اول من تنبأ بالكرونا الشعب السودانى

03:58 PM April, 11 2020

سودانيز اون لاين
بلدى يا حبوب-kahrtoum
مكتبتى
رابط مختصر

حما الله العالم عامة من وباء كرونا والسودان خاصة ومسمى كرونا لم يكون قريبا على الشارع السودانى وعلى سبيل المثال وانت جالس فى لورى مسافر فى ربوع السودان فجأة يتوقف اللورى ويطلب منكم السواق النزول لانو اللورى كسر كرونا وما على الركاب الا الذهاب الى اقرب شجرة وعمل حجر صحى من تداعيات كرونا وكما تعلمون لابد من ارسال العينه الى المعمل الميكانيكى لاقرب مدينة وقد تكون النتيجه سلبية او ايجابية والتى قد يطر الركاب المبيت تحت الشجرة او الاشجار وحتى يسلم الجميع من زوار الليل والزواحف وجب عليهم عمل ورديات لمنع السادة والسيدات المحجورين من التحرك فهنا الحجر يكون مسؤلية الجميع
ومثال اخر فى السوق واحد من السماسره ضرب ليه كوتة سمينة وحتى يسلم من المتابعة او العيون وجب عليه الحجر المنزلى ان كانت الغنيمة تحت اسم اللجان الشعبية ولكن متى كانت الضربة ماكوكية فوجب على صاحبها الحجر لدرجة العزل فيقول عليه الناس صاحبك ضارب كرونا بالبيت
الكرونا حتى فى تسميات سماسرة العربات وجدت مكانها ولكم فى كرونا الجيش خير مثال
مما يتضح ذكره وعلى ذمة البعض الكرونا عرفها السودان قبل ان تصبح وباء ضرب العالم وفقدنا فيه ارواح عديدة سلم الله عالمنا من الكرونا والسودان خاصة
الكرونا السودانية لم تكن قاتلة ولا مؤذية بل كانت مرتبطه بالترطيبة فى بعض الاحيان