توضيح من الأستاذة أسماء محمود محمد طه

Quote: تمت مشاركة ‏رابط‏ بواسطة ‏‎Somaia Hassan‎‏. مسؤول · ‏١٧‏ ساعة سؤال: هل الأستاذ محمود محمد طه بصلي الصلاة كاملة و هسي الليلة أدى الأربعة ركعات حقت العصر أو الظهر أم لا؟ سؤال من أحد الحضور: الأستاذ محمود محمد طه، وضح للحاضرين هنا في هذه الدار، اللبس الطرأ على الناس في حكاية أنو رفعت عنو الصلاة و اتكلم عنها كتير جداً جداً، ولا زال برضو في كتب في الخارج لأي واحد عشان يفهم الموضوع بتاع الصلاة (...).. نحن واثقين كل الثقة انو الأستاذ محمود أقنع عدد كبير جدا او تقريبا كلنا بالموضوع دي، لكن في أفتكر هنا هسى أخ هنا بسأل سؤال: هل الأستاذ محمود محمد طه بصلي الصلاة كاملة و هسي الليلة أدى الأربعة ركعات حقت العصر أو الظهر أم لا؟ النقطة دي (..) الأستاذ محمود، لكن من حق الإنسان الحاضر في هذه الدار و ال (..) المحاضرة دي و بالرغم من وجود الكتب الكتيرة دي و بالرغم من التوضيحات الوضحا الأستاذ محمود، حقو يجاوب على السؤال بتاع الأخ دي.. هل الأستاذ محمود بيصلي الأربعة ركعات و الليلة صلى الأربعة ركعات حقت الظهر و العصر أم لا؟ أفتكر السؤال دا بمنتهى البساطة .. يقول أاي أو لا؟ عشان يقنع على الأقل المستمع دي.. نحن مقتنعين لكن ايه المانع أنو الأستاذ يقنع الإنسان اللي جاء مخصوص من أجل دا و يحضر محاضرته . أاي ، ولا، لا؟ فنرجو من الأستاذ أن يجاوب على هذا الأخ اللي سأل السؤال دي و شكراً إجابة الأستاذ: أسمع.. هي ... لا، موش راح أطول عليك.. أنا ما صليت الظهر أربعة ركعات بالصورة ال إنت بتصليها، ولا قاعد أصليها.. دا الإجابة عليك بإيجاز في الموضوع دا.. لكن إنت إذا كنت عايز تفهم حقيقة دينك، الكلام أنا قلتو.. الكلام الأنا قلتو واضح للناس المقبلين بقلوبهم ليهو، لكن إذا كنت إنت فعلاً بتحاول أن تثير مسائل ما الغرض منها الفهم، ما بتجد غير انك بتواجه بأشياء تسوءك بس .. ف أنا لمن بشرح، عشان ما أرميك إنت في الفتنة.. أنا ما كان ممكن بإيجاز.. أنا مابقول الكلام الأنا البقولو، إنت ما جيت جبتني للمنصة دي عشان أتكلم، ما إنت إتسببت في أن نفتح نحن الدار دي و نتكلم عنها بإستمرار.. أنا لمن أجي للمنصة دي بجي لأن أقول للناس الحقايق بدون أي مواربة و أنا ماني خايف من أحد إطلاقاً.. فيبقى أنا لمن أشرح، لمن أشرح في الحقيقة رفق بيك إنت، فإنت حقو تحاول أن تفهم موش تحاول أن تثير الفتن البتضللك إنت و بتضلل غيرك.. أنا لو كنت جيت من قبيل وقلت ليكم مثلاً يا جماعة أنا ما قاعد أصلي، كليةً، ولا صلاة الدين ولا صلاة الشريعة، أنا ما قاعد أصلي، أنا بفتكر أنو ضللتكم، لو قلتها ليك بصورة ما فيها شرح وافي، برضو أنا ضللتك.. أنا حريص على أنو الكلام الأنا بقولو يسوقك للخير ما يسوقك للفتنة، من أجل دا شرحت.. فإنت لمن قام في بالك أنك إنت تجي تسأل من المنصة دي: محمود بصلي الظهر زي ما صلاهو في صلاتو الماضية؟ .. و يقوم في بالك أنو محمود ممكن يجي يقول ليك: و الله أنا صليتو.. تفتكر أني أنا بجي أقول ليك الكلام دا و أغشك؟.. لمن أنا أقول ليك أنا ما صليتو، تفتكر أنا بعتقد في نفسي أقولو ليك بإيجازبالصورة دي ، أني أنا نصحتك؟.. فأنا تعبت كل التعب، كتبت ليك الكتاب و شرحت ليك الأمر دا لأعصمك من أن تنفتن. أنا بصلي، الصلاة العايزا الله، الصلاة اللي ربنا جعل صلاة الشريعة الإنت بتصليها وسيلة ليها.. و إنت بتصليها ما وصلت للأمر المطلوب، و صلاتك ماها مقبولة عند الله... الأمر العليهو هسع الفضا كلو الأمر النحن في مشكلة عنو، أنو صلاتنا بقت صلاة بلا روح.. الأمر الأنا عايزو يرجع، ليك و للآخرين هو أن تكون الصلاة دي عندها روح.. الروح مودياك لي وين، هو ما إتكلمت ليك عنو- أنو الشريعة الجماعية، الحكمة وراها أن تسوقك إلى الشريعة الفردية في صلاتك و أنو نبينا صاحب شريعة فردية و في صلاتو الفردية جبريل كان دون أن يدرك المقام بتاع الصلاة الفردية.. الشرح دا كلو إن ما ادى عنك، خذ الإجابة عني، أنا ما صليت الظهر و ما بصليهو بالهيئة الإنت بتصليها و أنا عايزك أنك إنت تصلي الظهر و تصليهو بروح ليوصلك إلى مقام شريعتك الفردية لأنو دا مراد دينا. المصدر: محاضرة بيننا و بين محكمة الردة .. دار الحزب الجمهوري – ود مدني

https://top4top.io/
السودان ضاع ولا زال ضايع بن اهل الرجس الكيزان والسلفيين وبين اهل السفاهة الشيوعيين والناصريين والبعثيين