|
Re: ارجعوا لقراكم فهي افضل وقاية من كرونا! (Re: هشام هباني)
|
الحبيب هشام .. اثبت انك حقاً مناضل والوطن في دواخلك أترك اي موضوع في سودانيز وركز على البوست لأن ما طرحته هي مشكلة كبيرة نشعر بها في القرى البعيدة .. أنا دائما أقول نحن شعب غير منتج كان زمان أيام آباءنا الترابلة .. اليوم نحن ناس الكسب السهل ( easy money ) سمسرة واسطة ولف ودوران ... إلخ حتى هنا عندنا في السعودية مئات السودانيين يبحثون عن الكسب السهل .. لا نجد بينهم عمالة مهرة ( بناء ، سباك ، كهربائي ، ديكور ... الخ ) نجلس في القهاوي حتى نجد عمل سهل ومربح ( كلنا كده ) ولا استثني نفسي
كنا زمان نرجع من المدرسة نرعى البهايم نحش القض نرفع التكناد ندور الساقية حتى ونحن معلمين كنا نشارك في اعمال الساقية
اليوم أهلنا في الخرطوم كراسي امام البيوت .. ضمنة وكوتشينة منتظرين حوالات الابناء من المهجر حتى صاروا عبء عليهم .. وهناك السواقي خالية تخيل امنية كل واحد بناء بيت في الخرطوم .. وحسب ما سمعت من خبير ا قتصادي تجميد المال في العقار والارض ضياع للبلد
والقرى لم تعد كالسابق فيها مدارس ومستوصفات وغيرها ( بجهد ابنائها ) بالعون الذاتي اخوانا الصعايدة من زمان يأتوا ويزرعوا وينتجوا بكميات كبيرة .. أين نحن
الحبيب هشام البوست ده مهم لازم نعترف ونلوم نفسنا وننتقد سلوكنا ونواجه بعضنا بكل شجاعة بدل نقول الحكومة ، زمان آباءنا حتى السودان ما كان يعرفوه ..فقط سواقي وانتاج ===================== اليوم عندنا في بلد في آخر الدنيا ورش عمل .. واجتماعات عن الكورونا .. صياح وخطب .. حكاية التجمعات دي بقت من المواضيع الهالكة ( قاتل الله الكيزان ) في قرية نائية .. مكبرات صوت وخطب وغناء ومحاضرات ما عارف الكراسي وصالونات وباقات زهور وكاميرات قناة الشمالية ما تقصر .. صرف وبذخ في الفاضي ( الممارسة دي من موروثات الكيزان )
كنت اتمنى أن يأتي لهذا البوست ناس متخصصين ليشرحوا لنا هذا السلوك وكيفية علاجه
كلامنا ده .. فقط ننقل ما نشاهده او نمارسه أنا واخواني ومن اعرفهم ومعظم الوطن ولكن ليس لدينا عمق وتخصص لتأصيل الموضوع ..
الحبيب هشام دي مشكلتنا الاساسية وبدونها لو حكمنا مهاتير محمد لن نجد حل
مثال عندما نجحت الثورة كان المفروض شعار انتاجي مثلا ( مليون شجرة هشاب ) ممكن بعد سنوات قليل تؤتي انتاج هائل .. بدلاً المهرجات والمليونيات
الحبيب هشام معليش طولت عليك .. ولكن البوست يستحق .. ليت كل واحد يأتي برأيه
|
|
|
|
|
|
|
العنوان |
الكاتب |
Date |
ارجعوا لقراكم لتصير corona صديقة ااا! | هشام هباني | 03-26-20, 11:58 AM |
Re: ارجعوا لقراكم فهي افضل وقاية من كرونا! | Shawgi Sulaiman | 03-26-20, 12:08 PM |
Re: ارجعوا لقراكم فهي افضل وقاية من كرونا! | هشام هباني | 03-26-20, 12:17 PM |
Re: ارجعوا لقراكم فهي افضل وقاية من كرونا! | هشام هباني | 03-26-20, 12:09 PM |
Re: ارجعوا لقراكم فهي افضل وقاية من كرونا! | طلحة عبدالله | 03-26-20, 12:32 PM |
Re: ارجعوا لقراكم فهي افضل وقاية من كرونا! | Kostawi | 03-26-20, 12:36 PM |
Re: ارجعوا لقراكم فهي افضل وقاية من كرونا! | علي عبدالوهاب عثمان | 03-26-20, 01:23 PM |
Re: ارجعوا لقراكم فهي افضل وقاية من كرونا! | هشام هباني | 03-26-20, 03:12 PM |
Re: ارجعوا لقراكم فهي افضل وقاية من كرونا! | منتصر عبد الباسط | 03-26-20, 01:27 PM |
Re: ارجعوا لقراكم فهي افضل وقاية من كرونا! | هشام هباني | 03-26-20, 03:17 PM |
Re: ارجعوا لقراكم فهي افضل وقاية من كرونا! | هشام هباني | 03-26-20, 02:57 PM |
Re: ارجعوا لقراكم فهي افضل وقاية من كرونا! | هشام هباني | 03-26-20, 05:16 PM |
Re: ارجعوا لقراكم فهي افضل وقاية من كرونا! | هشام هباني | 03-26-20, 05:31 PM |
Re: ارجعوا لقراكم فهي افضل وقاية من كرونا! | علي عبدالوهاب عثمان | 03-26-20, 06:22 PM |
Re: ارجعوا لقراكم فهي افضل وقاية من كرونا! | هشام هباني | 03-26-20, 06:37 PM |
Re: ارجعوا لقراكم فهي افضل وقاية من كرونا! | هشام هباني | 03-26-20, 07:26 PM |
Re: ارجعوا لقراكم فهي افضل وقاية من كرونا! | Gafar Bashir | 03-26-20, 07:41 PM |
Re: ارجعوا لقراكم فهي افضل وقاية من كرونا! | هشام هباني | 03-26-20, 08:13 PM |
Re: ارجعوا لقراكم فهي افضل وقاية من كرونا! | adil amin | 03-27-20, 03:29 AM |
Re: ارجعوا لقراكم فهي افضل وقاية من كرونا! | طلحة عبدالله | 03-27-20, 09:23 PM |
Re: ارجعوا لقراكم لتصير corona صديقة ااا! | Fatima Alhaj | 03-27-20, 09:40 PM |
|
|
|