا اليوم لا أثر له ناس انيقين في اللبس وحلاقة الشعر والسودانيات في منتهى الاناقة ( التوب الابيض ) برنامج يرجع بنا الى أيام الطفولة والشباب مبالغة ..
اسم البرنامج ((( الذاكــــــــــــــــرة الذهبيــــــــــــة )) )
تحياتي قاضنتود
05-10-2020, 07:11 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
شايف الشباب منزلين أكتر من بوست عن الطراطير في إسطنبول إن شاء مسؤولين قناة النيل الأزرق يسمعوا رأي المشاهدين والمتابعين لهذا المسخ المشوه ويوقفوا الكلام الفارغ ده باقي شهر رمضان ده بس نديكم نموذج من حلقات العباطة والعوارة عشان الكلام يكون واقعي:
هسع دي علاقتها بالفن والغناء شنو؟ غايتو لو شافت تعليقات ناس اليوتيوب يمكن تاني ما تغني (يا ود الأمير قالوا رؤي دي من إكتشافات أبو سن والمركز الثقافي ههههه)
05-10-2020, 11:20 PM
ترهاقا ترهاقا
تاريخ التسجيل: 07-04-2003
مجموع المشاركات: 8417
الأعزاء أستاذنا علي والموسيقار ترهاقا ليكم التحية والسلام لهبوط والتدني ضارب كل المجالات في حياتنا وللأسف الأسوأ في الفن عموم والمسرح وديل مقياس لنهضة ورقي الأمم ونحن ما زلنا نبكي علي الأطلال وأشياء زمان رغم التطور الكبير في علوم التكنولوجيا والإتصال من حولنا.
05-12-2020, 07:28 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
بدل الشيخ محمد الحكيم ما كان أخير ليهم الشيخ بتاع تبا لكم (هو أصلا قال خريج معهد الموسيقي والمسرح / قسم دراما) دين وكوميديا ودراما وتف تف وتف تبا لكم والله صحي
سلامات يا بتنا إمتثال ورمضان كريم ليك وللأميرات معاك عليك الله بس شوفي وإتفرجي في ده، يقولوا عليه شنو ده؟ الواحد فيهم حجمه ووزنه زي الفيل ومستجد نعمة وتلقاه عامل أزمة الخبز في البلد وكمان مبهور ومفجوع كأنه ما شاف أكل في بيته.
قيل أن الفن رسالة ولكن ما هي رسالة هؤلاء للشعب السوداني؟؟
05-12-2020, 11:35 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
قناة طيبة! دقون من إستانبول ! " الجهاد " بالوكالة - التركي واللا متورك - ! يديرها عبد الحي باشا وتستضيف أنس بك الدفترار! والبك محمد عبد الكريم ! والعين علي الأسكندنافي الجزولي أفندي! - الصدر الأعظم أردوغان يشرف والوالي تميم بن حمد يمول... هذه الجوقة -العثمانية ترمي لإعادة عقارب الساعة للخلف في السودان وإستنساخ نظام الفساد والإستبدادي الإنقاذ
05-13-2020, 03:51 PM
محمد مختار جعفر محمد مختار جعفر
تاريخ التسجيل: 11-15-2005
مجموع المشاركات: 4927
سلام وتحية ، محمد محمد القاضي والمتداخلين ، حرصت أن أتابع التعليقات .. كل التعليقات أولا .. وبلا شك هجوم وهجوم كاسح وخاب ظني أن أجد رأيا واحدا يخالف هذه الرصَة من النقد، لهذا العمل ( نجوم في إستانبول ) فكرته جديدة ومبتكرة لعمل درامي خارج المألوف في سياق دردشة خفيفة غير محكمة بنص يقيد المشهد الدرامي، ومن حسن الطالع توافق زمنه معنا في دبي بفارق الوقت عند تناول إفطار رمضان حيث كان رفيقا ( لجك الحلومر) ، ذلك المشروب الخفيف الذى يختص بالهضم السريع وخاصة مع الدسم ، فكانت الحلقات بالنسبة لنا عامل هضم سريع في تنوع قفشاتها بمصاحبة الطرب وشئ من المباح الذي يقيده حذر الصوم طيلة اليوم ...، فلماذا هذا الرزازالمصاحب للأتربة غير الماطر من الهجوم .. ومن جانب آخر، واضح أن شركة بدر للطيران جعلت منها إعلانا مكثفا وهذا شي طبيعي لمن أسهم بتمويل الفكرة والمضمون ، أعتقد انها فرصة في الفن الدرامي لبعض ما أشركوا في هذه الرحلة بثوب درامي غير تقليدي .. وكل زاوية لها رؤيتها عند ناظرها ... وتحيتي / محمد مختارجعفر
05-13-2020, 04:28 PM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8788
تحياتى الفنان محمد جعفر مع تقديرى لوجهه نظرك فإن وصف البرنامج بعمل درامى غير دقيق لا توجد دراما فى البرنامج حوارات خارج الاستديو فقط النقد الموضوعى للبرنامج يتناول اولا المجموعة المستضافة وكيف يتم تصنيفهم كنجوم مثلا غضب الصحراء وفخرى صاحب النكت غير المضحكة وداليا الياس شاعرة درجة تالتة وشاب اسمو برهومى قدم مشهد سخيف ومبتذل مع فتاة تركية
الناس بحسها السليم تعبر عن رأى سالب فى البرنامج
05-13-2020, 05:35 PM
محمد مختار جعفر محمد مختار جعفر
تاريخ التسجيل: 11-15-2005
مجموع المشاركات: 4927
Quote: ولمن فاته الاستماع نقول هنالك شركة يقودها ثلاثة اخوان، الشركة اختارت حوالي (٣٠) شخصية سودانية لتسجيل برنامج تلفزيوني لصالح إحدى القنوات يبث خلال شهر رمضان .* الشركة هذه لا غبار عليها وأصحاب الشركة لا غبار عليهم فهم شباب ناجحين نتمنى لهم مزيد من التقدم .
Quote: واضح أن شركة بدر للطيران جعلت منها إعلانا مكثفا وهذا شي طبيعي لمن أسهم بتمويل الفكرة والمضمون
هل هناك علاقة بين القيادي بالمؤتمر اللاوطني المتوفيالشريف أحمد عمر بدر وشركة بدر للطيران ؟ ومن هم هؤلاء الإخوان التلاتة مالكي هذه الشركة؟علما أن هذا الشريف بدر تقلد منصب رئيس مجلس إدارة سودانير وكان وراء بيع خط هيثرو التابع لسودانير؟ أفيدونا يا ناس لجنة تفكيك التمكين.
سلامات يا جلال الظاهر والله أعلم يعني نظام بتدلعها بي كوكووية أنا لو في مكان رؤي كان دلعتها بي أٌرٌون تي هههههههه إنت عندك رأي.... فكها يا زول لا تخاف ههههه
05-15-2020, 02:23 AM
حسام الدين حمودة حسام الدين حمودة
تاريخ التسجيل: 02-16-2020
مجموع المشاركات: 372
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد محمد قاضي
علي عبدالوهاب عثمان
Deng
سيف الدين محجوب
HAIDER ALZAIN
محمد قسم الله محمد
adil amin
mohmmed said ahmed
عمر سعيد علي
Mannan
بدر الدين الأمير
Ahmed Yassin
ترهاقا
كمال عباس
محمد مختار جعفر
جلالدونا
حسام الدين حمودة
فيس بوك
تويتر
انستقرام
يوتيوب
بنتيريست