♧ سُرادِقُ عزاءٍ لروحِ الراحِلَةِ المُقيمَة/ ثَقافة £

(5/95)
كتب محمدااجزولي:
اهلاً بالغالي عابر سبيلنا /ود الأصيل.
++++++(خرفان في الصيوان)+++++
● ود الجزولي وينك يا صاحب يا حبيب؟!
و الله خايفين نفقدك أنت ظاتك و نتمني نشوفك
قريب.. و لا كمان أقول ليك حاجة تعال وكتين ما لقيت
ناس نملأ ليك صيوانك دا خرفان عدؤل!! هاه ، قلت إيش رأيك.
بس ما تستغرب أو تستهجن الفكرة فمنذ الآن فصاعداً و على مرمى
شيءٍ و شوياتٍ من عيد الخروف و بعدما ينصرف عننا وباء الكرونة
بمشيئة واحدٍ أحدَ ح تبدأ تتفشى حمى (الوادي المتصدع)ليس بين البهائم،
ل بين الناس، تحت وطأة اشتعال أسعار الخرفان الحرداناها السعودية دي.
هذه بطبيعة الحال، لمن قد يستطيع ( إليها سبيلاً) و أما اللي ما عندوش فما
يلزموش. عشان كدا قلنا من هسي نختف رجلنا نرجى ربنا في زريبة (الكريبة).
فقلنا ناخد شقة نشوف لينا عضة للضحية ؛ أي حاجة إن شاء راس نجيفة زول.
ففوجئنا بهيلمانة سادَّة عين الشمش . شنو آ ناس قالو : الغنم السنة مع الخريف
الفشنك و المسور الصافق دا ح تكون معلنة حداد عام . فقالو قامن اتفقن مع
الوالي القحاطي الجديد طبعن بعد إزالة تكمين الزاحف المتكوزن ( إيلا) .