|
Re: سودان ما بعد الكورونا (Re: دفع الله ود الأصيل)
|
أيواااا تليك ! انت كده يا ود الاصيل جبت الرايحة من خشم الثورة (انثي الثور عشان مافي زول ينطقها بقرة، ايوااا تليك دي زمان كنا بنقولها كتير، بس لشنو ومعناتا شنو ماعارف، المهم... ) بالنسبة للمجال الصحي انا اتحاشيت الحديث عنه لانه لسه ما اتضحت معالمها من ناحية الكرونا، نحن شعب موبوء بالملاريا والدسنتاريا والكوليرا وأمراض ما انزل الله بها من سلطان، أمراض انقرض فيروسها في كل دول العالم المتحضر فلا تكاد تسمع بالملاريا الا وتتذكر السودان وما جاوره، ونحن حواضن للفيروسات الصغنتوتة دي بس، نحن حواضن ومتعايشين مع حاملات هذه الفيروسات والبكتريا والاميبا وحشر أولئك جميعا من ذباب وبعوض وجندب وخنفسان.. نحن المستشفياتنا الكبيرة عاملة زي شفخانة جدي امحمد لما كان بسوي جبيرة (الطاب) ويعالج الغضروف بالحبل والاسهال بالقرض والحلبة.. َرغم ذلك اقول ان المستقبل أمامنا اذا ختتنا هذه الكورونا وخلتنا في حالنا.. إذا جاتنا فالروب كال حماد، وإذا استمر الحال على هذا الطهر والنقاء السماوي علينا فالسودان سيكون مصدر الدواء والعلاج، والدواء ده انت قايلو شنو يا و الحيشان، مو حبة قرض مجروش مع شرشة صفقة نيم مع شوية مسحوق عرديب في كبسولة، وامال انت قايلو مر كده ليه؟ الخواجات يخموا في حاجاتنا المحلية دي ويموصوها في فتيل ويصدروها لينا على اساس انها دواء ملاريا ولا دسنتاريا، الميكروب يضوقها ومن مرارتها يجيهو هبوط واسمك ويروح في داهية، ونحن لو جربنا مدغناها من امها ياها نفس النتيجة.. ونواصل.
|
|
|
|
|
|
|
العنوان |
الكاتب |
Date |
سودان ما بعد الكورونا | عمر التاج | 03-25-20, 10:37 AM |
Re: سودان ما بعد الكورونا | دفع الله ود الأصيل | 03-25-20, 12:17 PM |
Re: سودان ما بعد الكورونا | عمر التاج | 03-25-20, 01:06 PM |
Re: سودان ما بعد الكورونا | دفع الله ود الأصيل | 03-25-20, 01:49 PM |
Re: سودان ما بعد الكورونا | عمر التاج | 03-25-20, 03:10 PM |
Re: سودان ما بعد الكورونا | اخلاص عبدالرحمن المشرف | 03-25-20, 03:17 PM |
Re: سودان ما بعد الكورونا | دفع الله ود الأصيل | 03-25-20, 06:32 PM |
Re: سودان ما بعد الكورونا | عمر التاج | 03-25-20, 08:50 PM |
Re: سودان ما بعد الكورونا | عمر التاج | 03-27-20, 05:59 PM |
Re: سودان ما بعد الكورونا | عمر التاج | 03-28-20, 11:39 AM |
Re: سودان ما بعد الكورونا | عمر التاج | 04-11-20, 03:00 PM |
Re: سودان ما بعد الكورونا | عمر التاج | 04-12-20, 09:56 AM |
Re: سودان ما بعد الكورونا | عمر التاج | 04-13-20, 06:38 PM |
Re: سودان ما بعد الكورونا | عمر التاج | 04-14-20, 03:59 PM |
|
|
|