|
|
 Re: الحرية والتغيير تعاني من انتقاد منسوبيها (Re: nour tawir)
|
| Quote: ضعف أداء الحكومة ، وعدم تمكنها من تحقيق تقدم في الملفات الرئيسية التي تقع على عاتقها |
ياهو ده سبب الانتقاد وبلا رتوش وكترة كلام ..
والامر ماحيقيف على الانتقاد وبس ..
أما بقية اسبابك ياسلك فهي تمومة جرتق ساي
لو تجاوزت النقطة دي البقية حتتحل أولردي
عموما يُحمد لك موقفك ده
فانت اخير من المكابرين
والبعض اللسه واقفين في محطة الثورية ..
وتسقط بس وصابنها ..
ديك مراحل عدت وانتهت حين وصلت للحكم
الآن دي مرحلة مختلفة خالص ..
أمامك ملفات دولة عايزة عمل بلا هتافية ..
والبحث عن شماعات لتعليق الفشل ..
تواجه مشكلتك وتعترف بيها ..
أكيد حتلقى ليها حل ..
تدفن راسك في الرمال وتقعد تنظّر كتير ..
وتلف وتدور وتتهرب من الاعتراف بي المشكلة الواقع فيها
لي يوم يبعثون ما حتلقى ليها حل ..
والناس حتتجاوزك وما حتتوقف ..
في نفس محطتك الانت واقف فيها ..
لأنه ببساطة ماحتقدر تغبّش الصورة
الواضحة وباينه قدام الناس الشايفنها بكل وضوح
التحية للراكز خالد سلك وكل من يقف موقفه هذا ..
هو ليس جلد للذات أو محاولة لإفشال الثورة ..
كما يعتقد السطحيون والهاتفيون ..
لكن بحث عن حلول والتحرك للأمام من محطة قف دي ..
والبحث عن فرص النجاح والهروب من الفشل ..
|
|
 
|
|
|
|
|
| |
جمال ود القوز
فيس بوك
تويتر
انستقرام
يوتيوب
بنتيريست