♧ سُرادِقُ عزاءٍ لروحِ الراحِلَةِ المُقيمَة/ ثَقافة £

● قالو نقابة الخرفان ضاربة سرادق عام لإعلان العصيان المدني
و بالمرة لتلقي واجب العزاء في بعضها البعض. قال اتعهدو ليهن مع
مقاول تنظيم مآتم و فٍرشات يزودهم بكمية صيوانات، مع الأباريق
و شحنة دفارين كمامات و مناديل فاين لزوم المخاخيت و حاجات
تانية متل سكاكين لشقالجيوب و و براطيش للطم الخدود و كدي.

● فعلاَ كان مشهد تراجيدي حزين. شفنا عجباً عجاباً.أول شيء أهل البكا
ظاتم خشم بيوت: أجناس و أحجام و أشكال و ألوان. بدءاً بال(VIP) البيجي
الأنيق ، ستايل من النوع اليعني المفكر يدخل (سجل غينص) للأرقام القياسية.
(ضحية أولاد المصارين البيض، زي ناس جمال الوالي و لا فوق).. ثم هبوطاً إلى البروليتاريا الأبرق الهفتان بعيد من النوع عنك البحرجك مع نسابتك. زي واحد بجغور صومالي كدا منزوع الضنب ، ما يساوى خمسة قروش سمع سيدو يفاصل و يتمنى منى
في سعره قام اتنحنح نحنيحة خبيثة كدا، كناية عن قوله:"بيع يا منافق ليك الحق في
كل ما تنافق" أنت عارفني عندي أنيميا. و كمان عامل مثغفاتي بتابع (عزيزي المشاهد
على القناة القومية). برضو شفنا ليك فيهن المصاب بحمى ما قبل الضبح ، و آخر يقرأ بهستيريا في كتاب ( كيف تصبح حيواناً آخر، لأسامة السيد).لاحظنا بعضها عدواني
جداً و شكلو مهووس بلعبة ساس يسوس فهو مسوس شبه الخنزير أرييل شارون
اللي فضل مرمي معفن ليه 6 سنين كل يوم يقطعوا حتة من مرارتو لحدي ما
هلك غير مأسوفٍ على خلقتو (يستاهل دا حق صحايا صبرا و شاتيلا).

ود الأصيل/ aabersabeel
*****#####********